༥༤༦. ཝི་དྷུ་ར་ཛཱ་ཏ་ཀཾ (༩)
དོ་ཧ་ལ༹་ཀ་ཎྜཾ
༡༣༤༦. ‘‘པ་ཎྜུ ཀི་སི་ཡཱ་སི དུ་བྦ་ལཱ, ཝ་ཎྞ་རཱུ་པཾ [ཝ་ཎྞ་རཱུ་པེ (ཀ.)] ན་ཏ་ཝེ་དི་སཾ པུ་རེ;
ཝི་མ་ལེ ཨ་ཀྑཱ་ཧི པུ་ཙྪི་ཏཱ, ཀཱི་དི་སཱི ཏུ་ཡ྄ཧཾ ས་རཱི་ར་ཝེ་ད་ནཱ’’.
༡༣༤༧. ‘‘དྷ་མྨོ མ་ནུ་ཛེ་སུ མཱ་ཏཱི་ནཾ [མཱ་ཏི་ནཾ (སཱི. པཱི.)], དོ་ཧ་ལོ༹ ནཱ་མ ཛ་ནི་ནྡ ཝུ་ཙྩ་ཏི;
དྷ་མྨཱ་ཧ་ཏཾ ནཱ་ག་ཀུ་ཉྫ་ར, ཝི་དྷུ་ར་སྶ ཧ་ད་ཡཱ་བྷི་པ་ཏྠ་ཡེ’’.
༡༣༤༨. ‘‘ཙ་ནྡཾ ཁོ ཏྭཾ དོ་ཧ་ལཱ༹་ཡ་སི, སཱུ་རི་ཡཾ ཝཱ ཨ་ཐ ཝཱ་པི མཱ་ལུ་ཏཾ;
དུ་ལླ་བྷ་ཉྷི [དུ་ལླ་བྷེ (སཱི. པཱི.)] ཝི་དྷུ་ར་སྶ ད་སྶ་ནཾ [ད་སྶ་ནེ (སཱི. པཱི.)], ཀོ ཝི་དྷུ་ར་མི་དྷ མཱ་ན་ཡི་སྶ་ཏི’’.
༡༣༤༩. ‘‘ཀི་ནྣུ ཏཱ་ཏ ཏུ་ཝཾ པ་ཛ྄ཛྷཱ་ཡ་སི, པ་དུ་མཾ ཧ་ཏྠ་ག་ཏཾ་ཝ ཏེ མུ་ཁཾ;
ཀི་ནྣུ དུ་མྨ་ན་རཱུ་པོ་སི ཨི་སྶ་ར, མཱ ཏྭཾ སོ་ཙི ཨ་མི་ཏྟ་ཏཱ་པ་ན’’.
༡༣༥༠. ‘‘མཱ་ཏཱ ཧི ཏ་ཝ ཨི་ར་ནྡྷ་ཏི [ཨི་ར་ནྡ་ཏི (སཱི. སྱཱ. པཱི.)], ཝི་དྷུ་ར་སྶ ཧ་ད་ཡཾ དྷ་ནི་ཡ་ཏི;
དུ་ལླ་བྷ་ཉྷི ཝི་དྷུ་ར་སྶ ད་སྶ་ནཾ, ཀོ ཝི་དྷུ་ར་མི་དྷ མཱ་ན་ཡི་སྶ་ཏི’’.
༡༣༥༡. ‘‘ཏ་སྶ བྷ་ཏྟུ་པ་རི་ཡེ་ས་ནཾ [བྷ་ཏྟུ་པ་རི་ཡེ་ས་ནཾ (སཱི. པཱི.)] ཙ་ར, ཡོ ཝི་དྷུ་ར་མི་དྷ མཱ་ན་ཡི་སྶ་ཏི’’;
‘‘པི་ཏུ་ནོ ཙ སཱ སུ་ཏྭཱ་ན ཝཱ་ཀྱཾ, ར་ཏྟིཾ ནི་ཀྑ་མྨ ཨ་ཝ་སྶུ་ཏིཾ ཙ་རི’’.
༡༣༥༢. ‘‘ཀེ ག་ནྡྷ་བྦེ ར་ཀྑ་སེ ཙ ནཱ་གེ, ཀེ ཀི་མྤུ་རི་སེ ཙཱ་པི མཱ་ནུ་སེ;
ཀེ པ་ཎྜི་ཏེ ས་བྦ་ཀཱ་མ་ད་དེ [ས་བྦ་ཀཱ་མ་དེ (སཱི. པཱི.)], དཱི་གྷ་ར་ཏྟཾ བྷ་ཏྟཱ མེ བྷ་ཝི་སྶ་ཏི’’.
༡༣༥༣. ‘‘ཨ་སྶཱ་ས ཧེ་སྶཱ་མི ཏེ པ་ཏི, བྷ་ཏྟཱ ཏེ ཧེ་སྶཱ་མི ཨ་ནི་ནྡ་ལོ་ཙ་ནེ;
པ་ཉྙཱ ཧི མ་མཾ ཏ་ཐཱ་ཝི་དྷཱ, ཨ་སྶཱ་ས ཧེ་སྶ་སི བྷ་རི་ཡཱ མ་མ.
