༡༠. སི་ངྒཱ་ལ་ཝ་གྒོ
༢༤༡. ས་བྦ་དཱ་ཋི་ཛཱ་ཏ་ཀཾ (༢-༡༠-༡)
༡༨༢. སི་ངྒཱ་ལོ མཱ་ན་ཐ་དྡྷོ ཙ, པ་རི་ཝཱ་རེ་ན ཨ་ཏྠི་ཀོ;
པཱ་པུ་ཎི མ་ཧ་ཏིཾ བྷཱུ་མིཾ, རཱ་ཛཱ་སི ས་བྦ་དཱ་ཋི་ནཾ.
༡༨༣. ཨེ་ཝ་མེ་ཝ མ་ནུ་སྶེ་སུ, ཡོ ཧོ་ཏི པ་རི་ཝཱ་ར་ཝཱ;
སོ ཧི ཏ་ཏྠ མ་ཧཱ ཧོ་ཏི, སི་ངྒཱ་ལོ ཝི་ཡ དཱ་ཋི་ན་ནྟི.
ས་བྦ་དཱ་ཋི་ཛཱ་ཏ་ཀཾ པ་ཋ་མཾ.
༢༤༢. སུ་ན་ཁ་ཛཱ་ཏ་ཀཾ (༢-༡༠-༢)
༡༨༤. བཱ་ལོ ཝ་ཏཱ་ཡཾ སུ་ན་ཁོ, ཡོ ཝ་ར་ཏྟཾ [ཡོ ཙ ཡོ་ཏྟཾ (ཀ.)] ན ཁཱ་ད་ཏི;
བ་ནྡྷ་ནཱ ཙ པ་མུ་ཉྩེ་ཡྻ, ཨ་སི་ཏོ ཙ གྷ་རཾ ཝ་ཛེ.
༡༨༥. ཨ་ཊྛི་ཏཾ མེ མ་ན་སྨིཾ མེ, ཨ་ཐོ མེ ཧ་ད་ཡེ ཀ་ཏཾ;
ཀཱ་ལ་ཉྩ པ་ཊི་ཀ་ངྑཱ་མི, ཡཱ་ཝ པ་སྶུ་པ་ཏཱུ ཛ་ནོ [པ་སུ་པ་ཏུ་ཛྫ་ནོ (སྱཱ. ཀ.)].
སུ་ན་ཁ་ཛཱ་ཏ་ཀཾ དུ་ཏི་ཡཾ.
༢༤༣. གུ་ཏྟི་ལ་ཛཱ་ཏ་ཀཾ (༢-༡༠-༣)
༡༨༦. ས་ཏྟ་ཏ་ནྟིཾ སུ་མ་དྷུ་རཾ, རཱ་མ་ཎེ་ཡྻཾ ཨ་ཝཱ་ཙ་ཡིཾ;
སོ མཾ ར་ངྒ་མྷི ཨ་ཝ྄ཧེ་ཏི, ས་ར་ཎཾ མེ ཧོ་ཧི ཀོ་སི་ཡ.
༡༨༧. ཨ་ཧཾ ཏཾ ས་ར་ཎཾ ས་མྨ [ཨ་ཧཾ ཏེ ས་ར་ཎཾ ཧོ་མི (ཝི. ཝ. ༣༢༨)], ཨ་ཧ་མཱ་ཙ་རི་ཡ་པཱུ་ཛ་ཀོ;
ན ཏཾ ཛ་ཡི་སྶ་ཏི སི་སྶོ, སི་སྶ་མཱ་ཙ་རི་ཡ ཛེ་སྶ་སཱི་ཏི.
གུ་ཏྟི་ལ་ཛཱ་ཏ་ཀཾ ཏ་ཏི་ཡཾ.
༢༤༤. ཝི་ག་ཏི་ཙྪ་ཛཱ་ཏ་ཀཾ (༢-༡༠-༤)
༡༨༨. ཡཾ པ་སྶ་ཏི ན ཏཾ ཨི་ཙྪ་ཏི, ཡ་ཉྩ ན པ་སྶ་ཏི ཏཾ ཀི་རི་ཙྪ་ཏི;
མ་ཉྙཱ་མི ཙི་རཾ ཙ་རི་སྶ་ཏི, ན ཧི ཏཾ ལ་ཙྪ་ཏི ཡཾ ས ཨི་ཙྪ་ཏི.
༡༨༩. ཡཾ ལ་བྷ་ཏི ན ཏེ་ན ཏུ་སྶ་ཏི, ཡ་ཉྩ པ་ཏྠེ་ཏི ལ་དྡྷཾ ཧཱི་ལེ༹་ཏི;
ཨི་ཙྪཱ ཧི ཨ་ན་ནྟ་གོ་ཙ་རཱ, ཝི་ག་ཏི་ཙྪཱ་ན [ཝཱི་ཏི་ཙྪཱ་ནཾ (སཱི. པཱི.)] ན་མོ ཀ་རོ་མ་སེ་ཏི.
