༢. ས་ནྠ་ཝ་ཝ་གྒོ
༡༦༡. ཨི་ནྡ་ས་མཱ་ན་གོ་ཏྟ་ཛཱ་ཏ་ཀཾ (༢-༢-༡)
༢༡. ན ས་ནྠ་ཝཾ [ས་ནྡྷ་ཝཾ (ཀ.)] ཀཱ་པུ་རི་སེ་ན ཀ་ཡི་རཱ, ཨ་རི་ཡོ ཨ་ན་རི་ཡེ་ན པ་ཛཱ་ན་མ་ཏྠཾ;
ཙི་རཱ་ནུ་ཝུ་ཏྠོ་པི ཀ་རོ་ཏི པཱ་པཾ, ག་ཛོ ཡ་ཐཱ ཨི་ནྡ་ས་མཱ་ན་གོ་ཏྟཾ.
༢༢. ཡཾ ཏྭེ་ཝ ཛ་ཉྙཱ ས་དི་སོ མ་མ་ནྟི, སཱི་ལེ་ན པ་ཉྙཱ་ཡ སུ་ཏེ་ན ཙཱ་པི;
ཏེ་ནེ་ཝ མེ་ཏྟིཾ ཀ་ཡི་རཱ་ཐ ས་དྡྷིཾ, སུ་ཁོ ཧ་ཝེ ས་པྤུ་རི་སེ་ན ས་ངྒ་མོ་ཏི.
ཨི་ནྡ་ས་མཱ་ན་གོ་ཏྟ་ཛཱ་ཏ་ཀཾ པ་ཋ་མཾ.
༡༦༢. ས་ནྠ་ཝ་ཛཱ་ཏ་ཀཾ (༢-༢-༢)
༢༣. ན ས་ནྠ་ཝ་སྨཱ པ་ར་མ་ཏྠི པཱ་པི་ཡོ, ཡོ ས་ནྠ་ཝོ [ས་ནྡྷ་ཝོ (ཀ.)] ཀཱ་པུ་རི་སེ་ན ཧོ་ཏི;
ས་ནྟ་པྤི་ཏོ ས་པྤི་ནཱ པཱ་ཡ་སེ་ན [པཱ་ཡཱ་སེ་ན (ཀ.)], ཀི་ཙྪཱ་ཀ་ཏཾ པ་ཎྞ་ཀུ་ཊིཾ ཨ་ད་ཡ྄ཧི [ཨ་ད་ཌྜྷ་ཧི (སཱི. སྱཱ.), ཨ་ད་ཊྛ་ཧི (པཱི.), ཨ་ད་དྡ་ཧི (?)].
༢༤. ན ས་ནྠ་ཝ་སྨཱ པ་ར་མ་ཏྠི སེ་ཡྻོ, ཡོ ས་ནྠ་ཝོ ས་པྤུ་རི་སེ་ན ཧོ་ཏི;
སཱི་ཧ་སྶ བྱ་གྒྷ་སྶ ཙ དཱི་པི་ནོ ཙ, སཱ་མཱ མུ་ཁཾ ལེ་ཧ་ཏི ས་ནྠ་ཝེ་ནཱ་ཏི.
ས་ནྠ་ཝ་ཛཱ་ཏ་ཀཾ དུ་ཏི་ཡཾ.
༡༦༣. སུ་སཱི་མ་ཛཱ་ཏ་ཀཾ (༢-༢-༣)
༢༥. ཀཱ་ལཱ༹ མི་གཱ སེ་ཏ་ད་ནྟཱ ཏ་ཝཱི་མེ [ཏ་ཝ ཨི་མེ (སཱི. སྱཱ. པཱི.)], པ་རོ་ས་ཏཾ ཧེ་མ་ཛཱ་ལཱ་བྷི་ཚ་ནྣཱ [ཧེ་མ་ཛཱ་ལཱ་བྷི་ས་ཉྪ་ནྣཱ (སཱི.)];
ཏེ ཏེ ད་དཱ་མཱི་ཏི སུ་སཱི་མ བྲཱུ་སི, ཨ་ནུ་སྶ་རཾ པེ་ཏྟི་པི་ཏཱ་མ་ཧཱ་ནཾ.
༢༦. ཀཱ་ལཱ༹ མི་གཱ སེ་ཏ་ད་ནྟཱ མ་མཱི་མེ [མ་མ ཨི་མེ (སཱི. པཱི.)], པ་རོ་ས་ཏཾ ཧེ་མ་ཛཱ་ལཱ་བྷི་ཙྪ་ནྣཱ;
ཏེ ཏེ ད་དཱ་མཱི་ཏི ཝ་དཱ་མི མཱ་ཎ་ཝ, ཨ་ནུ་སྶ་རཾ པེ་ཏྟི་པི་ཏཱ་མ་ཧཱ་ན་ནྟི.
