༦. ན་ཏཾ་ད་ལ༹ྷ་ཝ་གྒོ
༢༠༡. བ་ནྡྷ་ནཱ་གཱ་ར་ཛཱ་ཏ་ཀཾ (༢-༦-༡)
༡༠༡. ན ཏཾ ད་ལ༹ྷཾ བ་ནྡྷ་ན་མཱ་ཧུ དྷཱི་རཱ, ཡ་དཱ་ཡ་སཾ དཱ་རུ་ཛ་པ་བྦ་ཛ་ཉྩ [བ་བྦ་ཛ་ཉྩ (སཱི.)];
སཱ་ར་ཏྟ་ར་ཏྟཱ མ་ཎི་ཀུ་ཎྜ་ལེ་སུ, པུ་ཏྟེ་སུ དཱ་རེ་སུ ཙ ཡཱ ཨ་པེ་ཀྑཱ.
༡༠༢. ཨེ་ཏཾ ད་ལ༹ྷཾ བ་ནྡྷ་ན་མཱ་ཧུ དྷཱི་རཱ, ཨོ་ཧཱ་རི་ནཾ སི་ཐི་ལཾ དུ་པྤ་མུ་ཉྩཾ;
ཨེ་ཏ་མྤི ཚེ་ཏྭཱ་ན ཝ་ཛ་ནྟི དྷཱི་རཱ, ཨ་ན་པེ་ཀྑི་ནོ ཀཱ་མ་སུ་ཁཾ པ་ཧཱ་ཡཱ་ཏི.
བ་ནྡྷ་ནཱ་གཱ་ར་ཛཱ་ཏ་ཀཾ པ་ཋ་མཾ.
༢༠༢. ཀེ་ལི༹་སཱི་ལ་ཛཱ་ཏ་ཀཾ (༢-༦-༢)
༡༠༣. ཧཾ་སཱ ཀོ་ཉྩཱ མ་ཡཱུ་རཱ ཙ, ཧ་ཏྠ་ཡོ [ཧ་ཏྠི་ནོ (སཱི.), ཧ་ཏྠི་ཡོ (སྱཱ. པཱི.)] པ་ས་དཱ མི་གཱ;
ས་བྦེ སཱི་ཧ་སྶ བྷཱ་ཡ་ནྟི, ན་ཏྠི ཀཱ་ཡ་སྨི ཏུ་ལྱ་ཏཱ.
༡༠༤. ཨེ་ཝ་མེ་ཝ མ་ནུ་སྶེ་སུ, ད་ཧ་རོ ཙེ་པི པ་ཉྙ་ཝཱ;
སོ ཧི ཏ་ཏྠ མ་ཧཱ ཧོ་ཏི, ནེ་ཝ བཱ་ལོ ས་རཱི་ར་ཝཱ་ཏི.
ཀེ་ལི༹་སཱི་ལ་ཛཱ་ཏ་ཀཾ དུ་ཏི་ཡཾ.
༢༠༣. ཁ་ཎྜ་ཛཱ་ཏ་ཀཾ (༢-༦-༣)
༡༠༥. ཝི་རཱུ་པ་ཀྑེ་ཧི མེ མེ་ཏྟཾ, མེ་ཏྟཾ ཨེ་རཱ་པ་ཐེ་ཧི མེ;
ཚ་བྱཱ་པུ་ཏྟེ་ཧི མེ མེ་ཏྟཾ, མེ་ཏྟཾ ཀ་ཎྷཱ་གོ་ཏ་མ་ཀེ་ཧི ཙ.
ཨ་པཱ་ད་ཀེ་ཧི མེ མེ་ཏྟཾ, མེ་ཏྟཾ དྭི་པཱ་ད་ཀེ་ཧི མེ;
ཙ་ཏུ་པྤ་དེ་ཧི མེ མེ་ཏྟཾ, མེ་ཏྟཾ བ་ཧུ་པྤ་དེ་ཧི མེ.
མཱ མཾ ཨ་པཱ་ད་ཀོ ཧིཾ་སི, མཱ མཾ ཧིཾ་སི དྭི་པཱ་ད་ཀོ;
མཱ མཾ ཙ་ཏུ་པྤ་དོ ཧིཾ་སི, མཱ མཾ ཧིཾ་སི བ་ཧུ་པྤ་དོ.
