༥. ཨུ་པ་པ་རི་ཀྑ་སུ་ཏྟཾ

༩༤. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏ་ཐཱ ཏ་ཐཱ, བྷི་ཀྑ་ཝེ, བྷི་ཀྑུ ཨུ་པ་པ་རི་ཀྑེ་ཡྻ ཡ་ཐཱ ཡ་ཐཱ་སྶ [ཡ་ཐཱ ཡ་ཐཱ (བ་ཧཱུ་སུ)] ཨུ་པ་པ་རི་ཀྑ་ཏོ བ་ཧི་དྡྷཱ ཙ་སྶ ཝི་ཉྙཱ་ཎཾ ཨ་ཝི་ཀྑི་ཏྟཾ ཨ་ཝི་ས་ཊཾ ཨ་ཛ྄ཛྷ་ཏྟཾ ཨ་ས་ཎྛི་ཏཾ ཨ་ནུ་པཱ་དཱ་ཡ ན པ་རི་ཏ་སྶེ་ཡྻ. བ་ཧི་དྡྷཱ, བྷི་ཀྑ་ཝེ, ཝི་ཉྙཱ་ཎེ ཨ་ཝི་ཀྑི་ཏྟེ ཨ་ཝི་ས་ཊེ ས་ཏི ཨ་ཛ྄ཛྷ་ཏྟཾ ཨ་ས་ཎྛི་ཏེ ཨ་ནུ་པཱ་དཱ་ཡ ཨ་པ་རི་ཏ་སྶ་ཏོ ཨཱ་ཡ་ཏིཾ ཛཱ་ཏི་ཛ་རཱ་མ་ར་ཎ་དུ་ཀྑ་ས་མུ་ད་ཡ་ས་མྦྷ་ཝོ ན ཧོ་ཏཱི’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ས་ཏྟ་ས་ངྒ་པྤ་ཧཱི་ན་སྶ, ནེ་ཏྟི་ཙྪི་ནྣ་སྶ བྷི་ཀྑུ་ནོ;

ཝི་ཀྑཱི་ཎོ ཛཱ་ཏི་སཾ་སཱ་རོ, ན་ཏྠི ཏ་སྶ པུ་ན་བྦྷ་ཝོ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. པ་ཉྩ་མཾ.