༥༢༠. ག་ནྡྷ་ཏི་ནྡུ་ཀ་ཛཱ་ཏ་ཀཾ (༡༠)
༣༣༢. ཨ་པྤ་མཱ་དོ ཨ་མ་ཏཾ པ་དཾ [ཨ་མ་ཏ་པ་དཾ (སཱི. པཱི.)], པ་མཱ་དོ མ་ཙྩུ་ནོ པ་དཾ;
ཨ་པྤ་མ་ཏྟཱ ན མཱི་ཡ་ནྟི, ཡེ པ་མ་ཏྟཱ ཡ་ཐཱ མ་ཏཱ.
༣༣༣. མ་དཱ པ་མཱ་དོ ཛཱ་ཡེ་ཐ, པ་མཱ་དཱ ཛཱ་ཡ་ཏེ ཁ་ཡོ;
ཁ་ཡཱ པ་དོ་སཱ [ཁ་ཡཱ ཙ དོ་སཱ (སཱི.)] ཛཱ་ཡ་ནྟི, མཱ པ་མཱ་དོ [མཱ མ་དོ (སཱི. སྱཱ. པཱི.)] བྷ་ར་ཏཱུ་ས་བྷ [བྷཱ་ར་དྷཱུ་ས་བྷ (ཀ.)].
༣༣༤. བ་ཧཱུ ཧི ཁ་ཏྟི་ཡཱ ཛཱི་ནཱ, ཨ་ཏྠཾ ར་ཊྛཾ པ་མཱ་དི་ནོ;
ཨ་ཐོ་པི གཱ་མི་ནོ གཱ་མཱ, ཨ་ན་གཱ་རཱ ཨ་གཱ་རི་ནོ.
༣༣༥. ཁ་ཏྟི་ཡ་སྶ པ་མ་ཏྟ་སྶ, ར་ཊྛ་སྨིཾ ར་ཊྛ་ཝ་ཌྜྷ་ན;
ས་བྦེ བྷོ་གཱ ཝི་ན་སྶ་ནྟི, ར་ཉྙོ ཏཾ ཝུ་ཙྩ་ཏེ ཨ་གྷཾ.
༣༣༦. ནེ་ས དྷ་མྨོ མ་ཧཱ་རཱ་ཛ, ཨ་ཏི་ཝེ་ལཾ པ་མ་ཛྫ་སི;
ཨི་དྡྷཾ ཕཱི་ཏཾ ཛ་ན་པ་དཾ, ཙོ་རཱ ཝི་དྡྷཾ་ས་ཡ་ནྟི ནཾ.
༣༣༧. ན ཏེ པུ་ཏྟཱ བྷ་ཝི་སྶ་ནྟི, ན ཧི་ར་ཉྙཾ ན དྷཱ་ནི་ཡཾ [ན ཧི་ར་ཉྙ་ནི་དྷཱ་ནི་ཡཱ (ཀ.)];
ར་ཊྛེ ཝི་ལུ་པྤ་མཱ་ན་མྷི, ས་བྦ་བྷོ་གེ་ཧི ཛི་ཡྻ་སི.
༣༣༨. ས་བྦ་བྷོ་གཱ པ་རི་ཛི་ཎྞཾ, རཱ་ཛཱ་ནཾ ཝཱ་པི ཁ་ཏྟི་ཡཾ [ཁ་ཏྟི་ཡ (ཀ.)];
ཉཱ་ཏི་མི་ཏྟཱ སུ་ཧ་ཛྫཱ ཙ, ན ཏཾ མ་ཉྙ་ནྟི མཱ་ནི་ཡཾ [མ་ནྟི་ཡཾ (སྱཱ.)].
༣༣༩. ཧ་ཏྠཱ་རོ་ཧཱ ཨ་ནཱི་ཀ་ཊྛཱ, ར་ཐི་ཀཱ པ་ཏྟི་ཀཱ་ར་ཀཱ;
ཏ་མེ་ཝ་མུ་པ་ཛཱི་ཝ་ནྟཱ, ན ཏཾ མ་ཉྙ་ནྟི མཱ་ནི་ཡཾ.
