༥༡༥. ས་མྦྷ་ཝ་ཛཱ་ཏ་ཀཾ (༥)
༡༣༨. ར་ཛྫ་ཉྩ པ་ཊི་པ་ནྣཱ་སྨ, ཨཱ་དྷི་པ་ཙྩཾ སུ་ཙཱི་ར་ཏ;
མ་ཧ་ཏྟཾ པ་ཏྟུ་མི་ཙྪཱ་མི, ཝི་ཛེ་ཏུཾ པ་ཐ་ཝིཾ ཨི་མཾ.
༡༣༩. དྷ་མྨེ་ན ནོ ཨ་དྷ་མྨེ་ན, ཨ་དྷ་མྨོ མེ ན རུ་ཙྩ་ཏི;
ཀི་ཙྩོ་ཝ དྷ་མྨོ ཙ་རི་ཏོ, ར་ཉྙོ ཧོ་ཏི སུ་ཙཱི་ར་ཏ.
༡༤༠. ཨི་དྷ ཙེ་ཝཱ་ནི་ནྡི་ཏཱ ཡེ་ན, པེ་ཙྩ ཡེ་ན ཨ་ནི་ནྡི་ཏཱ;
ཡ་སཾ དེ་ཝ་མ་ནུ་སྶེ་སུ, ཡེ་ན པ་པྤོ་མུ [པ་པྤེ་མུ (སཱི. ཨ་ཊྛ.)] བྲཱ་ཧྨ་ཎ.
༡༤༡. ཡོ་ཧཾ ཨ་ཏྠ་ཉྩ དྷ་མྨ་ཉྩ, ཀ་ཏྟུ་མི་ཙྪཱ་མི བྲཱ་ཧྨ་ཎ;
ཏཾ ཏྭཾ ཨ་ཏྠ་ཉྩ དྷ་མྨ་ཉྩ, བྲཱ་ཧྨ་ཎ་ཀྑཱ་ཧི པུ་ཙྪི་ཏོ.
༡༤༢. ནཱ་ཉྙ་ཏྲ ཝི་དྷུ་རཱ རཱ་ཛ, ཨེ་ཏ་ད་ཀྑཱ་ཏུ་མ་ར་ཧ་ཏི;
ཡཾ ཏྭཾ ཨ་ཏྠ་ཉྩ དྷ་མྨ་ཉྩ, ཀ་ཏྟུ་མི་ཙྪ་སི ཁ་ཏྟི་ཡ.
༡༤༣. ཨེ་ཧི ཁོ པ་ཧི་ཏོ ག་ཙྪ, ཝི་དྷུ་ར་སྶ ཨུ་པ་ནྟི་ཀཾ;
ནི་ཀྑ་ཉྩི་མཾ [ནི་ཀྑཾ ར་ཏྟ (སཱི.), ནི་ཀྑ་མི་མཾ (པཱི.)] སུ་ཝ་ཎྞ་སྶ, ཧ་རཾ ག་ཙྪ སུ་ཙཱི་ར་ཏ;
ཨ་བྷི་ཧཱ་རཾ ཨི་མཾ ད་ཛྫཱ, ཨ་ཏྠ་དྷ་མྨཱ་ནུ་སི་ཊྛི་ཡཱ.
༡༤༤. སྭཱ་དྷི་པྤཱ་གཱ བྷཱ་ར་དྭཱ་ཛོ, ཝི་དྷུ་ར་སྶ ཨུ་པ་ནྟི་ཀཾ;
ཏ་མ་དྡ་ས མ་ཧཱ་བྲ་ཧྨཱ, ཨ་ས་མཱ་ནཾ ས་ཀེ གྷ་རེ.
༡༤༥. ར་ཉྙོ་ཧཾ པ་ཧི་ཏོ དཱུ་ཏོ, ཀོ་ར་བྱ་སྶ ཡ་ས་སྶི་ནོ;
‘‘ཨ་ཏྠཾ དྷ་མྨ་ཉྩ པུ་ཙྪེ་སི’’, ཨི་ཙྩ་བྲ་ཝི ཡུ་དྷི་ཊྛི་ལོ;
ཏཾ ཏྭཾ ཨ་ཏྠ་ཉྩ དྷ་མྨ་ཉྩ, ཝི་དྷུ་ར་ཀྑཱ་ཧི པུ་ཙྪི་ཏོ.
