༩. ཏ་ཎྷཱ་སུ་ཏྟཾ

༥༨. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏི་སྶོ ཨི་མཱ, བྷི་ཀྑ་ཝེ, ཏ་ཎྷཱ. ཀ་ཏ་མཱ ཏི་སྶོ? ཀཱ་མ་ཏ་ཎྷཱ, བྷ་ཝ་ཏ་ཎྷཱ, ཝི་བྷ་ཝ་ཏ་ཎྷཱ – ཨི་མཱ ཁོ, བྷི་ཀྑ་ཝེ, ཏི་སྶོ ཏ་ཎྷཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཏ་ཎྷཱ་ཡོ་གེ་ན སཾ་ཡུ་ཏྟཱ, ར་ཏྟ་ཙི་ཏྟཱ བྷ་ཝཱ་བྷ་ཝེ;

ཏེ ཡོ་ག་ཡུ་ཏྟཱ མཱ་ར་སྶ, ཨ་ཡོ་ག་ཀྑེ་མི་ནོ ཛ་ནཱ;

ས་ཏྟཱ ག་ཙྪ་ནྟི སཾ་སཱ་རཾ, ཛཱ་ཏཱི་མ་ར་ཎ་གཱ་མི་ནོ.

‘‘ཡེ ཙ ཏ་ཎྷཾ པ་ཧ་ནྟྭཱ་ན, ཝཱི་ཏ་ཏ་ཎྷཱ [ནི་ཀྐ་ཎྷཱ ཙ (སཱི. ཀ.)] བྷ་ཝཱ་བྷ་ཝེ;

ཏེ ཝེ [ཏེ ཙ (སཱི. པཱི. ཀ.)] པཱ་ར་ངྒ་ཏཱ [པཱ་ར་ག་ཏཱ (ཀ. སཱི. སྱཱ.)] ལོ་ཀེ, ཡེ པ་ཏྟཱ ཨཱ་ས་ཝ་ཀྑ་ཡ’’ནྟི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ན་ཝ་མཾ.