༧. བཱི་ར་ཎ་ཐ་མྦྷ་ཝ་གྒོ
༢༡༡. སོ་མ་ད་ཏྟ་ཛཱ་ཏ་ཀཾ (༢-༧-༡)
༡༢༡. ཨ་ཀཱ་སི ཡོ་གྒཾ དྷུ་ཝ་མ་པྤ་མ་ཏྟོ, སཾ་ཝ་ཙྪ་རཾ བཱི་ར་ཎ་ཐ་མྦྷ་ཀ་སྨིཾ;
བྱཱ་ཀཱ་སི ས་ཉྙཾ པ་རི་སཾ ཝི་ག་ཡ྄ཧ, ན ནི་ཡྻ་མོ ཏཱ་ཡ་ཏི ཨ་པྤ་པ་ཉྙཾ.
༡༢༢. དྭ་ཡཾ ཡཱ་ཙ་ན་ཀོ ཏཱ་ཏ, སོ་མ་ད་ཏྟ ནི་ག་ཙྪ་ཏི;
ཨ་ལཱ་བྷཾ དྷ་ན་ལཱ་བྷཾ ཝཱ, ཨེ་ཝཾ དྷ་མྨཱ ཧི ཡཱ་ཙ་ནཱ་ཏི.
སོ་མ་ད་ཏྟ་ཛཱ་ཏ་ཀཾ པ་ཋ་མཾ.
༢༡༢. ཨུ་ཙྪི་ཊྛ་བྷ་ཏྟ་ཛཱ་ཏ་ཀཾ (༢-༧-༢)
༡༢༣. ཨ་ཉྙོ ཨུ་པ་རི་མོ ཝ་ཎྞོ, ཨ་ཉྙོ ཝ་ཎྞོ ཙ ཧེ་ཊྛི་མོ;
བྲཱ་ཧྨ་ཎཱི ཏྭེ་ཝ པུ་ཙྪཱ་མི, ཀིཾ ཧེ་ཊྛཱ ཀི་ཉྩ ཨུ་པྤ་རི.
༡༢༤. ཨ་ཧཾ ན་ཊོ་སྨི བྷ་དྡ་ནྟེ, བྷི་ཀྑ་ཀོ་སྨི ཨི་དྷཱ་ག་ཏོ;
ཨ་ཡ་ཉྷི ཀོ་ཊྛ་མོ་ཏི་ཎྞོ, ཨ་ཡཾ སོ ཡཾ [ཏྭཾ (ཀ.)] ག་ཝེ་ས་སཱི་ཏི.
ཨུ་ཙྪི་ཊྛ་བྷ་ཏྟ་ཛཱ་ཏ་ཀཾ དུ་ཏི་ཡཾ.
༢༡༣. བྷ་རུ་ཛཱ་ཏ་ཀཾ (༢-༧-༣)
༡༢༥. ཨི་སཱི་ན་མ་ནྟ་རཾ ཀ་ཏྭཱ, བྷ་རུ་རཱ་ཛཱ་ཏི [ཀུ་རུ་རཱ་ཛཱ་ཏི (ཀ.)] མེ སུ་ཏཾ;
ཨུ་ཙྪི་ནྣོ ས་ཧ ར་ཊྛེ་ཧི [ར་ཊྛེ་ན (སཱི. པཱི.)], ས་རཱ་ཛཱ ཝི་བྷ་ཝ་ངྒ་ཏོ.
༡༢༦. ཏ་སྨཱ ཧི ཚ་ནྡཱ་ག་མ་ནཾ, ན་པྤ་སཾ་ས་ནྟི པ་ཎྜི་ཏཱ;
ཨ་དུ་ཊྛ་ཙི་ཏྟོ བྷཱ་སེ་ཡྻ, གི་རཾ ས་ཙྩུ་པ་སཾ་ཧི་ཏ་ནྟི.
བྷ་རུ་ཛཱ་ཏ་ཀཾ [ཀུ་རུ་རཱ་ཏ་ཀཾ (ཀ.)] ཏ་ཏི་ཡཾ.
༢༡༤. པུ་ཎྞ་ན་དཱི་ཛཱ་ཏ་ཀཾ (༢-༧-༤)
༡༢༧. པུ་ཎྞཾ ན་དིཾ ཡེ་ན ཙ པེ་ཡྻ་མཱ་ཧུ, ཛཱ་ཏཾ ཡ་ཝཾ ཡེ་ན ཙ གུ་ཡ྄ཧ་མཱ་ཧུ;
དཱུ་རཾ ག་ཏཾ ཡེ་ན ཙ ཨ་ཝ྄ཧ་ཡ་ནྟི, སོ ཏྱཱ་ག་ཏོ [ཏྱཱ་བྷ་ཏོ (སྱཱ. ཀ.) པ་ཧེ་ལི༹་གཱ་ཐཱ་བྷཱ་ཝོ མ་ན་སི ཀཱ་ཏ་བྦོ] ཧ་ནྡ ཙ བྷུ་ཉྫ བྲཱ་ཧྨ་ཎ.
