༤༦༠. ཡུ་དྷ་ཉྩ་ཡ་ཛཱ་ཏ་ཀཾ (༦)
༧༣. མི་ཏྟཱ་མ་ཙྩ་པ་རི་བྱཱུ་ལ༹ྷཾ [པ་རི་བྦཱུ་ལ༹ྷཾ (སཱི. པཱི.)], ཨ་ཧཾ ཝ་ནྡེ ར་ཐེ་ས་བྷཾ;
པ་བྦ་ཛི་སྶཱ་མ་ཧཾ རཱ་ཛ [པ་བྦ་ཛི་སྶཾ མ་ཧཱ་རཱ་ཛ (སཱི. པཱི.)], ཏཾ དེ་ཝོ ཨ་ནུ་མ་ཉྙ་ཏུ.
༧༤. ས་ཙེ ཏེ ཨཱུ་ནཾ ཀཱ་མེ་ཧི, ཨ་ཧཾ པ་རི་པཱུ་ར་ཡཱ་མི [ཨ་ཧཾ་ཝ པཱུ་ར་ཡཱ་མི (ཀ.)] ཏེ;
ཡོ ཏཾ ཧིཾ་ས་ཏི ཝཱ་རེ་མི, མཱ པ་བྦ་ཛ [པ་བྦ་ཛི (པཱི.)] ཡུ་དྷ་ཉྩ་ཡ [ཡུ་དྷ་ཉྫ་ཡ (སཱི. སྱཱ.), ཡུ་ཝ་ཉྫ་ཡ (པཱི.)].
༧༥. ན མ་ཏྠི ཨཱུ་ནཾ ཀཱ་མེ་ཧི, ཧིཾ་སི་ཏཱ མེ ན ཝི་ཛྫ་ཏི;
དཱི་པ་ཉྩ ཀཱ་ཏུ་མི་ཙྪཱ་མི, ཡཾ ཛ་རཱ ནཱ་བྷི་ཀཱི་ར་ཏི.
༧༦. པུ་ཏྟོ ཝཱ པི་ཏ་རཾ ཡཱ་ཙེ, པི་ཏཱ ཝཱ པུ་ཏྟ་མོ་ར་སཾ;
ནེ་ག་མོ ཏཾ ཡཱ་ཙེ [ནེ་ག་མོ ཡཱ་ཙ་ཏེ (སཱི. སྱཱ. པཱི.)] ཏཱ་ཏ, མཱ པ་བྦ་ཛ ཡུ་དྷ་ཉྩ་ཡ.
༧༧. མཱ མཾ དེ་ཝ ནི་ཝཱ་རེ་ཧི, པ་བྦ་ཛ་ནྟཾ ར་ཐེ་ས་བྷ;
མཱ་ཧཾ ཀཱ་མེ་ཧི ས་མྨ་ཏྟོ, ཛ་རཱ་ཡ ཝ་ས་མ་ནྭ་གཱུ.
༧༨. ཨ་ཧཾ ཏཾ ཏཱ་ཏ ཡཱ་ཙཱ་མི, ཨ་ཧཾ པུ་ཏྟ ནི་ཝཱ་ར་ཡེ;
ཙི་རཾ ཏཾ ད་ཊྛུ་མི་ཙྪཱ་མི, མཱ པ་བྦ་ཛ ཡུ་དྷ་ཉྩ་ཡ.
༧༩. ཨུ་སྶཱ་ཝོ་ཝ ཏི་ཎ་གྒ་མྷི, སཱུ་རི་ཡུ་གྒ་མ་ནཾ པ་ཏི;
ཨེ་ཝ་མཱ་ཡུ མ་ནུ་སྶཱ་ནཾ, མཱ མཾ ཨ་མྨ ནི་ཝཱ་ར་ཡ.
༨༠. ཏ་ར་མཱ་ནོ ཨི་མཾ ཡཱ་ནཾ, ཨཱ་རོ་པེ་ཏུ [ཏ་ར་མཱ་ནཱ ཨི་མཾ ཡཱ་ནཾ, ཨཱ་རོ་པེ་ནྟུ (སཱི. པཱི.)] ར་ཐེ་ས་བྷ;
མཱ མེ མཱ་ཏཱ ཏ་ར་ནྟ་སྶ, ཨ་ནྟ་རཱ་ཡ་ཀ་རཱ ཨ་ཧུ.
༨༡. ཨ་བྷི་དྷཱ་ཝ་ཐ བྷ་དྡ་ནྟེ, སུ་ཉྙཾ ཧེ་སྶ་ཏི ར་མྨ་ཀཾ;
ཡུ་དྷ་ཉྩ་ཡོ ཨ་ནུ་ཉྙཱ་ཏོ, ས་བྦ་ད་ཏྟེ་ན རཱ་ཛི་ནཱ.
༨༢. ཡོ་ཧུ སེ་ཊྛོ ས་ཧ་སྶ་སྶ [མ་ནུ་སྶཱ་ནཾ (སྱཱ.), ས་ཧ་སྶཱ་ནཾ (ཀ.)], ཡུ་ཝཱ ཀ་ཉྩ་ན་ས་ནྣི་བྷོ;
སོ་ཡཾ ཀུ་མཱ་རོ པ་བྦ་ཛི་ཏོ, ཀཱ་སཱ་ཡ་ཝ་ས་ནོ བ་ལཱི.
༨༣. ཨུ་བྷོ ཀུ་མཱ་རཱ པ་བྦ་ཛི་ཏཱ, ཡུ་དྷ་ཉྩ་ཡོ ཡུ་དྷི་ཊྛི་ལོ;
པ་ཧཱ་ཡ མཱ་ཏཱ་པི་ཏ་རོ, ས་ངྒཾ ཚེ་ཏྭཱ་ན མ་ཙྩུ་ནོ་ཏི.
ཡུ་དྷ་ཉྩ་ཡ་ཛཱ་ཏ་ཀཾ ཚ་ཊྛཾ.