༣༤༠. ཨ་སཾ་ཝི་ཧི་ཏ་ཀ་མྨ་ནྟཾ, བཱ་ལཾ དུ་མྨ་ནྟི་མ་ནྟི་ནཾ;
སི་རཱི ཛ་ཧ་ཏི དུ་མྨེ་དྷཾ, ཛི་ཎྞཾ་ཝ ཨུ་ར་གོ ཏ་ཙཾ.
༣༤༡. སུ་སཾ་ཝི་ཧི་ཏ་ཀ་མྨ་ནྟཾ, ཀཱ་ལུ་ཊྛཱ་ཡིཾ ཨ་ཏ་ནྡི་ཏཾ;
ས་བྦེ བྷོ་གཱ་བྷི་ཝ་ཌྜྷ་ནྟི, གཱ་ཝོ ས་ཨུ་ས་བྷཱ་མི་ཝ.
༣༤༢. ཨུ་པ་སྶུ་ཏིཾ མ་ཧཱ་རཱ་ཛ, ར་ཊྛེ ཛ་ན་པ་དེ ཙ་ར;
ཏ་ཏྠ དི་སྭཱ ཙ སུ་ཏྭཱ ཙ, ཏ་ཏོ ཏཾ [ཏྭཾ (ཀ.)] པ་ཊི་པ་ཛྫ་སི.
༣༤༣. ཨེ་ཝཾ ཝེ་དེ་ཏུ པ་ཉྩཱ་ལོ, ས་ངྒཱ་མེ ས་ར་མ་པྤི་ཏོ [ས་མ་པྤི་ཏོ (སཱི. པཱི.)];
ཡ་ཐཱ་ཧ་མ་ཛྫ ཝེ་དེ་མི, ཀ་ཎྚ་ཀེ་ན ས་མ་པྤི་ཏོ.
༣༤༤. ཛི་ཎྞོ དུ་བྦ་ལ་ཙ་ཀྑཱུ་སི, ན རཱུ་པཾ སཱ་དྷུ པ་སྶ་སི;
ཀིཾ ཏ་ཏྠ བྲ་ཧྨ་ད་ཏྟ་སྶ, ཡཾ ཏཾ མ་གྒེ་ཡྻ [མ་གྒྷེ་ཡྻ (པཱི.)] ཀ་ཎྚ་ཀོ [ཀ་ཎྜ་ཀོ (སཱི. སྱཱ. པཱི.)].
༣༤༥. བ་ཧྭེ་ཏྠ བྲ་ཧྨ་ད་ཏྟ་སྶ, སོ་ཧཾ [ཡོ་ཧཾ (སཱི. སྱཱ. པཱི.)] མ་གྒ་སྨི [མ་གྒོ་སྨི (པཱི.)] བྲཱ་ཧྨ་ཎ;
ཨ་ར་ཀྑི་ཏཱ ཛཱ་ན་པ་དཱ, ཨ་དྷ་མྨ་བ་ལི་ནཱ ཧ་ཏཱ.
༣༤༦. ར་ཏྟི་ཉྷི [ར་ཏྟི་ཉྩ (སཱི.)] ཙོ་རཱ ཁཱ་ད་ནྟི, དི་ཝཱ ཁཱ་ད་ནྟི ཏུ་ཎྜི་ཡཱ;
ར་ཊྛ་སྨིཾ ཀཱུ་ཊ་རཱ་ཛ་སྶ, བ་ཧུ ཨ་དྷ་མྨི་ཀོ ཛ་ནོ.
༣༤༧. ཨེ་ཏཱ་དི་སེ བྷ་ཡེ ཛཱ་ཏེ [ཏཱ་ཏ (སཱི. པཱི.)], བྷ་ཡ་ཊྚཱ ཏཱ་ཏ [ཏཱ་ཝ (སཱི. པཱི.)] མཱ་ཎ་ཝཱ;
ནི་ལླེ་ན་ཀཱ་ནི ཀུ་བྦ་ནྟི, ཝ་ནེ ཨཱ་ཧ་ཏྭ ཀ་ཎྚ་ཀཾ.
