༣༠༡. ཙཱུ་ལ༹་ཀཱ་ལི་ངྒ་ཛཱ་ཏ་ཀཾ (༤-༡-༡)

༡. ཝི་ཝ་ར་ཐི་མཱ་སཾ [ཝི་ཝ་ར་ཐ ཨི་མཱ་སཾ (སཱི. སྱཱ. པཱི.)] དྭཱ་རཾ, ན་ག་རཾ པ་ཝི་ས་ནྟུ [པ་ཝི་སི་ཏུཾ མ་ཡཱ; (ཀ.)] ཨ་རུ་ཎ་རཱ་ཛ་སྶ;

སཱི་ཧེ་ན སུ་སི་ཊྛེ་ན, སུ་ར་ཀྑི་ཏཾ [སུ་ས་ཏྠེ་ན, སུ་ར་ཀྑི་ཏཾ (སཱི. པཱི.), སུ་སི་ཊྛེ་ན (ཀ.)] ན་ནྡི་སེ་ནེ་ན.

༢. ཛ་ཡོ ཀ་ལི་ངྒཱ་ན་མ་ས་ཡ྄ཧ་སཱ་ཧི་ནཾ, པ་རཱ་ཛ་ཡོ ཨ་ན་ཡོ [ཨ་ཛ་ཡོ (སྱཱ.), ཨ་ནྭི་ཏོ (ཀ.)] ཨ་སྶ་ཀཱ་ནཾ;

ཨི་ཙྩེ་ཝ ཏེ བྷཱ་སི་ཏཾ བྲ་ཧྨ་ཙཱ་རི, ན ཨུ་ཛྫུ་བྷཱུ་ཏཱ ཝི་ཏ་ཐཾ བྷ་ཎ་ནྟི.

༣. དེ་ཝཱ མུ་སཱ་ཝཱ་ད་མུ་པཱ་ཏི་ཝ་ཏྟཱ, ས་ཙྩཾ དྷ་ནཾ པ་ར་མཾ ཏེ་སུ [ཏ་ཐཾ པེ་མ་ཀ་རཾ ནུ (ཀ.), ཏ་ཐཾ པ་ར་མཾ ཀ་རཾ ནུ (སྱཱ.)] ས་ཀྐ;

ཏཾ ཏེ མུ་སཱ བྷཱ་སི་ཏཾ དེ་ཝ་རཱ་ཛ, ཀིཾ ཝཱ པ་ཊི་ཙྩ མ་གྷ་ཝཱ མ་ཧི་ནྡ.

༤. ན་ནུ ཏེ སུ་ཏཾ བྲཱ་ཧྨ་ཎ བྷ་ཉྙ་མཱ་ནེ, དེ་ཝཱ ན ཨི་སྶ་ནྟི པུ་རི་ས་པ་ར་ཀྐ་མ་སྶ;

ད་མོ ས་མཱ་དྷི མ་ན་སོ ཨ་བྷེ་ཛྫོ [ཨ་དེ་ཛྫོ (སཱི. པཱི.), ཨ་བྷི་ཛྫོ (ཀ.)], ཨ་བྱ་གྒ་ཏཱ ནི་ཀྐ་མ་ན་ཉྩ [ནི་ཀྑ་མ་ན་ཉྩ (སཱི.)] ཀཱ་ལེ;

ད་ལ༹ྷ་ཉྩ ཝི་རི་ཡཾ པུ་རི་ས་པ་ར་ཀྐ་མོ ཙ, ཏེ་ནེ་ཝ ཨཱ་སི ཝི་ཛ་ཡོ ཨ་སྶ་ཀཱ་ན་ནྟི.

ཙཱུ་ལ༹་ཀཱ་ལི་ངྒ་ཛཱ་ཏ་ཀཾ པ་ཋ་མཾ.