༡༢༨. ཡ་ཏོ མཾ ས་ར་ཏཱི རཱ་ཛཱ, ཝཱ་ཡ་ས་མྤི པ་ཧེ་ཏ་ཝེ;
ཧཾ་སཱ ཀོ་ཉྩཱ མ་ཡཱུ་རཱ ཙ [ཧཾ་ས་ཀོ་ཉྩ་མ་ཡཱུ་རཱ་ནཾ (ཀ. ཨ་ཊྛ. པཱ་ཋ་ནྟ་རཾ)], ཨ་ས་ཏཱི་ཡེ་ཝ པཱ་པི་ཡཱ་ཏི.
པུ་ཎྞ་ན་དཱི་ཛཱ་ཏ་ཀཾ ཙ་ཏུ་ཏྠཾ.
༢༡༥. ཀ་ཙྪ་པ་ཛཱ་ཏ་ཀཾ (༢-༧-༥)
༡༢༩. ཨ་ཝ་དྷཱི ཝ་ཏ ཨ་ཏྟཱ་ནཾ, ཀ་ཙྪ་པོ བྱཱ་ཧ་རཾ གི་རཾ [ཀ་ཙྪ་པོ་ཝ པ་བྱཱ་ཧ་རཾ (སྱཱ.), ཀ་ཙྪ་པོ སོ པ་བྱཱ་ཧ་རཾ (ཀ.)];
སུ་གྒ་ཧཱི་ཏ་སྨིཾ ཀ་ཊྛ་སྨིཾ, ཝཱ་ཙཱ་ཡ ས་ཀི་ཡཱ་ཝ་དྷི.
༡༣༠. ཨེ་ཏ་མྤི དི་སྭཱ ན་ར་ཝཱི་རི་ཡ་སེ་ཊྛ, ཝཱ་ཙཾ པ་མུ་ཉྩེ ཀུ་ས་ལཾ ནཱ་ཏི་ཝེ་ལཾ;
པ་སྶ་སི བ་ཧུ་བྷཱ་ཎེ་ན, ཀ་ཙྪ་པཾ བྱ་ས་ནཾ ག་ཏ་ནྟི.
ཀ་ཙྪ་པ་ཛཱ་ཏ་ཀཾ པ་ཉྩ་མཾ.
༢༡༦. མ་ཙྪ་ཛཱ་ཏ་ཀཾ (༢-༧-༦)
༡༣༡. ན མཱ་ཡ་མ་གྒི ཏ་པ་ཏི, ན སཱུ་ལོ སཱ་དྷུ་ཏ་ཙྪི་ཏོ;
ཡ་ཉྩ མཾ མ་ཉྙ་ཏེ མ་ཙྪཱི, ཨ་ཉྙཾ སོ ར་ཏི་ཡཱ ག་ཏོ.
༡༣༢. སོ མཾ ད་ཧ་ཏི རཱ་ག་གྒི, ཙི་ཏྟཾ ཙཱུ་པ་ཏ་པེ་ཏི མཾ;
ཛཱ་ལི་ནོ མུ་ཉྩ་ཐཱ་ཡི་རཱ མཾ, ན ཀཱ་མེ ཧ་ཉྙ་ཏེ ཀྭ་ཙཱི་ཏི.
མ་ཙྪ་ཛཱ་ཏ་ཀཾ ཚ་ཊྛཾ.
༢༡༧. སེ་གྒུ་ཛཱ་ཏ་ཀཾ (༢-༧-༧)
༡༣༣. ས་བྦོ ལོ་ཀོ ཨ་ཏྟ་མ་ནོ ཨ་ཧོ་སི, ཨ་ཀོ་ཝི་དཱ གཱ་མ་དྷ་མྨ་སྶ སེ་གྒུ;
ཀོ་མཱ་རི ཀོ ནཱ་མ [ཀོ་མཱ་རི་ཀཱ ནཱ་མ (ཀ.), ཀོ་མཱ་རི་ཀོ ནཱ་མ (སྱཱ. པཱི.)] ཏ་ཝ་ཛྫ དྷ་མྨོ, ཡཾ ཏྭཾ ག་ཧི་ཏཱ པ་ཝ་ནེ པ་རོ་ད་སི.
༡༣༤. ཡོ དུ་ཀྑ་ཕུ་ཊྛཱ་ཡ བྷ་ཝེ་ཡྻ ཏཱ་ཎཾ, སོ མེ པི་ཏཱ དུ་བྦྷི ཝ་ནེ ཀ་རོ་ཏི;
སཱ ཀ་སྶ ཀ་ནྡཱ་མི ཝ་ན་སྶ མ་ཛ྄ཛྷེ, ཡོ ཏཱ་ཡི་ཏཱ སོ ས་ཧ་སཾ ཀ་རོ་ཏཱི་ཏི.
སེ་གྒུ་ཛཱ་ཏ་ཀཾ ས་ཏྟ་མཾ.
