༧. པ་ཋ་མ་ཨཱ་ས་ཝ་སུ་ཏྟཾ

༥༦. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏ་ཡོ་མེ, བྷི་ཀྑ་ཝེ, ཨཱ་ས་ཝཱ. ཀ་ཏ་མེ ཏ་ཡོ? ཀཱ་མཱ་ས་ཝོ, བྷ་ཝཱ་ས་ཝོ, ཨ་ཝི་ཛྫཱ་ས་ཝོ – ཨི་མེ ཁོ, བྷི་ཀྑ་ཝེ, ཏ་ཡོ ཨཱ་ས་ཝཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ས་མཱ་ཧི་ཏོ ས་མྤ་ཛཱ་ནོ, ས་ཏོ བུ་དྡྷ་སྶ སཱ་ཝ་ཀོ;

ཨཱ་ས་ཝེ ཙ པ་ཛཱ་ནཱ་ཏི, ཨཱ་ས་ཝཱ་ན་ཉྩ ས་མྦྷ་ཝཾ.

‘‘ཡ་ཏྠ ཙེ་ཏཱ ནི་རུ་ཛ྄ཛྷ་ནྟི, མ་གྒ་ཉྩ ཁ་ཡ་གཱ་མི་ནཾ;

ཨཱ་ས་ཝཱ་ནཾ ཁ་ཡཱ བྷི་ཀྑུ, ནི་ཙྪཱ་ཏོ པ་རི་ནི་བྦུ་ཏོ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. ས་ཏྟ་མཾ.