༢༦. བྲཱ་ཧྨ་ཎ་ཝ་གྒོ
༣༨༣. ཚི་ནྡ སོ་ཏཾ པ་ར་ཀྐ་མྨ, ཀཱ་མེ པ་ནུ་ད བྲཱ་ཧྨ་ཎ;
ས་ངྑཱ་རཱ་ནཾ ཁ་ཡཾ ཉ་ཏྭཱ, ཨ་ཀ་ཏ་ཉྙཱུ་སི བྲཱ་ཧྨ་ཎ.
༣༨༤. ཡ་དཱ དྭ་ཡེ་སུ དྷ་མྨེ་སུ, པཱ་ར་གཱུ ཧོ་ཏི བྲཱ་ཧྨ་ཎོ;
ཨ་ཐ་སྶ ས་བྦེ སཾ་ཡོ་གཱ, ཨ་ཏྠཾ ག་ཙྪ་ནྟི ཛཱ་ན་ཏོ.
༣༨༥. ཡ་སྶ པཱ་རཾ ཨ་པཱ་རཾ ཝཱ, པཱ་རཱ་པཱ་རཾ ན ཝི་ཛྫ་ཏི;
ཝཱི་ཏ་དྡ་རཾ ཝི་སཾ་ཡུ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༣༨༦. ཛྷཱ་ཡིཾ ཝི་ར་ཛ་མཱ་སཱི་ནཾ, ཀ་ཏ་ཀི་ཙྩ་མ་ནཱ་ས་ཝཾ;
ཨུ་ཏྟ་མ་ཏྠ་མ་ནུ་པྤ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༣༨༧. དི་ཝཱ ཏ་པ་ཏི ཨཱ་དི་ཙྩོ, ར་ཏྟི་མཱ་བྷཱ་ཏི ཙ་ནྡི་མཱ;
ས་ནྣ་དྡྷོ ཁ་ཏྟི་ཡོ ཏ་པ་ཏི, ཛྷཱ་ཡཱི ཏ་པ་ཏི བྲཱ་ཧྨ་ཎོ;
ཨ་ཐ ས་བྦ་མ་ཧོ་ར་ཏྟིཾ [ས་བྦ་མ་ཧོ་ར་ཏྟཾ (?)], བུ་དྡྷོ ཏ་པ་ཏི ཏེ་ཛ་སཱ.
༣༨༨. བཱ་ཧི་ཏ་པཱ་པོ་ཏི བྲཱ་ཧྨ་ཎོ, ས་མ་ཙ་རི་ཡཱ ས་མ་ཎོ་ཏི ཝུ་ཙྩ་ཏི;
པ་བྦཱ་ཛ་ཡ་མ་ཏྟ་ནོ མ་ལཾ, ཏ་སྨཱ ‘‘པ་བྦ་ཛི་ཏོ’’ཏི ཝུ་ཙྩ་ཏི.
༣༨༩. ན བྲཱ་ཧྨ་ཎ་སྶ པ་ཧ་རེ་ཡྻ, ནཱ་སྶ མུ་ཉྩེ་ཐ བྲཱ་ཧྨ་ཎོ;
དྷཱི [དྷི (སྱཱ. བྱཱ་ཀ་ར་ཎེ་སུ)] བྲཱ་ཧྨ་ཎ་སྶ ཧ་ནྟཱ་རཾ, ཏ་ཏོ དྷཱི ཡ་སྶ [ཡོ + ཨ་སྶ = ཡ་སྶ] མུ་ཉྩ་ཏི.
༣༩༠. ན བྲཱ་ཧྨ་ཎ་སྶེ་ཏ་ད་ཀི་ཉྩི སེ་ཡྻོ, ཡ་དཱ ནི་སེ་དྷོ མ་ན་སོ པི་ཡེ་ཧི;
ཡ་ཏོ ཡ་ཏོ ཧིཾ་ས་མ་ནོ ནི་ཝ་ཏྟ་ཏི, ཏ་ཏོ ཏ་ཏོ ས་མྨ་ཏི་མེ་ཝ དུ་ཀྑཾ.
༣༩༡. ཡ་སྶ ཀཱ་ཡེ་ན ཝཱ་ཙཱ་ཡ, མ་ན་སཱ ན་ཏྠི དུ་ཀྐ་ཊཾ;
སཾ་ཝུ་ཏཾ ཏཱི་ཧི ཋཱ་ནེ་ཧི, ཏ་མ་ཧཾ བྲཱུ་མི བྲཱ་ཧྨ་ཎཾ.
