༡༥. ཀ་ཀ་ཎྚ་ཀ་ཝ་གྒོ
༡༤༡. གོ་དྷ་ཛཱ་ཏ་ཀཾ
༡༤༡. ན པཱ་པ་ཛ་ན་སཾ་སེ་ཝཱི, ཨ་ཙྩ་ནྟ་སུ་ཁ་མེ་དྷ་ཏི;
གོ་དྷཱ་ཀུ་ལཾ [གོ་དྷ་ཀྐུ་ལཾ (ཀ.)] ཀ་ཀ་ཎྚཱ་ཝ [ཀ་ཀ་ཎྚ་ཀཱ (ཀ.)], ཀ་ལིཾ པཱ་པེ་ཏི ཨ་ཏྟ་ན་ནྟི.
གོ་དྷ་ཛཱ་ཏ་ཀཾ པ་ཋ་མཾ.
༡༤༢. སི་ངྒཱ་ལ་ཛཱ་ཏ་ཀཾ
༡༤༢. ཨེ་ཏ་ཉྷི ཏེ དུ་རཱ་ཛཱ་ནཾ, ཡཾ སེ་སི མ་ཏ་སཱ་ཡི་ཀཾ;
ཡ་སྶ ཏེ ཀ་ཌྜྷ་མཱ་ན་སྶ, ཧ་ཏྠཱ ད་ཎྜོ ན མུ་ཙྩ་ཏཱི་ཏི.
སི་ངྒཱ་ལ་ཛཱ་ཏ་ཀཾ དུ་ཏི་ཡཾ.
༡༤༣. ཝི་རོ་ཙ་ཛཱ་ཏ་ཀཾ
༡༤༣. ལ་སཱི ཙ ཏེ ནི་པྥ་ལི་ཏཱ, མ་ཏྠ་ཀོ ཙ པ་དཱ་ལི་ཏོ [ཝི་དཱ་ལི་ཏོ (སཱི. པཱི.)];
ས་བྦཱ ཏེ ཕཱ་སུ་ཀཱ བྷ་གྒཱ, ཨ་ཛྫ ཁོ ཏྭཾ ཝི་རོ་ཙ་སཱི་ཏི.
ཝི་རོ་ཙ་ཛཱ་ཏ་ཀཾ ཏ་ཏི་ཡཾ.
༡༤༤. ན་ངྒུ་ཊྛ་ཛཱ་ཏ་ཀཾ
༡༤༤. བ་ཧུ་མྤེ་ཏཾ ཨ་ས་བྦྷི [བ་ཧུ་པེ་ཏ་མ་ས་བྦྷི (ཀ.)] ཛཱ་ཏ་ཝེ་ད, ཡཾ ཏཾ ཝཱ་ལ་དྷི་ནཱ་བྷི་པཱུ་ཛ་ཡཱ་མ;
མཾ་སཱ་ར་ཧ་སྶ ན་ཏྠ་ཛྫ མཾ་སཾ, ན་ངྒུ་ཊྛ་མྤི བྷ་ཝཾ པ་ཊི་གྒ་ཧཱ་ཏཱུ་ཏི.
ན་ངྒུ་ཊྛ་ཛཱ་ཏ་ཀཾ ཙ་ཏུ་ཏྠཾ.
༡༤༥. རཱ་དྷ་ཛཱ་ཏ་ཀཾ
༡༤༥. ན ཏྭཾ རཱ་དྷ ཝི་ཛཱ་ནཱ་སི, ཨ་ཌྜྷ་ར་ཏྟེ ཨ་ནཱ་ག་ཏེ;
ཨ་བྱ་ཡ་ཏཾ [ཨ་བྱཱ་ཡ་ཏཾ (སཱི. སྱཱ. པཱི.), ཨ་བྱ་ཏྟ་ཏཾ (?)] ཝི་ལ་པ་སི, ཝི་ར་ཏྟཱ ཀོ་སི་ཡཱ་ཡ་ནེ་ཏི.
རཱ་དྷ་ཛཱ་ཏ་ཀཾ པ་ཉྩ་མཾ.
༡༤༦. ས་མུ་དྡ་ཀཱ་ཀ་ཛཱ་ཏ་ཀཾ
༡༤༦. ཨ་པི ནུ ཧ་ནུ་ཀཱ ས་ནྟཱ, མུ་ཁ་ཉྩ པ་རི་སུ་སྶ་ཏི;
ཨོ་ར་མཱ་མ ན པཱ་རེ་མ, པཱུ་ར་ཏེ་ཝ མ་ཧོ་ད་དྷཱི་ཏི.
ས་མུ་དྡ་ཀཱ་ཀ་ཛཱ་ཏ་ཀཾ ཚ་ཊྛཾ.
