༡༢. ཧཾ་ཙི་ཝ་གྒོ

༡༡༡. ཧཾ་ཙི [ཧཾ་སི (སཱི. སྱཱ.), ཧ་ཉྩི (?)] ཏུ་ཝཾ ཨེ་ཝ་མ་ཉྙ་སི སེ་ཡྻོ, པུ་ཏྟེ་ན པི་ཏཱ་ཏི རཱ་ཛ་སེ་ཊྛ;

ཧ་ནྡ་སྶ་ཏ་ར་སྶ ཏེ ཨ་ཡཾ, ཨ་སྶ་ཏ་ར་སྶ ཧི ག་དྲ་བྷོ པི་ཏཱ་ཏི.

ག་དྲ་བྷ་པ་ཉྷ་ཛཱ་ཏ་ཀཾ པ་ཋ་མཾ.

༡༡༢. ཡེ་ན ས་ཏྟུ་བི་ལ་ངྒཱ ཙ, དི་གུ་ཎ་པ་ལཱ་སོ ཙ པུ་པྥི་ཏོ;

ཡེ་ན ད་དཱ་མི [ཡེ་ནཱ’དཱ་མི (སཱི. སྱཱ.)] ཏེ་ན ཝ་དཱ་མི, ཡེ་ན ན ད་དཱ་མི [ཡེ་ན ནཱ’དཱ་མི (སཱི. སྱཱ.)] ན ཏེ་ན ཝ་དཱ་མི;

ཨེ་ས མ་གྒོ ཡ་ཝ་མ་ཛ྄ཛྷ་ཀ་སྶ, ཨེ་ཏཾ ཚ་ནྣ་པ་ཐཾ ཝི་ཛཱ་ནཱ་ཧཱི་ཏི.

ཨ་མ་རཱ་དེ་ཝཱི་པ་ཉྷ་ཛཱ་ཏ་ཀཾ དུ་ཏི་ཡཾ.

༡༡༣. ས་དྡ་ཧཱ་སི སི་ངྒཱ་ལ་སྶ [སི་གཱ་ལ་སྶ (སཱི. སྱཱ. པཱི.)], སུ་རཱ་པཱི་ཏ་སྶ བྲཱ་ཧྨ་ཎ;

སི་པྤི་ཀཱ་ནཾ ས་ཏཾ ན་ཏྠི, ཀུ་ཏོ ཀཾ་ས་ས་ཏཱ དུ་ཝེ་ཏི.

སི་ངྒཱ་ལ་ཛཱ་ཏ་ཀཾ ཏ་ཏི་ཡཾ.

༡༡༤. བ་ཧུ་ཙི་ནྟཱི ཨ་པྤ་ཙི་ནྟཱི, ཨུ་བྷོ ཛཱ་ལེ ཨ་བ་ཛ྄ཛྷ་རེ;

མི་ཏ་ཙི་ནྟཱི པ་མོ་ཙེ་སཱི, ཨུ་བྷོ ཏ་ཏྠ ས་མཱ་ག་ཏཱ་ཏི.

མི་ཏ་ཙི་ནྟི་ཛཱ་ཏ་ཀཾ ཙ་ཏུ་ཏྠཾ.

༡༡༥. ཡཱ་ཡ་ཉྙ [ཡཱ་ཡ་ཉྙེ (ཀ.)] མ་ནུ་སཱ་ས་ཏི, ས་ཡཾ ལོ་ལུ་པྤ་ཙཱ་རི་ནཱི;

སཱ་ཡཾ ཝི་པ་ཀྑི་ཀཱ སེ་ཏི, ཧ་ཏཱ ཙ་ཀྐེ་ན སཱ་སི་ཀཱ་ཏི [སཱ་ལི་ཀཱ་ཏི (སཱི. སྱཱ. པཱི.)].

ཨ་ནུ་སཱ་སི་ཀ་ཛཱ་ཏ་ཀཾ པ་ཉྩ་མཾ.