༣༩༢. ཡ་མྷཱ དྷ་མྨཾ ཝི་ཛཱ་ནེ་ཡྻ, ས་མྨཱ་ས་མྦུ་དྡྷ་དེ་སི་ཏཾ;
ས་ཀྐ་ཙྩཾ ཏཾ ན་མ་སྶེ་ཡྻ, ཨ་གྒི་ཧུ་ཏྟཾ་ཝ བྲཱ་ཧྨ་ཎོ.
༣༩༣. ན ཛ་ཊཱ་ཧི ན གོ་ཏྟེ་ན, ན ཛ་ཙྩཱ ཧོ་ཏི བྲཱ་ཧྨ་ཎོ;
ཡ་མྷི ས་ཙྩ་ཉྩ དྷ་མྨོ ཙ, སོ སུ་ཙཱི སོ ཙ བྲཱ་ཧྨ་ཎོ.
༣༩༤. ཀིཾ ཏེ ཛ་ཊཱ་ཧི དུ་མྨེ་དྷ, ཀིཾ ཏེ ཨ་ཛི་ན་སཱ་ཊི་ཡཱ;
ཨ་བྦྷ་ནྟ་རཾ ཏེ ག་ཧ་ནཾ, བཱ་ཧི་རཾ པ་རི་མ་ཛྫ་སི.
༣༩༥. པཾ་སུ་ཀཱུ་ལ་དྷ་རཾ ཛ་ནྟུཾ, ཀི་སཾ དྷ་མ་ནི་ས་ནྠ་ཏཾ;
ཨེ་ཀཾ ཝ་ན་སྨིཾ ཛྷཱ་ཡ་ནྟཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༣༩༦. ན ཙཱ་ཧཾ བྲཱ་ཧྨ་ཎཾ བྲཱུ་མི, ཡོ་ནི་ཛཾ མ་ཏྟི་ས་མྦྷ་ཝཾ;
བྷོ་ཝཱ་དི ནཱ་མ སོ ཧོ་ཏི, ས་ཙེ ཧོ་ཏི ས་ཀི་ཉྩ་ནོ;
ཨ་ཀི་ཉྩ་ནཾ ཨ་ནཱ་དཱ་ནཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༣༩༧. ས་བྦ་སཾ་ཡོ་ཛ་ནཾ ཚེ་ཏྭཱ, ཡོ ཝེ ན པ་རི་ཏ་སྶ་ཏི;
ས་ངྒཱ་ཏི་གཾ ཝི་སཾ་ཡུ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༣༩༨. ཚེ་ཏྭཱ ན་དྡྷིཾ [ན་ནྡྷིཾ (ཀ. སཱི.), ན་ནྡིཾ (པཱི.)] ཝ་ར་ཏྟ་ཉྩ, ས་ནྡཱ་ནཾ [ས་ནྡཱ་མཾ (སཱི.)] ས་ཧ་ནུ་ཀྐ་མཾ;
ཨུ་ཀྑི་ཏྟ་པ་ལི་གྷཾ བུ་དྡྷཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༣༩༩. ཨ་ཀྐོ་སཾ ཝ་དྷ་བ་ནྡྷ་ཉྩ, ཨ་དུ་ཊྛོ ཡོ ཏི་ཏི་ཀྑ་ཏི;
ཁ་ནྟཱི་བ་ལཾ བ་ལཱ་ནཱི་ཀཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༠༠. ཨ་ཀྐོ་དྷ་ནཾ ཝ་ཏ་ཝ་ནྟཾ, སཱི་ལ་ཝ་ནྟཾ ཨ་ནུ་སྶ་དཾ;
ད་ནྟཾ ཨ་ནྟི་མ་སཱ་རཱི་རཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༠༡. ཝཱ་རི པོ་ཀྑ་ར་པ་ཏྟེ་ཝ, ཨཱ་ར་གྒེ་རི་ཝ སཱ་ས་པོ;
ཡོ ན ལི་མྤ་ཏི [ལི་པྤ་ཏི (སཱི. པཱི.)] ཀཱ་མེ་སུ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༠༢. ཡོ དུ་ཀྑ་སྶ པ་ཛཱ་ནཱ་ཏི, ཨི་དྷེ་ཝ ཁ་ཡ་མ་ཏྟ་ནོ;
པ་ནྣ་བྷཱ་རཾ ཝི་སཾ་ཡུ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༠༣. ག་མྦྷཱི་ར་པ་ཉྙཾ མེ་དྷཱ་ཝིཾ, མ་གྒཱ་མ་གྒ་སྶ ཀོ་ཝི་དཾ;
ཨུ་ཏྟ་མ་ཏྠ་མ་ནུ་པྤ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༠༤. ཨ་སཾ་ས་ཊྛཾ ག་ཧ་ཊྛེ་ཧི, ཨ་ནཱ་གཱ་རེ་ཧི ཙཱུ་བྷ་ཡཾ;
