༡༡. པ་རོ་ས་ཏ་ཝ་གྒོ

༡༠༡. པ་རོ་ས་ཏཾ ཙེ་པི ས་མཱ་ག་ཏཱ་ནཾ, ཛྷཱ་ཡེ་ཡྻུཾ ཏེ ཝ་སྶ་ས་ཏཾ ཨ་པ་ཉྙཱ;

ཨེ་ཀོ་ཝ སེ་ཡྻོ པུ་རི་སོ ས་པ་ཉྙོ, ཡོ བྷཱ་སི་ཏ་སྶ ཝི་ཛཱ་ནཱ་ཏི ཨ་ཏྠ་ནྟི.

པ་རོ་ས་ཏ་ཛཱ་ཏ་ཀཾ པ་ཋ་མཾ.

༡༠༢. ཡོ དུ་ཀྑ་ཕུ་ཊྛཱ་ཡ བྷ་ཝེ་ཡྻ ཏཱ་ཎཾ, སོ མེ པི་ཏཱ དུ་བྦྷི [དཱུ་བྷི (སཱི. པཱི.)] ཝ་ནེ ཀ་རོ་ཏི;

སཱ ཀ་སྶ ཀ་ནྡཱ་མི ཝ་ན་སྶ མ་ཛ྄ཛྷེ, ཡོ ཏཱ་ཡི་ཏཱ སོ ས་ཧ་སཾ [ས་ཧ་སཱ (སཱི. སྱཱ. པཱི.)] ཀ་རོ་ཏཱི་ཏི.

པ་ཎྞི་ཀ་ཛཱ་ཏ་ཀཾ དུ་ཏི་ཡཾ.

༡༠༣. ཡ་ཏྠ ཝེ་རཱི ནི་ཝི་ས་ཏི [ནི་ཝ་ས་ཏི (སཱི. ཀ.)], ན ཝ་སེ ཏ་ཏྠ པ་ཎྜི་ཏོ;

ཨེ་ཀ་ར་ཏྟཾ དི་ར་ཏྟཾ ཝཱ, དུ་ཀྑཾ ཝ་ས་ཏི ཝེ་རི་སཱུ་ཏི.

ཝེ་རི་ཛཱ་ཏ་ཀཾ ཏ་ཏི་ཡཾ.

༡༠༤. ཙ་ཏུ་བྦྷི ཨ་ཊྛ་ཛ྄ཛྷ་ག་མཱ, ཨ་ཊྛཱ་ཧི་པི ཙ སོ་ལ༹་ས;

སོ་ལ༹་སཱ་ཧི ཙ བཱ་ཏྟིཾ་ས [བ་ཏྟིཾ་ས (སཱི. སྱཱ. པཱི.)], ཨ་ཏྲི་ཙྪཾ ཙ་ཀྐ་མཱ་ས་དོ;

ཨི་ཙྪཱ་ཧ་ཏ་སྶ པོ་ས་སྶ, ཙ་ཀྐཾ བྷ་མ་ཏི མ་ཏྠ་ཀེ་ཏི.

མི་ཏྟ་ཝི་ནྡ་ཀ་ཛཱ་ཏ་ཀཾ ཙ་ཏུ་ཏྠཾ.

༡༠༥. བ་ཧུ་མྤེ་ཏཾ ཝ་ནེ ཀ་ཊྛཾ, ཝཱ་ཏོ བྷ་ཉྫ་ཏི དུ་བྦ་ལཾ;

ཏ་སྶ ཙེ བྷཱ་ཡ་སཱི ནཱ་ག, ཀི་སོ ནཱུ་ན བྷ་ཝི་སྶ་སཱི་ཏི.

དུ་བྦ་ལ་ཀ་ཊྛ་ཛཱ་ཏ་ཀཾ པ་ཉྩ་མཾ.