༡༤༧. པུ་པྥ་ར་ཏྟ་ཛཱ་ཏ་ཀཾ
༡༤༧. ན་ཡི་དཾ དུ་ཀྑཾ ཨ་དུཾ དུ་ཀྑཾ, ཡཾ མཾ ཏུ་ད་ཏི ཝཱ་ཡ་སོ;
ཡཾ སཱ་མཱ པུ་པྥ་ར་ཏྟེ་ན, ཀ་ཏྟི་ཀཾ ནཱ་ནུ་བྷོ་སྶ་ཏཱི་ཏི.
པུ་པྥ་ར་ཏྟ་ཛཱ་ཏ་ཀཾ ས་ཏྟ་མཾ.
༡༤༨. སི་ངྒཱ་ལ་ཛཱ་ཏ་ཀཾ
༡༤༨. ནཱ་ཧཾ པུ་ནཾ ན ཙ པུ་ནཾ, ན ཙཱ་པི ཨ་པུ་ན་པྤུ་ནཾ;
ཧ་ཏྠི་བོ་ནྡིཾ པ་ཝེ་ཀྑཱ་མི, ཏ་ཐཱ ཧི བྷ་ཡ་ཏ་ཛྫི་ཏོ་ཏི.
སི་ངྒཱ་ལ་ཛཱ་ཏ་ཀཾ ཨ་ཊྛ་མཾ.
༡༤༩. ཨེ་ཀ་པ་ཎྞ་ཛཱ་ཏ་ཀཾ
༡༤༩. ཨེ་ཀ་པ་ཎྞོ ཨ་ཡཾ རུ་ཀྑོ, ན བྷཱུ་མྱཱ ཙ་ཏུ་ར་ངྒུ་ལོ;
ཕ་ལེ་ན ཝི་ས་ཀ་པྤེ་ན, མ་ཧཱ་ཡཾ ཀིཾ བྷ་ཝི་སྶ་ཏཱི་ཏི.
ཨེ་ཀ་པ་ཎྞ་ཛཱ་ཏ་ཀཾ ན་ཝ་མཾ.
༡༥༠. ས་ཉྫཱི་ཝ་ཛཱ་ཏ་ཀཾ
༡༥༠. ཨ་ས་ནྟཾ ཡོ པ་གྒ་ཎྷཱ་ཏི, ཨ་ས་ནྟཾ ཙཱུ་པ་སེ་ཝ་ཏི;
ཏ་མེ་ཝ གྷཱ་སཾ ཀུ་རུ་ཏེ, བྱ་གྒྷོ ས་ཉྫཱི་ཝ་ཀོ ཡ་ཐཱ་ཏི.
ས་ཉྫཱི་ཝ་ཛཱ་ཏ་ཀཾ ད་ས་མཾ.
ཀ་ཀ་ཎྚ་ཀ [པཱ་པ་སེ་ཝ་ན (ཀ.)] ཝ་གྒོ པ་ནྣ་ར་ས་མོ.
ཏ་སྶུ་དྡཱ་ནཾ –
སུ་ཁ་མེ་དྷ་ཏི ད་ཎྜ་ཝ་རོ ཙ པུ་ན, ལ་སི ཝཱ་ལ་དྷི པ་ཉྩ་མ་རཱ་དྷ་ཝ་རོ;
ས་མ་ཧོ་ད་དྷི ཀ་ཏྟི་ཀ བོ་ནྡི པུ་ན, ཙ་ཏུ་ར་ངྒུ་ལ་བྱ་གྒྷ་ཝ་རེ་ན ད་སཱ་ཏི.
(ཨུ་པ་རི་མོ པ་ཎྞཱ་ས་ཀོ.) [( ) སཱི་ཧ་ལ༹་པོ་ཏྠ་ཀེ་ཡེ་ཝ དི་སྶ་ཏི]
ཨ་ཐ ཝ་གྒུ་དྡཱ་ནཾ –
ཨ་པ་ཎྞ་ཀཾ སཱི་ལ་ཝ་གྒ་ཀུ་རུ་ངྒ, ཀུ་ལཱ་ཝ་ཀཾ ཨ་ཏྠ་ཀཱ་མེ་ན པ་ཉྩ་མཾ;
ཨཱ་སཱི་སོ ཨི་ཏྠི་ཝ་རུ་ཎཾ ཨ་པཱ་ཡི, ལི་ཏྟ་ཝ་གྒེ་ན ཏེ ད་ས;
པ་རོ་ས་ཏཾ ཧཾ་ཙི ཀུ་ས་ནཱ་ལི༹ [ཧཾ་སི ས་རི་ཀྑཾ (ས་བྦ་ཏྠ)], ཨ་ས་མྤ་དཾ ཀ་ཀ་ཎྚ་ཀ་ཝ་གྒོ.
ཨེ་ཀ་ནི་པཱ་ཏ་མྷི་ལ་ངྐ་ཏ་ནྟི.
ཨེ་ཀ་ཀ་ནི་པཱ་ཏཾ ནི་ཊྛི་ཏཾ.