༥. ཨ་ཏྠ་ཀཱ་མ་ཝ་གྒོ

༤༡. ཡོ ཨ་ཏྠ་ཀཱ་མ་སྶ ཧི་ཏཱ་ནུ་ཀ་མྤི་ནོ, ཨོ་ཝ་ཛྫ་མཱ་ནོ ན ཀ་རོ་ཏི སཱ་ས་ནཾ;

ཨ་ཛི་ཡཱ པཱ་ད་མོ་ལ་མྦ [པཱ་ད་མོ་ལུ་མྦ (སཱི. སྱཱ. པཱི.)], མི་ཏྟ་ཀོ ཝི་ཡ སོ་ཙ་ཏཱི་ཏི.

ལོ་ས་ཀ་ཛཱ་ཏ་ཀཾ པ་ཋ་མཾ.

༤༢. ཡོ ཨ་ཏྠ་ཀཱ་མ་སྶ ཧི་ཏཱ་ནུ་ཀ་མྤི་ནོ, ཨོ་ཝ་ཛྫ་མཱ་ནོ ན ཀ་རོ་ཏི སཱ་ས་ནཾ;

ཀ་པོ་ཏ་ཀ་སྶ ཝ་ཙ་ནཾ ཨ་ཀ་ཏྭཱ, ཨ་མི་ཏྟ་ཧ་ཏྠ་ཏྠ་ག་ཏོ་ཝ སེ་ཏཱི་ཏི.

ཀ་པོ་ཏ་ཛཱ་ཏ་ཀཾ དུ་ཏི་ཡཾ.

༤༣. ཡོ ཨ་ཏྠ་ཀཱ་མ་སྶ ཧི་ཏཱ་ནུ་ཀ་མྤི་ནོ, ཨོ་ཝ་ཛྫ་མཱ་ནོ ན ཀ་རོ་ཏི སཱ་ས་ནཾ;

ཨེ་ཝཾ སོ ནི་ཧ་ཏོ སེ་ཏི, ཝེ་ལུ༹་ཀ་སྶ ཡ་ཐཱ པི་ཏཱ་ཏི.

ཝེ་ལུ༹་ཀ་ཛཱ་ཏ་ཀཾ ཏ་ཏི་ཡཾ.

༤༤. སེ་ཡྻོ ཨ་མི་ཏྟོ མ་ཏི་ཡཱ ཨུ་པེ་ཏོ, ན ཏྭེ་ཝ མི་ཏྟོ མ་ཏི་ཝི་པྤ་ཧཱི་ནོ;

མ་ཀ་སཾ ཝ་དྷི་སྶ་ནྟི ཧི ཨེ་ལ༹་མཱུ་གོ, པུ་ཏྟོ པི་ཏུ ཨ་བྦྷི་དཱ ཨུ་ཏྟ་མ་ངྒ་ནྟི.

མ་ཀ་ས་ཛཱ་ཏ་ཀཾ ཙ་ཏུ་ཏྠཾ.

༤༥. སེ་ཡྻོ ཨ་མི་ཏྟོ མེ་དྷཱ་ཝཱི, ཡ་ཉྩེ བཱ་ལཱ་ནུ་ཀ་མྤ་ཀོ;

པ་སྶ རོ་ཧི་ཎི་ཀཾ ཛ་མྨིཾ, མཱ་ཏ་རཾ ཧ་ནྟྭཱ་ན སོ་ཙ་ཏཱི་ཏི.

རོ་ཧི་ཎི་ཛཱ་ཏ་ཀཾ པ་ཉྩ་མཾ.

༤༦. ན ཝེ ཨ་ན་ཏྠ་ཀུ་ས་ལེ་ན, ཨ་ཏྠ་ཙ་རི་ཡཱ སུ་ཁཱ་ཝ་ཧཱ;

ཧཱ་པེ་ཏི ཨ་ཏྠཾ དུ་མྨེ་དྷོ, ཀ་པི ཨཱ་རཱ་མི་ཀོ ཡ་ཐཱ་ཏི.

ཨཱ་རཱ་མ་དཱུ་ས་ཀ་ཛཱ་ཏ་ཀཾ ཚ་ཊྛཾ.

༤༧. ན ཝེ ཨ་ན་ཏྠ་ཀུ་ས་ལེ་ན, ཨ་ཏྠ་ཙ་རི་ཡཱ སུ་ཁཱ་ཝ་ཧཱ;

ཧཱ་པེ་ཏི ཨ་ཏྠཾ དུ་མྨེ་དྷོ, ཀོ་ཎྜ་ཉྙོ ཝཱ་རུ་ཎིཾ ཡ་ཐཱ་ཏི.

ཝཱ་རུ་ཎི་དཱུ་ས་ཀ་ཛཱ་ཏ་ཀཾ ས་ཏྟ་མཾ.

༤༨. ཨ་ནུ་པཱ་ཡེ་ན ཡོ ཨ་ཏྠཾ, ཨི་ཙྪ་ཏི སོ ཝི་ཧ་ཉྙ་ཏི;

ཙེ་ཏཱ ཧ་ནིཾ་སུ ཝེ་ད་བྦཾ [ཝེ་ད་བྦྷཾ (སཱི. པཱི.)], ས་བྦེ ཏེ བྱ་ས་ན་མ་ཛ྄ཛྷ་གཱུ་ཏི.

ཝེ་ད་བྦ [ཝེ་ད་བྦྷ (སཱི. པཱི.)] ཛཱ་ཏ་ཀཾ ཨ་ཊྛ་མཾ.

༤༩. ན་ཀྑ་ཏྟཾ པ་ཊི་མཱ་ནེ་ནྟཾ, ཨ་ཏྠོ བཱ་ལཾ ཨུ་པ་ཙྩ་གཱ;

ཨ་ཏྠོ ཨ་ཏྠ་སྶ ན་ཀྑ་ཏྟཾ, ཀིཾ ཀ་རི་སྶ་ནྟི ཏཱ་ར་ཀཱ་ཏི.

ན་ཀྑ་ཏྟ་ཛཱ་ཏ་ཀཾ ན་ཝ་མཾ.

༥༠. དུ་མྨེ་དྷཱ་ནཾ ས་ཧ་སྶེ་ན, ཡ་ཉྙོ མེ ཨུ་པ་ཡཱ་ཙི་ཏོ;

ཨི་དཱ་ནི ཁོ་ཧཾ ཡ་ཛི་སྶཱ་མི, བ་ཧུ [བ་ཧཱུ (སཱི. པཱི.), བ་ཧུཾ (ཀ.)] ཨ་དྷ་མྨི་ཀོ ཛ་ནོ་ཏི.

དུ་མྨེ་དྷ་ཛཱ་ཏ་ཀཾ ད་ས་མཾ.

ཨ་ཏྠ་ཀཱ་མ་ཝ་གྒོ པ་ཉྩ་མོ.

ཏ་སྶུ་དྡཱ་ནཾ –

ཨ་ཐ མི་ཏྟ་ཀ མཱ་ཏུ ཀ་པོ་ཏ་ཝ་རོ, ཏ་ཐཱ ཝེ་ལཱུ༹་ཀ ཨེ་ལ༹་མཱུ་གོ རོ་ཧི་ཎཱི;

ཀ་པི ཝཱ་རུ་ཎི ཙེ་ཏ་ཙ་རཱ ཙ པུ་ན, ཏ་ཐཱ ཏཱ་ར་ཀ ཡ་ཉྙ་ཝ་རེ་ན ད་སཱ་ཏི.

པ་ཋ་མོ པ་ཎྞཱ་ས་ཀོ.