༤༤༥. ནི་གྲོ་དྷ་ཛཱ་ཏ་ཀཾ (༧)
༧༢. ན ཝཱ་ཧ་མེ་ཏཾ [ན ཙཱ་ཧ་མེ་ཏཾ (སཱི.)] ཛཱ་ནཱ་མི, ཀོ ཝཱ་ཡཾ ཀ་སྶ ཝཱ་ཏི ཝཱ [ཙཱ་ཏི ཝཱ (སཱི.)];
ཡ་ཐཱ སཱ་ཁོ ཙ་རི [ཝ་དཱི (སཱི. སྱཱ. པཱི.)] ཨེ་ཝཾ, ནི་གྲོ་དྷ ཀི་ནྟི མ་ཉྙ་སི.
༧༣. ཏ་ཏོ ག་ལ་ཝི་ནཱི་ཏེ་ན, པུ་རི་སཱ ནཱི་ཧ་རིཾ་སུ མཾ;
ད་ཏྭཱ མུ་ཁ་པ་ཧཱ་རཱ་ནི, སཱ་ཁ་སྶ ཝ་ཙ་ནཾ་ཀ་རཱ.
༧༤. ཨེ་ཏཱ་དི་སཾ དུ་མྨ་ཏི་ནཱ, ཨ་ཀ་ཏ་ཉྙུ་ན དུ་བྦྷི་ནཱ;
ཀ་ཏཾ ཨ་ན་རི་ཡཾ སཱ་ཁེ་ན, ས་ཁི་ནཱ ཏེ ཛ་ནཱ་དྷི་པ.
༧༥. ན ཝཱ་ཧ་མེ་ཏཾ ཛཱ་ནཱ་མི, ན་པི མེ ཀོ་ཙི སཾ་ས་ཏི;
ཡཾ མེ ཏྭཾ ས་མྨ ཨ་ཀྑཱ་སི, སཱ་ཁེ་ན ཀཱ་ར་ཎཾ [ཀ་ཌྜྷ་ནཾ (སཱི. སྱཱ.)] ཀ་ཏཾ.
༧༦. ས་ཁཱི་ནཾ སཱ་ཛཱི་ཝ་ཀ་རོ, མ་མ སཱ་ཁ་སྶ ཙཱུ་བྷ་ཡཾ;
ཏྭཾ ནོ་སི་སྶ་རི་ཡཾ དཱ་ཏཱ, མ་ནུ་སྶེ་སུ མ་ཧ་ནྟ་ཏཾ;
ཏ་ཡཱ་མཱ ལ་བྦྷི་ཏཱ ཨི་དྡྷཱི, ཨེ་ཏྠ མེ ན་ཏྠི སཾ་ས་ཡོ.
༧༧. ཡ་ཐཱ་པི བཱི་ཛ་མ་གྒི་མྷི, ཌ་ཡ྄ཧ་ཏི ན ཝི་རཱུ་ཧ་ཏི;
ཨེ་ཝཾ ཀ་ཏཾ ཨ་ས་པྤུ་རི་སེ, ན་སྶ་ཏི ན ཝི་རཱུ་ཧ་ཏི.
༧༨. ཀ་ཏ་ཉྙུ་མྷི ཙ པོ་ས་མྷི, སཱི་ལ་ཝ་ནྟེ ཨ་རི་ཡ་ཝུ་ཏྟི་ནེ;
སུ་ཁེ་ཏྟེ ཝི་ཡ བཱི་ཛཱ་ནི, ཀ་ཏཾ ཏ་མྷི ན ན་སྶ་ཏི.
༧༩. ཨི་མཾ ཛ་མྨཾ ནེ་ཀ་ཏི་ཀཾ, ཨ་ས་པྤུ་རི་ས་ཙི་ནྟ་ཀཾ;
ཧ་ན་ནྟུ སཱ་ཁཾ ས་ཏྟཱི་ཧི, ནཱ་སྶ ཨི་ཙྪཱ་མི ཛཱི་ཝི་ཏཾ.
༨༠. ཁ་མ་ཏ་སྶ མ་ཧཱ་རཱ་ཛ, པཱ་ཎཱ ན པ་ཊི་ཨཱ་ན་ཡཱ [དུ་པྤ་ཊི་ཨཱ་ན་ཡཱ (སཱི. སྱཱ. པཱི.)];
ཁ་མ དེ་ཝ ཨ་ས་པྤུ་རི་ས་སྶ, ནཱ་སྶ ཨི་ཙྪཱ་མ་ཧཾ ཝ་དྷཾ.
༨༡. ནི་གྲོ་དྷ་མེ་ཝ སེ་ཝེ་ཡྻ, ན སཱ་ཁ་མུ་པ་སཾ་ཝ་སེ;
ནི་གྲོ་དྷ་སྨིཾ མ་ཏཾ སེ་ཡྻོ, ཡ་ཉྩེ སཱ་ཁ་སྨི ཛཱི་ཝི་ཏ་ནྟི.
ནི་གྲོ་དྷ་ཛཱ་ཏ་ཀཾ ས་ཏྟ་མཾ.