༦. ཀཱ་མཱུ་པ་པ་ཏྟི་སུ་ཏྟཾ

༩༥. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏི་སྶོ ཨི་མཱ, བྷི་ཀྑ་ཝེ, ཀཱ་མཱུ་པ་པ་ཏྟི་ཡོ [ཀཱ་མུ་པྤ་ཏྟི་ཡོ (སཱི.)]. ཀ་ཏ་མཱ ཏི་སྶོ? པ་ཙྩུ་པ་ཊྛི་ཏ་ཀཱ་མཱ, ནི་མྨཱ་ན་ར་ཏི་ནོ, པ་ར་ནི་མྨི་ཏ་ཝ་ས་ཝ་ཏྟི་ནོ – ཨི་མཱ ཁོ, བྷི་ཀྑ་ཝེ, ཏི་སྶོ ཀཱ་མཱུ་པ་པ་ཏྟི་ཡོ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘པ་ཙྩུ་པ་ཊྛི་ཏ་ཀཱ་མཱ ཙ, ཡེ དེ་ཝཱ ཝ་ས་ཝ་ཏྟི་ནོ;

ནི་མྨཱ་ན་ར་ཏི་ནོ དེ་ཝཱ, ཡེ ཙ་ཉྙེ ཀཱ་མ་བྷོ་གི་ནོ;

ཨི་ཏྠ་བྷཱ་ཝ་ཉྙ་ཐཱ་བྷཱ་ཝཾ, སཾ་སཱ་རཾ ནཱ་ཏི་ཝ་ཏྟ་རེ.

‘‘ཨེ་ཏ་མཱ་དཱི་ན་ཝཾ ཉ་ཏྭཱ, ཀཱ་མ་བྷོ་གེ་སུ པ་ཎྜི་ཏོ;

ས་བྦེ པ་རི་ཙྩ་ཛེ ཀཱ་མེ, ཡེ དི་བྦཱ ཡེ ཙ མཱ་ནུ་སཱ.

‘‘པི་ཡ་རཱུ་པ་སཱ་ཏ་ག་དྷི་ཏཾ, ཚེ་ཏྭཱ སོ་ཏཾ དུ་ར་ཙྩ་ཡཾ;

ཨ་སེ་སཾ པ་རི་ནི་བྦ་ནྟི, ཨ་སེ་སཾ དུ་ཀྑ་མ་ཙྩ་གུཾ.

‘‘ཨ་རི་ཡ་དྡ་སཱ ཝེ་ད་གུ་ནོ, ས་མྨ་ད་ཉྙཱ་ཡ པ་ཎྜི་ཏཱ;

ཛཱ་ཏི་ཀྑ་ཡ་མ་བྷི་ཉྙཱ་ཡ, ནཱ་ག་ཙྪ་ནྟི པུ་ན་བྦྷ་ཝ’’ནྟི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཚ་ཊྛཾ.