༦. ཨཱ་སཱི་ས་ཝ་གྒོ

༥༡. ཨཱ་སཱི་སེ་ཐེ་ཝ [ཨཱ་སིཾ་སེ་ཐེ་ཝ (སཱི. སྱཱ. པཱི.)] པུ་རི་སོ, ན ནི་བྦི་ནྡེ་ཡྻ པ་ཎྜི་ཏོ;

པ་སྶཱ་མི ཝོ་ཧཾ ཨ་ཏྟཱ་ནཾ, ཡ་ཐཱ ཨི་ཙྪིཾ ཏ་ཐཱ ཨ་ཧཱུ་ཏི.

མ་ཧཱ་སཱི་ལ་ཝ་ཛཱ་ཏ་ཀཾ པ་ཋ་མཾ.

༥༢. ཝཱ་ཡ་མེ་ཐེ་ཝ པུ་རི་སོ, ན ནི་བྦི་ནྡེ་ཡྻ པ་ཎྜི་ཏོ;

པ་སྶཱ་མི ཝོ་ཧཾ ཨ་ཏྟཱ་ནཾ, ཨུ་ད་ཀཱ ཐ་ལ་མུ་བྦྷ་ཏ་ནྟི.

ཙཱུ་ལ༹་ཛ་ན་ཀ་ཛཱ་ཏ་ཀཾ དུ་ཏི་ཡཾ.

༥༣. ཏ་ཐེ་ཝ པུ་ཎྞཱ པཱ་ཏི་ཡོ, ཨ་ཉྙཱ་ཡཾ ཝ་ཏྟ་ཏེ ཀ་ཐཱ;

ཨཱ་ཀཱ་ར་ཎེ་ན [ཨཱ་ཀཱ་ར་ཀེ་ན (སཱི. སྱཱ. པཱི.)] ཛཱ་ནཱ་མི, ན ཙཱ་ཡཾ བྷ་དྡི་ཀཱ སུ་རཱ་ཏི.

པུ་ཎྞ་པཱ་ཏི་ཛཱ་ཏ་ཀཾ ཏ་ཏི་ཡཾ.

༥༤. ནཱ་ཡཾ རུ་ཀྑོ དུ་རཱ་རུ་ཧོ, ན་པི གཱ་མ་ཏོ ཨཱ་ར་ཀཱ;

ཨཱ་ཀཱ་ར་ཎེ་ན ཛཱ་ནཱ་མི, ནཱ་ཡཾ སཱ་དུ་ཕ་ལོ དུ་མོ་ཏི.

ཀིཾ་ཕ་ལ་ཛཱ་ཏ་ཀཾ ཙ་ཏུ་ཏྠཾ.

༥༥. ཡོ ཨ་ལཱི་ནེ་ན ཙི་ཏྟེ་ན, ཨ་ལཱི་ན་མ་ན་སོ ན་རོ;

བྷཱ་ཝེ་ཏི ཀུ་ས་ལཾ དྷ་མྨཾ, ཡོ་ག་ཀྑེ་མ་སྶ པ་ཏྟི་ཡཱ;

པཱ་པུ་ཎེ ཨ་ནུ་པུ་བྦེ་ན, ས་བྦ་སཾ་ཡོ་ཛ་ན་ཀྑ་ཡ་ནྟི.

པ་ཉྩཱ་ཝུ་དྷ་ཛཱ་ཏ་ཀཾ པ་ཉྩ་མཾ.

༥༦. ཡོ པ་ཧ་ཊྛེ་ན ཙི་ཏྟེ་ན, པ་ཧ་ཊྛ་མ་ན་སོ ན་རོ;

བྷཱ་ཝེ་ཏི ཀུ་ས་ལཾ དྷ་མྨཾ, ཡོ་ག་ཀྑེ་མ་སྶ པ་ཏྟི་ཡཱ;

པཱ་པུ་ཎེ ཨ་ནུ་པུ་བྦེ་ན, ས་བྦ་སཾ་ཡོ་ཛ་ན་ཀྑ་ཡ་ནྟི.

ཀ་ཉྩ་ན་ཀྑ་ནྡྷ་ཛཱ་ཏ་ཀཾ ཚ་ཊྛཾ.

༥༧. ཡ་སྶེ་ཏེ ཙ་ཏུ་རོ དྷ་མྨཱ, ཝཱ་ན་རི་ནྡ ཡ་ཐཱ ཏ་ཝ;

ས་ཙྩཾ དྷ་མྨོ དྷི་ཏི [དྷི་ཏཱི (སཱི. པཱི.)] ཙཱ་གོ, དི་ཊྛཾ སོ ཨ་ཏི་ཝ་ཏྟ་ཏཱི་ཏི.

ཝཱ་ན་རི་ནྡ་ཛཱ་ཏ་ཀཾ ས་ཏྟ་མཾ.

༥༨. ཡ་སྶེ་ཏེ ཙ [ཡ་སྶ ཨེ་ཏེ (སཱི. པཱི.)] ཏ་ཡོ དྷ་མྨཱ, ཝཱ་ན་རི་ནྡ ཡ་ཐཱ ཏ་ཝ;

ད་ཀྑི་ཡཾ སཱུ་རི་ཡཾ པ་ཉྙཱ, དི་ཊྛཾ སོ ཨ་ཏི་ཝ་ཏྟ་ཏཱི་ཏི.

ཏ་ཡོ་དྷ་མྨ་ཛཱ་ཏ་ཀཾ ཨ་ཊྛ་མཾ.

༥༩. དྷ་མེ དྷ་མེ ནཱ་ཏི་དྷ་མེ, ཨ་ཏི་དྷ་ནྟ་ཉྷི པཱ་པ་ཀཾ;

དྷ་ནྟེ་ན ཧི ས་ཏཾ ལ་དྡྷཾ, ཨ་ཏི་དྷ་ནྟེ་ན ནཱ་སི་ཏ་ནྟི.

བྷེ་རི་ཝཱ་ད་ཀ་ཛཱ་ཏ་ཀཾ ན་ཝ་མཾ.

༦༠. དྷ་མེ དྷ་མེ ནཱ་ཏི་དྷ་མེ, ཨ་ཏི་དྷ་ནྟ་ཉྷི པཱ་པ་ཀཾ;

དྷ་ནྟེ་ནཱ་དྷི་ག་ཏཱ བྷོ་གཱ, ཏེ ཏཱ་ཏོ ཝི་དྷ་མཱི དྷ་མ་ནྟི.

ས་ངྑ་དྷ་མ་ཛཱ་ཏ་ཀཾ ད་ས་མཾ.

ཨཱ་སཱི་ས་ཝ་གྒོ ཚ་ཊྛོ.

ཏ་སྶུ་དྡཱ་ནཾ –

ཡ་ཐཱ ཨི་ཙྪིཾ ཏ་ཐཱ་ཧུ་ད་ཀཱ ཐ་ལཱ, སུ་ར སཱ་དུ་ཕ་ལོ ཙ ཨ་ལཱི་ན་མ་ནོ;

ས་མྤ་ཧ་ཊྛ་མ་ནོ ཙ་ཏུ་རོ ཙ ཏ་ཡོ, ས་ཏ་ལ་དྡྷ་ཀ བྷོ་ག་དྷ་ནེ་ན ད་སཱ་ཏི.