༡༤༦. ག་ངྒཾ མེ པི་ད་ཧི་སྶ་ནྟི, ན ཏཾ ས་ཀྐོ་མི བྲཱ་ཧྨ་ཎ;
ཨ་པི་དྷེ་ཏུཾ མ་ཧཱ་སི་ནྡྷུཾ, ཏཾ ཀ་ཐཾ སོ བྷ་ཝི་སྶ་ཏི.
༡༤༧. ན ཏེ ས་ཀྐོ་མི ཨ་ཀྑཱ་ཏུཾ, ཨ་ཏྠཾ དྷ་མྨ་ཉྩ པུ་ཙྪི་ཏོ;
བྷ་དྲ་ཀཱ་རོ ཙ མེ པུ་ཏྟོ, ཨོ་ར་སོ མ་མ ཨ་ཏྲ་ཛོ;
ཏཾ ཏྭཾ ཨ་ཏྠ་ཉྩ དྷ་མྨ་ཉྩ, ག་ནྟྭཱ པུ་ཙྪ་སྶུ བྲཱ་ཧྨ་ཎ.
༡༤༨. སྭཱ་དྷི་པྤཱ་གཱ བྷཱ་ར་དྭཱ་ཛོ, བྷ་དྲ་ཀཱ་ར་སྶུ་པ་ནྟི་ཀཾ [བྷ་དྲ་ཀཱ་ར་སྶ ས་ནྟི་ཀཾ (སཱི. སྱཱ.)];
ཏ་མ་དྡ་ས མ་ཧཱ་བྲ་ཧྨཱ, ནི་སི་ནྣཾ ས་མྷི ཝེ་སྨ་ནི.
༡༤༩. ར་ཉྙོ་ཧཾ པ་ཧི་ཏོ དཱུ་ཏོ, ཀོ་ར་བྱ་སྶ ཡ་ས་སྶི་ནོ;
‘‘ཨ་ཏྠཾ དྷ་མྨ་ཉྩ པུ་ཙྪེ་སི’’, ཨི་ཙྩ་བྲ་ཝི ཡུ་དྷི་ཊྛི་ལོ;
ཏཾ ཏྭཾ ཨ་ཏྠ་ཉྩ དྷ་མྨ་ཉྩ, བྷ་དྲ་ཀཱ་ར པ་བྲཱུ་ཧི [བྲ་ཝཱི་ཧི (སཱི. པཱི.)] མེ.
༡༥༠. མཾ་ས་ཀཱ་ཛཾ [མཾ་ས་ཀཱ་ཙཾ (པཱི.)] ཨ་ཝ་ཧཱ་ཡ, གོ་དྷཾ ཨ་ནུ་པ་ཏཱ་མ་ཧཾ;
ན ཏེ ས་ཀྐོ་མི ཨ་ཀྑཱ་ཏུཾ, ཨ་ཏྠཾ དྷ་མྨ་ཉྩ པུ་ཙྪི་ཏོ.
༡༥༡. ས་ཉྩ་ཡོ [ས་ཉྫ་ཡོ (སཱི. སྱཱ. པཱི.)] ནཱ་མ མེ བྷཱ་ཏཱ, ཀ་ནི་ཊྛོ མེ སུ་ཙཱི་ར་ཏ;
ཏཾ ཏྭཾ ཨ་ཏྠ་ཉྩ དྷ་མྨ་ཉྩ, ག་ནྟྭཱ པུ་ཙྪ་སྶུ བྲཱ་ཧྨ་ཎ.
༡༥༢. སྭཱ་དྷི་པྤཱ་གཱ བྷཱ་ར་དྭཱ་ཛོ, ས་ཉྩ་ཡ་སྶ ཨུ་པ་ནྟི་ཀཾ;
ཏ་མ་དྡ་ས མ་ཧཱ་བྲ་ཧྨཱ, ནི་སི་ནྣཾ ས་མྷི ཝེ་སྨ་ནི [པ་རི་ས་ཏི (སྱཱ.), པ་རཱི་ས་ཏི (པཱི.)].
༡༥༣. ར་ཉྙོ་ཧཾ པ་ཧི་ཏོ དཱུ་ཏོ, ཀོ་ར་བྱ་སྶ ཡ་ས་སྶི་ནོ;
‘‘ཨ་ཏྠཾ དྷ་མྨ་ཉྩ པུ་ཙྪེ་སི’’, ཨི་ཙྩ་བྲ་ཝི ཡུ་དྷི་ཊྛི་ལོ;
ཏཾ ཏྭཾ ཨ་ཏྠ་ཉྩ དྷ་མྨ་ཉྩ, ས་ཉྩ་ཡ་ཀྑཱ་ཧི པུ་ཙྪི་ཏོ.