ས་བྦེ ས་ཏྟཱ ས་བྦེ པཱ་ཎཱ, ས་བྦེ བྷཱུ་ཏཱ ཙ ཀེ་ཝ་ལཱ;
ས་བྦེ བྷ་དྲཱ་ནི པ་སྶ་ནྟུ, མཱ ཀ་ཉྩི [ཀི་ཉྩི (སྱཱ. ཀ.)] པཱ་པ་མཱ་ག་མཱ.
༡༠༦. ཨ་པྤ་མཱ་ཎོ བུ་དྡྷོ, ཨ་པྤ་མཱ་ཎོ དྷ་མྨོ;
ཨ་པྤ་མཱ་ཎོ ས་ངྒྷོ, པ་མཱ་ཎ་ཝ་ནྟཱ་ནི ས་རཱི་ས་པཱ་ནི [སི་རི་ས་པཱ་ནི (སཱི. སྱཱ. པཱི.)];
ཨ་ཧི་ཝི་ཙྪི་ཀ་ས་ཏ་པ་དཱི, ཨུ་ཎྞ་ནཱ་བྷི [ཨུ་ཎྞཱ་ནཱ་བྷི (སཱི. སྱཱ. པཱི.)] ས་ར་བཱུ་མཱུ་སི་ཀཱ.
ཀ་ཏཱ མེ ར་ཀྑཱ ཀ་ཏཱ མེ པ་རི་ཏྟཱ, པ་ཊི་ཀྐ་མ་ནྟུ བྷཱུ་ཏཱ་ནི;
སོ་ཧཾ ན་མོ བྷ་ག་ཝ་ཏོ, ན་མོ ས་ཏྟ་ནྣཾ ས་མྨཱ་ས་མྦུ་དྡྷཱ་ན་ནྟི.
ཁ་ཎྜ་ཛཱ་ཏ་ཀཾ ཏ་ཏི་ཡཾ.
༢༠༤. ཝཱི་ར་ཀ་ཛཱ་ཏ་ཀཾ (༢-༦-༤)
༡༠༧. ཨ་པི ཝཱི་ར་ཀ པ་སྶེ་སི, ས་ཀུ་ཎཾ མ་ཉྫུ་བྷཱ་ཎ་ཀཾ;
མ་ཡཱུ་ར་གཱི་ཝ་ས་ངྐཱ་སཾ, པ་ཏིཾ མ་ཡ྄ཧཾ ས་ཝི་ཊྛ་ཀཾ.
༡༠༨. ཨུ་ད་ཀ་ཐ་ལ་ཙ་ར་སྶ པ་ཀྑི་ནོ, ནི་ཙྩཾ ཨཱ་མ་ཀ་མ་ཙྪ་བྷོ་ཛི་ནོ;
ཏ་སྶཱ་ནུ་ཀ་རཾ ས་ཝི་ཊྛ་ཀོ, སེ་ཝཱ་ལེ པ་ལི་གུ་ཎྛི་ཏོ མ་ཏོ་ཏི.
ཝཱི་ར་ཀ་ཛཱ་ཏ་ཀཾ ཙ་ཏུ་ཏྠཾ.
༢༠༥. ག་ངྒེ་ཡྻ་ཛཱ་ཏ་ཀཾ (༢-༦-༥)
༡༠༩. སོ་བྷ་ཏི མ་ཙྪོ ག་ངྒེ་ཡྻོ, ཨ་ཐོ སོ་བྷ་ཏི ཡཱ་མུ་ནོ [སོ་བྷ་ནྟི མ་ཙྪཱ ག་ངྒེ་ཡྻཱ, ཨ་ཐོ སོ་བྷ་ནྟི ཡཱ་མུ་ནཱ (སྱཱ. པཱི.)];
ཙ་ཏུ་པྤ་དོ་ཡཾ པུ་རི་སོ, ནི་གྲོ་དྷ་པ་རི་མ་ཎྜ་ལོ;
ཨཱི་ས་ཀཱ་ཡ་ཏ [ཨཱི་ས་མཱ་ཡ་ཏ (ཀ.)] གཱི་ཝོ ཙ, ས་བྦེ་ཝ ཨ་ཏི་རོ་ཙ་ཏི.
