༨. ཝ་རུ་ཎ་ཝ་གྒོ

༧༡. ཡོ པུ་བྦེ ཀ་ར་ཎཱི་ཡཱ་ནི, པ་ཙྪཱ སོ ཀཱ་ཏུ་མི་ཙྪ་ཏི;

ཝ་རུ་ཎ་ཀ་ཊྛ [ཝ་ར་ཎ་ཀ་ཊྛ (སཱི. པཱི.)] བྷ་ཉྫོ་ཝ, ས པ་ཙྪཱ མ་ནུ་ཏ་པྤ་ཏཱི་ཏི.

ཝ་རུ་ཎ་ཛཱ་ཏ་ཀཾ པ་ཋ་མཾ.

༧༢. ཨ་ཀ་ཏ་ཉྙུ་སྶ པོ་ས་སྶ, ནི་ཙྩཾ ཝི་ཝ་ར་ད་སྶི་ནོ;

ས་བྦཾ ཙེ པ་ཐ་ཝིཾ [པ་ཋ་ཝིཾ (སཱི. སྱཱ. པཱི.)] ད་ཛྫཱ, ནེ་ཝ ནཾ ཨ་བྷི་རཱ་དྷ་ཡེ་ཏི.

སཱི་ལ་ཝ་ཧ་ཏྠི་ཛཱ་ཏ་ཀཾ དུ་ཏི་ཡཾ.

༧༣. ས་ཙྩཾ ཀི་རེ་ཝ་མཱ་ཧཾ་སུ, ན་རཱ ཨེ་ཀ་ཙྩི་ཡཱ ཨི་དྷ;

ཀ་ཊྛཾ ནི་པླ་ཝི་ཏཾ [ཝི་པླཱ་ཝི་ཏཾ (སཱི. པཱི.)] སེ་ཡྻོ, ན ཏྭེ་ཝེ་ཀ་ཙྩི་ཡོ ན་རོ་ཏི.

ས་ཙྩཾ་ཀི་ར་ཛཱ་ཏ་ཀཾ ཏ་ཏི་ཡཾ.

༧༤. སཱ་དྷཱུ ས་མྦ་ཧུ་ལཱ ཉཱ་ཏཱི, ཨ་པི རུ་ཀྑཱ ཨ་ར་ཉྙ་ཛཱ;

ཝཱ་ཏོ ཝ་ཧ་ཏི ཨེ་ཀ་ཊྛཾ, བྲ་ཧ་ནྟ་མྤི ཝ་ན་པྤ་ཏི་ནྟི.

རུ་ཀྑ་དྷ་མྨ་ཛཱ་ཏ་ཀཾ ཙ་ཏུ་ཏྠཾ.

༧༥. ཨ་བྷི་ཏྠ་ན་ཡ པ་ཛྫུ་ནྣ, ནི་དྷིཾ ཀཱ་ཀ་སྶ ནཱ་ས་ཡ;

ཀཱ་ཀཾ སོ་ཀཱ་ཡ ར་ནྡྷེ་ཧི, མ་ཉྩ སོ་ཀཱ པ་མོ་ཙ་ཡཱ་ཏི.

མ་ཙྪ་ཛཱ་ཏ་ཀཾ པ་ཉྩ་མཾ.

༧༦. ཨ་ས་ངྐི་ཡོ་མྷི གཱ་མ་མྷི, ཨ་ར་ཉྙེ ན་ཏྠི མེ བྷ་ཡཾ;

ཨུ་ཛུཾ མ་གྒཾ ས་མཱ་རཱུ་ལ༹ྷོ, མེ་ཏྟཱ་ཡ ཀ་རུ་ཎཱ་ཡ ཙཱ་ཏི.

ཨ་ས་ངྐི་ཡ་ཛཱ་ཏ་ཀཾ ཚ་ཊྛཾ.

༧༧. ཨུ་ས་བྷཱ རུ་ཀྑཱ གཱ་ཝི་ཡོ ག་ཝཱ ཙ, ཨ་སྶོ ཀཾ་སོ སི་ངྒཱ་ལཱི [སི་གཱ་སཱི (སཱི. སྱཱ. པཱི.)] ཙ ཀུ་མྦྷོ;

པོ་ཀྑ་ར་ཎཱི ཙ ཨ་པཱ་ཀ་ཙ་ནྡ་ནཾ, ལཱ་བཱུ་ནི སཱི་ད་ནྟི སི་ལཱ པླ་ཝ་ནྟི.