༡༥༤. ས་དཱ མཾ གི་ལ་ཏེ [གི་ལ་ཏཱི (སཱི.), གི་ལ་ཏི (པཱི.)] མ་ཙྩུ, སཱ་ཡཾ པཱ་ཏོ སུ་ཙཱི་ར་ཏ;
ན ཏེ ས་ཀྐོ་མི ཨ་ཀྑཱ་ཏུཾ, ཨ་ཏྠཾ དྷ་མྨ་ཉྩ པུ་ཙྪི་ཏོ.
༡༥༥. ས་མྦྷ་ཝོ ནཱ་མ མེ བྷཱ་ཏཱ, ཀ་ནི་ཊྛོ མེ སུ་ཙཱི་ར་ཏ;
ཏཾ ཏྭཾ ཨ་ཏྠ་ཉྩ དྷ་མྨ་ཉྩ, ག་ནྟྭཱ པུ་ཙྪ་སྶུ བྲཱ་ཧྨ་ཎ.
༡༥༦. ཨ་བྦྷུ་ཏོ ཝ་ཏ བྷོ དྷ་མྨོ, ནཱ་ཡཾ ཨ་སྨཱ་ཀ རུ་ཙྩ་ཏི;
ཏ་ཡོ ཛ་ནཱ པི་ཏཱ་པུ་ཏྟཱ, ཏེ་སུ པ་ཉྙཱ་ཡ ནོ ཝི་དཱུ.
༡༥༧. ན ཏཾ ས་ཀྐོ་ཐ ཨ་ཀྑཱ་ཏུཾ, ཨ་ཏྠཾ དྷ་མྨ་ཉྩ པུ་ཙྪི་ཏཱ;
ཀ་ཐཾ ནུ ད་ཧ་རོ ཛ་ཉྙཱ, ཨ་ཏྠཾ དྷ་མྨ་ཉྩ པུ་ཙྪི་ཏོ.
༡༥༨. མཱ ནཾ ད་ཧ་རོ་ཏི ཨུ་ཉྙཱ་སི [མ་ཉྙཱ་སི (སྱཱ. ཀ.)], ཨ་པུ་ཙྪི་ཏྭཱ་ན ས་མྦྷ་ཝཾ;
པུ་ཙྪི་ཏྭཱ ས་མྦྷ་ཝཾ ཛ་ཉྙཱ, ཨ་ཏྠཾ དྷ་མྨ་ཉྩ བྲཱ་ཧྨ་ཎ.
༡༥༩. ཡ་ཐཱ་པི ཙ་ནྡོ ཝི་མ་ལོ, ག་ཙྪཾ ཨཱ་ཀཱ་ས་དྷཱ་ཏུ་ཡཱ;
ས་བྦེ ཏཱ་རཱ་ག་ཎེ ལོ་ཀེ, ཨཱ་བྷཱ་ཡ ཨ་ཏི་རོ་ཙ་ཏི.
༡༦༠. ཨེ་ཝ་མྤི ད་ཧ་རཱུ་པེ་ཏོ, པ་ཉྙཱ་ཡོ་གེ་ན ས་མྦྷ་ཝོ;
མཱ ནཾ ད་ཧ་རོ་ཏི ཨུ་ཉྙཱ་སི, ཨ་པུ་ཙྪི་ཏྭཱ་ན ས་མྦྷ་ཝཾ;
པུ་ཙྪི་ཏྭཱ ས་མྦྷ་ཝཾ ཛ་ཉྙཱ, ཨ་ཏྠཾ དྷ་མྨ་ཉྩ བྲཱ་ཧྨ་ཎ.
༡༦༡. ཡ་ཐཱ་པི ར་མྨ་ཀོ མཱ་སོ, གི་མྷཱ་ནཾ ཧོ་ཏི བྲཱ་ཧྨ་ཎ;
ཨ་ཏེ་ཝ་ཉྙེ་ཧི མཱ་སེ་ཧི, དུ་མ་པུ་པྥེ་ཧི སོ་བྷ་ཏི.