༡༡༦. ཨ་ཏི་ཀ་ར་མ་ཀ་རཱ་ཙ་རི་ཡ, མ་ཡ྄ཧ་མྤེ་ཏཾ ན རུ་ཙྩ་ཏི;

ཙ་ཏུ་ཏྠེ ལ་ངྒྷ་ཡི་ཏྭཱ་ན, པ་ཉྩ་མཱ་ཡ་སི ཨཱ་ཝུ་ཏོ་ཏི.

དུ་བྦ་ཙ་ཛཱ་ཏ་ཀཾ ཚ་ཊྛཾ.

༡༡༧. ཨ་ཙྩུ་གྒ་ཏཱ་ཏི་ལ་པ་ཏཱ [ཨ་ཏི་བ་ལ་ཏཱ (སཱི. སྱཱ. པཱི.), ཨ་ཏི་ལ་པ་ཀཱ (ཀ་ཏྠ་ཙི)], ཨ་ཏི་ཝེ་ལཾ པ་བྷཱ་སི་ཏཱ;

ཝཱ་ཙཱ ཧ་ན་ཏི དུ་མྨེ་དྷཾ, ཏི་ཏྟི་རཾ་ཝཱ་ཏི་ཝ་སྶི་ཏ་ནྟི.

ཏི་ཏྟི་ར་ཛཱ་ཏ་ཀཾ ས་ཏྟ་མཾ.

༡༡༨. ནཱ་ཙི་ནྟ་ཡ་ནྟོ པུ་རི་སོ, ཝི་སེ་ས་མ་དྷི་ག་ཙྪ་ཏི;

ཙི་ནྟི་ཏ་སྶ ཕ་ལཾ པ་སྶ, མུ་ཏྟོ་སྨི ཝ་དྷ་བ་ནྡྷ་ནཱ་ཏི.

ཝ་ཊྚ་ཀ་ཛཱ་ཏ་ཀཾ ཨ་ཊྛ་མཾ.

༡༡༩. ཨ་མཱ་ཏཱ་པི་ཏ་ར་སཾ་ཝ་དྡྷོ [པི་ཏ་རི (སཱི. པཱི.), པི་ཏུ (སྱཱ.)], ཨ་ནཱ་ཙེ་ར་ཀུ་ལེ ཝ་སཾ;

ནཱ་ཡཾ ཀཱ་ལཾ ཨ་ཀཱ་ལཾ ཝཱ, ཨ་བྷི་ཛཱ་ནཱ་ཏི ཀུ་ཀྐུ་ཊོ་ཏི.

ཨ་ཀཱ་ལ་རཱ་ཝི་ཛཱ་ཏ་ཀཾ ན་ཝ་མཾ.

༡༢༠. ཨ་བ་དྡྷཱ ཏ་ཏྠ བ་ཛ྄ཛྷ་ནྟི, ཡ་ཏྠ བཱ་ལཱ པ་བྷཱ་ས་རེ;

བ་དྡྷཱ་པི ཏ་ཏྠ མུ་ཙྩ་ནྟི, ཡ་ཏྠ དྷཱི་རཱ པ་བྷཱ་ས་རེ་ཏི.

བ་ནྡྷ་ན་མོ་ཀྑ་ཛཱ་ཏ་ཀཾ ད་ས་མཾ.

ཧཾ་ཙི་ཝ་གྒོ [ཧཾ་སི་ཝ་གྒོ (སཱི. སྱཱ.)] དྭཱ་ད་ས་མོ.

ཏ་སྶུ་དྡཱ་ནཾ –

ཨ་ཐ ག་དྲ་བྷ ས་ཏྟུ་ཝ ཀཾ་ས་ས་ཏཾ, བ་ཧུ་ཙི་ནྟི སཱ་སི་ཀཱ་ཡཱ་ཏི་ཀ་ར;

ཨ་ཏི་ཝེ་ལ ཝི་སེ་ས་མ་ནཱ་ཙ་རི་ཡོ་ཝ, དྷཱི་རཱ་པ་བྷཱ་ས་ར་ཏེ་ན ད་སཱ་ཏི.