༡༣༥༤. ‘‘ཨ་ཝ་ཙཱ་སི པུ་ཎྞ་ཀཾ ཨི་ར་ནྡྷ་ཏཱི [ཨི་ར་ནྡ་ཏཱི (སཱི. པཱི.)], པུ་བྦ་པ་ཐཱ་ནུ་ག་ཏེ་ན ཙེ་ཏ་སཱ;
ཨེ་ཧི ག་ཙྪཱ་མ པི་ཏུ མ་མ་ནྟི་ཀེ [པི་ཏུ མ་མ ས་ནྟི་ཀཾ (ཀ.)], ཨེ་སོ་ཝ ཏེ ཨེ་ཏ་མ་ཏྠཾ པ་ཝ་ཀྑ་ཏི.
༡༣༥༥. ‘‘ཨ་ལ་ངྐ་ཏཱ སུ་ཝ་ས་ནཱ, མཱ་ལི་ནཱི ཙ་ནྡ་ནུ་སྶ་དཱ;
ཡ་ཀྑཾ ཧ་ཏྠེ ག་ཧེ་ཏྭཱ་ན, པི་ཏུ་ས་ནྟི་ཀུ་པཱ་ག་མི’’.
༡༣༥༦. ‘‘ནཱ་ག་ཝ་ར ཝ་ཙོ སུ་ཎོ་ཧི མེ, པ་ཏི་རཱུ་པཾ པ་ཊི་པ་ཛྫ སུ་ངྐི་ཡཾ;
པ་ཏྠེ་མི ཨ་ཧཾ ཨི་ར་ནྡྷ་ཏིཾ, ཏཱ་ཡ ས་མ་ངྒིཾ ཀ་རོ་ཧི མཾ ཏུ་ཝཾ.
༡༣༥༧. ‘‘ས་ཏཾ ཧ་ཏྠཱི ས་ཏཾ ཨ་སྶཱ, ས་ཏཾ ཨ་སྶ་ཏ་རཱི་ར་ཐཱ;
ས་ཏཾ ཝ་ལ་བྷི་ཡོ པུ་ཎྞཱ, ནཱ་ནཱ་ར་ཏྣ་སྶ ཀེ་ཝ་ལཱ;
ཏེ ནཱ་ག པ་ཊི་པ་ཛྫ་སྶུ, དྷཱི་ཏ་རཾ དེ་ཧི་ར་ནྡྷ་ཏིཾ’’.
༡༣༥༨. ‘‘ཡཱ་ཝ ཨཱ་མ་ནྟ་ཡེ ཉཱ་ཏཱི, མི་ཏྟེ ཙ སུ་ཧ་ད་ཛྫ་ནེ [སུ་ཧ་དཾ་ཛ་ནཾ (སཱི. པཱི.)];
ཨ་ནཱ་མ་ནྟ ཀ་ཏཾ ཀ་མྨཾ, ཏཾ པ་ཙྪཱ ཨ་ནུ་ཏ་པྤ་ཏི’’.
༡༣༥༩. ཏ་ཏོ སོ ཝ་རུ་ཎོ ནཱ་གོ, པ་ཝི་སི་ཏྭཱ ནི་ཝེ་ས་ནཾ;
བྷ་རི་ཡཾ ཨཱ་མ་ནྟ་ཡི་ཏྭཱ་ན, ཨི་དཾ ཝ་ཙ་ན་མ་བྲ་ཝི.
༡༣༦༠. ‘‘ཨ་ཡཾ སོ པུ་ཎྞ་ཀོ ཡ་ཀྑོ, ཡཱ་ཙ་ཏཱི མཾ ཨི་ར་ནྡྷ་ཏིཾ;
བ་ཧུ་ནཱ ཝི་ཏྟ་ལཱ་བྷེ་ན, ཏ་སྶ དེ་མ པི་ཡཾ མ་མཾ’’.
༡༣༦༡. ‘‘ན དྷ་ནེ་ན ན ཝི་ཏྟེ་ན, ལ་བྦྷཱ ཨ་མྷཾ ཨི་ར་ནྡྷ་ཏཱི;
ས་ཙེ ཙ ཁོ ཧ་ད་ཡཾ པ་ཎྜི་ཏ་སྶ, དྷ་མྨེ་ན ལ་དྡྷཱ ཨི་དྷ མཱ་ཧ་རེ་ཡྻ;
ཨེ་ཏེ་ན ཝི་ཏྟེ་ན ཀུ་མཱ་རི ལ་བྦྷཱ, ནཱ་ཉྙཾ དྷ་ནཾ ཨུ་ཏྟ་རི པ་ཏྠ་ཡཱ་མ’’.
༡༣༦༢. ཏ་ཏོ སོ ཝ་རུ་ཎོ ནཱ་གོ, ནི་ཀྑ་མི་ཏྭཱ ནི་ཝེ་ས་ནཱ;
པུ་ཎྞ་ཀཱ་མ་ནྟ་ཡི་ཏྭཱ་ན, ཨི་དཾ ཝ་ཙ་ན་མ་བྲ་ཝི.