༢༡༨. ཀཱུ་ཊ་ཝཱ་ཎི་ཛ་ཛཱ་ཏ་ཀཾ (༢-༧-༨)
༡༣༥. ས་ཋ་སྶ སཱ་ཋེ་ཡྻ་མི་དཾ སུ་ཙི་ནྟི་ཏཾ, པ་ཙྩོ་ཌྜི་ཏཾ པ་ཊི་ཀཱུ་ཊ་སྶ ཀཱུ་ཊཾ;
ཕཱ་ལ་ཉྩེ ཁཱ་དེ་ཡྻུཾ [ཨ་དེ་ཡྻུཾ (སཱི. པཱི.)] མཱུ་སི་ཀཱ, ཀ་སྨཱ ཀུ་མཱ་རཾ ཀུ་ལ་ལཱ ན [ནོ (སཱི. སྱཱ. པཱི.)] ཧ་རེ་ཡྻུཾ.
༡༣༦. ཀཱུ་ཊ་སྶ ཧི ས་ནྟི [ས་ནྟཱི་དྷ (ཀ.)] ཀཱུ་ཊ་ཀཱུ་ཊཱ, བྷ་ཝ་ཏི [བྷ་ཝ་ནྟི (ཀ.)] ཙཱ་པི ནི་ཀ་ཏི་ནོ ནི་ཀ་ཏྱཱ;
དེ་ཧི པུ་ཏྟ་ན་ཊྛ ཕཱ་ལ་ན་ཊྛ་སྶ ཕཱ་ལཾ, མཱ ཏེ པུ་ཏྟ་མ་ཧཱ་སི ཕཱ་ལ་ན་ཊྛོ་ཏི.
ཀཱུ་ཊ་ཝཱ་ཎི་ཛ་ཛཱ་ཏ་ཀཾ ཨ་ཊྛ་མཾ.
༢༡༩. ག་ར་ཧི་ཏ་ཛཱ་ཏ་ཀཾ (༢-༧-༩)
༡༣༧. ཧི་ར་ཉྙཾ མེ སུ་ཝ་ཎྞཾ མེ, ཨེ་སཱ ར་ཏྟིཾ དི་ཝཱ ཀ་ཐཱ;
དུ་མྨེ་དྷཱ་ནཾ མ་ནུ་སྶཱ་ནཾ, ཨ་རི་ཡ་དྷ་མྨཾ ཨ་པ་སྶ་ཏཾ.
༡༣༨. དྭེ དྭེ ག་ཧ་པ་ཏ་ཡོ གེ་ཧེ, ཨེ་ཀོ ཏ་ཏྠ ཨ་མ་སྶུ་ཀོ;
ལ་མྦ་ཏྠ་ནོ ཝེ་ཎི་ཀ་ཏོ, ཨ་ཐོ ཨ་ངྐི་ཏ་ཀ་ཎྞ་ཀོ;
ཀཱི་ཏོ དྷ་ནེ་ན བ་ཧུ་ནཱ, སོ ཏཾ ཝི་ཏུ་ད་ཏེ ཛ་ན་ནྟི.
ག་ར་ཧི་ཏ་ཛཱ་ཏ་ཀཾ ན་ཝ་མཾ.
༢༢༠. དྷ་མྨ་དྷ་ཛ་ཛཱ་ཏ་ཀཾ (༢-༧-༡༠)
༡༣༩. སུ་ཁཾ ཛཱི་ཝི་ཏ་རཱུ་པོ་སི, ར་ཊྛཱ ཝི་ཝ་ན་མཱ་ག་ཏོ;
སོ ཨེ་ཀ་ཀོ རུ་ཀྑ་མཱུ་ལེ [ཨ་ར་ཉྙ་སྨིཾ (སཱི. སྱཱ. པཱི.)], ཀ་པ་ཎོ ཝི་ཡ ཛྷཱ་ཡ་སི.
༡༤༠. སུ་ཁཾ ཛཱི་ཝི་ཏ་རཱུ་པོ་སྨི, ར་ཊྛཱ ཝི་ཝ་ན་མཱ་ག་ཏོ;
སོ ཨེ་ཀ་ཀོ རུ་ཀྑ་མཱུ་ལེ, ཀ་པ་ཎོ ཝི་ཡ ཛྷཱ་ཡཱ་མི;
ས་ཏཾ དྷ་མྨཾ ཨ་ནུ་སྶ་རཾ་ཏི.
དྷ་མྨ་དྷ་ཛ་ཛཱ་ཏ་ཀཾ ད་ས་མཾ.
བཱི་ར་ཎ་ཐ་མྦྷ་ཝ་གྒོ ས་ཏྟ་མོ.
ཏ་སྶུ་དྡཱ་ནཾ –
ཨ་ཐ བཱི་ར་ཎ་ཐ་མྦྷ་ཝ་རོ ཙ ན་ཊོ, བྷ་རུ་རཱ་ཛ་ཝ་རུ་ཏྟ་མ་པུ་ཎྞ་ན་དཱི;
བ་ཧུ་བྷཱ་ཎི ཨ་གྒི་པ་ཝ་ནེ མཱུ་སི་ཀཱ, ས་ཧ་ལ་མྦ་ཏྠ་ནོ ཀ་པ་ཎེ་ན ད་སཱ་ཏི.