ཝི་ག་ཏི་ཙྪ [ཝཱི་ཏི་ཙྪ (སཱི. པཱི.)] ཛཱ་ཏ་ཀཾ ཙ་ཏུ་ཏྠཾ.
༢༤༥. མཱུ་ལ་པ་རི་ཡཱ་ཡ་ཛཱ་ཏ་ཀཾ (༢-༡༠-༥)
༡༩༠. ཀཱ་ལོ གྷ་ས་ཏི བྷཱུ་ཏཱ་ནི, ས་བྦཱ་ནེ་ཝ ས་ཧ་ཏྟ་ནཱ;
ཡོ ཙ ཀཱ་ལ་གྷ་སོ བྷཱུ་ཏོ, ས བྷཱུ་ཏ་པ་ཙ་ནིཾ པ་ཙི.
༡༩༡. བ་ཧཱུ་ནི ན་ར་སཱི་སཱ་ནི, ལོ་མ་སཱ་ནི བྲ་ཧཱ་ནི ཙ;
གཱི་ཝཱ་སུ པ་ཊི་མུ་ཀྐཱ་ནི, ཀོ་ཙི་དེ་ཝེ་ཏྠ ཀ་ཎྞ་ཝཱ་ཏི.
མཱུ་ལ་པ་རི་ཡཱ་ཡ་ཛཱ་ཏ་ཀཾ པ་ཉྩ་མཾ.
༢༤༦. བཱ་ལོ་ཝཱ་ད་ཛཱ་ཏ་ཀཾ (༢-༡༠-༦)
༡༩༢. ཧ་ནྟྭཱ ཚེ་ཏྭཱ [ཛྷ་ཏྭཱ (སཱི. པཱི.), གྷ་ཏྭཱ (སྱཱ.)] ཝ་དྷི་ཏྭཱ ཙ, དེ་ཏི དཱ་ནཾ ཨ་ས་ཉྙ་ཏོ;
ཨེ་དི་སཾ བྷ་ཏྟཾ བྷུ་ཉྫ་མཱ་ནོ, ས པཱ་པ་མུ་པ་ལི་མྤ་ཏི [ས པཱ་པེ་ན ཨུ་པ་ལི་པྤ་ཏི (སཱི. པཱི.)].
༡༩༣. པུ་ཏྟ་དཱ་ར་མྤི ཙེ ཧ་ནྟྭཱ, དེ་ཏི དཱ་ནཾ ཨ་ས་ཉྙ་ཏོ;
བྷུ་ཉྫ་མཱ་ནོ་པི ས་པྤ་ཉྙོ, ན པཱ་པ་མུ་པ་ལི་མྤ་ཏཱི་ཏི.
བཱ་ལོ་ཝཱ་ད་ཛཱ་ཏ་ཀཾ ཚ་ཊྛཾ.
༢༤༧. པཱ་ད་ཉྫ་ལཱི་ཛཱ་ཏ་ཀཾ (༢-༡༠-༧)
༡༩༤. ཨ་དྡྷཱ པཱ་ད་ཉྫ་ལཱི ས་བྦེ, པ་ཉྙཱ་ཡ ཨ་ཏི་རོ་ཙ་ཏི;
ཏ་ཐཱ ཧི ཨོ་ཊྛཾ བྷ་ཉྫ་ཏི, ཨུ་ཏྟ་རིཾ ནཱུ་ན པ་སྶ་ཏི.
༡༩༥. ནཱ་ཡཾ དྷ་མྨཾ ཨ་དྷ་མྨཾ ཝཱ, ཨ་ཏྠཱ་ན་ཏྠ་ཉྩ བུ་ཛ྄ཛྷ་ཏི;
ཨ་ཉྙ་ཏྲ ཨོ་ཊྛ་ནི་བྦྷོ་གཱ, ནཱ་ཡཾ ཛཱ་ནཱ་ཏི ཀི་ཉྩ་ན་ནྟི.
པཱ་ད་ཉྫ་ལཱི་ཛཱ་ཏ་ཀཾ ས་ཏྟ་མཾ.
༢༤༨. ཀིཾ་སུ་ཀོ་པ་མ་ཛཱ་ཏ་ཀཾ (༢-༡༠-༨)
༡༩༦. ས་བྦེ་ཧི ཀིཾ་སུ་ཀོ དི་ཊྛོ, ཀིཾ་ནྭེ་ཏྠ ཝི་ཙི་ཀི་ཙྪ་ཐ;
ན ཧི ས་བྦེ་སུ ཋཱ་ནེ་སུ, སཱ་ར་ཐཱི པ་རི་པུ་ཙྪི་ཏོ.
༡༩༧. ཨེ་ཝཾ ས་བྦེ་ཧི ཉཱ་ཎེ་ཧི, ཡེ་སཾ དྷ་མྨཱ ཨ་ཛཱ་ནི་ཏཱ;
ཏེ ཝེ དྷ་མྨེ་སུ ཀ་ངྑ་ནྟི, ཀིཾ་སུ་ཀ་སྨིཾ་ཝ བྷཱ་ཏ་རོ་ཏི.