༡༣༦༣. ‘‘ན དྷ་ནེ་ན ན ཝི་ཏྟེ་ན, ལ་བྦྷཱ ཨ་མྷཾ ཨི་ར་ནྡྷ་ཏཱི;
ས་ཙེ ཏུ་ཝཾ ཧ་ད་ཡཾ པ་ཎྜི་ཏ་སྶ, དྷ་མྨེ་ན ལ་དྡྷཱ ཨི་དྷ མཱ་ཧ་རེ་སི;
ཨེ་ཏེ་ན ཝི་ཏྟེ་ན ཀུ་མཱ་རི ལ་བྦྷཱ, ནཱ་ཉྙཾ དྷ་ནཾ ཨུ་ཏྟ་རི པ་ཏྠ་ཡཱ་མ’’.
༡༣༦༤. ‘‘ཡཾ པ་ཎྜི་ཏོ་ཏྱེ་ཀེ ཝ་ད་ནྟི ལོ་ཀེ, ཏ་མེ་ཝ བཱ་ལོ་ཏི པུ་ནཱ་ཧུ ཨ་ཉྙེ;
ཨ་ཀྑཱ་ཧི མེ ཝི་པྤ་ཝ་ད་ནྟི ཨེ་ཏྠ, ཀཾ པ་ཎྜི་ཏཾ ནཱ་ག ཏུ་ཝཾ ཝ་དེ་སི’’.
༡༣༦༥. ‘‘ཀོ་ར་བྱ་རཱ་ཛ་སྶ དྷ་ན་ཉྩ་ཡ་སྶ [དྷ་ན་ཉྫ་ཡ་སྶ (སཱི. སྱཱ. པཱི.)], ཡ་དི ཏེ སུ་ཏོ ཝི་དྷུ་རོ ནཱ་མ ཀ་ཏྟཱ;
ཨཱ་ནེ་ཧི ཏཾ པ་ཎྜི་ཏཾ དྷ་མྨ་ལ་དྡྷཱ, ཨི་ར་ནྡྷ་ཏཱི པ་ད་ཙ་རཱ [པ་དྡྷ་ཙ་རཱ (སཱི. པཱི.), པ་ཊྛ་ཙ་རཱ (སྱཱ. ཀ.)] ཏེ ཧོ་ཏུ.
༡༣༦༦. ‘‘ཨི་ད་ཉྩ སུ་ཏྭཱ ཝ་རུ་ཎ་སྶ ཝཱ་ཀྱཾ, ཨུ་ཊྛཱ་ཡ ཡ་ཀྑོ པ་ར་མ་པྤ་ཏཱི་ཏོ;
ཏ་ཏྠེ་ཝ ས་ནྟོ པུ་རི་སཾ ཨ་སཾ་སི, ཨཱ་ནེ་ཧི ཨཱ་ཛ་ཉྙ་མི་དྷེ་ཝ ཡུ་ཏྟཾ.
༡༣༦༧. ‘‘ཛཱ་ཏ་རཱུ་པ་མ་ཡཱ ཀ་ཎྞཱ, ཀཱ་ཙ་མྷི་ཙ་མ་ཡཱ [ཀཱ་ཙ་མྷ་མ་ཡཱ (སཱི.), ཀཱ་ཙ་མྦྷ་མ་ཡཱ (པཱི.)] ཁུ་རཱ;
ཛ་མྦོ་ན་ད་སྶ པཱ་ཀ་སྶ, སུ་ཝ་ཎྞ་སྶ ཨུ་ར་ཙྪ་དོ’’.
༡༣༦༨. ‘‘དེ་ཝ་ཝཱ་ཧ་ཝ་ཧཾ ཡཱ་ནཾ, ཨ་སྶ་མཱ་རུ་ཡ྄ཧ པུ་ཎྞ་ཀོ;
ཨ་ལ་ངྐ་ཏོ ཀ་པྤི་ཏ་ཀེ་ས་མ་སྶུ, པ་ཀྐཱ་མི ཝེ་ཧཱ་ཡ་ས་མ་ནྟ་ལི་ཀྑེ [ཨ་ནྟ་ལི་ཀྑཾ (ཀ.)].
༡༣༦༩. ‘‘སོ པུ་ཎྞ་ཀོ ཀཱ་མ་རཱ་གེ་ན [ཀཱ་མ་ཝེ་གེ་ན (སཱི. པཱི.)] གི་དྡྷོ, ཨི་ར་ནྡྷ་ཏིཾ ནཱ་ག་ཀ་ཉྙཾ ཛི་གཱི་སཾ [ཛི་གིཾ་སཾ (སཱི. སྱཱ. པཱི.)];
ག་ནྟྭཱ་ན ཏཾ བྷཱུ་ཏ་པ་ཏིཾ ཡ་ས་སྶིཾ, ཨི་ཙྩ་བྲ་ཝཱི ཝེ་སྶ་ཝ་ཎཾ ཀུ་ཝེ་རཾ.
༡༣༧༠. ‘‘བྷོ་ག་ཝ་ཏཱི ནཱ་མ མ་ནྡི་རེ, ཝཱ་སཱ ཧི་ར་ཉྙ་ཝ་ཏཱི་ཏི ཝུ་ཙྩ་ཏི;
ན་ག་རེ ནི་མྨི་ཏེ ཀ་ཉྩ་ན་མ་ཡེ, མ་ཎྜ་ལ་སྶ ཨུ་ར་ག་སྶ ནི་ཊྛི་ཏཾ.