༡༦༢. ཨེ་ཝ་མྤི ད་ཧ་རཱུ་པེ་ཏོ, པ་ཉྙཱ་ཡོ་གེ་ན ས་མྦྷ་ཝོ;
མཱ ནཾ ད་ཧ་རོ་ཏི ཨུ་ཉྙཱ་སི, ཨ་པུ་ཙྪི་ཏྭཱ་ན ས་མྦྷ་ཝཾ;
པུ་ཙྪི་ཏྭཱ ས་མྦྷ་ཝཾ ཛ་ཉྙཱ, ཨ་ཏྠཾ དྷ་མྨ་ཉྩ བྲཱ་ཧྨ་ཎ.
༡༦༣. ཡ་ཐཱ་པི ཧི་མ་ཝཱ བྲ་ཧྨེ, པ་བྦ་ཏོ ག་ནྡྷ་མཱ་ད་ནོ;
ནཱ་ནཱ་རུ་ཀྑེ་ཧི ས་ཉྪ་ནྣོ, མ་ཧཱ་བྷཱུ་ཏ་ག་ཎཱ་ལ་ཡོ;
ཨོ་ས་དྷེ་ཧི ཙ དི་བྦེ་ཧི, དི་སཱ བྷཱ་ཏི པ་ཝཱ་ཏི ཙ.
༡༦༤. ཨེ་ཝ་མྤི ད་ཧ་རཱུ་པེ་ཏོ, པ་ཉྙཱ་ཡོ་གེ་ན ས་མྦྷ་ཝོ;
མཱ ནཾ ད་ཧ་རོ་ཏི ཨུ་ཉྙཱ་སི, ཨ་པུ་ཙྪི་ཏྭཱ་ན ས་མྦྷ་ཝཾ;
པུ་ཙྪི་ཏྭཱ ས་མྦྷ་ཝཾ ཛ་ཉྙཱ, ཨ་ཏྠཾ དྷ་མྨ་ཉྩ བྲཱ་ཧྨ་ཎ.
༡༦༥. ཡ་ཐཱ་པི པཱ་ཝ་ཀོ བྲ་ཧྨེ, ཨ་ཙྩི་མཱ་ལཱི ཡ་ས་སྶི་མཱ;
ཛ་ལ་མཱ་ནོ ཝ་ནེ ག་ཙྪེ [ཙ་རཾ ཀ་ཙྪེ (པཱི.)], ཨ་ན་ལོ ཀ་ཎྷ་ཝ་ཏྟ་ནཱི.
༡༦༦. གྷ་ཏཱ་ས་ནོ དྷཱུ་མ་ཀེ་ཏུ, ཨུ་ཏྟ་མཱ་ཧེ་ཝ་ན་ནྡ་ཧོ;
ནི་སཱི་ཐེ [ནི་སྶཱི་ཝེ (སྱཱ.), ནི་སི་ཝེ (ཀ.)] པ་བྦ་ཏ་གྒ་སྨིཾ, པ་ཧཱུ་ཏེ་དྷོ [བ་ཧུ་ཏེ་ཛོ (སྱཱ. ཀ.)] ཝི་རོ་ཙ་ཏི.
༡༦༧. ཨེ་ཝ་མྤི ད་ཧ་རཱུ་པེ་ཏོ, པ་ཉྙཱ་ཡོ་གེ་ན ས་མྦྷ་ཝོ;
མཱ ནཾ ད་ཧ་རོ་ཏི ཨུ་ཉྙཱ་སི, ཨ་པུ་ཙྪི་ཏྭཱ་ན ས་མྦྷ་ཝཾ;
པུ་ཙྪི་ཏྭཱ ས་མྦྷ་ཝཾ ཛ་ཉྙཱ, ཨ་ཏྠཾ དྷ་མྨ་ཉྩ བྲཱ་ཧྨ་ཎ.
༡༦༨. ཛ་ཝེ་ན བྷ་དྲཾ ཛཱ་ན་ནྟི, བ་ལི་བ་དྡ་ཉྩ [བ་ལི་ཝ་དྡ་ཉྩ (སཱི. པཱི.)] ཝཱ་ཧི་ཡེ;
དོ་ཧེ་ན དྷེ་ནུཾ ཛཱ་ན་ནྟི, བྷཱ་ས་མཱ་ན་ཉྩ པ་ཎྜི་ཏཾ.