༣༤༨. ཀ་དཱ་སྶུ ནཱ་མ་ཡཾ རཱ་ཛཱ, བྲ་ཧྨ་ད་ཏྟོ མ་རི་སྶ་ཏི;
ཡ་སྶ ར་ཊྛ་མྷི ཛི་ཡྻ་ནྟི, ཨ་པྤ་ཏི་ཀཱ ཀུ་མཱ་རི་ཀཱ.
༣༤༩. དུ་བྦྷཱ་སི་ཏ་ཉྷི ཏེ ཛ་མྨི, ཨ་ན་ཏྠ་པ་ད་ཀོ་ཝི་དེ;
ཀུ་ཧིཾ རཱ་ཛཱ ཀུ་མཱ་རཱི་ནཾ, བྷ་ཏྟཱ་རཾ པ་རི་ཡེ་ས་ཏི.
༣༥༠. ན མེ དུ་བྦྷཱ་སི་ཏཾ བྲ་ཧྨེ, ཀོ་ཝི་ད་ཏྠ་པ་དཱ ཨ་ཧཾ;
ཨ་ར་ཀྑི་ཏཱ ཛཱ་ན་པ་དཱ, ཨ་དྷ་མྨ་བ་ལི་ནཱ ཧ་ཏཱ.
༣༥༡. ར་ཏྟི་ཉྷི ཙོ་རཱ ཁཱ་ད་ནྟི, དི་ཝཱ ཁཱ་ད་ནྟི ཏུ་ཎྜི་ཡཱ;
ར་ཊྛ་སྨིཾ ཀཱུ་ཊ་རཱ་ཛ་སྶ, བ་ཧུ ཨ་དྷ་མྨི་ཀོ ཛ་ནོ;
དུ་ཛྫཱི་ཝེ དུ་བྦྷ་རེ དཱ་རེ, ཀུ་ཏོ བྷ་ཏྟཱ ཀུ་མཱ་རི་ཡོ.
༣༥༢. ཨེ་ཝཾ ས་ཡ་ཏུ པ་ཉྩཱ་ལོ, ས་ངྒཱ་མེ ས་ཏྟི་ཡཱ ཧ་ཏོ;
ཡ་ཐཱ་ཡཾ ཀ་པ་ཎོ སེ་ཏི, ཧ་ཏོ ཕཱ་ལེ་ན སཱ་ལི་ཡོ.
༣༥༣. ཨ་དྷ་མྨེ་ན ཏུ་ཝཾ ཛ་མྨ, བྲ་ཧྨ་ད་ཏྟ་སྶ ཀུ་ཛ྄ཛྷ་སི;
ཡོ ཏྭཾ ས་པ་སི རཱ་ཛཱ་ནཾ, ཨ་པ་ར་ཛ྄ཛྷི་ཏྭཱ་ན ཨ་ཏྟ་ནོ [ཨ་ཏྟ་ནཱ (པཱི.)].
༣༥༤. དྷ་མྨེ་ན བྲ་ཧྨ་ད་ཏྟ་སྶ, ཨ་ཧཾ ཀུ་ཛ྄ཛྷཱ་མི བྲཱ་ཧྨ་ཎ;
ཨ་ར་ཀྑི་ཏཱ ཛཱ་ན་པ་དཱ, ཨ་དྷ་མྨ་བ་ལི་ནཱ ཧ་ཏཱ.
༣༥༥. ར་ཏྟི་ཉྷི ཙོ་རཱ ཁཱ་ད་ནྟི, དི་ཝཱ ཁཱ་ད་ནྟི ཏུ་ཎྜི་ཡཱ;
ར་ཊྛ་སྨིཾ ཀཱུ་ཊ་རཱ་ཛ་སྶ, བ་ཧུ ཨ་དྷ་མྨི་ཀོ ཛ་ནོ.
༣༥༦. སཱ ནཱུ་ན པུ་ན རེ པ་ཀྐཱ, ཝི་ཀཱ་ལེ བྷ་ཏྟ་མཱ་ཧ་རི;
བྷ་ཏྟ་ཧཱ་རིཾ ཨ་པེ་ཀྑ་ནྟོ, ཧ་ཏོ ཕཱ་ལེ་ན སཱ་ལི་ཡོ.