༡༣༧༡. ‘‘ཨ་ཊྚཱ་ལ་ཀཱ ཨོ་ཊྛ་གཱི་ཝི་ཡོ, ལོ་ཧི་ཏ་ངྐ་སྶ མ་སཱ་ར་ག་ལླི་ནོ;
པཱ་སཱ་དེ་ཏྠ སི་ལཱ་མ་ཡཱ, སོ་ཝ་ཎྞ་ར་ཏ་ནེ་ཧི ཚཱ་དི་ཏཱ.
༡༣༧༢. ‘‘ཨ་མྦཱ ཏི་ལ་ཀཱ ཙ ཛ་མྦུ་ཡོ, ས་ཏྟ་པ་ཎྞཱ མུ་ཙ་ལི་ནྡ་ཀེ་ཏ་ཀཱ;
པི་ཡ་ངྒུ [པི་ཡ་ཀཱ (སཱི. པཱི.), པི་ཡ་ངྒུ་ཀཱ (སྱཱ.)] ཨུ་དྡཱ་ལ་ཀཱ ས་ཧཱ, ཨུ་པ་རི་བྷ་དྡ་ཀཱ སི་ནྡུ་ཝཱ་ར་ཀཱ [བྷི་ནྡུ་ཝཱ་རི་ཏཱ (སྱཱ. པཱི.), བྷི་ནྡྷ་ཝཱ་རི་ཏཱ (ཀ.)].
༡༣༧༣. ‘‘ཙ་མྤེ་ཡྻ་ཀཱ ནཱ་ག་མ་ལླི་ཀཱ, བྷ་གི་ནཱི་མཱ་ལཱ ཨ་ཐ མེ་ཏྠ ཀོ་ལི་ཡཱ;
ཨེ་ཏེ དུ་མཱ པ་རི་ཎཱ་མི་ཏཱ, སོ་བྷ་ཡ་ནྟི ཨུ་ར་ག་སྶ མ་ནྡི་རཾ [མ་ནྡི་རེ (སྱཱ. ཀ.)].
༡༣༧༤. ‘‘ཁ་ཛྫུ་རེ་ཏྠ སི་ལཱ་མ་ཡཱ, སོ་ཝ་ཎྞ་དྷུ་ཝ་པུ་པྥི་ཏཱ བ་ཧཱུ;
ཡ་ཏྠ ཝ་ས་ཏོ པ་པཱ་ཏི་ཀོ, ནཱ་ག་རཱ་ཛཱ ཝ་རུ་ཎོ མ་ཧི་དྡྷི་ཀོ.
༡༣༧༥. ‘‘ཏ་སྶ ཀོ་མཱ་རི་ཀཱ བྷ་རི་ཡཱ, ཝི་མ་ལཱ ཀ་ཉྩ་ན་ཝེ་ལླི་ཝི་གྒ་ཧཱ;
ཀཱ་ལཱ ཏ་རུ་ཎཱ་ཝ ཨུ་གྒ་ཏཱ, པུ་ཙི་མ་ནྡ་ཏྠ་ནཱི ཙཱ་རུ་ད་སྶ་ནཱ.
༡༣༧༦. ‘‘ལཱ་ཁཱ་ར་ས་ར་ཏྟ་སུ་ཙྪ་ཝཱི, ཀ་ཎི་ཀཱ་རཱ་ཝ ནི་ཝཱ་ཏ་པུ་པྥི་ཏཱ [ཀ་ཎི་ཀཱ་རོ་ཝ ནི་ཝཱ་ཏ་པུ་པྥི་ཏོ (སཱི. པཱི.)];
ཏི་དི་ཝོ་ཀ་ཙ་རཱ་ཝ ཨ་ཙྪ་རཱ, ཝི་ཛྫུ་ཝ་བྦྷ་གྷ་ནཱ ཝི་ནི་སྶ་ཊཱ.
༡༣༧༧. ‘‘སཱ དོ་ཧ་ལི༹་ནཱི སུ་ཝི་མྷི་ཏཱ, ཝི་དྷུ་ར་སྶ ཧ་ད་ཡཾ དྷ་ནི་ཡ་ཏི;
ཏཾ ཏེ་སཾ དེ་མི ཨི་སྶ་ར, ཏེ་ན ཏེ དེ་ནྟི ཨི་ར་ནྡྷ་ཏིཾ མ་མཾ’’.
༡༣༧༨. ‘‘སོ པུ་ཎྞ་ཀོ བྷཱུ་ཏ་པ་ཏིཾ ཡ་ས་སྶིཾ, ཨཱ་མ་ནྟ་ཡ ཝེ་སྶ་ཝ་ཎཾ ཀུ་ཝེ་རཾ;
ཏ་ཏྠེ་ཝ ས་ནྟོ [ས་ནྟཾ (པཱི.)] པུ་རི་སཾ ཨ་སཾ་སི, ཨཱ་ནེ་ཧི ཨཱ་ཛ་ཉྙ་མི་དྷེ་ཝ ཡུ་ཏྟཾ.
༡༣༧༩. ‘‘ཛཱ་ཏ་རཱུ་པ་མ་ཡཱ ཀ་ཎྞཱ, ཀཱ་ཙ་མྷི་ཙ་མ་ཡཱ ཁུ་རཱ;
ཛ་མྦོ་ན་ད་སྶ པཱ་ཀ་སྶ, སུ་ཝ་ཎྞ་སྶ ཨུ་ར་ཙྪ་དོ.