ཀིཾ་སུ་ཀོ་པ་མ་ཛཱ་ཏ་ཀཾ ཨ་ཊྛ་མཾ.
༢༤༩. སཱ་ལ་ཀ་ཛཱ་ཏ་ཀཾ (༢-༡༠-༩)
༡༩༨. ཨེ་ཀ་པུ་ཏྟ་ཀོ བྷ་ཝི་སྶ་སི, ཏྭ་ཉྩ ནོ ཧེ་སྶ་སི ཨི་སྶ་རོ ཀུ་ལེ;
ཨོ་རོ་ཧ དུ་མ་སྨཱ སཱ་ལ་ཀ, ཨེ་ཧི དཱ་ནི གྷ་ར་ཀཾ ཝ་ཛེ་མ་སེ.
༡༩༩. ན་ནུ མཾ སུ་ཧ་ད་ཡོ་ཏི [ན་ནུ མཾ ཧ་ད་ཡེ་ཏི (སཱི. པཱི.)] མ་ཉྙ་སི, ཡ་ཉྩ མཾ ཧ་ན་སི ཝེ་ལུ༹་ཡ་ཊྛི་ཡཱ;
པ་ཀྐ་མྦ་ཝ་ནེ ར་མཱ་མ་སེ, ག་ཙྪ ཏྭཾ གྷ་ར་ཀཾ ཡ་ཐཱ་སུ་ཁ་ནྟི.
སཱ་ལ་ཀ་ཛཱ་ཏ་ཀཾ ན་ཝ་མཾ.
༢༥༠. ཀ་པི་ཛཱ་ཏ་ཀཾ (༢-༡༠-༡༠)
༢༠༠. ཨ་ཡཾ ཨི་སཱི ཨུ་པ་ས་མ་སཾ་ཡ་མེ ར་ཏོ, ས ཏི་ཊྛ་ཏི [ས་ནྟི་ཊྛ་ཏི (སཱི. པཱི.)] སི་སི་ར་བྷ་ཡེ་ན ཨ་ཊྚི་ཏོ;
ཧ་ནྡ ཨ་ཡཾ པ་ཝི་ས་ཏུ་མཾ ཨ་གཱ་ར་ཀཾ, ཝི་ནེ་ཏུ སཱི་ཏཾ ད་ར་ཐ་ཉྩ ཀེ་ཝ་ལཾ.
༢༠༡. ནཱ་ཡཾ ཨི་སཱི ཨུ་པ་ས་མ་སཾ་ཡ་མེ ར་ཏོ, ཀ་པཱི ཨ་ཡཾ དུ་མ་ཝ་ར་སཱ་ཁ་གོ་ཙ་རོ;
སོ དཱུ་ས་ཀོ རོ་ས་ཀོ ཙཱ་པི ཛ་མྨོ, ས་ཙེ་ཝ་ཛེ་མ་མྤི [ས་ཙེ + ཨཱ་ཝ་ཛེ + ཨི་མ་མྤི] དཱུ་སེ་ཡྻ་གཱ་ར་ནྟི [དཱུ་ས་ཡེ གྷ་ར་ནྟི (སཱི. སྱཱ. པཱི.)].
ཀ་པི་ཛཱ་ཏ་ཀཾ ད་ས་མཾ.
སི་ངྒཱ་ལ་ཝ་གྒོ ད་ས་མོ.
ཏ་སྶུ་དྡཱ་ནཾ –
ཨ་ཐ རཱ་ཛཱ སི་ངྒཱ་ལ་ཝ་རོ སུ་ན་ཁོ, ཏ་ཐཱ ཀོ་སི་ཡ ཨི་ཙྪ་ཏི ཀཱ་ལ་གྷ་སོ;
ཨ་ཐ དཱ་ན་ཝ་རོ་ཊྛ་པི སཱ་ར་ཐི་ནཱ, པུ་ན་མྦ་ཝ་ན་ཉྩ སི་སི་ར་ཀ་པི ད་སཱ་ཏི.
ཨ་ཐ ཝ་གྒུ་དྡཱ་ནཾ –
ད་ལ༹ྷ་ཉྩ ཝ་གྒཾ ཨ་པ་རེ་ན ས་ནྠ་ཝཾ, ཀ་ལྱཱ་ཎ་ཝ་གྒཱ་ས་དི་སོ ཙ རཱུ་ཧ་ཀཾ;
ན་ཏཾ་ད་ལ༹ྷ བཱི་ར་ཎ་ཐ་མྦྷ་ཀཾ པུ་ན, ཀཱ་སཱ་ཝུ་པཱ་ཧ་ན སི་ངྒཱ་ལ་ཀེ་ན ད་སཱ་ཏི.
དུ་ཀ་ནི་པཱ་ཏཾ ནི་ཊྛི་ཏཾ.