༨. ཀཱ་སཱ་ཝ་ཝ་གྒོ
༢༢༡. ཀཱ་སཱ་ཝ་ཛཱ་ཏ་ཀཾ (༢-༨-༡)
༡༤༡. ཨ་ནི་ཀྐ་སཱ་ཝོ ཀཱ་སཱ་ཝཾ, ཡོ ཝ་ཏྠཾ པ་རི་ད་ཧི་སྶ་ཏི [པ་རི་ད་ཧེ་སྶ་ཏི (སཱི. པཱི.)];
ཨ་པེ་ཏོ ད་མ་ས་ཙྩེ་ན, ན སོ ཀཱ་སཱ་ཝ་མ་ར་ཧ་ཏི.
༡༤༢. ཡོ ཙ ཝ་ནྟ་ཀ་སཱ་ཝ་སྶ, སཱི་ལེ་སུ སུ་ས་མཱ་ཧི་ཏོ;
ཨུ་པེ་ཏོ ད་མ་ས་ཙྩེ་ན, ས ཝེ ཀཱ་སཱ་ཝ་མ་ར་ཧ་ཏཱི་ཏི.
ཀཱ་སཱ་ཝ་ཛཱ་ཏ་ཀཾ པ་ཋ་མཾ.
༢༢༢. ཙཱུ་ལ༹་ན་ནྡི་ཡ་ཛཱ་ཏ་ཀཾ (༢-༨-༢)
༡༤༣. ཨི་དཾ ཏ་དཱ་ཙ་རི་ཡ་ཝ་ཙོ, པཱ་རཱ་ས་རི་ཡོ ཡ་ད་བྲ་ཝི [པོ་རཱ་ཎཱ་ཙ་རི་ཡོ་བྲ་ཝི (ཀ.)];
མཱ་སུ ཏྭཾ ཨ་ཀ་རི [ཨ་ཀ་རཱ (སཱི. པཱི.)] པཱ་པཾ, ཡཾ ཏྭཾ པ་ཙྪཱ ཀ་ཏཾ ཏ་པེ.
༡༤༤. ཡཱ་ནི ཀ་རོ་ཏི པུ་རི་སོ, ཏཱ་ནི ཨ་ཏྟ་ནི པ་སྶ་ཏི;
ཀ་ལྱཱ་ཎ་ཀཱ་རཱི ཀ་ལྱཱ་ཎཾ, པཱ་པ་ཀཱ་རཱི ཙ པཱ་པ་ཀཾ;
ཡཱ་དི་སཾ ཝ་པ་ཏེ བཱི་ཛཾ, ཏཱ་དི་སཾ ཧ་ར་ཏེ ཕ་ལ་ནྟི.
ཙཱུ་ལ༹་ན་ནྡི་ཡ་ཛཱ་ཏ་ཀཾ དུ་ཏི་ཡཾ.
༢༢༣. པུ་ཊ་བྷ་ཏྟ་ཛཱ་ཏ་ཀཾ (༢-༨-༣)
༡༤༥. ན་མེ ན་མ་ནྟ་སྶ བྷ་ཛེ བྷ་ཛ་ནྟཾ, ཀི་ཙྩཱ་ནུ་ཀུ་བྦ་སྶ ཀ་རེ་ཡྻ ཀི་ཙྩཾ;
ནཱ་ན་ཏྠ་ཀཱ་མ་སྶ ཀ་རེ་ཡྻ ཨ་ཏྠཾ, ཨ་ས་མྦྷ་ཛ་ནྟ་མྤི ན ས་མྦྷ་ཛེ་ཡྻ.
༡༤༦. ཙ་ཛེ ཙ་ཛ་ནྟཾ ཝ་ན་ཐཾ ན ཀ་ཡི་རཱ, ཨ་པེ་ཏ་ཙི་ཏྟེ་ན ན ས་མྦྷ་ཛེ་ཡྻ;
དི་ཛོ དུ་མཾ ཁཱི་ཎ་ཕ་ལ་ནྟི ཉ་ཏྭཱ, ཨ་ཉྙཾ ས་མེ་ཀྑེ་ཡྻ མ་ཧཱ ཧི ལོ་ཀོ་ཏི.
པུ་ཊ་བྷ་ཏྟ་ཛཱ་ཏ་ཀཾ ཏ་ཏི་ཡཾ.