༡༡༠. ཡཾ པུ་ཙྪི་ཏོ ན ཏཾ ཨ་ཀྑཱ་སི [ཨ་ཀྑཱ (སཱི. སྱཱ. པཱི.)], ཨ་ཉྙཾ ཨ་ཀྑཱ་སི [ཨ་ཀྑཱ་ཏི (སྱཱ. པཱི.)] པུ་ཙྪི་ཏོ;
ཨ་ཏྟ་པྤ་སཾ་ས་ཀོ པོ་སོ, ནཱ་ཡཾ ཨ་སྨཱ་ཀ རུ་ཙྩ་ཏཱི་ཏི.
ག་ངྒེ་ཡྻ་ཛཱ་ཏ་ཀཾ པ་ཉྩ་མཾ.
༢༠༦. ཀུ་རུ་ངྒ་མི་ག་ཛཱ་ཏ་ཀཾ (༢-༦-༦)
༡༡༡. ཨི་ངྒྷ ཝ་དྡྷ་མ་ཡཾ [ཝ་དྡྷ་མ་ཡཾ (སཱི. སྱཱ. པཱི.)] པཱ་སཾ, ཚི་ནྡ ད་ནྟེ་ཧི ཀ་ཙྪ་པ;
ཨ་ཧཾ ཏ་ཐཱ ཀ་རི་སྶཱ་མི, ཡ་ཐཱ ནེ་ཧི་ཏི ལུ་དྡ་ཀོ.
༡༡༢. ཀ་ཙྪ་པོ པཱ་ཝི་སཱི ཝཱ་རིཾ, ཀུ་རུ་ངྒོ པཱ་ཝི་སཱི ཝ་ནཾ;
ས་ཏ་པ་ཏྟོ དུ་མ་གྒ་མྷཱ, དཱུ་རེ པུ་ཏྟེ ཨ་པཱ་ན་ཡཱི་ཏི.
ཀུ་རུ་ངྒ་མི་ག་ཛཱ་ཏ་ཀཾ ཚ་ཊྛཾ.
༢༠༧. ཨ་སྶ་ཀ་ཛཱ་ཏ་ཀཾ (༢-༦-༧)
༡༡༣. ཨ་ཡ་མ་སྶ་ཀ་རཱ་ཛེ་ན, དེ་སོ ཝི་ཙ་རི་ཏོ མ་ཡཱ;
ཨ་ནུ་ཀཱ་མ་ཡ ཀཱ་མེ་ན [ཨ་ནུ་ཀཱ་མ་ཡ་ཝ་ནུ་ཀཱ་མེ་ན (སཱི. པཱི.)], པི་ཡེ་ན པ་ཏི་ནཱ ས་ཧ.
༡༡༤. ན་ཝེ་ན སུ་ཁ་དུ་ཀྑེ་ན, པོ་རཱ་ཎཾ ཨ་པི་དྷཱི་ཡ་ཏི [ཨ་པི་ཐཱི་ཡ་ཏི (སཱི. པཱི.), ཨ་པི་ཐི་ཡྻ་ཏི (སྱཱ.)];
ཏ་སྨཱ ཨ་སྶ་ཀ་ར་ཉྙཱ་ཝ, ཀཱི་ཊོ པི་ཡ་ཏ་རོ མ་མཱ་ཏི.
ཨ་སྶ་ཀ་ཛཱ་ཏ་ཀཾ ས་ཏྟ་མཾ.
༢༠༨. སུ་སུ་མཱ་ར་ཛཱ་ཏ་ཀཾ (༢-༦-༨)
༡༡༥. ཨ་ལཾ མེ་ཏེ་ཧི ཨ་མྦེ་ཧི, ཛ་མྦཱུ་ཧི པ་ན་སེ་ཧི ཙ;
ཡཱ་ནི པཱ་རཾ ས་མུ་དྡ་སྶ, ཝ་རཾ མ་ཡ྄ཧཾ ཨུ་དུ་མྦ་རོ.
༡༡༦. མ་ཧ་ཏཱི ཝ་ཏ ཏེ བོ་ནྡི, ན ཙ པ་ཉྙཱ ཏ་དཱུ་པི་ཀཱ;
སུ་སུ་མཱ་ར [སུཾ་སུ་མཱ་ར (སཱི. སྱཱ. པཱི.)] ཝ་ཉྩི་ཏོ མེ་སི, ག་ཙྪ དཱ་ནི ཡ་ཐཱ་སུ་ཁ་ནྟི.
