༤. ཨ་དྡྷཱ་སུ་ཏྟཾ

༦༣. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏ་ཡོ་མེ, བྷི་ཀྑ་ཝེ, ཨ་དྡྷཱ. ཀ་ཏ་མེ ཏ་ཡོ? ཨ་ཏཱི་ཏོ ཨ་དྡྷཱ, ཨ་ནཱ་ག་ཏོ ཨ་དྡྷཱ, པ་ཙྩུ་པྤ་ནྣོ ཨ་དྡྷཱ – ཨི་མེ ཁོ, བྷི་ཀྑ་ཝེ, ཏ་ཡོ ཨ་དྡྷཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཨ་ཀྑེ་ཡྻ་ས་ཉྙི་ནོ ས་ཏྟཱ, ཨ་ཀྑེ་ཡྻ་སྨིཾ པ་ཏི་ཊྛི་ཏཱ;

ཨ་ཀྑེ་ཡྻཾ ཨ་པ་རི་ཉྙཱ་ཡ, ཡོ་ག་མཱ་ཡ་ནྟི མ་ཙྩུ་ནོ.

‘‘ཨ་ཀྑེ་ཡྻ་ཉྩ པ་རི་ཉྙཱ་ཡ, ཨ་ཀྑཱ་ཏཱ་རཾ ན མ་ཉྙ་ཏི;

ཕུ་ཊྛོ ཝི་མོ་ཀྑོ མ་ན་སཱ, ས་ནྟི་པ་ད་མ་ནུ་ཏྟ་རཾ.

‘‘ས ཝེ [ས་ཙེ (ཀ.)] ཨ་ཀྑེ་ཡྻ་ས་མྤ་ནྣོ, ས་ནྟོ ས་ནྟི་པ་དེ ར་ཏོ;

ས་ངྑཱ་ཡ་སེ་ཝཱི དྷ་མྨ་ཊྛོ, ས་ངྑྱཾ ནོ་པེ་ཏི ཝེ་ད་གཱུ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཙ་ཏུ་ཏྠཾ.