༢. སཱི་ལ་ཝ་གྒོ

༡༡. ཧོ་ཏི སཱི་ལ་ཝ་ཏཾ ཨ་ཏྠོ, པ་ཊི་ས་ནྠཱ་ར [པ་ཊི་ས་ནྡྷཱ་ར (ཀ.)] ཝུ་ཏྟི་ནཾ;

ལ་ཀྑ་ཎཾ པ་སྶ ཨཱ་ཡ་ནྟཾ, ཉཱ་ཏི་ས་ངྒྷ་པུ་ར་ཀྑ་ཏཾ [པུ་ར་ཀྑི་ཏཾ (སྱཱ.), པུ་རེ་ཀྑི་ཏཾ (ཀ.)];

ཨ་ཐ པ་སྶ་སི་མཾ ཀཱ་ལ༹ཾ, སུ་ཝི་ཧཱི་ནཾ་ཝ ཉཱ་ཏི་བྷཱི་ཏི.

ལ་ཀྑ་ཎ་མི་ག་ཛཱ་ཏ་ཀཾ པ་ཋ་མཾ.

༡༢. ནི་གྲོ་དྷ་མེ་ཝ སེ་ཝེ་ཡྻ, ན སཱ་ཁ་མུ་པ་སཾ་ཝ་སེ;

ནི་གྲོ་དྷ་སྨིཾ མ་ཏཾ སེ་ཡྻོ, ཡ་ཉྩེ སཱ་ཁ་སྨི [སཱ་ཁ་སྨིཾ (སཱི. པཱི.)] ཛཱི་ཝི་ཏ་ནྟི.

ནི་གྲོ་དྷ་མི་ག་ཛཱ་ཏ་ཀཾ དུ་ཏི་ཡཾ.

༡༣. དྷི་ར་ཏྠུ ཀ་ཎྜི་ནཾ ས་ལླཾ, པུ་རི་སཾ གཱ་ལ༹ྷ་ཝེ་དྷི་ནཾ;

དྷི་ར་ཏྠུ ཏཾ ཛ་ན་པ་དཾ, ཡ་ཏྠི་ཏྠཱི པ་རི་ཎཱ་ཡི་ཀཱ;

ཏེ ཙཱ་པི དྷི་ཀྐི་ཏཱ [དྷི་ཀྐ་ཏཱ (?)] ས་ཏྟཱ, ཡེ ཨི་ཏྠཱི་ནཾ ཝ་སཾ་ག་ཏཱ་ཏི.

ཀ་ཎྜི་ཛཱ་ཏ་ཀཾ ཏ་ཏི་ཡཾ.

༡༤. ན ཀི་ར་ཏྠི ར་སེ་ཧི པཱ་པི་ཡོ, ཨཱ་ཝཱ་སེ་ཧི ཝ [ཝཱ (ས་བྦ་ཏྠ)] ས་ནྠ་ཝེ་ཧི ཝཱ;

ཝཱ་ཏ་མི་གཾ ག་ཧ་ན་ནི་སྶི་ཏཾ [གེ་ཧ་ནི་སྶི་ཏཾ (སཱི. པཱི.)], ཝ་ས་མཱ་ནེ་སི ར་སེ་ཧི ས་ཉྫ་ཡོ་ཏི.

ཝཱ་ཏ་མི་ག་ཛཱ་ཏ་ཀཾ ཙ་ཏུ་ཏྠཾ.

༡༥. ཨ་ཊྛ་ཀྑུ་རཾ ཁ་རཱ་དི་ཡེ, མི་གཾ ཝ་ངྐཱ་ཏི་ཝ་ངྐི་ནཾ;

ས་ཏྟ་ཧི ཀཱ་ལཱ་ཏི་ཀྐ་ནྟཾ [ས་ཏྟ་ཧི ཀ་ལཱ་ཧ’ཏི་ཀྐ་ནྟཾ (སཱི.), ས་ཏྟ་ཀཱ་ལེ་ཧ’ཏི་ཀྐ་ནྟཾ (སྱཱ.), ས་ཏྟ་ཧི ཀཱ་ལཱ་ཧ’ཏི་ཀྐ་ནྟཾ (པཱི.)], ན ནཾ ཨོ་ཝ་དི་ཏུ་སྶ་ཧེ་ཏི.

ཁ་རཱ་དི་ཡ་ཛཱ་ཏ་ཀཾ པ་ཉྩ་མཾ.