༡༣༨༠. ‘‘དེ་ཝ་ཝཱ་ཧ་ཝ་ཧཾ ཡཱ་ནཾ, ཨ་སྶ་མཱ་རུ་ཡ྄ཧ པུ་ཎྞ་ཀོ;
ཨ་ལ་ངྐ་ཏོ ཀ་པྤི་ཏ་ཀེ་ས་མ་སྶུ, པ་ཀྐཱ་མི ཝེ་ཧཱ་ཡ་ས་མ་ནྟ་ལི་ཀྑེ’’.
༡༣༨༡. ‘‘སོ ཨ་གྒ་མཱ རཱ་ཛ་ག་ཧཾ སུ་ར་མྨཾ, ཨ་ངྒ་སྶ ར་ཉྙོ ན་ག་རཾ དུ་རཱ་ཡུ་ཏཾ [དུ་རཱ་ས་དཾ (སྱཱ.)];
པ་ཧཱུ་ཏ་བྷ་ཀྑཾ བ་ཧུ་ཨ་ནྣ་པཱ་ནཾ, མ་ས་ཀྐ་སཱ་རཾ ཝི་ཡ ཝཱ་ས་ཝ་སྶ.
༡༣༨༢. ‘‘མ་ཡཱུ་ར་ཀོ་ཉྩཱ་ག་ཎ་ས་མྤ་གྷུ་ཊྛཾ, དི་ཛཱ་བྷི་གྷུ་ཊྛཾ དི་ཛ་ས་ངྒྷ་སེ་ཝི་ཏཾ;
ནཱ་ནཱ་ས་ཀུ་ནྟཱ་བྷི་རུ་དཾ སུ་ཝ་ངྒ་ཎཾ [སུ་བྷ་ངྒ་ཎཾ (སཱི. པཱི.)], པུ་པྥཱ་བྷི་ཀི་ཎྞཾ ཧི་མ་ཝཾ་ཝ པ་བྦ་ཏཾ.
༡༣༨༣. ‘‘སོ པུ་ཎྞ་ཀོ ཝེ་པུ་ལ་མཱ་བྷི་རཱུ་ཧི [ཝེ་པུ་ལླ་མཱ་བྷི་རུ་ཙྪི (སཱི. པཱི.)], སི་ལུ་ཙྩ་ཡཾ ཀི་མྤུ་རི་སཱ་ནུ་ཙི་ཎྞཾ;
ཨ་ནྭེ་ས་མཱ་ནོ མ་ཎི་ར་ཏ་ནཾ ཨུ་ལཱ༹་རཾ, ཏ་མ་དྡ་སཱ པ་བྦ་ཏ་ཀཱུ་ཊ་མ་ཛ྄ཛྷེ.
༡༣༨༤. ‘‘དི་སྭཱ མ་ཎིཾ པ་བྷ་སྶ་རཾ ཛཱ་ཏི་མ་ནྟཾ [ཛཱ་ཏི་ཝ་ནྟཾ (སཱི. སྱཱ.)], མ་ནོ་ཧ་རཾ [དྷ་ནཱ་ཧ་རཾ (སཱི. པཱི. ཀ.)] མ་ཎི་ར་ཏ་ནཾ ཨུ་ལཱ༹་རཾ;
ད་དྡ་ལླ་མཱ་ནཾ ཡ་ས་སཱ ཡ་ས་སྶི་ནཾ, ཨོ་བྷཱ་ས་ཏཱི ཝི་ཛྫུ་རི་ཝ་ནྟ་ལི་ཀྑེ.
༡༣༨༥. ‘‘ཏ་མ་གྒ་ཧཱི ཝེ་ལུ༹་རི་ཡཾ མ་ཧ་གྒྷཾ, མ་ནོ་ཧ་རཾ ནཱ་མ མ་ཧཱ་ནུ་བྷཱ་ཝཾ;
ཨཱ་ཛ་ཉྙ་མཱ་རུ་ཡ྄ཧ མ་ནོ་མ་ཝ་ཎྞོ, པ་ཀྐཱ་མི ཝེ་ཧཱ་ཡ་ས་མ་ནྟ་ལི་ཀྑེ.
༡༣༨༦. ‘‘སོ ཨ་གྒ་མཱ [ཨ་ག་མཱ (སྱཱ. པཱི. ཀ.)] ན་ག་ར་མི་ནྡ་པ་ཏྠཾ, ཨོ་རུ་ཡ྄ཧུ་པཱ་ག་ཙྪི ས་བྷཾ ཀུ་རཱུ་ནཾ;
ས་མཱ་ག་ཏེ ཨེ་ཀ་ས་ཏཾ ས་མ་གྒེ, ཨ་ཝ྄ཧེ་ཏྠ ཡ་ཀྑོ ཨ་ཝི་ཀ་མྤ་མཱ་ནོ.
༡༣༨༧. ‘‘ཀོ ནཱི་དྷ ར་ཉྙཾ ཝ་ར་མཱ་བྷི་ཛེ་ཏི, ཀ་མཱ་བྷི་ཛེ་ཡྻཱ་མ ཝ་ར་དྡྷ་ནེ་ན [ཝ་རཾ་དྷ་ནེ་ན (སཱི. པཱི.)];
ཀ་མ་ནུ་ཏྟ་རཾ ར་ཏ་ན་ཝ་རཾ ཛི་ནཱ་མ, ཀོ ཝཱ་པི ནོ ཛེ་ཏི ཝ་ར་དྡྷ་ནེ་ན’’.