༡༠༦. སུ་ཁཾ ཝ་ཏ མཾ ཛཱི་ཝ་ནྟཾ [སུ་ཁ་ཀཾ ཝ་ཏ ཛཱི་ཝཾ (ཀ.)], པ་ཙ་མཱ་ནཱ ཨུ་ད་ཉྩ་ནཱི;

ཙོ་རཱི ཛཱ་ཡ་པྤ་ཝཱ་དེ་ན, ཏེ་ལཾ ལོ་ཎ་ཉྩ ཡཱ་ཙ་ཏཱི་ཏི.

ཨུ་ད་ཉྩ་ནཱི་ཛཱ་ཏ་ཀཾ ཚ་ཊྛཾ.

༡༠༧. སཱ་དྷུ ཁོ སི་པྤ་ཀཾ ནཱ་མ, ཨ་པི ཡཱ་དི་ས ཀཱི་དི་སཾ;

པ་སྶ ཁ་ཉྫ་པྤ་ཧཱ་རེ་ན, ལ་དྡྷཱ གཱ་མཱ ཙ་ཏུ་དྡི་སཱ་ཏི.

སཱ་ལི་ཏྟ་ཀ་ཛཱ་ཏ་ཀཾ ས་ཏྟ་མཾ.

༡༠༨. སི་ཀྑེ་ཡྻ སི་ཀྑི་ཏ་བྦཱ་ནི, ས་ནྟི ཏ་ཙྪ་ནྡི་ནོ [ས་ཙྪ་ནྡི་ནོ (སཱི. པཱི.)] ཛ་ནཱ;

བཱ་ཧི་ཡཱ ཧི [པི (སཱི. སྱཱ. པཱི.)] སུ་ཧ་ནྣེ་ན, རཱ་ཛཱ་ན་མ་བྷི་རཱ་དྷ་ཡཱི་ཏི.

བཱ་ཧི་ཡ་ཛཱ་ཏ་ཀཾ ཨ་ཊྛ་མཾ.

༡༠༩. ཡ་ཐ་ནྣོ པུ་རི་སོ ཧོ་ཏི, ཏ་ཐ་ནྣཱ ཏ་སྶ དེ་ཝ་ཏཱ;

ཨཱ་ཧ་རེ་ཏཾ ཀུ་ཎྜ་པཱུ་ཝཾ [ཀ་ཎཾ པཱུ་ཝཾ (སཱི. པཱི.)], མཱ མེ བྷཱ་གཾ ཝི་ནཱ་ས་ཡཱ་ཏི.

ཀུ་ཎྜ་པཱུ་ཝ་ཛཱ་ཏ་ཀཾ ན་ཝ་མཾ.

༡༡༠. ས་བྦ་སཾ་ཧཱ་ར་ཀོ [ས་བྦ་སཱ་ཧཱ་ར་ཀོ (ཀ.)] ན་ཏྠི, སུ་དྡྷཾ ཀ་ངྒུ པ་ཝཱ་ཡ་ཏི;

ཨ་ལི་ཀཾ བྷཱ་ཡ་ཏི་ཡཾ དྷུ་ཏྟཱི, ས་ཙྩ་མཱ་ཧ མ་ཧ་ལླི་ཀཱ་ཏི.

ས་བྦ་སཾ་ཧཱ་ར་ཀ་པ་ཉྷ་ཛཱ་ཏ་ཀཾ ད་ས་མཾ.

པ་རོ་ས་ཏ་ཝ་གྒོ ཨེ་ཀཱ་ད་ས་མོ.

ཏ་སྶུ་དྡཱ་ནཾ –

ས་པ་རོ་ས་ཏ ཏཱ་ཡི་ཏ ཝེ་རཱི པུ་ན, བྷ་མ་ཙ་ཀྐ་ཐ ནཱ་ག་སི་རི་ཝ྄ཧ་ཡ་ནོ;

སུ་ཁ་ཀ་ཉྩ ཝ་ཏ སི་པྤ་ཀ བཱ་ཧི་ཡཱ, ཀུ་ཎྜ་པཱུ་ཝ མ་ཧ་ལླི་ཀ་ཀཱ ཙ ད་སཱ་ཏི.