སུ་སུ་མཱ་ར་ཛཱ་ཏ་ཀཾ ཨ་ཊྛ་མཾ.
༢༠༩. ཀུ་ཀྐུ་ཊ་ཛཱ་ཏ་ཀཾ (༢-༦-༩)
༡༡༧. དི་ཊྛཱ མ་ཡཱ ཝ་ནེ རུ་ཀྑཱ, ཨ་སྶ་ཀ་ཎྞཱ ཝི་བྷཱི་ཊ་ཀཱ [ཝི་བྷེ་ད་ཀཱ (སྱཱ. ཀ.)];
ན ཏཱ་ནི ཨེ་ཝཾ ས་ཀྐ་ནྟི, ཡ་ཐཱ ཏྭཾ རུ་ཀྑ ས་ཀྐ་སི.
༡༡༨. པུ་རཱ་ཎ་ཀུ་ཀྐུ་ཊོ [ཀ་ཀྐ་རོ (སཱི. སྱཱ. པཱི.)] ཨ་ཡཾ, བྷེ་ཏྭཱ པ་ཉྫ་ར་མཱ་ག་ཏོ;
ཀུ་ས་ལོ ཝཱ་ལ༹་པཱ་སཱ་ནཾ, ཨ་པ་ཀྐ་མ་ཏི བྷཱ་ས་ཏཱི་ཏི.
ཀུ་ཀྐུ་ཊ [ཀ་ཀྐ་ར (སཱི. སྱཱ. པཱི.)] ཛཱ་ཏ་ཀཾ ན་ཝ་མཾ.
༢༡༠. ཀ་ནྡ་ག་ལ་ཀ་ཛཱ་ཏ་ཀཾ (༢-༦-༡༠)
༡༡༩. ཨ་མྦྷོ ཀོ ནཱ་མ ཡཾ རུ་ཀྑོ, སི་ནྣ་པ་ཏྟོ [སཱི་ན་པ་ཏྟོ (སཱི. པཱི.)] ས་ཀ་ཎྚ་ཀོ;
ཡ་ཏྠ ཨེ་ཀ་པྤ་ཧཱ་རེ་ན, ཨུ་ཏྟ་མ་ངྒཾ ཝི་བྷི་ཛྫི་ཏཾ [ཝི་སཱ་ཊི་ཀཾ (སཱི. སྱཱ. པཱི.), ཝི་གྷཱ་ཊི་ཏཾ (སཱི. ནི་ཡྻ)].
༡༢༠. ཨ་ཙཱ་རི ཝ་ཏཱ་ཡཾ ཝི་ཏུ་དཾ ཝ་ནཱ་ནི, ཀ་ཊྛ་ངྒ་རུ་ཀྑེ་སུ ཨ་སཱ་ར་ཀེ་སུ;
ཨ་ཐཱ་ས་དཱ ཁ་དི་རཾ ཛཱ་ཏ་སཱ་རཾ [ཛཱ་ཏི་སཱ་རཾ (ཀ.)], ཡ་ཏྠ་བྦྷི་དཱ ག་རུ་ལོ༹ ཨུ་ཏྟ་མ་ངྒ་ནྟི.
ཀ་ནྡ་ག་ལ་ཀ [ཀ་ནྡ་ལ་ཀ (ཀ.)] ཛཱ་ཏ་ཀཾ ད་ས་མཾ.
ན་ཏཾ་ད་ལ༹ྷ་ཝ་གྒོ ཚ་ཊྛོ.
ཏ་སྶུ་དྡཱ་ནཾ –
ད་ལ༹ྷ་བ་ནྡྷ་ན ཧཾ་ས་ཝ་རོ ཙ པུ་ན, ཝི་རཱུ་པ་ཀྑ ས་ཝི་ཊྛ་ཀ མ་ཙྪ་ཝ་རོ;
ས་ཀུ་རུ་ངྒ ས་ཨ་སྶ་ཀ ཨ་མྦ་ཝ་རོ, པུ་ན ཀུ་ཀྐུ་ཊ་ཀོ ག་རུ་ལེ༹་ན ད་སཱ་ཏི.