སུ་སཱི་མ་ཛཱ་ཏ་ཀཾ ཏ་ཏི་ཡཾ.
༡༦༤. གི་ཛ྄ཛྷ་ཛཱ་ཏ་ཀཾ (༢-༢-༤)
༢༧. ཡཾ ནུ གི་ཛ྄ཛྷོ ཡོ་ཛ་ན་ས་ཏཾ, ཀུ་ཎ་པཱ་ནི ཨ་ཝེ་ཀྑ་ཏི;
ཀ་སྨཱ ཛཱ་ལ་ཉྩ པཱ་ས་ཉྩ, ཨཱ་ས་ཛྫཱ་པི ན བུ་ཛ྄ཛྷ་སི.
༢༨. ཡ་དཱ པ་རཱ་བྷ་ཝོ ཧོ་ཏི, པོ་སོ ཛཱི་ཝི་ཏ་ས་ངྑ་ཡེ;
ཨ་ཐ ཛཱ་ལ་ཉྩ པཱ་ས་ཉྩ, ཨཱ་ས་ཛྫཱ་པི ན བུ་ཛ྄ཛྷ་ཏཱི་ཏི.
གི་ཛ྄ཛྷ་ཛཱ་ཏ་ཀཾ ཙ་ཏུ་ཏྠཾ.
༡༦༥. ན་ཀུ་ལ་ཛཱ་ཏ་ཀཾ (༢-༢-༥)
༢༩. ས་ནྡྷིཾ ཀ་ཏྭཱ ཨ་མི་ཏྟེ་ན, ཨ་ཎྜ་ཛེ་ན ཛ་ལཱ་བུ་ཛ;
ཝི་ཝ་རི་ཡ དཱ་ཋཾ སེ་སི [ས་ཡ་སི (སཱི. སྱཱ. པཱི.)], ཀུ་ཏོ ཏེ བྷ་ཡ་མཱ་ག་ཏཾ.
༣༠. ས་ངྐེ་ཐེ་ཝ [ས་ངྐ་ཏེ་ཝ (ཀ.)] ཨ་མི་ཏྟ་སྨིཾ, མི་ཏྟ་སྨི་མྤི ན ཝི་སྶ་སེ;
ཨ་བྷ་ཡཱ བྷ་ཡ་མུ་པྤ་ནྣཾ, ཨ་པི མཱུ་ལཱ་ནི ཀ་ནྟ་ཏཱི་ཏི [མཱུ་ལཾ ནི་ཀ་ནྟ་ཏཱི་ཏི (སཱི.)].
ན་ཀུ་ལ་ཛཱ་ཏ་ཀཾ པ་ཉྩ་མཾ.
༡༦༦. ཨུ་པ་སཱ་ལ༹་ཀ་ཛཱ་ཏ་ཀཾ (༢-༢-༦)
༣༡. ཨུ་པ་སཱ་ལ༹་ཀ་ནཱ་མཱ་ནི [ཨུ་པ་སཱ་ལ༹ྷ་ཀ་ནཱ་མཱ་ནཾ (སཱི. སྱཱ. པཱི.)], ས་ཧ་སྶཱ་ནི ཙ་ཏུ་དྡ་ས;
ཨ་སྨིཾ པ་དེ་སེ ད་ཌྜྷཱ་ནི, ན་ཏྠི ལོ་ཀེ ཨ་ནཱ་མ་ཏཾ.
༣༢. ཡ་མྷི ས་ཙྩ་ཉྩ དྷ་མྨོ ཙ, ཨ་ཧིཾ་སཱ སཾ་ཡ་མོ ད་མོ;
ཨེ་ཏཾ ཨ་རི་ཡཱ སེ་ཝ་ནྟི, ཨེ་ཏཾ ལོ་ཀེ ཨ་ནཱ་མ་ཏ་ནྟི.
ཨུ་པ་སཱ་ལ༹་ཀ་ཛཱ་ཏ་ཀཾ ཚ་ཊྛཾ.
༡༦༧. ས་མི་དྡྷི་ཛཱ་ཏ་ཀཾ (༢-༢-༧)
༣༣. ཨ་བྷུ་ཏྭཱ བྷི་ཀྑ་སི བྷི་ཀྑུ, ན ཧི བྷུ་ཏྭཱ་ན བྷི་ཀྑ་སི;
བྷུ་ཏྭཱ་ན བྷི་ཀྑུ བྷི་ཀྑ་སྶུ, མཱ ཏཾ ཀཱ་ལོ ཨུ་པ་ཙྩ་གཱ.