༢༢༤. ཀུ་མྦྷི་ལ་ཛཱ་ཏ་ཀཾ (༢-༨-༤)
༡༤༧. ཡ་སྶེ་ཏེ ཙ་ཏུ་རོ དྷ་མྨཱ, ཝཱ་ན་རི་ནྡ ཡ་ཐཱ ཏ་ཝ;
ས་ཙྩཾ དྷ་མྨོ དྷི་ཏི ཙཱ་གོ, དི་ཊྛཾ སོ ཨ་ཏི་ཝ་ཏྟ་ཏི.
༡༤༨. ཡ་སྶ ཙེ་ཏེ ན ཝི་ཛྫ་ནྟི, གུ་ཎཱ པ་ར་མ་བྷ་དྡ་ཀཱ;
ས་ཙྩཾ དྷ་མྨོ དྷི་ཏི ཙཱ་གོ, དི་ཊྛཾ སོ ནཱ་ཏི་ཝ་ཏྟ་ཏཱི་ཏི.
ཀུ་མྦྷི་ལ་ཛཱ་ཏ་ཀཾ ཙ་ཏུ་ཏྠཾ.
༢༢༥. ཁ་ནྟི་ཝ་ཎྞ་ཛཱ་ཏ་ཀཾ (༢-༨-༥)
༡༤༩. ཨ་ཏྠི མེ པུ་རི་སོ དེ་ཝ, ས་བྦ་ཀི་ཙྩེ་སུ བྱཱ་ཝ་ཊོ [ཝཱ་ཝ་ཊོ (ཀ.)];
ཏ་སྶ ཙེ་ཀོ་པ་རཱ་དྷ་ཏྠི, ཏ་ཏྠ ཏྭཾ ཀི་ནྟི མ་ཉྙ་སི.
༡༥༠. ཨ་མྷཱ་ཀ་མྤ་ཏྠི པུ་རི་སོ, ཨེ་དི་སོ ཨི་དྷ ཝི་ཛྫ་ཏི;
དུ་ལླ་བྷོ ཨ་ངྒ་ས་མྤ་ནྣོ, ཁ་ནྟི་ར་སྨཱ་ཀ རུ་ཙྩ་ཏཱི་ཏི.
ཁ་ནྟི་ཝ་ཎྞ་ཛཱ་ཏ་ཀཾ པ་ཉྩ་མཾ.
༢༢༦. ཀོ་སི་ཡ་ཛཱ་ཏ་ཀཾ (༢-༨-༦)
༡༥༡. ཀཱ་ལེ ནི་ཀྑ་མ་ནཱ སཱ་དྷུ, ནཱ་ཀཱ་ལེ སཱ་དྷུ ནི་ཀྑ་མོ;
ཨ་ཀཱ་ལེ་ན ཧི ནི་ཀྑ་མྨ, ཨེ་ཀ་ཀ་མྤི བ་ཧུ་ཛྫ་ནོ;
ན ཀི་ཉྩི ཨ་ཏྠཾ ཛོ་ཏེ་ཏི, དྷ་ངྐ་སེ་ནཱ་ཝ ཀོ་སི་ཡཾ.
༡༥༢. དྷཱི་རོ ཙ ཝི་དྷི་ཝི་དྷཱ་ན་ཉྙཱུ, པ་རེ་སཾ ཝི་ཝ་རཱ་ནུ་གཱུ;
ས་བྦཱ་མི་ཏྟེ ཝ་སཱི་ཀ་ཏྭཱ, ཀོ་སི་ཡོ་ཝ སུ་ཁཱི སི་ཡཱ་ཏི.
ཀོ་སི་ཡ་ཛཱ་ཏ་ཀཾ ཚ་ཊྛཾ.
༢༢༧. གཱུ་ཐ་པཱ་ཎ་ཛཱ་ཏ་ཀཾ (༢-༨-༧)
༡༥༣. སཱུ་རོ སཱུ་རེ་ན ས་ངྒ་མྨ, ཝི་ཀྐ་ནྟེ་ན པ་ཧཱ་རི་ནཱ;
ཨེ་ཧི ནཱ་ག ནི་ཝ་ཏྟ་སྶུ, ཀིཾ ནུ བྷཱི་ཏོ པ་ལཱ་ཡ་སི;
པ་སྶ་ནྟུ ཨ་ངྒ་མ་ག་དྷཱ, མ་མ ཏུ་ཡ྄ཧ་ཉྩ ཝི་ཀྐ་མཾ.