༡༦. མི་གཾ ཏི་པ་ལླ་ཏྠ [ཏི་པ་ལླ་ཏྟ (ཀ.)] མ་ནེ་ཀ་མཱ་ཡཾ, ཨ་ཊྛ་ཀྑུ་རཾ ཨ་ཌྜྷ་ར་ཏྟཱ་པ་པཱ་ཡིཾ [ཨ་ཌྜྷ་ར་ཏྟཱ་ཝ་པཱ་ཡིཾ (སཱི. པཱི.)];

ཨེ་ཀེ་ན སོ་ཏེ་ན ཚ་མཱ་སྶ་ས་ནྟོ, ཚ་ཧི ཀ་ལཱ་ཧི་ཏི་བྷོ་ཏི [ཀ་ལཱ་ཧ་ཏི་བྷོ་ཏི (སཱི. སྱཱ. པཱི.)] བྷཱ་གི་ནེ་ཡྻོ་ཏི.

ཏི་པ་ལླ་ཏྠ་མི་ག་ཛཱ་ཏ་ཀཾ ཚ་ཊྛཾ.

༡༧. ཀཱ་ལེ༹ ཝཱ ཡ་དི ཝཱ ཛུ་ཎྷེ, ཡ་དཱ ཝཱ་ཡ་ཏི མཱ་ལུ་ཏོ;

ཝཱ་ཏ་ཛཱ་ནི ཧི སཱི་ཏཱ་ནི, ཨུ་བྷོ་ཏྠ་མ་པ་རཱ་ཛི་ཏཱ་ཏི.

མཱ་ལུ་ཏ་ཛཱ་ཏ་ཀཾ ས་ཏྟ་མཾ.

༡༨. ཨེ་ཝཾ ཙེ ས་ཏྟཱ ཛཱ་ནེ་ཡྻུཾ, དུ་ཀྑཱ་ཡཾ ཛཱ་ཏི་ས་མྦྷ་ཝོ;

ན པཱ་ཎོ པཱ་ཎི་ནཾ ཧ་ཉྙེ, པཱ་ཎ་གྷཱ་ཏཱི ཧི སོ་ཙ་ཏཱི་ཏི.

མ་ཏ་ཀ་བྷ་ཏྟ་ཛཱ་ཏ་ཀཾ ཨ་ཊྛ་མཾ.

༡༩. ས་ཙེ མུ་ཙྩེ [མུ་ཉྩེ (སཱི. སྱཱ. པཱི.)] པེ་ཙྩ མུ་ཙྩེ [མུ་ཉྩེ (སཱི. སྱཱ. པཱི.)], མུ་ཙྩ་མཱ་ནོ ཧི བ་ཛ྄ཛྷ་ཏི;

ན ཧེ་ཝཾ དྷཱི་རཱ མུ་ཙྩ་ནྟི, མུ་ཏྟི བཱ་ལ་སྶ བ་ནྡྷ་ན་ནྟི.

ཨཱ་ཡཱ་ཙི་ཏ་བྷ་ཏྟ་ཛཱ་ཏ་ཀཾ ན་ཝ་མཾ.

༢༠. དི་སྭཱ པ་ད་མ་ནུ་ཏྟི་ཎྞཾ, དི་སྭཱ་ནོ་ཏ་རི་ཏཾ པ་དཾ;

ན་ལེ༹་ན ཝཱ་རིཾ པི་སྶཱ་མ [པི་ཝི་སྶཱ་མ (སཱི. སྱཱ. པཱི.)], ནེ་ཝ [ན ཙ (ཀ.)] མཾ ཏྭཾ ཝ་དྷི་སྶ་སཱི་ཏི.

ན་ལ༹་པཱ་ན་ཛཱ་ཏ་ཀཾ ད་ས་མཾ.

སཱི་ལ་ཝ་གྒོ དུ་ཏི་ཡོ.

ཏ་སྶུ་དྡཱ་ནཾ –

ཨ་ཐ ལ་ཀྑ་ཎ སཱ་ཁ དྷི་ར་ཏྠུ པུ་ན, ན ཀི་ར་ཏྠི ར་སེ་ཧི ཁ་རཱ་དི་ཡཱ;

ཨ་ཏི་བྷོ་ཏི ཝ་ར [ར་ས (ས་བྦ་ཏྠ)] མཱ་ལུ་ཏ པཱ་ཎ, མུ་ཙྩེ་ན ན་ལ༹་ཨ་ཝ྄ཧ་ཡ་ནེ་ན བྷ་ཝ་ནྟི ད་སཱ་ཏི.