༣. ཀུ་རུ་ངྒ་ཝ་གྒོ

༢༡. ཉཱ་ཏ་མེ་ཏཾ ཀུ་རུ་ངྒ་སྶ, ཡཾ ཏྭཾ སེ་པ་ཎྞི སི་ཡྻ་སི [སེ་ཡྻ་སི (སཱི. སྱཱ. པཱི.)];

ཨ་ཉྙཾ སེ་པ་ཎྞི ག་ཙྪཱ་མི, ན མེ ཏེ རུ་ཙྩ་ཏེ ཕ་ལ་ནྟི.

ཀུ་རུ་ངྒ་མི་ག་ཛཱ་ཏ་ཀཾ པ་ཋ་མཾ.

༢༢. ཡེ ཀུ་ཀྐུ་རཱ རཱ་ཛ་ཀུ་ལ་མྷི ཝ་དྡྷཱ, ཀོ་ལེ་ཡྻ་ཀཱ ཝ་ཎྞ་བ་ལཱུ་པ་པ་ནྣཱ;

ཏེ་མེ ན ཝ་ཛ྄ཛྷཱ མ་ཡ་མ་སྨ ཝ་ཛ྄ཛྷཱ, ནཱ་ཡཾ ས་གྷ་ཙྩཱ དུ་བྦ་ལ་གྷཱ་ཏི་ཀཱ་ཡ་ནྟི.

ཀུ་ཀྐུ་ར་ཛཱ་ཏ་ཀཾ དུ་ཏི་ཡཾ.

༢༣. ཨ་པི པ་སྶེ་ན སེ་མཱ་ནོ, ས་ལླེ་བྷི ས་ལླ་ལཱི་ཀ་ཏོ;

སེ་ཡྻོ་ཝ ཝ་ལ༹་ཝཱ གོ་ཛོ [བྷོ་ཛྫོ (སཱི.), བྷོ་ཛ྄ཛྷོ (སྱཱ. པཱི.)], ཡུ་ཉྫ མ་ཉྙེ་ཝ སཱ་ར་ཐཱི་ཏི.

གོ་ཛཱ་ནཱི་ཡ [བྷོ་ཛཱ་ཛཱ་ནཱི་ཡ (སཱི. སྱཱ. པཱི.)] ཛཱ་ཏ་ཀཾ ཏ་ཏི་ཡཾ.

༢༤. ཡ་དཱ ཡ་དཱ ཡ་ཏྠ ཡ་དཱ, ཡ་ཏྠ ཡ་ཏྠ ཡ་དཱ ཡ་དཱ;

ཨཱ་ཛ་ཉྙོ ཀུ་རུ་ཏེ ཝེ་གཾ, ཧཱ་ཡ་ནྟི ཏ་ཏྠ ཝཱ་ལ༹་ཝཱ་ཏི.

ཨཱ་ཛ་ཉྙ་ཛཱ་ཏ་ཀཾ ཙ་ཏུ་ཏྠཾ.

༢༥. ཨ་ཉྙ་མ་ཉྙེ་ཧི ཏི་ཏྠེ་ཧི, ཨ་སྶཾ པཱ་ཡེ་ཧི སཱ་ར་ཐི;

ཨ་ཙྩཱ་ས་ན་སྶ པུ་རི་སོ, པཱ་ཡཱ་ས་སྶ་པི ཏ་པྤ་ཏཱི་ཏི.

ཏི་ཏྠ་ཛཱ་ཏ་ཀཾ པ་ཉྩ་མཾ.

༢༦. པུ་རཱ་ཎ་ཙོ་རཱ་ན ཝ་ཙོ ནི་ས་མྨ, མ་ཧི་ལཱ༹་མུ་ཁོ པོ་ཐ་ཡ་མ་ནྭ་ཙཱ་རཱི;

སུ་ས་ཉྙ་ཏཱ་ན་ཉྷི ཝ་ཙོ ནི་ས་མྨ, ག་ཛུ་ཏྟ་མོ ས་བྦ་གུ་ཎེ་སུ ཨ་ཊྛཱ་ཏི.

མ་ཧི་ལཱ༹་མུ་ཁ་ཛཱ་ཏ་ཀཾ ཚ་ཊྛཾ.

༢༧. ནཱ་ལཾ ཀ་བ་ལ༹ཾ པ་དཱ་ཏ་ཝེ, ན ཙ པི་ཎྜཾ ན ཀུ་སེ ན གྷཾ་སི་ཏུཾ;

མ་ཉྙཱ་མི ཨ་བྷི་ཎྷ་ད་སྶ་ནཱ, ནཱ་གོ སྣེ་ཧ་མ་ཀཱ་སི [སི་ནེ་ཧ་མ་ཀཱ་སི (སཱི. སྱཱ. པཱི.)] ཀུ་ཀྐུ་རེ་ཏི.

ཨ་བྷི་ཎྷ་ཛཱ་ཏ་ཀཾ ས་ཏྟ་མཾ.

༢༨. མ་ནུ་ཉྙ་མེ་ཝ བྷཱ་སེ་ཡྻ, ནཱ་མ་ནུ་ཉྙཾ ཀུ་དཱ་ཙ་ནཾ;

མ་ནུ་ཉྙཾ བྷཱ་ས་མཱ་ན་སྶ, ག་རུཾ བྷཱ་རཾ ཨུ་ད་དྡྷ་རི;

དྷ་ན་ཉྩ ནཾ ཨ་ལཱ་བྷེ་སི, ཏེ་ན ཙ་ཏྟ་མ་ནོ ཨ་ཧཱུ་ཏི.

ན་ནྡི་ཝི་སཱ་ལ་ཛཱ་ཏ་ཀཾ ཨ་ཊྛ་མཾ.

༢༩. ཡ་ཏོ ཡ་ཏོ ག་རུ དྷུ་རཾ, ཡ་ཏོ ག་མྦྷཱི་ར་ཝ་ཏྟ་ནཱི;

ཏ་དཱ་སྶུ ཀ་ཎྷཾ ཡུ་ཉྫ་ནྟི, སྭཱ་སྶུ ཏཾ ཝ་ཧ་ཏེ དྷུ་ར་ནྟི.

ཀ་ཎྷ་ཛཱ་ཏ་ཀཾ ན་ཝ་མཾ.

༣༠. མཱ མུ་ནི་ཀ་སྶ པི་ཧ་ཡི, ཨཱ་ཏུ་ར་ནྣཱ་ནི བྷུ་ཉྫ་ཏི;

ཨ་པྤོ་སྶུ་ཀྐོ བྷུ་སཾ ཁཱ་ད, ཨེ་ཏཾ དཱི་གྷཱ་ཡུ་ལ་ཀྑ་ཎ་ནྟི.

མུ་ནི་ཀ་ཛཱ་ཏ་ཀཾ ད་ས་མཾ.

ཀུ་རུ་ངྒ་ཝ་གྒོ ཏ་ཏི་ཡོ.

ཏ་སྶུ་དྡཱ་ནཾ –

ཀུ་རུ་ངྒ་སྶ ཀུ་ཀྐུ་ར་གོ་ཛ་ཝ་རོ, པུ་ན ཝཱ་ལ༹་ཝ་སྶ་སི་རི་ཝ྄ཧ་ཡ་ནོ [སི་རི་ཝ་ཡ་ནོ (ས་བྦ་ཏྠ)];

མ་ཧི་ལཱ༹་མུ་ཁ་ནཱ་མ་ནུ་ཉྙ་ཝ་རོ, ཝ་ཧ་ཏེ དྷུ་ར མུ་ནི་ཀེ་ན ད་སཱ་ཏི.