༡༥༤. ན ཏཾ པཱ་དཱ ཝ་དྷི་སྶཱ་མི, ན ད་ནྟེ་ཧི ན སོ་ཎྜི་ཡཱ;
མཱི་ལ༹ྷེ་ན ཏཾ ཝ་དྷི་སྶཱ་མི, པཱུ་ཏི ཧ་ཉྙ་ཏུ པཱུ་ཏི་ནཱ་ཏི.
གཱུ་ཐ་པཱ་ཎ་ཛཱ་ཏ་ཀཾ ས་ཏྟ་མཾ.
༢༢༨. ཀཱ་མ་ནཱི་ཏ་ཛཱ་ཏ་ཀཾ (༢-༨-༨)
༡༥༥. ཏ་ཡོ གི་རིཾ ཨ་ནྟ་རཾ ཀཱ་མ་ཡཱ་མི, པ་ཉྩཱ་ལཱ ཀུ་རུ་ཡོ ཀེ་ཀ་ཀེ ཙ [ཀུ་ར་ཡོ ཀེ་ཀ་ཡེ ཙ (སཱི.)];
ཏ་ཏུ་ཏྟ་རིཾ [ཏ་དུ་ཏྟ་རིཾ (ཀ.)] བྲཱ་ཧྨ་ཎ ཀཱ་མ་ཡཱ་མི, ཏི་ཀི་ཙྪ མཾ བྲཱ་ཧྨ་ཎ ཀཱ་མ་ནཱི་ཏཾ.
༡༥༦. ཀ་ཎྷཱ་ཧི་ད་ཊྛ་སྶ ཀ་རོ་ནྟི ཧེ་ཀེ, ཨ་མ་ནུ་སྶ་པ་ཝི་ཊྛ་སྶ [ཨ་མ་ནུ་སྶ་ཝ་དྡྷ་སྶ (སཱི. པཱི.), ཨ་མ་ནུ་སྶ་ཝི་ཊྛ་སྶ (སྱཱ.)] ཀ་རོ་ནྟི པ་ཎྜི་ཏཱ;
ན ཀཱ་མ་ནཱི་ཏ་སྶ ཀ་རོ་ཏི ཀོ་ཙི, ཨོ་ཀྐ་ནྟ་སུ་ཀྐ་སྶ ཧི ཀཱ ཏི་ཀི་ཙྪཱ་ཏི.
ཀཱ་མ་ནཱི་ཏ་ཛཱ་ཏ་ཀཾ ཨ་ཊྛ་མཾ.
༢༢༩. པ་ལཱ་ཡི་ཏ་ཛཱ་ཏ་ཀཾ (༢-༨-༩)
༡༥༧. ག་ཛ་གྒ་མེ་གྷེ་ཧི ཧ་ཡ་གྒ་མཱ་ལི་བྷི, ར་ཐཱུ་མི་ཛཱ་ཏེ་ཧི ས་རཱ་བྷི་ཝ་སྶེ་བྷི [ས་རཱ་བྷི་ཝ་སྶ་བྷི (སྱཱ. སཱི. ཨ་ཊྛ.), ས་རཱ་བྷི་ཝ་སྶི་བྷི (?)];
ཐ་རུ་གྒ་ཧཱ་ཝ་ཊྚ [དྷ་ནུ་གྒ་ཧཱ་ཝ་ཊྚ (ཀ.)] ད་ལ༹ྷ་པྤ་ཧཱ་རི་བྷི, པ་རི་ཝཱ་རི་ཏཱ ཏ་ཀྐ་སི་ལཱ ས་མ་ནྟ་ཏོ.
