༤༦༩. མ་ཧཱ་ཀ་ཎྷ་ཛཱ་ཏ་ཀཾ (༦)
༦༡. ཀ་ཎྷོ ཀ་ཎྷོ ཙ གྷོ་རོ ཙ, སུ་ཀྐ་དཱ་ཋོ པ་བྷཱ་ས་ཝཱ [པ་ཏཱ་པ་ཝཱ (སཱི. སྱཱ. པཱི.)];
བ་དྡྷོ པ་ཉྩ་ཧི ར་ཛྫཱུ་ཧི, ཀིཾ ར་ཝི [དྷཱི་ར (སཱི. པཱི.), ཝཱི་ར (སྱཱ.)] སུ་ན་ཁོ ཏ་ཝ.
༦༢. ནཱ་ཡཾ མི་གཱ་ན་མ་ཏྠཱ་ཡ, ཨུ་སཱི་ན་ཀ [ཨུ་སཱི་ན་ར (སཱི. པཱི.), ཨུ་སཱི་ནྣ་ར (སྱཱ.)] བྷ་ཝི་སྶ་ཏི;
མ་ནུ་སྶཱ་ནཾ ཨ་ན་ཡོ ཧུ་ཏྭཱ, ཏ་དཱ ཀ་ཎྷོ པ་མོ་ཀྑ་ཏི.
༦༣. པ་ཏྟ་ཧ་ཏྠཱ ས་མ་ཎ་ཀཱ, མུ་ཎྜཱ ས་ངྒྷཱ་ཊི་པཱ་རུ་ཏཱ;
ན་ངྒ་ལེ་ཧི ཀ་སི་སྶ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༦༤. ཏ་པ་སྶི་ནི་ཡོ [ཏ་པ་ནཱི་ཡཱ (ཀ.) དུ་ཏི་ཡ་ནྟ་པ་དཱ་ནི ཧེ་ཏཱ་ནི] པ་བྦ་ཛི་ཏཱ, མུ་ཎྜཱ ས་ངྒྷཱ་ཊི་པཱ་རུ་ཏཱ;
ཡ་དཱ ལོ་ཀེ ག་མི་སྶ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༦༥. དཱི་གྷོ་ཏྟ་རོ་ཊྛཱ ཛ་ཊི་ལཱ, པ་ངྐ་ད་ནྟཱ ར་ཛ་སྶི་རཱ;
ཨི་ཎཾ ཙོ་དཱ་ཡ [ཝོ་དཱ་ཡ (སཱི. པཱི.), ཙོ་ད་ཡ (སྱཱ.)] ག་ཙྪ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༦༦. ཨ་དྷི་ཙྩ ཝེ་དེ [ཝེ་དཾ (ཀ.)] སཱ་ཝི་ཏྟིཾ, ཡ་ཉྙ་ཏ་ནྟ་ཉྩ [ཏ་ནྟྲ་ཉྩ (སཱི. སྱཱ. པཱི.)] བྲཱ་ཧྨ་ཎཱ;
བྷ་ཏི་ཀཱ་ཡ ཡ་ཛི་སྶ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༦༧. མཱ་ཏ་རཾ པི་ཏ་ར་ཉྩཱ་པི, ཛི་ཎྞ་ཀཾ ག་ཏ་ཡོ་བྦ་ནཾ;
པ་ཧཱུ ས་ནྟོ [ས་ནྟཱ (སཱི.)] ན བྷ་ར་ནྟི, ཏ་དཱ ཀ་ཎྷོ པ་མོ་ཀྑ་ཏི.
༦༨. མཱ་ཏ་རཾ པི་ཏ་ར་ཉྩཱ་པི, ཛི་ཎྞ་ཀཾ ག་ཏ་ཡོ་བྦ་ནཾ;
བཱ་ལཱ ཏུ་མྷེ་ཏི ཝ་ཀྑ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༦༩. ཨཱ་ཙ་རི་ཡ་བྷ་རི་ཡཾ ས་ཁིཾ [ཨཱ་ཙ་རི་ཡ་བྷ་རི་ཡཾ ས་ཁཱ་བྷ་རི་ཡཾ (སཱི. པཱི.)], མཱ་ཏུ་ལཱ་ནིཾ པི་ཏུ་ཙྪ་ཀིཾ [པི་ཏུ་ཙྪ་ཡཾ (སཱི.), པི་ཏུ་ཙྪ་སཾ (པཱི.)];
ཡ་དཱ ལོ་ཀེ ག་མི་སྶ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༧༠. ཨ་སི་ཙ་མྨཾ ག་ཧེ་ཏྭཱ་ན, ཁ་གྒཾ པ་གྒ་ཡ྄ཧ བྲཱ་ཧྨ་ཎཱ;
པ་ནྠ་གྷཱ་ཏཾ ཀ་རི་སྶ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༧༡. སུ་ཀྐ་ཙྪ་ཝཱི ཝེ་དྷ་ཝེ་རཱ, ཐཱུ་ལ་བཱ་ཧཱུ ཨ་པཱ་ཏུ་བྷཱ;
མི་ཏྟ་བྷེ་དཾ ཀ་རི་སྶ་ནྟི, ཏ་དཱ ཀ་ཎྷོ པ་མོ་ཀྑ་ཏི.
༧༢. མཱ་ཡཱ་ཝི་ནོ ནེ་ཀ་ཏི་ཀཱ, ཨ་ས་པྤུ་རི་ས་ཙི་ནྟ་ཀཱ;
ཡ་དཱ ལོ་ཀེ བྷ་ཝི་སྶ་ནྟི, ཏ་དཱ ཀ་ཎྷོ པ་མོ་ཀྑ་ཏཱི་ཏི.
མ་ཧཱ་ཀ་ཎྷ་ཛཱ་ཏ་ཀཾ ཚ་ཊྛཾ.