༤. ས་ནྟ་ཏ་ར་སུ་ཏྟཾ
༧༣. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –
‘‘རཱུ་པེ་ཧི, བྷི་ཀྑ་ཝེ, ཨ་རཱུ་པཱ [ཨཱ་རུ་པྤཱ (སཱི.)] ས་ནྟ་ཏ་རཱ, ཨ་རཱུ་པེ་ཧི ནི་རོ་དྷོ ས་ནྟ་ཏ་རོ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –
‘‘ཡེ ཙ རཱུ་པཱུ་པ་གཱ ས་ཏྟཱ, ཡེ ཙ ཨ་རཱུ་པ་ཊྛཱ་ཡི་ནོ [ཨཱ་རུ་པྤ་ཊྛཱ་ཡི་ནོ (སཱི.)];
ནི་རོ་དྷཾ ཨ་པྤ་ཛཱ་ན་ནྟཱ, ཨཱ་ག་ནྟཱ་རོ པུ་ན་བྦྷ་ཝཾ.
‘‘ཡེ ཙ རཱུ་པེ པ་རི་ཉྙཱ་ཡ, ཨ་རཱུ་པེ་སུ ཨ་ས་ཎྛི་ཏཱ;
ནི་རོ་དྷེ ཡེ ཝི་མུ་ཙྩ་ནྟི, ཏེ ཛ་ནཱ མ་ཙྩུ་ཧཱ་ཡི་ནོ.
‘‘ཀཱ་ཡེ་ན ཨ་མ་ཏཾ དྷཱ་ཏུཾ, ཕུ་ས་ཡི་ཏྭཱ ནི་རཱུ་པ་དྷིཾ;
ཨུ་པ་དྷི་པྤ་ཊི་ནི་སྶ་གྒཾ, ས་ཙྪི་ཀ་ཏྭཱ ཨ་ནཱ་ས་ཝོ;
དེ་སེ་ཏི ས་མྨཱ་ས་མྦུ་དྡྷོ, ཨ་སོ་ཀཾ ཝི་ར་ཛཾ པ་ད’’ནྟི.
ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཙ་ཏུ་ཏྠཾ.