༡༥༨. [ཨ་བྷི་དྷཱ་ཝ་ཐཱ ཙ པ་ཏ་ཐཱ ཙ, ཝི་ཝི་དྷ་ཝི་ན་དི་ཏཱ ཙ ད་ནྟི་བྷི; ཝ་ཏྟ་ཏ་ཛྫ ཏུ་མུ་ལོ གྷོ་སོ, ཡ་ཐཱ ཝི་ཛྫུ་ཏཱ ཛ་ལ་དྷ་ར་སྶ ག་ཛྫ་ཏོ་ཏི; (སཱི. པཱི. ཀ.)] ཨ་བྷི་དྷཱ་ཝ་ཐ ཙཱུ་པ་དྷཱ་ཝ་ཐ ཙ [ཨ་བྷི་དྷཱ་ཝ་ཐཱ ཙུ་པྤ་ཏ་ཐཱ ཙ (སྱཱ.)], ཝི་ཝི་དྷཱ ཝི་ནཱ་དི་ཏཱ [ཝི་ནཱ་དི་ཏ་ཏྠ (ཀ.)] ཝ་ད་ནྟི་བྷི;
ཝ་ཏྟ་ཏ་ཛྫ ཏུ་མུ་ལོ གྷོ་སོ ཡ་ཐཱ, ཝི་ཛྫུ་ལ་ཏཱ ཛ་ལ་དྷ་ར་སྶ ག་ཛྫ་ཏོ་ཏི [ཨ་བྷི་དྷཱ་ཝ་ཐཱ ཙ པ་ཏ་ཐཱ ཙ, ཝི་ཝི་དྷ་ཝི་ན་དི་ཏཱ ཙ ད་ནྟི་བྷི; ཝ་ཏྟ་ཏ་ཛྫ ཏུ་མུ་ལོ གྷོ་སོ, ཡ་ཐཱ ཝི་ཛྫུ་ཏཱ ཛ་ལ་དྷ་ར་སྶ ག་ཛྫ་ཏོ་ཏི; (སཱི. པཱི. ཀ.)].
པ་ལཱ་ཡི་ཏ་ཛཱ་ཏ་ཀཾ ན་ཝ་མཾ.
༢༣༠. དུ་ཏི་ཡ་པ་ལཱ་ཡི་ཏ་ཛཱ་ཏ་ཀཾ (༢-༨-༡༠)
༡༥༩. དྷ་ཛ་མ་པ་རི་མི་ཏཾ ཨ་ན་ནྟ་པཱ་རཾ, དུ་པྤ་ས་ཧཾ་དྷ་ངྐེ་ཧི སཱ་ག་རཾ་ཝ [སཱ་ག་ར་མི་ཝ (སཱི. སྱཱ. པཱི.)];
གི་རི་མི་ཝ་ཨ་ནི་ལེ་ན དུ་པྤ་ས་ཡ྄ཧོ [དུ་པྤ་ས་ཧོ (སཱི. པཱི. ཀ.)], དུ་པྤ་ས་ཧོ ཨ་ཧ་མ་ཛྫ་ཏཱ་དི་སེ་ན.
༡༦༠. མཱ བཱ་ལི་ཡཾ ཝི་ལ་པི [ཝི་པྤ་ལ་པི (བ་ཧཱུ་སུ)] ན ཧི་སྶ ཏཱ་དི་སཾ, ཝི་ཌ་ཡ྄ཧ་སེ [ཝི་ལ༹་ཡ྄ཧ་སེ (སཱི. པཱི.)] ན ཧི ལ་བྷ་སེ ནི་སེ་དྷ་ཀཾ;
ཨཱ་ས་ཛྫ་སི ག་ཛ་མི་ཝ ཨེ་ཀ་ཙཱ་རི་ནཾ, ཡོ ཏཾ པ་དཱ ན་ལ༹་མི་ཝ པོ་ཐ་ཡི་སྶ་ཏཱི་ཏི.
དུ་ཏི་ཡ་པ་ལཱ་ཡི་ཏ་ཛཱ་ཏ་ཀཾ ད་ས་མཾ.
ཀཱ་སཱ་ཝ་ཝ་གྒོ ཨ་ཊྛ་མོ.
ཏ་སྶུ་དྡཱ་ནཾ –
ཝ་ར་ཝ་ཏྠ་ཝ་ཙོ དུ་མ་ཁཱི་ཎ་ཕ་ལཾ, ཙ་ཏུ་རོ་དྷ་མྨ་ཝ་རཾ པུ་རི་སུ་ཏྟ་མ;
དྷ་ངྐ་མ་ག་དྷཱ ཙ ཏ་ཡོ་གི་རི་ནཱ་མ, ག་ཛ་གྒ་ཝ་རོ དྷ་ཛ་ཝ་རེ་ན ད་སཱ་ཏི.