༡༠. མཱ་ར་དྷེ་ཡྻ་སུ་ཏྟཾ

༥༩. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏཱི་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ཏི་ཀྐ་མྨ མཱ་ར་དྷེ་ཡྻཾ ཨཱ་དི་ཙྩོ་ཝ ཝི་རོ་ཙ་ཏི. ཀ་ཏ་མེ་ཧི ཏཱི་ཧི? ཨི་དྷ, བྷི་ཀྑ་ཝེ, བྷི་ཀྑུ ཨ་སེ་ཁེ་ན སཱི་ལ་ཀྑ་ནྡྷེ་ན ས་མ་ནྣཱ་ག་ཏོ ཧོ་ཏི, ཨ་སེ་ཁེ་ན ས་མཱ་དྷི་ཀྑ་ནྡྷེ་ན ས་མ་ནྣཱ་ག་ཏོ ཧོ་ཏི, ཨ་སེ་ཁེ་ན པ་ཉྙཱ་ཀྑ་ནྡྷེ་ན ས་མ་ནྣཱ་ག་ཏོ ཧོ་ཏི – ཨི་མེ་ཧི ཁོ, བྷི་ཀྑ་ཝེ, ཏཱི་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨ་ཏི་ཀྐ་མྨ མཱ་ར་དྷེ་ཡྻཾ ཨཱ་དི་ཙྩོ་ཝ ཝི་རོ་ཙ་ཏཱི’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘སཱི་ལཾ ས་མཱ་དྷི པ་ཉྙཱ ཙ, ཡ་སྶ ཨེ་ཏེ སུ་བྷཱ་ཝི་ཏཱ;

ཨ་ཏི་ཀྐ་མྨ མཱ་ར་དྷེ་ཡྻཾ, ཨཱ་དི་ཙྩོ་ཝ ཝི་རོ་ཙ་ཏཱི’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ད་ས་མཾ.

པ་ཋ་མོ ཝ་གྒོ ནི་ཊྛི་ཏོ.

ཏ་སྶུ་དྡཱ་ནཾ –

མཱུ་ལ་དྷཱ་ཏུ ཨ་ཐ ཝེ་ད་ནཱ དུ་ཝེ, ཨེ་ས་ནཱ ཙ དུ་ཝེ ཨཱ་ས་ཝཱ དུ་ཝེ;

ཏ་ཎྷཱ་ཏོ ཙ ཨ་ཐ [ཏ་ཎྷཱ་ཏོ ཨ་ཐ (སྱཱ.)] མཱ་ར་དྷེ་ཡྻ་ཏོ, ཝ་གྒ་མཱ་ཧུ པ་ཋ་མ་ནྟི མུ་ཏྟ་མ་ནྟི.