༡༣༨༨. ‘‘ཀུ་ཧིཾ ནུ ར་ཊྛེ ཏ་ཝ ཛཱ་ཏི་བྷཱུ་མི, ན ཀོ་ར་བྱ་སྶེ་ཝ ཝ་ཙོ ཏ་ཝེ་དཾ;
ཨ་བྷཱི་ཏོ་སི [ཨ་བྷི་བྷོ་སི (སཱི. པཱི.)] ནོ ཝ་ཎྞ་ནི་བྷཱ་ཡ ས་བྦེ, ཨ་ཀྑཱ་ཧི མེ ནཱ་མ་ཉྩ བ་ནྡྷ་ཝེ ཙ’’.
༡༣༨༩. ‘‘ཀ་ཙྩཱ་ཡ་ནོ མཱ་ཎ་ཝ་ཀོ་སྨི རཱ་ཛ, ཨ་ནཱུ་ན་ནཱ་མོ ཨི་ཏི མ་ཝ྄ཧ་ཡ་ནྟི;
ཨ་ངྒེ་སུ མེ ཉཱ་ཏ་ཡོ བ་ནྡྷ་ཝཱ ཙ, ཨ་ཀྑེ་ན དེ་ཝ་སྨི ཨི་དྷཱ་ནུ་པ་ཏྟོ’’.
༡༣༩༠. ‘‘ཀིཾ མཱ་ཎ་ཝ་སྶ ར་ཏ་ནཱ་ནི ཨ་ཏྠི, ཡེ ཏཾ ཛི་ན་ནྟོ ཧ་རེ ཨ་ཀྑ་དྷུ་ཏྟོ;
བ་ཧཱུ་ནི ར་ཉྙོ ར་ཏ་ནཱ་ནི ཨ་ཏྠི, ཏེ ཏྭཾ ད་ལི་དྡོ ཀ་ཐ་མ་ཝ྄ཧ་ཡེ་སི’’.
༡༣༩༡. ‘‘མ་ནོ་ཧ་རོ ནཱ་མ མ་ཎཱི མ་མཱ་ཡཾ, མ་ནོ་ཧ་རཾ མ་ཎི་ར་ཏ་ནཾ ཨུ་ལཱ༹་རཾ;
ཨི་མ་ཉྩ ཨཱ་ཛ་ཉྙ་མ་མི་ཏྟ་ཏཱ་པ་ནཾ, ཨེ་ཏཾ མེ ཛི་ནི་ཏྭཱ ཧ་རེ ཨ་ཀྑ་དྷུ་ཏྟོ’’.
༡༣༩༢. ‘‘ཨེ་ཀོ མ་ཎཱི མཱ་ཎ་ཝ ཀིཾ ཀ་རི་སྶ་ཏི, ཨཱ་ཛཱ་ནི་ཡེ་ཀོ པ་ན ཀིཾ ཀ་རི་སྶ་ཏི;
བ་ཧཱུ་ནི ར་ཉྙོ མ་ཎི་ར་ཏ་ནཱ་ནི ཨ་ཏྠི, ཨཱ་ཛཱ་ནི་ཡཱ ཝཱ་ཏ་ཛ་ཝཱ ཨ་ན་པྤ་ཀཱ’’.
དོ་ཧ་ལ༹་ཀ་ཎྜཾ ནཱ་མ.
མ་ཎི་ཀ་ཎྜཾ
༡༣༩༣. ‘‘ཨི་ད་ཉྩ མེ མ་ཎི་ར་ཏ་ནཾ, པ་སྶ ཏྭཾ དྭི་པ་དུ་ཏྟ་མ;
ཨི་ཏྠཱི་ནཾ ཝི་གྒ་ཧཱ ཙེ་ཏྠ, པུ་རི་སཱ་ན་ཉྩ ཝི་གྒ་ཧཱ.
༡༣༩༤. ‘‘མི་གཱ་ནཾ ཝི་གྒ་ཧཱ ཙེ་ཏྠ, ས་ཀུ་ཎཱ་ན་ཉྩ ཝི་གྒ་ཧཱ;
ནཱ་ག་རཱ་ཛཱ སུ་པ་ཎྞཱ ཙ [ནཱ་ག་རཱ་ཛེ སུ་པ་ཎྞེ ཙ (སཱི. སྱཱ. པཱི.)], མ་ཎི་མྷི པ་སྶ ནི་མྨི་ཏཾ.
༡༣༩༥. ‘‘ཧ་ཏྠཱ་ནཱི་ཀཾ ར་ཐཱ་ནཱི་ཀཾ, ཨ་སྶེ པ་ཏྟཱི ཙ ཝ་མྨི་ནེ [དྷ་ཛཱ་ནི ཙ (པཱི.)];
ཙ་ཏུ་ར་ངྒི་ནི་མཾ སེ་ནཾ, མ་ཎི་མྷི པ་སྶ ནི་མྨི་ཏཾ.