༣༤. ཀཱ་ལཾ ཝོ་ཧཾ ན ཛཱ་ནཱ་མི, ཚ་ནྣོ ཀཱ་ལོ ན དི་སྶ་ཏི;
ཏ་སྨཱ ཨ་བྷུ་ཏྭཱ བྷི་ཀྑཱ་མི, མཱ མཾ ཀཱ་ལོ ཨུ་པ་ཙྩ་གཱ་ཏི.
ས་མི་དྡྷི་ཛཱ་ཏ་ཀཾ ས་ཏྟ་མཾ.
༡༦༨. ས་ཀུ་ཎ་གྒྷི་ཛཱ་ཏ་ཀཾ (༢-༢-༨)
༣༥. སེ་ནོ བ་ལ་སཱ པ་ཏ་མཱ་ནོ, ལཱ་པཾ གོ་ཙ་ར་ཋཱ་ཡི་ནཾ;
ས་ཧ་སཱ ཨ་ཛ྄ཛྷ་པྤ་ཏྟོ་ཝ, མ་ར་ཎཾ ཏེ་ནུ་པཱ་ག་མི.
༣༦. སོ་ཧཾ ན་ཡེ་ན ས་མྤ་ནྣོ, པེ་ཏྟི་ཀེ གོ་ཙ་རེ ར་ཏོ;
ཨ་པེ་ཏ་ས་ཏྟུ མོ་དཱ་མི, ས་མྤ་སྶཾ ཨ་ཏྠ་མ་ཏྟ་ནོ་ཏི.
ས་ཀུ་ཎ་གྒྷི་ཛཱ་ཏ་ཀཾ ཨ་ཊྛ་མཾ.
༡༦༩. ཨ་ར་ཀ་ཛཱ་ཏ་ཀཾ (༢-༢-༩)
༣༧. ཡོ ཝེ མེ་ཏྟེ་ན ཙི་ཏྟེ་ན, ས་བྦ་ལོ་ཀཱ་ནུ་ཀ་མྤ་ཏི;
ཨུ་དྡྷཾ ཨ་དྷོ ཙ ཏི་རི་ཡཾ, ཨ་པྤ་མཱ་ཎེ་ན ས་བྦ་སོ.
༣༨. ཨ་པྤ་མཱ་ཎཾ ཧི་ཏཾ ཙི་ཏྟཾ, པ་རི་པུ་ཎྞཾ སུ་བྷཱ་ཝི་ཏཾ;
ཡཾ པ་མཱ་ཎ་ཀ་ཏཾ ཀ་མྨཾ, ན ཏཾ ཏ་ཏྲཱ་ཝ་སི་སྶ་ཏཱི་ཏི.
ཨ་ར་ཀ་ཛཱ་ཏ་ཀཾ ན་ཝ་མཾ.
༡༧༠. ཀ་ཀ་ཎྚ་ཀ་ཛཱ་ཏ་ཀཾ (༢-༢-༡༠)
༣༩. ནཱ་ཡཾ པུ་རེ ཨུ་ཎྞ་མ་ཏི [ཨུ་ནྣ་མ་ཏི (སྱཱ.)], ཏོ་ར་ཎ་གྒེ ཀ་ཀ་ཎྚ་ཀོ;
མ་ཧོ་ས་དྷ ཝི་ཛཱ་ནཱ་ཧི, ཀེ་ན ཐ་དྡྷོ ཀ་ཀ་ཎྚ་ཀོ.
༤༠. ཨ་ལ་དྡྷ་པུ་བྦཾ ལ་དྡྷཱ་ན, ཨ་ཌྜྷ་མཱ་སཾ ཀ་ཀ་ཎྚ་ཀོ;
ཨ་ཏི་མ་ཉྙ་ཏི རཱ་ཛཱ་ནཾ, ཝེ་དེ་ཧཾ མི་ཐི་ལ་གྒ་ཧ་ནྟི.
ཀ་ཀ་ཎྚ་ཀ་ཛཱ་ཏ་ཀཾ ད་ས་མཾ.
ས་ནྠ་ཝ་ཝ་གྒོ དུ་ཏི་ཡོ.
ཏ་སྶུ་དྡཱ་ནཾ –
ཨ་ཐ ཨི་ནྡ་ས་མཱ་ན ས་པ་ཎྞ་ཀུ་ཊི, སུ་སི་མུ་ཏྟ་མ གི་ཛ྄ཛྷ ཛ་ལཱ་བུ་ཛ་ཀོ;
ཨུ་པ་སཱ་ལ༹་ཀ བྷི་ཀྑུ ས་ལཱ་པ་ཝ་རོ, ཨ་ཐ མེ་ཏྟ་ཝ་རོ ད་ས་པུ་ཎྞ་མ་ཏཱི་ཏི.