༦. དུ་ཏི་ཡ་ཨེ་ས་ནཱ་སུ་ཏྟཾ

༥༥. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏི་སྶོ ཨི་མཱ, བྷི་ཀྑ་ཝེ, ཨེ་ས་ནཱ. ཀ་ཏ་མཱ ཏི་སྶོ? ཀཱ་མེ་ས་ནཱ, བྷ་ཝེ་ས་ནཱ, བྲ་ཧྨ་ཙ་རི་ཡེ་ས་ནཱ – ཨི་མཱ ཁོ, བྷི་ཀྑ་ཝེ, ཏི་སྶོ ཨེ་ས་ནཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ཀཱ་མེ་ས་ནཱ བྷ་ཝེ་ས་ནཱ, བྲ་ཧྨ་ཙ་རི་ཡེ་ས་ནཱ ས་ཧ;

ཨི་ཏི ས་ཙྩ་པ་རཱ་མཱ་སོ, དི་ཊྛི་ཊྛཱ་ནཱ ས་མུ་སྶ་ཡཱ.

‘‘ས་བྦ་རཱ་ག་ཝི་ར་ཏྟ་སྶ, ཏ་ཎྷ་ཀྑ་ཡ་ཝི་མུ་ཏྟི་ནོ;

ཨེ་ས་ནཱ པ་ཊི་ནི་སྶ་ཊྛཱ, དི་ཊྛི་ཊྛཱ་ནཱ ས་མཱུ་ཧ་ཏཱ;

ཨེ་ས་ནཱ་ནཾ ཁ་ཡཱ བྷི་ཀྑུ, ནི་རཱ་སོ ཨ་ཀ་ཐཾ་ཀ་ཐཱི’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ཚ་ཊྛཾ.