༥. རུ་ཧ་ཀ་ཝ་གྒོ
༡༩༡. རུ་ཧ་ཀ་ཛཱ་ཏ་ཀཾ (༢-༥-༡)
༨༡. ཨ་པི [ཨ་མྦྷོ (སྱཱ. ཀ. སཱི.)] རུ་ཧ་ཀ ཚི་ནྣཱ་པི, ཛི་ཡཱ ས་ནྡྷཱི་ཡ་ཏེ པུ་ན;
ས་ནྡྷཱི་ཡ་སྶུ པུ་རཱ་ཎི་ཡཱ, མཱ ཀོ་དྷ་སྶ ཝ་སཾ ག་མི.
༨༢. ཝི་ཛྫ་མཱ་ནེ་སུ ཝཱ་ཀེ་སུ [ཝི་ཛྫ་མཱ་ནཱ་སུ མ་རུ་ཝཱ་སུ (སཱི.), ཝི་ཛྫ་མཱ་ནཱ་སུ མ་རཱུ་དྭཱ་སུ (པཱི.)], ཝི་ཛྫ་མཱ་ནེ་སུ ཀཱ་རི་སུ;
ཨ་ཉྙཾ ཛི་ཡཾ ཀ་རི་སྶཱ་མི, ཨ་ལ་ཉྙེ་ཝ པུ་རཱ་ཎི་ཡཱ་ཏི.
རུ་ཧ་ཀ་ཛཱ་ཏ་ཀཾ པ་ཋ་མཾ.
༡༩༢. སི་རི་ཀཱ་ལ༹་ཀ་ཎྞི་ཛཱ་ཏ་ཀཾ (༢-༥-༢)
༨༣. ཨི་ཏྠཱི སི་ཡཱ རཱུ་པ་ཝ་ཏཱི, སཱ ཙ སཱི་ལ་ཝ་ཏཱི སི་ཡཱ;
པུ་རི་སོ ཏཾ ན ཨི་ཙྪེ་ཡྻ, ས་དྡ་ཧཱ་སི མ་ཧོ་ས་དྷ.
༨༤. ས་དྡ་ཧཱ་མི མ་ཧཱ་རཱ་ཛ, པུ་རི་སོ དུ་བྦྷ་གོ སི་ཡཱ;
སི་རཱི ཙ ཀཱ་ལ༹་ཀ་ཎྞཱི ཙ, ན ས་མེ་ནྟི ཀུ་དཱ་ཙ་ན་ནྟི.
སི་རི་ཀཱ་ལ༹་ཀ་ཎྞི་ཛཱ་ཏ་ཀཾ དུ་ཏི་ཡཾ.
༡༩༣. ཙཱུ་ལ༹་པ་དུ་མ་ཛཱ་ཏ་ཀཾ (༢-༥-༣)
༨༥. ཨ་ཡ་མེ་ཝ སཱ ཨ་ཧ་མ་པི [ཨ་ཧ་མྤི (སཱི. སྱཱ. པཱི.), ཨ་ཧ་སྨི (ཀ.)] སོ ཨ་ན་ཉྙོ, ཨ་ཡ་མེ་ཝ སོ ཧ་ཏྠ་ཙྪི་ནྣོ ཨ་ན་ཉྙོ;
ཡ་མཱ་ཧ ‘‘ཀོ་མཱ་ར་པ་ཏཱི མ་མ’’ནྟི, ཝ་ཛ྄ཛྷི་ཏྠི་ཡོ ན་ཏྠི ཨི་ཏྠཱི་སུ ས་ཙྩཾ.
༨༦. ཨི་མ་ཉྩ ཛ་མྨཾ མུ་ས་ལེ་ན ཧ་ནྟྭཱ, ལུ་དྡཾ ཚ་ཝཾ པ་ར་དཱ་རཱུ་པ་སེ་ཝིཾ;
ཨི་མི་སྶཱ ཙ ནཾ པཱ་པ་པ་ཏི་བྦ་ཏཱ་ཡ, ཛཱི་ཝ་ནྟི་ཡཱ ཚི་ནྡ་ཐ ཀ་ཎྞ་ནཱ་ས་ནྟི.
ཙཱུ་ལ༹་པ་དུ་མ་ཛཱ་ཏ་ཀཾ ཏ་ཏི་ཡཾ.
༡༩༤. མ་ཎི་ཙོ་ར་ཛཱ་ཏ་ཀཾ (༢-༥-༤)
༨༧. ན ས་ནྟི དེ་ཝཱ པ་ཝ་ས་ནྟི ནཱུ་ན, ན ཧི ནཱུ་ན ས་ནྟི ཨི་དྷ ལོ་ཀ་པཱ་ལཱ;
ས་ཧ་སཱ ཀ་རོ་ནྟཱ་ན་མ་ས་ཉྙ་ཏཱ་ནཾ, ན ཧི ནཱུ་ན ས་ནྟཱི པ་ཊི་སེ་དྷི་ཏཱ་རོ.