མ་ཎྜཱུ་ཀི་ཡོ ཀ་ཎྷ་ས་པྤེ གི་ལ་ནྟི, ཀཱ་ཀཾ སུ་པ་ཎྞཱ པ་རི་ཝཱ་ར་ཡ་ནྟི;

ཏ་སཱ ཝ་ཀཱ ཨེ་ལ༹་ཀཱ་ནཾ བྷ་ཡཱ་ཧི, ཝི་པ་རི་ཡཱ་སོ [ཝི་པ་རི་ཡཱ་ཡོ (སྱཱ. ཀ.)] ཝ་ཏྟ་ཏི ན་ཡི་དྷ མ་ཏྠཱི་ཏི.

མ་ཧཱ་སུ་པི་ན་ཛཱ་ཏ་ཀཾ ས་ཏྟ་མཾ.

༧༨. ཨུ་བྷོ ཁ་ཉྫཱ ཨུ་བྷོ ཀུ་ཎཱི, ཨུ་བྷོ ཝི་ས་མ་ཙ་ཀྑུ་ཀཱ [ཙ་ཀྑུ་ལཱ (སཱི. པཱི.)];

ཨུ་བྷི་ནྣཾ པི་ལ༹་ཀཱ [པཱི་ལ༹་ཀཱ (སྱཱ.)] ཛཱ་ཏཱ, ནཱ་ཧཾ པ་སྶཱ་མི ཨི་ལླི་ས་ནྟི.

ཨི་ལླི་ས་ཛཱ་ཏ་ཀཾ ཨ་ཊྛ་མཾ.

༧༩. ཡ་ཏོ ཝི་ལུ་ཏྟཱ ཙ ཧ་ཏཱ ཙ གཱ་ཝོ, ད་ཌྜྷཱ་ནི གེ་ཧཱ་ནི ཛ་ནོ ཙ ནཱི་ཏོ;

ཨ་ཐཱ་ག་མཱ པུ་ཏྟ་ཧ་ཏཱ་ཡ པུ་ཏྟོ, ཁ་ར་སྶ་རཾ ཌི་ཎྜི་མཾ [དེ་ཎྜི་མཾ (སཱི. སྱཱ. པཱི.), ཌི་ནྡི་མཾ (ཀ.)] ཝཱ་ད་ཡ་ནྟོ་ཏི.

ཁ་ར་སྶ་ར་ཛཱ་ཏ་ཀཾ ན་ཝ་མཾ.

༨༠. ཡཾ ཏེ པ་ཝི་ཀ་ཏྠི་ཏཾ པུ་རེ, ཨ་ཐ ཏེ པཱུ་ཏི་ས་རཱ ས་ཛ་ནྟི པ་ཙྪཱ;

ཨུ་བྷ་ཡཾ ན ས་མེ་ཏི བྷཱི་མ་སེ་ན, ཡུ་དྡྷ་ཀ་ཐཱ ཙ ཨི་ད་ཉྩ ཏེ ཝི་ཧ་ཉྙ་ནྟི.

བྷཱི་མ་སེ་ན་ཛཱ་ཏ་ཀཾ ད་ས་མཾ.

ཝ་རུ་ཎ་ཝ་གྒོ [ཝ་ར་ཎ་ཝ་གྒོ (སཱི. པཱི.)] ཨ་ཊྛ་མོ.

ཏ་སྶུ་དྡཱ་ནཾ –

ཝ་རུ་ཎཱ ཨ་ཀ་ཏ་ཉྙཱུ་ཝ་རེ ཏུ ས་ཙྩ་ཝ་རཾ, ས་ཝ་ན་པྤ་ཏི་ནཱ ཙ ཨ་བྷི་ཏྠ་ན་ཡ;

ཀ་རུ་ཎཱ་ཡ སི་ལཱ་པླ་ཝ ཨི་ལླི་ས་ཏོ, པུ་ན ཌི་ཎྜི་མ་པཱུ་ཏི་ས་རེ་ན ད་སཱ་ཏི.