༤. ཀུ་ལཱ་ཝ་ཀ་ཝ་གྒོ

༣༡. ཀུ་ལཱ་ཝ་ཀཱ མཱ་ཏ་ལི སི་མྦ་ལི་སྨིཾ, ཨཱི་སཱ་མུ་ཁེ་ན པ་རི་ཝ་ཛྫ་ཡ་སྶུ;

ཀཱ་མཾ ཙ་ཛཱ་མ ཨ་སུ་རེ་སུ པཱ་ཎཾ, མཱ མེ དི་ཛཱ ཝི་ཀྐུ་ལ་ཝཱ [མཱ་ཡི་མེ དི་ཛཱ ཝི་ཀུ་ལཱ་ཝཱ (སཱི. སྱཱ. པཱི.)] ཨ་ཧེ་སུ་ནྟི.

ཀུ་ལཱ་ཝ་ཀ་ཛཱ་ཏ་ཀཾ པ་ཋ་མཾ.

༣༢. རུ་དཾ མ་ནུ་ཉྙཾ རུ་ཙི་རཱ ཙ པི་ཊྛི, ཝེ་ལུ༹་རི་ཡ་ཝ་ཎྞཱུ་པ་ནི་བྷཱ [ཝ་ཎྞཱུ་པ་ཊི་བྷཱ (སྱཱ.), ཝ་ཎྞ་ས་ནྣི་བྷཱ (ཀ.)] ཙ གཱི་ཝཱ;

བྱཱ་མ་མ་ཏྟཱ་ནི ཙ པེ་ཁུ་ཎཱ་ནི, ན་ཙྩེ་ན ཏེ དྷཱི་ཏ་རཾ ནོ ད་དཱ་མཱི་ཏི.

ན་ཙྩ་ཛཱ་ཏ་ཀཾ དུ་ཏི་ཡཾ.

༣༣. ས་མྨོ་ད་མཱ་ནཱ ག་ཙྪ་ནྟི, ཛཱ་ལ་མཱ་དཱ་ཡ པ་ཀྑི་ནོ;

ཡ་དཱ ཏེ ཝི་ཝ་དི་སྶ་ནྟི, ཏ་དཱ ཨེ་ཧི་ནྟི མེ ཝ་ས་ནྟི.

ས་མྨོ་ད་མཱ་ན་ཛཱ་ཏ་ཀཾ ཏ་ཏི་ཡཾ.

༣༤. ན མཾ སཱི་ཏཾ ན མཾ ཨུ་ཎྷཾ, ན མཾ ཛཱ་ལ་སྨི བཱ་དྷ་ནཾ;

ཡ་ཉྩ མཾ མ་ཉྙ་ཏེ མ་ཙྪཱི, ཨ་ཉྙཾ སོ ར་ཏི་ཡཱ ག་ཏོ་ཏི.

མ་ཙྪ་ཛཱ་ཏ་ཀཾ ཙ་ཏུ་ཏྠཾ.

༣༥. ས་ནྟི པ་ཀྑཱ ཨ་པ་ཏ་ནཱ, ས་ནྟི པཱ་དཱ ཨ་ཝ་ཉྩ་ནཱ;

མཱ་ཏཱ་པི་ཏཱ ཙ ནི་ཀྑ་ནྟཱ, ཛཱ་ཏ་ཝེ་ད པ་ཊི་ཀྐ་མཱ་ཏི.

ཝ་ཊྚ་ཀ་ཛཱ་ཏ་ཀཾ པ་ཉྩ་མཾ.

༣༦. ཡཾ ནི་སྶི་ཏཱ ཛ་ག་ཏི་རུ་ཧཾ ཝི་ཧ་ངྒ་མཱ, སྭཱ་ཡཾ ཨ་གྒིཾ པ་མུ་ཉྩ་ཏི;

དི་སཱ བྷ་ཛ་ཐ ཝ་ཀྐ་ངྒཱ [ཝ་ངྐ་ངྒཱ (སྱཱ.)], ཛཱ་ཏཾ ས་ར་ཎ་ཏོ བྷ་ཡ་ནྟི.

ས་ཀུ་ཎ་ཛཱ་ཏ་ཀཾ ཚ་ཊྛཾ.

༣༧. ཡེ ཝུ་ཌྜྷ [ཝ་དྡྷ (སཱི. པཱི.)] མ་པ་ཙཱ་ཡ་ནྟི, ན་རཱ དྷ་མྨ་སྶ ཀོ་ཝི་དཱ;

དི་ཊྛེ་ཝ དྷ་མྨེ པཱ་སཾ་སཱ, ས་མྤ་རཱ་ཡེ ཙ སུ་གྒ་ཏཱི་ཏི.

ཏི་ཏྟི་ར་ཛཱ་ཏ་ཀཾ ས་ཏྟ་མཾ.

༣༨. ནཱ་ཙྩ་ནྟཾ ནི་ཀ་ཏི་པྤ་ཉྙོ, ནི་ཀ་ཏྱཱ སུ་ཁ་མེ་དྷ་ཏི;

ཨཱ་རཱ་དྷེ་ཏི ནི་ཀ་ཏི་པྤ་ཉྙོ [ཨཱ་རཱ་དྷེ ནི་ཀ་ཏི་པྤ་ཉྙོ (པཱི.)], བ་ཀོ ཀ་ཀྐ་ཊ་ཀཱ་མི་ཝཱ་ཏི.

བ་ཀ་ཛཱ་ཏ་ཀཾ ཨ་ཊྛ་མཾ.

༣༩. མ་ཉྙེ སོ་ཝ་ཎྞ་ཡོ རཱ་སི, སོ་ཎྞ་མཱ་ལཱ ཙ ན་ནྡ་ཀོ;

ཡ་ཏྠ དཱ་སོ ཨཱ་མ་ཛཱ་ཏོ, ཋི་ཏོ ཐུ་ལླཱ་ནི [ཐཱུ་ལཱ་ནི (ཀ.)] ག་ཛྫ་ཏཱི་ཏི.

ན་ནྡ་ཛཱ་ཏ་ཀཾ ན་ཝ་མཾ.

༤༠. ཀཱ་མཾ པ་ཏཱ་མི ནི་ར་ཡཾ, ཨུ་དྡྷཾ་པཱ་དོ ཨ་ཝཾ་སི་རོ;

ནཱ་ན་རི་ཡཾ ཀ་རི་སྶཱ་མི, ཧ་ནྡ པི་ཎྜཾ པ་ཊི་གྒ་ཧཱ་ཏི.

ཁ་དི་ར་ངྒཱ་ར་ཛཱ་ཏ་ཀཾ ད་ས་མཾ.

ཀུ་ལཱ་ཝ་ཀ་ཝ་གྒོ ཙ་ཏུ་ཏྠོ.

ཏ་སྶུ་དྡཱ་ནཾ –

སི་རི་མཱ་ཏ་ལི དྷཱི་ཏ་ར པ་ཀྑི་ཝ་རོ, ར་ཏི་ཡཱ་ག་ཏོ མཱ་ཏཱ་པི་ཏཱ ཙ པུ་ན;

ཛ་ག་ཏཱི་རུ་ཧ ཝུ་ཌྜྷ སུ་ཀ་ཀྐ་ཊ་ཀོ, ཏ་ཐཱ ན་ནྡ་ཀ་པི་ཎྜ་ཝ་རེ་ན ད་སཱ་ཏི.