༨༨. ཨ་ཀཱ་ལེ ཝ་སྶ་ཏཱི ཏ་སྶ, ཀཱ་ལེ ཏ་སྶ ན ཝ་སྶ་ཏི;
ས་གྒཱ ཙ ཙ་ཝ་ཏི ཋཱ་ནཱ, ན་ནུ སོ ཏཱ་ཝ་ཏཱ ཧ་ཏོ་ཏི.
མ་ཎི་ཙོ་ར་ཛཱ་ཏ་ཀཾ ཙ་ཏུ་ཏྠཾ.
༡༩༥. པ་བྦ་ཏཱུ་པ་ཏྠ་ར་ཛཱ་ཏ་ཀཾ (༢-༥-༥)
༨༩. པ་བྦ་ཏཱུ་པ་ཏྠ་རེ [པ་བྦ་ཏ་པ་ཏྠ་རེ (སཱི. སྱཱ. པཱི.)] ར་མྨེ, ཛཱ་ཏཱ པོ་ཀྑ་ར་ཎཱི སི་ཝཱ;
ཏཾ སི་ངྒཱ་ལོ ཨ་པཱ་པཱ་ཡི [ཨ་པཱ་པཱ་སི (སཱི. སྱཱ. པཱི.)], ཛཱ་ནཾ སཱི་ཧེ་ན ར་ཀྑི་ཏཾ.
༩༠. པི་ཝ་ནྟི ཙེ [པི་ཝ་ནྟི ཝེ (སཱི.), པི་ཝ་ནྟི་ཝ (པཱི.), པི་ཝ་ནྟེ་ཝ (?)] མ་ཧཱ་རཱ་ཛ, སཱ་པ་དཱ་ནི མ་ཧཱ་ན་དིཾ;
ན ཏེ་ན ཨ་ན་དཱི ཧོ་ཏི, ཁ་མ་སྶུ ཡ་དི ཏེ པི་ཡཱ་ཏི.
པ་བྦ་ཏཱུ་པ་ཏྠ་ར [པ་བྦ་ཏ་པ་ཏྠ་ར (སཱི. སྱཱ. པཱི.)] ཛཱ་ཏ་ཀཾ པ་ཉྩ་མཾ.
༡༩༦. ཝ་ལཱ་ཧ་ཀ་སྶ་ཛཱ་ཏ་ཀཾ (༢-༥-༦)
༩༡. ཡེ ན ཀཱ་ཧ་ནྟི ཨོ་ཝཱ་དཾ, ན་རཱ བུ་དྡྷེ་ན དེ་སི་ཏཾ;
བྱ་ས་ནཾ ཏེ ག་མི་སྶ་ནྟི, ར་ཀྑ་སཱི་ཧི་ཝ ཝཱ་ཎི་ཛཱ.
༩༢. ཡེ ཙ ཀཱ་ཧ་ནྟི ཨོ་ཝཱ་དཾ, ན་རཱ བུ་དྡྷེ་ན དེ་སི་ཏཾ;
སོ་ཏྠིཾ པཱ་རཾ ག་མི་སྶ་ནྟི, ཝ་ལཱ་ཧེ་ནེ་ཝ [ཝཱ་ལཱ་ཧེ་ནེ་ཝ (སཱི. པཱི.)] ཝཱ་ཎི་ཛཱ་ཏི.
ཝ་ལཱ་ཧ་ཀ་སྶ [ཝཱ་ལཱ་ཧ་སྶ (སཱི. པཱི.)] ཛཱ་ཏ་ཀཾ ཚ་ཊྛཾ.
༡༩༧. མི་ཏྟཱ་མི་ཏྟ་ཛཱ་ཏ་ཀཾ (༢-༥-༧)
༩༣. ན ནཾ ཨུ་མྷ་ཡ་ཏེ དི་སྭཱ, ན ཙ ནཾ པ་ཊི་ན་ནྡ་ཏི;
ཙ་ཀྑཱུ་ནི ཙ་སྶ ན ད་དཱ་ཏི, པ་ཊི་ལོ་མ་ཉྩ ཝ་ཏྟ་ཏི.
༩༤. ཨེ་ཏེ བྷ་ཝ་ནྟི ཨཱ་ཀཱ་རཱ, ཨ་མི་ཏྟ་སྨིཾ པ་ཏི་ཊྛི་ཏཱ;
ཡེ་ཧི ཨ་མི་ཏྟཾ ཛཱ་ནེ་ཡྻ, དི་སྭཱ སུ་ཏྭཱ ཙ པ་ཎྜི་ཏོ་ཏི.
མི་ཏྟཱ་མི་ཏྟ་ཛཱ་ཏ་ཀཾ ས་ཏྟ་མཾ.
༡༩༨. རཱ་དྷ་ཛཱ་ཏ་ཀཾ (༢-༥-༨)
༩༥. པ་ཝཱ་སཱ ཨཱ་ག་ཏོ ཏཱ་ཏ, ཨི་དཱ་ནི ན་ཙི་རཱ་ག་ཏོ;
ཀ་ཙྩི་ནྣུ ཏཱ་ཏ ཏེ མཱ་ཏཱ, ན ཨ་ཉྙ་མུ་པ་སེ་ཝ་ཏི.