ཨ་ནོ་ཀ་སཱ་རི་མ་པྤི་ཙྪཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༠༥. ནི་དྷཱ་ཡ ད་ཎྜཾ བྷཱུ་ཏེ་སུ, ཏ་སེ་སུ ཐཱ་ཝ་རེ་སུ ཙ;
ཡོ ན ཧ་ནྟི ན གྷཱ་ཏེ་ཏི, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༠༦. ཨ་ཝི་རུ་དྡྷཾ ཝི་རུ་དྡྷེ་སུ, ཨ་ཏྟ་ད་ཎྜེ་སུ ནི་བྦུ་ཏཾ;
སཱ་དཱ་ནེ་སུ ཨ་ནཱ་དཱ་ནཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༠༧. ཡ་སྶ རཱ་གོ ཙ དོ་སོ ཙ, མཱ་ནོ མ་ཀྑོ ཙ པཱ་ཏི་ཏོ;
སཱ་ས་པོ་རི་ཝ ཨཱ་ར་གྒཱ [ཨཱ་ར་གྒེ (ཀ.)], ཏ་མ་ཧཾ བྲཱུ་མི བྲཱ་ཧྨ་ཎཾ.
༤༠༨. ཨ་ཀ་ཀྐ་སཾ ཝི་ཉྙཱ་པ་ནིཾ, གི་རཾ ས་ཙྩ་མུ་དཱི་ར་ཡེ;
ཡཱ་ཡ ནཱ་བྷི་ས་ཛེ ཀ་ཉྩི [ཀི་ཉྩི (ཀ.)], ཏ་མ་ཧཾ བྲཱུ་མི བྲཱ་ཧྨ་ཎཾ.
༤༠༩. ཡོ་དྷ དཱི་གྷཾ ཝ ར་སྶཾ ཝཱ, ཨ་ཎུཾ ཐཱུ་ལཾ སུ་བྷཱ་སུ་བྷཾ;
ལོ་ཀེ ཨ་དི་ནྣཾ ནཱ་དི་ཡ་ཏི [ནཱ་དེ་ཏི (མ. ནི. ༢.༤༥༩)], ཏ་མ་ཧཾ བྲཱུ་མི བྲཱ་ཧྨ་ཎཾ.
༤༡༠. ཨཱ་སཱ ཡ་སྶ ན ཝི་ཛྫ་ནྟི, ཨ་སྨིཾ ལོ་ཀེ པ་ར་མྷི ཙ;
ནི་རཱ་སཱ་སཾ [ནི་རཱ་ས་ཡཾ (སཱི. སྱཱ. པཱི.), ནི་རཱ་ས་ཀཾ (?)] ཝི་སཾ་ཡུ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༡༡. ཡ་སྶཱ་ལ་ཡཱ ན ཝི་ཛྫ་ནྟི, ཨ་ཉྙཱ་ཡ ཨ་ཀ་ཐཾ་ཀ་ཐཱི;
ཨ་མ་ཏོ་ག་དྷ་མ་ནུ་པྤ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༡༢. ཡོ་དྷ པུ་ཉྙ་ཉྩ པཱ་པ་ཉྩ, ཨུ་བྷོ ས་ངྒ་མུ་པ་ཙྩ་གཱ;
ཨ་སོ་ཀཾ ཝི་ར་ཛཾ སུ་དྡྷཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༡༣. ཙ་ནྡཾ་ཝ ཝི་མ་ལཾ སུ་དྡྷཾ, ཝི་པྤ་ས་ནྣ་མ་ནཱ་ཝི་ལཾ;
ན་ནྡཱི་བྷ་ཝ་པ་རི་ཀྑཱི་ཎཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༡༤. ཡོ་མཾ [ཡོ ཨི་མཾ (སཱི. སྱཱ. ཀཾ. པཱི.)] པ་ལི་པ་ཐཾ དུ་གྒཾ, སཾ་སཱ་རཾ མོ་ཧ་མ་ཙྩ་གཱ;
ཏི་ཎྞོ པཱ་ར་ག་ཏོ [པཱ་ར་ག་ཏོ (སཱི. སྱཱ. ཀཾ. པཱི.)] ཛྷཱ་ཡཱི, ཨ་ནེ་ཛོ ཨ་ཀ་ཐཾ་ཀ་ཐཱི;
ཨ་ནུ་པཱ་དཱ་ཡ ནི་བྦུ་ཏོ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༡༥. ཡོ་དྷ ཀཱ་མེ པ་ཧ་ནྟྭཱ་ན [པ་ཧ་ཏྭཱ་ན (སཱི. པཱི.)], ཨ་ནཱ་གཱ་རོ པ་རི་བྦ་ཛེ;
ཀཱ་མ་བྷ་ཝ་པ་རི་ཀྑཱི་ཎཾ, ཏ་མ་ཧཾ བྲཱུ་མི བྲཱ་ཧྨ་ཎཾ [ཨི་དཾ གཱ་ཐཱ་དྭ་ཡཾ ཝི་དེ་ས་པོ་ཏྠ་ཀེ་སུ ས་ཀི་དེ་ཝ ད་སྶི་ཏཾ].