༡༦༩. ཨེ་ཝ་མྤི ད་ཧ་རཱུ་པེ་ཏོ, པ་ཉྙཱ་ཡོ་གེ་ན ས་མྦྷ་ཝོ;
མཱ ནཾ ད་ཧ་རོ་ཏི ཨུ་ཉྙཱ་སི, ཨ་པུ་ཙྪི་ཏྭཱ་ན ས་མྦྷ་ཝཾ;
པུ་ཙྪི་ཏྭཱ ས་མྦྷ་ཝཾ ཛ་ཉྙཱ, ཨ་ཏྠཾ དྷ་མྨ་ཉྩ བྲཱ་ཧྨ་ཎ.
༡༧༠. སྭཱ་དྷི་པྤཱ་གཱ བྷཱ་ར་དྭཱ་ཛོ, ས་མྦྷ་ཝ་སྶ ཨུ་པ་ནྟི་ཀཾ;
ཏ་མ་དྡ་ས མ་ཧཱ་བྲ་ཧྨཱ, ཀཱི་ལ༹་མཱ་ནཾ བ་ཧཱི་པུ་རེ.
༡༧༡. ར་ཉྙོ་ཧཾ པ་ཧི་ཏོ དཱུ་ཏོ, ཀོ་ར་བྱ་སྶ ཡ་ས་སྶི་ནོ;
‘‘ཨ་ཏྠཾ དྷ་མྨ་ཉྩ པུ་ཙྪེ་སི’’, ཨི་ཙྩ་བྲ་ཝི ཡུ་དྷི་ཊྛི་ལོ;
ཏཾ ཏྭཾ ཨ་ཏྠ་ཉྩ དྷ་མྨ་ཉྩ, ས་མྦྷ་ཝ་ཀྑཱ་ཧི པུ་ཙྪི་ཏོ.
༡༧༢. ཏ་གྒྷ ཏེ ཨ་ཧ་མ་ཀྑི་སྶཾ, ཡ་ཐཱ་པི ཀུ་ས་ལོ ཏ་ཐཱ;
རཱ་ཛཱ ཙ ཁོ ཏཾ ཛཱ་ནཱ་ཏི, ཡ་དི ཀཱ་ཧ་ཏི ཝཱ ན ཝཱ.
༡༧༣. ‘‘ཨ་ཛྫ སུ་ཝེ’’ཏི སཾ་སེ་ཡྻ, ར་ཉྙཱ པུ་ཊྛོ སུ་ཙཱི་ར་ཏ;
མཱ ཀ་ཏྭཱ ཨ་ཝ་སཱི རཱ་ཛཱ, ཨ་ཏྠེ ཛཱ་ཏེ ཡུ་དྷི་ཊྛི་ལོ.
༡༧༤. ཨ་ཛ྄ཛྷ་ཏྟ་ཉྙེ་ཝ སཾ་སེ་ཡྻ, ར་ཉྙཱ པུ་ཊྛོ སུ་ཙཱི་ར་ཏ;
ཀུ་མྨ་གྒཾ ན ནི་ཝེ་སེ་ཡྻ, ཡ་ཐཱ མཱུ་ལ༹ྷོ ཨ་ཙེ་ཏ་སོ [ཨ་ཙེ་ཏ་ནོ (ཀ.)].
༡༧༥. ཨ་ཏྟཱ་ནཾ ནཱ་ཏི་ཝ་ཏྟེ་ཡྻ, ཨ་དྷ་མྨཾ ན ས་མཱ་ཙ་རེ;
ཨ་ཏི་ཏྠེ ན་པྤ་ཏཱ་རེ་ཡྻ, ཨ་ན་ཏྠེ ན ཡུ་ཏོ སི་ཡཱ.
༡༧༦. ཡོ ཙ ཨེ་ཏཱ་ནི ཋཱ་ནཱ་ནི, ཀ་ཏྟུཾ ཛཱ་ནཱ་ཏི ཁ་ཏྟི་ཡོ;
ས་དཱ སོ ཝ་ཌྜྷ་ཏེ རཱ་ཛཱ, སུ་ཀྐ་པ་ཀྑེ་ཝ ཙ་ནྡི་མཱ.
༡༧༧. ཉཱ་ཏཱི་ན་ཉྩ པི་ཡོ ཧོ་ཏི, མི་ཏྟེ་སུ ཙ ཝི་རོ་ཙ་ཏི;
ཀཱ་ཡ་སྶ བྷེ་དཱ ས་པྤ་ཉྙོ, ས་གྒཾ སོ ཨུ་པ་པ་ཛྫ་ཏཱི་ཏི.
ས་མྦྷ་ཝ་ཛཱ་ཏ་ཀཾ པ་ཉྩ་མཾ.