༡༤. ཨ་ས་མྤ་དཱ་ན་ཝ་གྒོ

༡༣༡. ཨ་ས་མྤ་དཱ་ནེ་ནི་ཏ་རཱི་ཏ་ར་སྶ, བཱ་ལ་སྶ མི་ཏྟཱ་ནི ཀ་ལཱི བྷ་ཝ་ནྟི;

ཏ་སྨཱ ཧ་རཱ་མི བྷུ་སཾ ཨ་ཌྜྷ་མཱ་ནཾ, མཱ མེ མི་ཏྟི ཛཱི་ཡི་ཏྠ ས་སྶ་ཏཱ་ཡ་ནྟི.

ཨ་ས་མྤ་དཱ་ན་ཛཱ་ཏ་ཀཾ པ་ཋ་མཾ.

༡༣༢. ཀུ་ས་ལཱུ་པ་དེ་སེ དྷི་ཏི་ཡཱ ད་ལ༹ྷཱ་ཡ ཙ, ཨ་ནི་ཝ་ཏྟི་ཏ་ཏྟཱ་བྷ་ཡ་བྷཱི་རུ་ཏཱ་ཡ [ཨ་ཝ་ཏྠི་ཏ་ཏྟཱ་བྷ་ཡ་བྷཱི་རུ་ཏཱ་ཡ (སཱི. སྱཱ. པཱི.)] ཙ;

ན ར་ཀྑ་སཱི་ནཾ ཝ་ས་མཱ་ག་མི་མྷ་སེ, ས སོ་ཏྠི་བྷཱ་ཝོ མ་ཧ་ཏཱ བྷ་ཡེ་ན མེ་ཏི.

བྷཱི་རུ་ཀ [པ་ཉྩ་ག་རུ་ཀ (སཱི. པཱི.), པ་ཉྩ་བྷཱི་རུ་ཀ (སྱཱ.), ཨ་བྷ་ཡ་བྷཱི་རུ་ཏ§(?)] ཛཱ་ཏ་ཀཾ དུ་ཏི་ཡཾ.

༡༣༣. ཁེ་མཾ ཡ་ཧིཾ ཏ་ཏྠ ཨ་རཱི ཨུ་དཱི་རི་ཏོ [ཨ་རི ཨུ་དྡྷ་རི་ཏོ (ཀ.)], ད་ཀ་སྶ མ་ཛ྄ཛྷེ ཛ་ལ་ཏེ གྷ་ཏཱ་ས་ནོ;

ན ཨ་ཛྫ ཝཱ་སོ མ་ཧི་ཡཱ མ་ཧཱི་རུ་ཧེ, དི་སཱ བྷ་ཛ་ཝ྄ཧོ ས་ར་ཎཱ་ཛྫ ནོ བྷ་ཡ་ནྟི.

གྷ་ཏཱ་ས་ན་ཛཱ་ཏ་ཀཾ ཏ་ཏི་ཡཾ.

༡༣༤. ཡེ ས་ཉྙི་ནོ ཏེ་པི དུ་གྒ་ཏཱ, ཡེ་པི ཨ་ས་ཉྙི་ནོ ཏེ་པི དུ་གྒ་ཏཱ;

ཨེ་ཏཾ ཨུ་བྷ་ཡཾ ཝི་ཝ་ཛྫ་ཡ, ཏཾ ས་མཱ་པ་ཏྟི་སུ་ཁཾ ཨ་ན་ངྒ་ཎ་ནྟི.

ཛྷཱ་ན་སོ་དྷ་ན་ཛཱ་ཏ་ཀཾ ཙ་ཏུ་ཏྠཾ.

༡༣༥. ཙ་ནྡཱ་བྷཾ སཱུ་རི་ཡཱ་བྷ་ཉྩ, ཡོ་དྷ པ་ཉྙཱ་ཡ གཱ་དྷ་ཏི.

ཨ་ཝི་ཏ་ཀྐེ་ན ཛྷཱ་ནེ་ན, ཧོ་ཏི ཨཱ་བྷ་སྶ་རཱུ་པ་གོ་ཏི.