༣༥༧. ཨེ་ཝཾ ཧ་ཉྙ་ཏུ པ་ཉྩཱ་ལོ, ས་ངྒཱ་མེ ཨ་སི་ནཱ ཧ་ཏོ [ད་ལ༹ྷཾ (པཱི.)];
ཡ་ཐཱ་ཧ་མ་ཛྫ པ་ཧ་ཏོ, ཁཱི་ར་ཉྩ མེ པ་ཝ་ཊྚི་ཏཾ.
༣༥༨. ཡཾ པ་སུ ཁཱི་རཾ ཚ་ཌྜེ་ཏི, པ་སུ་པཱ་ལཾ ཝི་ཧིཾ་ས་ཏི [པ་སུ་པཱ་ལ་ཉྩ ཧིཾ་ས་ཏི (སཱི.), པ་སུ ཕཱ་ལ་ཉྩ ཧིཾ་ས་ཏི (པཱི.)];
ཀིཾ ཏ་ཏྠ བྲ་ཧྨ་ད་ཏྟ་སྶ, ཡཾ ནོ ག་ར་ཧ་ཏེ [ག་ར་ཧ་ཏོ (པཱི.)] བྷ་ཝཾ.
༣༥༩. གཱ་ར་ཡ྄ཧོ བྲ་ཧྨེ པ་ཉྩཱ་ལོ, བྲ་ཧྨ་ད་ཏྟ་སྶ རཱ་ཛི་ནོ;
ཨ་ར་ཀྑི་ཏཱ ཛཱ་ན་པ་དཱ, ཨ་དྷ་མྨ་བ་ལི་ནཱ ཧ་ཏཱ.
༣༦༠. ར་ཏྟི་ཉྷི ཙོ་རཱ ཁཱ་ད་ནྟི, དི་ཝཱ ཁཱ་ད་ནྟི ཏུ་ཎྜི་ཡཱ;
ར་ཊྛ་སྨིཾ ཀཱུ་ཊ་རཱ་ཛ་སྶ, བ་ཧུ ཨ་དྷ་མྨི་ཀོ ཛ་ནོ.
༣༦༡. ཙ་ཎྜཱ ཨ་ཊ་ན་ཀཱ [ཨ་ཊ་ན་ཀ (པཱི.), ཨ་ཀ་ཊ་ནཱ (ཀ.)] གཱ་ཝཱི, ཡཾ པུ་རེ ན དུ་ཧཱ་མ་སེ;
ཏཾ དཱ་ནི ཨ་ཛྫ དོ་ཧཱ་མ, ཁཱི་ར་ཀཱ་མེ་ཧུ་པ་དྡུ་ཏཱ.
༣༦༢. ཨེ་ཝཾ ཀ་ནྡ་ཏུ པ་ཉྩཱ་ལོ, ཝི་པུ་ཏྟོ ཝི་པྤ་སུ་ཀྑ་ཏུ;
ཡ་ཐཱ་ཡཾ ཀ་པ་ཎཱ གཱ་ཝཱི, ཝི་པུ་ཏྟཱ པ་རི་དྷཱ་ཝ་ཏི.
༣༦༣. ཡཾ པ་སུ པ་སུ་པཱ་ལ་སྶ, ས་མྦྷ་མེ་ཡྻ [པ་བྦྷ་མེ་ཡྻ (སཱི. པཱི.)] ར་ཝེ་ཡྻ ཝཱ;
ཀོ ནཱི་དྷ ཨ་པ་རཱ་དྷ་ཏྠི, བྲ་ཧྨ་ད་ཏྟ་སྶ རཱ་ཛི་ནོ.
༣༦༤. ཨ་པ་རཱ་དྷོ མ་ཧཱ་བྲ་ཧྨེ, བྲ་ཧྨ་ད་ཏྟ་སྶ རཱ་ཛི་ནོ;
ཨ་ར་ཀྑི་ཏཱ ཛཱ་ན་པ་དཱ, ཨ་དྷ་མྨ་བ་ལི་ནཱ ཧ་ཏཱ.
