༤༤༢. ས་ངྑ་ཛཱ་ཏ་ཀཾ (༤)

༣༩. བ་ཧུ་སྶུ་ཏོ སུ་ཏ་དྷ་མྨོ་སི ས་ངྑ, དི་ཊྛཱ ཏ་ཡཱ ས་མ་ཎ་བྲཱ་ཧྨ་ཎཱ ཙ;

ཨ་ཐ་ཀྑ་ཎེ ད་སྶ་ཡ་སེ ཝི་ལཱ་པཾ, ཨ་ཉྙོ ནུ ཀོ ཏེ པ་ཊི་མ་ནྟ་ཀོ མ་ཡཱ.

༤༠. སུ་བྦྷཱུ [སུ་བྦྷཱ (སྱཱ.), སུ་མྦྷཱ, སུ་བྷྨཱ (ཀ.)] སུ་བྷཱ སུ་པྤ་ཊི་མུ་ཀྐ་ཀ་མྦུ, པ་གྒ་ཡ྄ཧ སོ་ཝ་ཎྞ་མ་ཡཱ་ཡ པཱ་ཏི་ཡཱ;

‘‘བྷུ་ཉྫ་སྶུ བྷ་ཏྟཾ’’ ཨི་ཏི མཾ ཝ་དེ་ཏི, ས་དྡྷཱ་ཝི་ཏྟཱ [ས་དྡྷཱ་ཙི་ཏྟཱ (སཱི. པཱི. ཀ.)], ཏ་མ་ཧཾ ནོ་ཏི བྲཱུ་མི.

༤༡. ཨེ་ཏཱ་དི་སཾ བྲཱ་ཧྨ་ཎ དི་སྭཱ་ན [དི་སྭ (སཱི. པཱི.)] ཡ་ཀྑཾ, པུ་ཙྪེ་ཡྻ པོ་སོ སུ་ཁ་མཱ་སི་སཱ་ནོ [སུ་ཁ་མཱ་ས་སཱ་ནོ (སྱཱ.), སུ་ཁ་མཱ་སི་ས་མཱ་ནོ (ཀ.)];

ཨུ་ཊྛེ་ཧི ནཾ པ་ཉྫ་ལི་ཀཱ་བྷི་པུ་ཙྪ, དེ་ཝཱི ནུ་སི ཏྭཾ ཨུ་ད མཱ་ནུ་སཱི ནུ.

༤༢. ཡཾ ཏྭཾ སུ་ཁེ་ནཱ་བྷི་ས་མེ་ཀྑ་སེ མཾ, བྷུ་ཉྫ་སྶུ བྷ་ཏྟཾ ཨི་ཏི མཾ ཝ་དེ་སི;

པུ་ཙྪཱ་མི ཏཾ ནཱ་རི མ་ཧཱ་ནུ་བྷཱ་ཝེ, དེ་ཝཱི ནུ་སི ཏྭཾ ཨུ་ད མཱ་ནུ་སཱི ནུ.

༤༣. དེ་ཝཱི ཨ་ཧཾ ས་ངྑ མ་ཧཱ་ནུ་བྷཱ་ཝཱ, ཨི་དྷཱ་ག་ཏཱ སཱ་ག་ར་ཝཱ་རི་མ་ཛ྄ཛྷེ;

ཨ་ནུ་ཀ་མྤི་ཀཱ ནོ ཙ པ་དུ་ཊྛ་ཙི་ཏྟཱ, ཏ་ཝེ་ཝ ཨ་ཏྠཱ་ཡ ཨི་དྷཱ་ག་ཏཱ་སྨི.

༤༤. ཨི་དྷ་ནྣ་པཱ་ནཾ ས་ཡ་ནཱ་ས་ན་ཉྩ, ཡཱ་ནཱ་ནི ནཱ་ནཱ་ཝི་ཝི་དྷཱ་ནི ས་ངྑ;

ས་བྦ་སྶ ཏྱཱ་ཧཾ པ་ཊི་པཱ་ད་ཡཱ་མི, ཡཾ ཀི་ཉྩི ཏུ་ཡ྄ཧཾ མ་ན་སཱ་བྷི་པ་ཏྠི་ཏཾ.

༤༥. ཡཾ ཀི་ཉྩི ཡི་ཊྛ་ཉྩ ཧུ་ཏ་ཉྩ [ཡི་ཊྛཾ་ཝ ཧུ་ཏཾ་ཝ (སཱི. པཱི.)] མ་ཡ྄ཧཾ, ས་བྦ་སྶ ནོ ཨི་སྶ་རཱ ཏྭཾ སུ་ག་ཏྟེ;

སུ་སོ་ཎི སུ་བྦྷ་མུ [སུ་བྦྷུ (སཱི.), སུ་བྦྷཱ (སྱཱ.)] སུ་ཝི་ལ་གྒ་མ་ཛ྄ཛྷེ [སུ་ཝི་ལཱ་ཀ་མ་ཛ྄ཛྷེ (སྱཱ. པཱི. སཱི. ཨ་ཊྛ.), སུ་ཝི་ལཱ་ཏ་མ་ཛ྄ཛྷེ (ཀ.)], ཀི་སྶ མེ ཀ་མྨ་སྶ ཨ་ཡཾ ཝི་པཱ་ཀོ.

༤༦. གྷ་མྨེ པ་ཐེ བྲཱ་ཧྨ་ཎ ཨེ་ཀ་བྷི་ཀྑུཾ, ཨུ་གྒྷ་ཊྚ་པཱ་དཾ ཏ་སི་ཏཾ ཀི་ལ་ནྟཾ;

པ་ཊི་པཱ་ད་ཡཱི ས་ངྑ ཨུ་པཱ་ཧ་ནཱ་ནི [ཨུ་པཱ་ཧ་ནཱ་ཧི (སཱི. པཱི.)], སཱ ད་ཀྑི་ཎཱ ཀཱ་མ་དུ་ཧཱ ཏ་ཝ་ཛྫ.

༤༧. སཱ ཧོ་ཏུ ནཱ་ཝཱ ཕ་ལ་ཀཱུ་པ་པ་ནྣཱ, ཨ་ན་ཝ་སྶུ་ཏཱ ཨེ་ར་ཀ་ཝཱ་ཏ་ཡུ་ཏྟཱ;

ཨ་ཉྙ་སྶ ཡཱ་ན་སྶ ན ཧེ་ཏྠ [ན ཧ་ཏྠི (པཱི.)] བྷཱུ་མི, ཨ་ཛྫེ་ཝ མཾ མོ་ལི༹་ནིཾ པཱ་པ་ཡ་སྶུ.

༤༨. སཱ ཏ་ཏྠ ཝི་ཏྟཱ སུ་མ་ནཱ པ་ཏཱི་ཏཱ, ནཱ་ཝཾ སུ་ཙི་ཏྟཾ ཨ་བྷི་ནི་མྨི་ནི་ཏྭཱ;

ཨཱ་དཱ་ཡ ས་ངྑཾ པུ་རི་སེ་ན ས་དྡྷིཾ, ཨུ་པཱ་ན་ཡཱི ན་ག་རཾ སཱ་དྷུ་ར་མྨ་ནྟི.

ས་ངྑ་ཛཱ་ཏ་ཀཾ ཙ་ཏུ་ཏྠཾ.