༡༧. ཀོ་དྷ་ཝ་གྒོ
༢༢༡. ཀོ་དྷཾ ཛ་ཧེ ཝི་པྤ་ཛ་ཧེ་ཡྻ མཱ་ནཾ, སཾ་ཡོ་ཛ་ནཾ ས་བྦ་མ་ཏི་ཀྐ་མེ་ཡྻ;
ཏཾ ནཱ་མ་རཱུ་པ་སྨི་མ་ས་ཛྫ་མཱ་ནཾ, ཨ་ཀི་ཉྩ་ནཾ ནཱ་ནུ་པ་ཏ་ནྟི དུ་ཀྑཱ.
༢༢༢. ཡོ ཝེ ཨུ་པྤ་ཏི་ཏཾ ཀོ་དྷཾ, ར་ཐཾ བྷ་ནྟཾ་ཝ ཝཱ་ར་ཡེ [དྷཱ་ར་ཡེ (སཱི. སྱཱ. པཱི.)];
ཏ་མ་ཧཾ སཱ་ར་ཐིཾ བྲཱུ་མི, ར་སྨི་གྒཱ་ཧོ ཨི་ཏ་རོ ཛ་ནོ.
༢༢༣. ཨ་ཀྐོ་དྷེ་ན ཛི་ནེ ཀོ་དྷཾ, ཨ་སཱ་དྷུཾ སཱ་དྷུ་ནཱ ཛི་ནེ;
ཛི་ནེ ཀ་ད་རི་ཡཾ དཱ་ནེ་ན, ས་ཙྩེ་ནཱ་ལི་ཀ་ཝཱ་དི་ནཾ.
༢༢༤. ས་ཙྩཾ བྷ་ཎེ ན ཀུ་ཛ྄ཛྷེ་ཡྻ, ད་ཛྫཱ ཨ་པྤ་མྤི [ད་ཛྫཱ’པྤ་སྨི་མྤི (སཱི. པཱི.), ད་ཛྫཱ ཨ་པྤ་སྨི (སྱཱ. ཀ.)] ཡཱ་ཙི་ཏོ;
ཨེ་ཏེ་ཧི ཏཱི་ཧི ཋཱ་ནེ་ཧི, ག་ཙྪེ དེ་ཝཱ་ན ས་ནྟི་ཀེ.
༢༢༥. ཨ་ཧིཾ་ས་ཀཱ ཡེ མུ་ན་ཡོ [ཨ་ཧིཾ་ས་ཀཱ་ཡཱ མུ་ན་ཡོ (ཀ.)], ནི་ཙྩཾ ཀཱ་ཡེ་ན སཾ་ཝུ་ཏཱ;
ཏེ ཡ་ནྟི ཨ་ཙྩུ་ཏཾ ཋཱ་ནཾ, ཡ་ཏྠ ག་ནྟྭཱ ན སོ་ཙ་རེ.
༢༢༦. ས་དཱ ཛཱ་ག་ར་མཱ་ནཱ་ནཾ, ཨ་ཧོ་ར་ཏྟཱ་ནུ་སི་ཀྑི་ནཾ;
ནི་བྦཱ་ནཾ ཨ་དྷི་མུ་ཏྟཱ་ནཾ, ཨ་ཏྠཾ ག་ཙྪ་ནྟི ཨཱ་ས་ཝཱ.
༢༢༧. པོ་རཱ་ཎ་མེ་ཏཾ ཨ་ཏུ་ལ, ནེ་ཏཾ ཨ་ཛྫ་ཏ་ནཱ་མི་ཝ;
ནི་ནྡ་ནྟི ཏུ་ཎྷི་མཱ་སཱི་ནཾ, ནི་ནྡ་ནྟི བ་ཧུ་བྷཱ་ཎི་ནཾ;
མི་ཏ་བྷཱ་ཎི་མྤི ནི་ནྡ་ནྟི, ན་ཏྠི ལོ་ཀེ ཨ་ནི་ནྡི་ཏོ.
༢༢༨. ན ཙཱ་ཧུ ན ཙ བྷ་ཝི་སྶ་ཏི, ན ཙེ་ཏ་ར་ཧི ཝི་ཛྫ་ཏི;
ཨེ་ཀ་ནྟཾ ནི་ནྡི་ཏོ པོ་སོ, ཨེ་ཀ་ནྟཾ ཝཱ པ་སཾ་སི་ཏོ.
༢༢༩. ཡཾ ཙེ ཝི་ཉྙཱུ པ་སཾ་ས་ནྟི, ཨ་ནུ་ཝི་ཙྩ སུ་ཝེ སུ་ཝེ;
ཨ་ཙྪི་དྡ་ཝུ་ཏྟིཾ [ཨ་ཙྪི་ནྣ་ཝུ་ཏྟིཾ (ཀ.)] མེ་དྷཱ་ཝིཾ, པ་ཉྙཱ་སཱི་ལ་ས་མཱ་ཧི་ཏཾ.
༢༣༠. ནི་ཀྑཾ [ནེ་ཀྑཾ (སཱི. སྱཱ. པཱི.)] ཛ་མྦོ་ན་ད་སྶེ་ཝ, ཀོ ཏཾ ནི་ནྡི་ཏུ་མ་ར་ཧ་ཏི;
དེ་ཝཱ་པི ནཾ པ་སཾ་ས་ནྟི, བྲ་ཧྨུ་ནཱ་པི པ་སཾ་སི་ཏོ.
༢༣༡. ཀཱ་ཡ་པྤ་ཀོ་པཾ ར་ཀྑེ་ཡྻ, ཀཱ་ཡེ་ན སཾ་ཝུ་ཏོ སི་ཡཱ;
ཀཱ་ཡ་དུ་ཙྩ་རི་ཏཾ ཧི་ཏྭཱ, ཀཱ་ཡེ་ན སུ་ཙ་རི་ཏཾ ཙ་རེ.
༢༣༢. ཝ་ཙཱི་པ་ཀོ་པཾ ར་ཀྑེ་ཡྻ, ཝཱ་ཙཱ་ཡ སཾ་ཝུ་ཏོ སི་ཡཱ;
ཝ་ཙཱི་དུ་ཙྩ་རི་ཏཾ ཧི་ཏྭཱ, ཝཱ་ཙཱ་ཡ སུ་ཙ་རི་ཏཾ ཙ་རེ.
༢༣༣. མ་ནོ་པ་ཀོ་པཾ ར་ཀྑེ་ཡྻ, མ་ན་སཱ སཾ་ཝུ་ཏོ སི་ཡཱ;
མ་ནོ་དུ་ཙྩ་རི་ཏཾ ཧི་ཏྭཱ, མ་ན་སཱ སུ་ཙ་རི་ཏཾ ཙ་རེ.
༢༣༤. ཀཱ་ཡེ་ན སཾ་ཝུ་ཏཱ དྷཱི་རཱ, ཨ་ཐོ ཝཱ་ཙཱ་ཡ སཾ་ཝུ་ཏཱ;
མ་ན་སཱ སཾ་ཝུ་ཏཱ དྷཱི་རཱ, ཏེ ཝེ སུ་པ་རི་སཾ་ཝུ་ཏཱ.
ཀོ་དྷ་ཝ་གྒོ ས་ཏྟ་ར་ས་མོ ནི་ཊྛི་ཏོ.