༧. ཨི་ཏྠི་ཝ་གྒོ

༦༡. ཨ་སཱ ལོ་ཀི་ཏྠི་ཡོ ནཱ་མ, ཝེ་ལཱ ཏཱ་སཾ ན ཝི་ཛྫ་ཏི;

སཱ་ར་ཏྟཱ ཙ པ་ག་བྦྷཱ ཙ, སི་ཁཱི ས་བྦ་གྷ་སོ ཡ་ཐཱ;

ཏཱ ཧི་ཏྭཱ པ་བྦ་ཛི་སྶཱ་མི, ཝི་ཝེ་ཀ་མ་ནུ་བྲཱུ་ཧ་ཡ་ནྟི.

ཨ་སཱ་ཏ་མ་ནྟ་ཛཱ་ཏ་ཀཾ པ་ཋ་མཾ.

༦༢. ཡཾ བྲཱ་ཧྨ་ཎོ ཨ་ཝཱ་དེ་སི, ཝཱི་ཎཾ ས་མུ་ཁ་ཝེ་ཋི་ཏོ;

ཨ་ཎྜ་བྷཱུ་ཏཱ བྷ་ཏཱ བྷ་རི་ཡཱ, ཏཱ་སུ ཀོ ཛཱ་ཏུ ཝི་སྶ་སེ་ཏི.

ཨ་ཎྜ་བྷཱུ་ཏ་ཛཱ་ཏ་ཀཾ དུ་ཏི་ཡཾ.

༦༣. ཀོ་དྷ་ནཱ ཨ་ཀ་ཏ་ཉྙཱུ ཙ, པི་སུ་ཎཱ མི་ཏྟ་བྷེ་དི་ཀཱ [པི་སུ་ཎཱ ཙ ཝི་བྷེ་དི་ཀཱ (སཱི. སྱཱ. པཱི.)];

བྲ་ཧྨ་ཙ་རི་ཡཾ ཙ་ར བྷི་ཀྑུ, སོ སུ་ཁཾ ན ཝི་ཧཱ་ཧ་སཱི་ཏི [པི་ཧཱ་ཧི་སཱི་ཏི (སཱི. སྱཱ. པཱི.), ཝི་ཧཱ་ཡ་སི (ཀ.)].

ཏ་ཀྐ་པ་ཎྜི་ཏ་ཛཱ་ཏ་ཀཾ [ཏ་ཀྐ་ཛཱ་ཏ་ཀཾ (སཱི. སྱཱ. པཱི. ཨ་ཊྛ.)] ཏ་ཏི་ཡཾ.

༦༤. མཱ སུ ན་ནྡི ཨི་ཙྪ་ཏི མཾ, མཱ སུ སོ་ཙི ན མི་ཙྪ་ཏི [ན ཨི་ཙྪ་ཏི (སཱི. སྱཱ. པཱི.)];

ཐཱི་ནཾ བྷཱ་ཝོ དུ་རཱ་ཛཱ་ནོ, མ་ཙྪ་སྶེ་ཝོ་ད་ཀེ ག་ཏ་ནྟི.

དུ་རཱ་ཛཱ་ན་ཛཱ་ཏ་ཀཾ ཙ་ཏུ་ཏྠཾ.

༦༥. ཡ་ཐཱ ན་དཱི ཙ པ་ནྠོ ཙ, པཱ་ནཱ་གཱ་རཾ ས་བྷཱ པ་པཱ;

ཨེ་ཝཾ ལོ་ཀི་ཏྠི་ཡོ ནཱ་མ, ནཱ་སཾ ཀུ་ཛ྄ཛྷ་ནྟི པ་ཎྜི་ཏཱ་ཏི.

ཨ་ན་བྷི་ར་ཏི་ཛཱ་ཏ་ཀཾ པ་ཉྩ་མཾ.

༦༦. ཨེ་ཀཱ ཨི་ཙྪཱ པུ་རེ ཨཱ་སི, ཨ་ལ་དྡྷཱ མུ་དུ་ལ་ཀྑ་ཎཾ;

ཡ་ཏོ ལ་དྡྷཱ ཨ་ལཱ༹་ར་ཀྑཱི, ཨི་ཙྪཱ ཨི་ཙྪཾ ཝི་ཛཱ་ཡ་ཐཱ་ཏི.

མུ་དུ་ལ་ཀྑ་ཎ་ཛཱ་ཏ་ཀཾ ཚ་ཊྛཾ.

༦༧. ཨུ་ཙྪ་ངྒེ དེ་ཝ མེ པུ་ཏྟོ, པ་ཐེ དྷཱ་ཝ་ནྟི་ཡཱ པ་ཏི;

ཏ་ཉྩ དེ་སཾ ན པ་སྶཱ་མི, ཡ་ཏོ སོ་ད་རི་ཡ་མཱ་ན་ཡེ་ཏི [སོ་ད་རི་ཡཾ ན་ཡེ (ཀ.)].

ཨུ་ཙྪ་ངྒ་ཛཱ་ཏ་ཀཾ ས་ཏྟ་མཾ.

༦༨. ཡ་སྨིཾ མ་ནོ ནི་ཝི་ས་ཏི, ཙི་ཏྟ་ཉྩཱ་པི [ཙི་ཏྟཾ ཝཱ་པི (ཀ་ཏྠ་ཙི)] པ་སཱི་ད་ཏི;

ཨ་དི་ཊྛ་པུ་བྦ་ཀེ པོ་སེ, ཀཱ་མཾ ཏ་སྨི་མྤི ཝི་སྶ་སེ་ཏི.

སཱ་ཀེ་ཏ་ཛཱ་ཏ་ཀཾ ཨ་ཊྛ་མཾ.

༦༩. དྷི་ར་ཏྠུ ཏཾ ཝི་སཾ ཝ་ནྟཾ, ཡ་མ་ཧཾ ཛཱི་ཝི་ཏ་ཀཱ་ར་ཎཱ;

ཝ་ནྟཾ པ་ཙྩཱ་ཝ་མི་སྶཱ་མི [པ་ཙྩཱ་ཧ་རི་སྶཱ་མི (ཀ.)], མ་ཏཾ མེ ཛཱི་ཝི་ཏཱ ཝ་ར་ནྟི.

ཝི་ས་ཝ་ནྟ་ཛཱ་ཏ་ཀཾ ན་ཝ་མཾ.

༧༠. ན ཏཾ ཛི་ཏཾ སཱ་དྷུ ཛི་ཏཾ, ཡཾ ཛི་ཏཾ ཨ་ཝ་ཛཱི་ཡ་ཏི;

ཏཾ ཁོ ཛི་ཏཾ སཱ་དྷུ ཛི་ཏཾ, ཡཾ ཛི་ཏཾ ནཱ་ཝ་ཛཱི་ཡ་ཏཱི་ཏི.

ཀུ་དྡཱ་ལ་ཛཱ་ཏ་ཀཾ ད་ས་མཾ.

ཨི་ཏྠི་ཝ་གྒོ ས་ཏྟ་མོ.

ཏ་སྶུ་དྡཱ་ནཾ –

སི་ཁཱི་ས་བྦ་གྷ་སོ་པི ཙ ཝཱི་ཎ་ཝ་རོ, པི་སུ་ཎཱ མི་ཏྟ་བྷེ་དི་ཀཱ ན་ནྡཱི ན་དཱི;

མུ་དུ་ལ་ཀྑ་ཎ སོ་ད་རི་ཡཱ ཙ མ་ནོ, ཝི་ས སཱ་དྷུ་ཛི་ཏེ་ན བྷ་ཝ་ནྟི ད་སཱ་ཏི.