༨. བྷི་དུ་ར་སུ་ཏྟཾ

༧༧. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘བྷི་དུ་རཱ་ཡཾ [བྷི་ནྡ་ནྟཱ་ཡཾ (སྱཱ. པཱི. ཀ.)], བྷི་ཀྑ་ཝེ, ཀཱ་ཡོ, ཝི་ཉྙཱ་ཎཾ ཝི་རཱ་ག་དྷ་མྨཾ, ས་བྦེ ཨུ་པ་དྷཱི ཨ་ནི་ཙྩཱ དུ་ཀྑཱ ཝི་པ་རི་ཎཱ་མ་དྷ་མྨཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཀཱ་ཡ་ཉྩ བྷི་དུ་རཾ [བྷི་ནྡ་ནྟཾ (སྱཱ. པཱི. ཀ.)] ཉ་ཏྭཱ, ཝི་ཉྙཱ་ཎ་ཉྩ ཝི་རཱ་གུ་ནཾ [ཝི་རཱ་གི་ཀཾ (ཀ. སཱི.), པ་བྷ་ངྒུ་ཎཾ (སྱཱ.)];

ཨུ་པ་དྷཱི་སུ བྷ་ཡཾ དི་སྭཱ, ཛཱ་ཏི་མ་ར་ཎ་མ་ཙྩ་གཱ;

ས་མྤ་ཏྭཱ པ་ར་མཾ ས་ནྟིཾ, ཀཱ་ལཾ ཀ་ངྑ་ཏི བྷཱ་ཝི་ཏ་ཏྟོ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཨ་ཊྛ་མཾ.