༥. དུ་ཙྩ་རི་ཏ་སུ་ཏྟཾ

༦༤. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏཱི་ཎི་མཱ་ནི, བྷི་ཀྑ་ཝེ, དུ་ཙྩ་རི་ཏཱ་ནི. ཀ་ཏ་མཱ་ནི ཏཱི་ཎི? ཀཱ་ཡ་དུ་ཙྩ་རི་ཏཾ, ཝ་ཙཱི་དུ་ཙྩ་རི་ཏཾ, མ་ནོ་དུ་ཙྩ་རི་ཏཾ – ཨི་མཱ་ནི ཁོ, བྷི་ཀྑ་ཝེ, ཏཱི་ཎི དུ་ཙྩ་རི་ཏཱ་ནཱི’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཀཱ་ཡ་དུ་ཙྩ་རི་ཏཾ ཀ་ཏྭཱ, ཝ་ཙཱི་དུ་ཙྩ་རི་ཏཱ་ནི ཙ;

མ་ནོ་དུ་ཙྩ་རི་ཏཾ ཀ་ཏྭཱ, ཡ་ཉྩ་ཉྙཾ དོ་ས་སཾ་ཧི་ཏཾ.

‘‘ཨ་ཀ་ཏྭཱ ཀུ་ས་ལཾ ཀ་མྨཾ, ཀ་ཏྭཱ་ནཱ་ཀུ་ས་ལཾ བ་ཧུཾ;

ཀཱ་ཡ་སྶ བྷེ་དཱ དུ་པྤ་ཉྙོ, ནི་ར་ཡཾ སོ་པ་པ་ཛྫ་ཏཱི’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. པ་ཉྩ་མཾ.