༩༦. ན ཁོ པ་ནེ་ཏཾ སུ་བྷ་ཎཾ, གི་རཾ ས་ཙྩུ་པ་སཾ་ཧི་ཏཾ;
ས་ཡེ་ཐ པོ་ཊྛ་པཱ་དོ་ཝ, མུ་མྨུ་རེ [མུ་མྨུ་རེ (སྱཱ.), མཾ པུ་རེ (ཀ.) མུ་མྨུ་ར་ས་དྡོ ཐུ་ས་གྒི་མྷི ཀུ་ཀྐུ་ལེ༹ ཙ ཝ་ཏྟ་ཏཱི་ཏི ས་ཀྐ་ཏཱ་བྷི་དྷཱ་ནེ་སུ] ཨུ་པ་ཀཱུ་ཐི་ཏོ་ཏི [ཨུ་པ་ཀཱུ་སི་ཏོ་ཏི (སཱི. སྱཱ. པཱི.), ཨུ་པ་ཀཱུ་ལི་ཏོ (ཀ.)].
རཱ་དྷ་ཛཱ་ཏ་ཀཾ ཨ་ཊྛ་མཾ.
༡༩༩. ག་ཧ་པ་ཏི་ཛཱ་ཏ་ཀཾ (༢-༥-༩)
༩༧. ཨུ་བྷ་ཡཾ མེ ན ཁ་མ་ཏི, ཨུ་བྷ་ཡཾ མེ ན རུ་ཙྩ་ཏི;
ཡཱ་ཙཱ་ཡཾ ཀོ་ཊྛ་མོ་ཏི་ཎྞཱ, ནཱ་དྡ་སཾ ཨི་ཏི བྷཱ་ས་ཏི.
༩༨. ཏཾ ཏཾ གཱ་མ་པ་ཏི བྲཱུ་མི, ཀ་ད་རེ ཨ་པྤ་སྨི ཛཱི་ཝི་ཏེ;
དྭེ མཱ་སེ ས་ངྒ་རཾ ཀ་ཏྭཱ [ཀཱ་རཾ ཀ་ཏྭཱ་ན (སཱི. པཱི.), སཾ་ཀ་རཾ ཀ་ཏྭཱ (ཀ.)], མཾ་སཾ ཛ་ར་གྒ་ཝཾ ཀི་སཾ;
ཨ་པྤ་ཏྟ་ཀཱ་ལེ ཙོ་དེ་སི, ཏ་མྤི མ་ཡ྄ཧཾ ན རུ་ཙྩ་ཏཱི་ཏི.
ག་ཧ་པ་ཏི་ཛཱ་ཏ་ཀཾ ན་ཝ་མཾ.
༢༠༠. སཱ་དྷུ་སཱི་ལ་ཛཱ་ཏ་ཀཾ (༢-༥-༡༠)
༩༩. ས་རཱི་ར་ད་བྱཾ ཝུ་ཌྜྷ་བྱཾ [ཝ་དྡྷ་བྱཾ (སཱི. པཱི.)], སོ་ཛ་ཙྩཾ སཱ་དྷུ་སཱི་ལི་ཡཾ;
བྲཱ་ཧྨ་ཎཾ ཏེ་ཝ པུ་ཙྪཱ་མ, ཀ་ནྣུ ཏེ་སཾ ཝ་ནི་མྷ་སེ [ཝ་ཎི་མྷ་སེ (སཱི. པཱི.)].
༡༠༠. ཨ་ཏྠོ ཨ་ཏྠི ས་རཱི་ར་སྨིཾ, ཝུ་ཌྜྷ་བྱ་སྶ ན་མོ ཀ་རེ;
ཨ་ཏྠོ ཨ་ཏྠི སུ་ཛཱ་ཏ་སྨིཾ, སཱི་ལཾ ཨ་སྨཱ་ཀ རུ་ཙྩ་ཏཱི་ཏི.
སཱ་དྷུ་སཱི་ལ་ཛཱ་ཏ་ཀཾ ད་ས་མཾ.
རུ་ཧ་ཀ་ཝ་གྒོ པ་ཉྩ་མོ.
ཏ་སྶུ་དྡཱ་ནཾ –
ཨ་པི་རུ་ཧ་ཀ རཱུ་པ་ཝ་ཏཱི མུ་ས་ལོ, པ་ཝ་ས་ནྟི ས་པ་ཉྩ་མ་པོ་ཀྑ་ར་ཎཱི;
ཨ་ཐ མུ་ཏྟི་མ་ཝཱ་ཎི་ཛ ཨུ་མྷ་ཡ་ཏེ, ཙི་ར་ཨཱ་ག་ཏ ཀོ་ཊྛ ས་རཱི་ར ད་སཱ་ཏི.