༣༦༥. ར་ཏྟི་ཉྷི ཙོ་རཱ ཁཱ་ད་ནྟི, དི་ཝཱ ཁཱ་ད་ནྟི ཏུ་ཎྜི་ཡཱ;
ར་ཊྛ་སྨིཾ ཀཱུ་ཊ་རཱ་ཛ་སྶ, བ་ཧུ ཨ་དྷ་མྨི་ཀོ ཛ་ནོ;
ཀ་ཐཾ ནོ ཨ་སི་ཀོ་ས་ཏྠཱ, ཁཱི་ར་པཱ ཧ་ཉྙ་ཏེ པ་ཛཱ.
༣༦༦. ཨེ་ཝཾ ཁ་ཛྫ་ཏུ པ་ཉྩཱ་ལོ, ཧ་ཏོ ཡུ་དྡྷེ ས་པུ་ཏྟ་ཀོ;
ཡ་ཐཱ་ཧ་མ་ཛྫ ཁ་ཛྫཱ་མི, གཱ་མི་ཀེ་ཧི [གཱ་མ་ཀེ་ཧི (སཱི. པཱི.)] ཨ་ར་ཉྙ་ཛོ.
༣༦༧. ན ས་བྦ་བྷཱུ་ཏེ་སུ ཝི་དྷེ་ནྟི [ཝི་དྷ་ནྟི (ཀ.)] ར་ཀྑཾ, རཱ་ཛཱ་ནོ མ་ཎྜཱུ་ཀ མ་ནུ་སྶ་ལོ་ཀེ;
ནེ་ཏྟཱ་ཝ་ཏཱ རཱ་ཛཱ ཨ་དྷ་མྨ་ཙཱ་རཱི, ཡཾ ཏཱ་དི་སཾ ཛཱི་ཝ་མ་དེ་ཡྻུ དྷ་ངྐཱ.
༣༦༨. ཨ་དྷ་མྨ་རཱུ་པོ ཝ་ཏ བྲ་ཧྨ་ཙཱ་རཱི, ཨ་ནུ་པྤི་ཡཾ བྷཱ་ས་སི ཁ་ཏྟི་ཡ་སྶ;
ཝི་ལུ་པྤ་མཱ་ནཱ་ཡ པུ་ཐུ་པྤ་ཛཱ་ཡ, པཱུ་ཛེ་སི རཱ་ཛཾ པ་ར་མ་པྤ་མཱ་དཾ [རཱ་ཛཾ པ་ར་མ་པྤ་ཝཱ་དཾ (སཱི.), རཱ་ཛཱ པ་ར་མ་པྤ་ཝཱ་དིཾ (སྱཱ.)].
༣༦༩. ས་ཙེ ཨི་མཾ བྲ་ཧྨེ སུ་ར་ཛྫ་ཀཾ སི་ཡཱ, ཕཱི་ཏཾ ར་ཊྛཾ མུ་དི་ཏཾ [པཱུ་རི་ཏཾ (ཀ.)] ཝི་པྤ་ས་ནྣཾ;
བྷུ་ཏྭཱ བ་ལིཾ ཨ་གྒ་པི་ཎྜ་ཉྩ ཀཱ་ཀཱ, ན མཱ་དི་སཾ ཛཱི་ཝ་མ་དེ་ཡྻུ དྷ་ངྐཱ་ཏི.
ག་ནྡྷ་ཏི་ནྡུ་ཀ་ཛཱ་ཏ་ཀཾ ད་ས་མཾ.
ཏ་སྶུ་དྡཱ་ནཾ –
ཀིཾ་ཚ་ནྡ ཀུ་མྦྷ ཛ་ཡ་དྡི་ས ཚ་དྡ་ནྟ, ཨ་ཐ པ་ཎྜི་ཏ་ས་མྦྷ་ཝ སི་ར་ཀ་པི;
ད་ཀ་ར་ཀྑ་ས པ་ཎྜ་ར་ནཱ་ག་ཝ་རོ, ཨ་ཐ ས་མྦུ་ལ ཏི་ནྡུ་ཀ་དེ་ཝ་སུ་ཏོ་ཏི.
ཏིཾ་ས་ནི་པཱ་ཏཾ ནི་ཊྛི་ཏཾ.