ཙ་ནྡཱ་བྷ་ཛཱ་ཏ་ཀཾ པ་ཉྩ་མཾ.

༡༣༦. ཡཾ ལ་དྡྷཾ ཏེ་ན ཏུ་ཊྛ་བྦཾ, ཨ་ཏི་ལོ་བྷོ ཧི པཱ་པ་ཀོ;

ཧཾ་ས་རཱ་ཛཾ ག་ཧེ་ཏྭཱ་ན, སུ་ཝ་ཎྞཱ པ་རི་ཧཱ་ཡ་ཐཱ་ཏི.

སུ་ཝ་ཎྞ་ཧཾ་ས་ཛཱ་ཏ་ཀཾ ཚ་ཊྛཾ.

༡༣༧. ཡ་ཏྠེ་ཀོ ལ་བྷ་ཏེ བ་བྦུ, དུ་ཏི་ཡོ ཏ་ཏྠ ཛཱ་ཡ་ཏི;

ཏ་ཏི་ཡོ ཙ ཙ་ཏུ་ཏྠོ ཙ, ཨི་དཾ ཏེ བ་བྦུ་ཀཱ བི་ལ་ནྟི.

བ་བྦུ་ཛཱ་ཏ་ཀཾ ས་ཏྟ་མཾ.

༡༣༨. ཀིཾ ཏེ ཛ་ཊཱ་ཧི དུ་མྨེ་དྷ, ཀིཾ ཏེ ཨ་ཛི་ན་སཱ་ཊི་ཡཱ;

ཨ་བྦྷ་ནྟ་རཾ ཏེ ག་ཧ་ནཾ, བཱ་ཧི་རཾ པ་རི་མ་ཛྫ་སཱི་ཏི.

གོ་དྷ་ཛཱ་ཏ་ཀཾ ཨ་ཊྛ་མཾ.

༡༣༩. ཨ་ཀྑཱི བྷི་ནྣཱ པ་ཊོ ན་ཊྛོ, ས་ཁི་གེ་ཧེ ཙ བྷ་ཎྜ་ནཾ;

ཨུ་བྷ་ཏོ པ་དུ་ཊྛཱ ཀ་མྨ་ནྟཱ [པ་དུ་ཊྛ་ཀ་མྨ་ནྟོ (སཱི.), པ་དུ་ཊྛོ ཀ་མྨ་ནྟོ (པཱི.)], ཨུ་ད་ཀ་མྷི ཐ་ལ་མྷི ཙཱ་ཏི.

ཨུ་བྷ་ཏོ་བྷ་ཊྛ་ཛཱ་ཏ་ཀཾ ན་ཝ་མཾ.

༡༤༠. ནི་ཙྩཾ ཨུ་བྦི་གྒ་ཧ་ད་ཡཱ, ས་བྦ་ལོ་ཀ་ཝི་ཧེ་ས་ཀཱ;

ཏ་སྨཱ ནེ་སཾ ཝ་སཱ ན་ཏྠི, ཀཱ་ཀཱ་ན་མྷཱ་ཀ [ཀཱ་ཀཱ་ན་སྨཱ་ཀ (སཱི. སྱཱ. པཱི.)] ཉཱ་ཏི་ན་ནྟི.

ཀཱ་ཀ་ཛཱ་ཏ་ཀཾ ད་ས་མཾ.

ཨ་ས་མྤ་དཱ་ན་ཝ་གྒོ ཙུ་དྡ་ས་མོ.

ཏ་སྶུ་དྡཱ་ནཾ –

ཨི་ཏ་རཱི་ཏ་ར ར་ཀྑ་སི ཁེ་མི་ཡོ ཙ, པ་རོ་ས་ཏ་པ་ཉྷེ་ན ཨཱ་བྷ་སྶ་རོ པུ་ན;

ཨ་ཐ ཧཾ་ས་ཝ་རུ་ཏྟ་མ་བ་བྦུ་ཛ་ཊཾ, པ་ཊ་ན་ཊྛ་ཀ ཀཱ་ཀ་ཝ་རེ་ན ད་སཱ་ཏི.