༥. པ་ཋ་མ་ཨེ་ས་ནཱ་སུ་ཏྟཾ

༥༤. ཝུ་ཏྟ་ཉྷེ་ཏཾ བྷ་ག་ཝ་ཏཱ, ཝུ་ཏྟ་མ་ར་ཧ་ཏཱ་ཏི མེ སུ་ཏཾ –

‘‘ཏི་སྶོ ཨི་མཱ, བྷི་ཀྑ་ཝེ, ཨེ་ས་ནཱ. ཀ་ཏ་མཱ ཏི་སྶོ? ཀཱ་མེ་ས་ནཱ, བྷ་ཝེ་ས་ནཱ, བྲ་ཧྨ་ཙ་རི་ཡེ་ས་ནཱ – ཨི་མཱ ཁོ, བྷི་ཀྑ་ཝེ, ཏི་སྶོ ཨེ་ས་ནཱ’’ཏི. ཨེ་ཏ་མ་ཏྠཾ བྷ་ག་ཝཱ ཨ་ཝོ་ཙ. ཏ་ཏྠེ་ཏཾ ཨི་ཏི ཝུ་ཙྩ་ཏི –

‘‘ས་མཱ་ཧི་ཏོ ས་མྤ་ཛཱ་ནོ, ས་ཏོ བུ་དྡྷ་སྶ སཱ་ཝ་ཀོ;

ཨེ་ས་ནཱ ཙ པ་ཛཱ་ནཱ་ཏི, ཨེ་ས་ནཱ་ན་ཉྩ ས་མྦྷ་ཝཾ.

‘‘ཡ་ཏྠ ཙེ་ཏཱ ནི་རུ་ཛ྄ཛྷ་ནྟི, མ་གྒ་ཉྩ ཁ་ཡ་གཱ་མི་ནཾ;

ཨེ་ས་ནཱ་ནཾ ཁ་ཡཱ བྷི་ཀྑུ, ནི་ཙྪཱ་ཏོ པ་རི་ནི་བྦུ་ཏོ’’ཏི.

ཨ་ཡ་མྤི ཨ་ཏྠོ ཝུ་ཏྟོ བྷ་ག་ཝ་ཏཱ, ཨི་ཏི མེ སུ་ཏ་ནྟི. པ་ཉྩ་མཾ.