༡༣༩༦. ‘‘ཧ་ཏྠཱ་རོ་ཧེ ཨ་ནཱི་ཀ་ཊྛེ, ར་ཐི་ཀེ པ་ཏྟི་ཀཱ་ར་ཀེ;
བ་ལ་གྒཱ་ནི ཝི་ཡཱུ་ལ༹ྷཱ་ནི [ཝི་ཡཱུ་ཧཱ་ནི (སྱཱ. ཀ.)], མ་ཎི་མྷི པ་སྶ ནི་མྨི་ཏཾ.
༡༣༩༧. ‘‘པུ་རཾ ཨུ་དྡྷཱ་པ་ས་མྤ་ནྣཾ [ཨུ་དྡཱ་པ་ས་མྤ་ནྣཾ (སཱི. པཱི.), ཨ་ཊྚཱ་ལ་ས་མྤ་ནྣཾ (སྱཱ.)], བ་ཧུ་པཱ་ཀཱ་ར་ཏོ་ར་ཎཾ;
སི་ངྒྷཱ་ཊ་ཀེ་སུ བྷཱུ་མི་ཡོ, མ་ཎི་མྷི པ་སྶ ནི་མྨི་ཏཾ.
༡༣༩༨. ‘‘ཨེ་སི་ཀཱ པ་རི་ཁཱ་ཡོ ཙ, པ་ལི་ཁཾ ཨ་གྒ་ལཱ༹་ནི ཙ;
ཨ་ཊྚཱ་ལ་ཀེ ཙ དྭཱ་རེ ཙ, མ་ཎི་མྷི པ་སྶ ནི་མྨི་ཏཾ.
༡༣༩༩. ‘‘པ་སྶ ཏོ་ར་ཎ་མ་གྒེ་སུ, ནཱ་ནཱ་དི་ཛཱ ག་ཎཱ བ་ཧཱུ;
ཧཾ་སཱ ཀོ་ཉྩཱ མ་ཡཱུ་རཱ ཙ, ཙ་ཀྐ་ཝཱ་ཀཱ ཙ ཀུ་ཀྐུ་ཧཱ.
༡༤༠༠. ‘‘ཀུ་ཎཱ་ལ་ཀཱ བ་ཧཱུ ཙི་ཏྲཱ, སི་ཁ་ཎྜཱི ཛཱི་ཝ་ཛཱི་ཝ་ཀཱ;
ནཱ་ནཱ་དི་ཛ་ག་ཎཱ་ཀི་ཎྞཾ, མ་ཎི་མྷི པ་སྶ ནི་མྨི་ཏཾ.
༡༤༠༡. ‘‘པ་སྶ ན་ག་རཾ སུ་པཱ་ཀཱ་རཾ, ཨ་བྦྷུ་ཏཾ ལོ་མ་ཧཾ་ས་ནཾ;
ས་མུ་སྶི་ཏ་དྷ་ཛཾ ར་མྨཾ, སོ་ཎྞ་ཝཱ་ལུ་ཀ་ས་ནྠ་ཏཾ.
༡༤༠༢. ‘‘པ་སྶེ་ཏྠ [པ་སྶ ཏྭཾ (སཱི. པཱི.)] པ་ཎྞ་སཱ་ལཱ་ཡོ, ཝི་བྷ་ཏྟཱ བྷཱ་ག་སོ མི་ཏཱ;
ནི་ཝེ་ས་ནེ ནི་ཝེ་སེ ཙ, ས་ནྡྷི་བྱཱུ་ཧེ པ་ཐ་དྡྷི་ཡོ.
༡༤༠༣. ‘‘པཱ་ནཱ་གཱ་རེ ཙ སོ་ཎྜེ ཙ, སཱུ་ནཱ [སཱུ་ཎཱ (སཱི. པཱི.), སུ་དྡཱ (སྱཱ. ཀ.)] ཨོ་ད་ནི་ཡཱ གྷ་རཱ;
ཝེ་སཱི ཙ ག་ཎི་ཀཱ་ཡོ ཙ, མ་ཎི་མྷི པ་སྶ ནི་མྨི་ཏཾ.
༡༤༠༤. ‘‘མཱ་ལཱ་ཀཱ་རེ ཙ ར་ཛ་ཀེ, ག་ནྡྷི་ཀེ ཨ་ཐ དུ་སྶི་ཀེ;
སུ་ཝ་ཎྞ་ཀཱ་རེ མ་ཎི་ཀཱ་རེ, མ་ཎི་མྷི པ་སྶ ནི་མྨི་ཏཾ.
༡༤༠༥. ‘‘ཨཱ་ལཱ༹་རི་ཀེ ཙ སཱུ་དེ ཙ, ན་ཊ་ནཱ་ཊ་ཀ་གཱ་ཡི་ནོ;
པཱ་ཎི་སྶ་རེ ཀུ་མྦྷ་ཐཱུ་ནི་ཀེ, མ་ཎི་མྷི པ་སྶ ནི་མྨི་ཏཾ.
༡༤༠༦. ‘‘པ་སྶ བྷེ་རཱི མུ་དི་ངྒཱ ཙ, ས་ངྑཱ པ་ཎ་ཝ་དི་ནྡི་མཱ;
ས་བྦ་ཉྩ ཏཱ་ལཱ༹་ཝ་ཙ་རཾ, མ་ཎི་མྷི པ་སྶ ནི་མྨི་ཏཾ.