༤༡༦. ཡོ་དྷ ཏ་ཎྷཾ པ་ཧ་ནྟྭཱ་ན, ཨ་ནཱ་གཱ་རོ པ་རི་བྦ་ཛེ;
ཏ་ཎྷཱ་བྷ་ཝ་པ་རི་ཀྑཱི་ཎཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༡༧. ཧི་ཏྭཱ མཱ་ནུ་ས་ཀཾ ཡོ་གཾ, དི་བྦཾ ཡོ་གཾ ཨུ་པ་ཙྩ་གཱ;
ས་བྦ་ཡོ་ག་ཝི་སཾ་ཡུ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༡༨. ཧི་ཏྭཱ ར་ཏི་ཉྩ ཨ་ར་ཏི་ཉྩ, སཱི་ཏི་བྷཱུ་ཏཾ ནི་རཱུ་པ་དྷིཾ;
ས་བྦ་ལོ་ཀཱ་བྷི་བྷུཾ ཝཱི་རཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༡༩. ཙུ་ཏིཾ ཡོ ཝེ་དི ས་ཏྟཱ་ནཾ, ཨུ་པ་པ་ཏྟི་ཉྩ ས་བྦ་སོ;
ཨ་ས་ཏྟཾ སུ་ག་ཏཾ བུ་དྡྷཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༢༠. ཡ་སྶ ག་ཏིཾ ན ཛཱ་ན་ནྟི, དེ་ཝཱ ག་ནྡྷ་བྦ་མཱ་ནུ་སཱ;
ཁཱི་ཎཱ་ས་ཝཾ ཨ་ར་ཧ་ནྟཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༢༡. ཡ་སྶ པུ་རེ ཙ པ་ཙྪཱ ཙ, མ་ཛ྄ཛྷེ ཙ ན་ཏྠི ཀི་ཉྩ་ནཾ;
ཨ་ཀི་ཉྩ་ནཾ ཨ་ནཱ་དཱ་ནཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༢༢. ཨུ་ས་བྷཾ པ་ཝ་རཾ ཝཱི་རཾ, མ་ཧེ་སིཾ ཝི་ཛི་ཏཱ་ཝི་ནཾ;
ཨ་ནེ་ཛཾ ནྷཱ་ཏ་ཀཾ [ན་ཧཱ་ཏ་ཀཾ (སཱི. སྱཱ. ཀཾ པཱི.)] བུ་དྡྷཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
༤༢༣. པུ་བྦེ་ནི་ཝཱ་སཾ ཡོ ཝེ་དི, ས་གྒཱ་པཱ་ཡ་ཉྩ པ་སྶ་ཏི,
ཨ་ཐོ ཛཱ་ཏི་ཀྑ་ཡཾ པ་ཏྟོ, ཨ་བྷི་ཉྙཱ་ཝོ་སི་ཏོ མུ་ནི;
ས་བྦ་ཝོ་སི་ཏ་ཝོ་སཱ་ནཾ, ཏ་མ་ཧཾ བྲཱུ་མི བྲཱ་ཧྨ་ཎཾ.
བྲཱ་ཧྨ་ཎ་ཝ་གྒོ ཚ་བྦཱི་ས་ཏི་མོ ནི་ཊྛི་ཏོ.