༡༤༠༧. ‘‘ས་མྨ་ཏཱ་ལ་ཉྩ ཝཱི་ཎ་ཉྩ, ན་ཙྩ་གཱི་ཏཾ སུ་ཝཱ་དི་ཏཾ;
ཏཱུ་རི་ཡ་ཏཱ་ལི༹་ཏ་ས་ངྒྷུ་ཊྛཾ, མ་ཎི་མྷི པ་སྶ ནི་མྨི་ཏཾ.
༡༤༠༨. ‘‘ལ་ངྒྷི་ཀཱ མུ་ཊྛི་ཀཱ ཙེ་ཏྠ, མཱ་ཡཱ་ཀཱ་རཱ ཙ སོ་བྷི་ཡཱ;
ཝེ་ཏཱ་ལི་ཀེ [ཝེ་ཏྟ་ལི་ཀེ (ཀ.)] ཙ ཛ་ལླེ ཙ, མ་ཎི་མྷི པ་སྶ ནི་མྨི་ཏཾ.
༡༤༠༩. ‘‘ས་མ་ཛྫཱ ཙེ་ཏྠ ཝ་ཏྟ་ནྟི, ཨཱ་ཀི་ཎྞཱ ན་ར་ནཱ་རི་བྷི;
མ་ཉྩཱ་ཏི་མ་ཉྩེ བྷཱུ་མི་ཡོ, མ་ཎི་མྷི པ་སྶ ནི་མྨི་ཏཾ.
༡༤༡༠. ‘‘པ་སྶ མ་ལླེ ས་མ་ཛྫ་སྨིཾ, ཕོ་ཊེ་ནྟེ [པཱ་ཋེ་ནྟེ (སཱི. སྱཱ. པཱི.)] དི་གུ་ཎཾ བྷུ་ཛཾ;
ནི་ཧ་ཏེ ནི་ཧ་ཏ་མཱ་ནེ ཙ, མ་ཎི་མྷི པ་སྶ ནི་མྨི་ཏཾ.
༡༤༡༡. ‘‘པ་སྶ པ་བྦ་ཏ་པཱ་དེ་སུ, ནཱ་ནཱ་མི་ག་ག་ཎཱ བ་ཧཱུ;
སཱི་ཧཱ བྱ་གྒྷཱ ཝ་རཱ་ཧཱ ཙ, ཨ་ཙྪ་ཀོ་ཀ་ཏ་ར་ཙྪ་ཡོ.
༡༤༡༢. ‘‘པ་ལཱ་སཱ་དཱ ག་ཝ་ཛཱ ཙ, མ་ཧིཾ་སཱ རོ་ཧི་ཏཱ རུ་རཱུ;
ཨེ་ཎེ་ཡྻཱ ཙ ཝ་རཱ་ཧཱ [ས་ར་བྷཱ (སྱཱ.)] ཙ, ག་ཎི་ནོ ནཱི་ཀ [ནི་ངྐ (སཱི. སྱཱ. པཱི.)] སཱུ་ཀ་རཱ.
༡༤༡༣. ‘‘ཀ་ད་ལི་མི་གཱ བ་ཧཱུ ཙི་ཏྲཱ, བི་ལཱ༹་རཱ ས་ས་ཀ་ཎྚ་ཀཱ;
ནཱ་ནཱ་མི་ག་ག་ཎཱ་ཀི་ཎྞཾ, མ་ཎི་མྷི པ་སྶ ནི་མྨི་ཏཾ.
༡༤༡༤. ‘‘ན་ཛྫཱ་ཡོ སུ་པ་ཏི་ཏྠཱ་ཡོ, སོ་ཎྞ་ཝཱ་ལུ་ཀ་ས་ནྠ་ཏཱ;
ཨ་ཙྪཱ ས་ཝ་ནྟི ཨ་མྦཱུ་ནི, མ་ཙྪ་གུ་མྦ་ནི་སེ་ཝི་ཏཱ.
༡༤༡༥. ‘‘ཀུ་མྦྷཱི་ལཱ མ་ཀ་རཱ ཙེ་ཏྠ, སུ་སུ་མཱ་རཱ ཙ ཀ་ཙྪ་པཱ;
པཱ་ཋཱི་ནཱ པཱ་ཝུ་སཱ མ་ཙྪཱ, བ་ལ་ཛཱ [ཝ་ལ་ཛཱ (སཱི.), ཝཱ་ལ་ཛཱ (པཱི.)] མུ་ཉྫ་རོ་ཧི་ཏཱ.
༡༤༡༦. ‘‘ནཱ་ནཱ་དི་ཛ་ག་ཎཱ་ཀི་ཎྞཱ, ནཱ་ནཱ་དུ་མ་ག་ཎཱ་ཡུ་ཏཱ;
ཝེ་ལུ༹་རི་ཡ་ཀ-རོ་དཱ་ཡོ [ཝེ་ལུ༹་རི་ཡ་ཕ་ལ་ཀ་རོ་དཱ་ཡོ (སཱི.)], མ་ཎི་མྷི པ་སྶ ནི་མྨི་ཏཾ.
༡༤༡༧. ‘‘པ་སྶེ་ཏྠ པོ་ཀྑ་ར་ཎི་ཡོ, སུ་ཝི་བྷ་ཏྟཱ ཙ་ཏུ་དྡི་སཱ;