༡༥. སུ་ཁ་ཝ་གྒོ
༡༩༧. སུ་སུ་ཁཾ ཝ་ཏ ཛཱི་ཝཱ་མ, ཝེ་རི་ནེ་སུ ཨ་ཝེ་རི་ནོ;
ཝེ་རི་ནེ་སུ མ་ནུ་སྶེ་སུ, ཝི་ཧ་རཱ་མ ཨ་ཝེ་རི་ནོ.
༡༩༨. སུ་སུ་ཁཾ ཝ་ཏ ཛཱི་ཝཱ་མ, ཨཱ་ཏུ་རེ་སུ ཨ་ནཱ་ཏུ་རཱ;
ཨཱ་ཏུ་རེ་སུ མ་ནུ་སྶེ་སུ, ཝི་ཧ་རཱ་མ ཨ་ནཱ་ཏུ་རཱ.
༡༩༩. སུ་སུ་ཁཾ ཝ་ཏ ཛཱི་ཝཱ་མ, ཨུ་སྶུ་ཀེ་སུ ཨ་ནུ་སྶུ་ཀཱ;
ཨུ་སྶུ་ཀེ་སུ མ་ན་སྶེ་སུ, ཝི་ཧ་རཱ་མ ཨ་ནུ་སྶུ་ཀཱ.
༢༠༠. སུ་སུ་ཁཾ ཝ་ཏ ཛཱི་ཝཱ་མ, ཡེ་སཾ ནོ ན་ཏྠི ཀི་ཉྩ་ནཾ;
པཱི་ཏི་བྷ་ཀྑཱ བྷ་ཝི་སྶཱ་མ, དེ་ཝཱ ཨཱ་བྷ་སྶ་རཱ ཡ་ཐཱ.
༢༠༡. ཛ་ཡཾ ཝེ་རཾ པ་ས་ཝ་ཏི, དུ་ཀྑཾ སེ་ཏི པ་རཱ་ཛི་ཏོ;
ཨུ་པ་ས་ནྟོ སུ་ཁཾ སེ་ཏི, ཧི་ཏྭཱ ཛ་ཡ་པ་རཱ་ཛ་ཡཾ.
༢༠༢. ན་ཏྠི རཱ་ག་ས་མོ ཨ་གྒི, ན་ཏྠི དོ་ས་ས་མོ ཀ་ལི;
ན་ཏྠི ཁ་ནྡྷ་ས་མཱ [ཁ་ནྡྷཱ་དི་སཱ (སཱི. སྱཱ. པཱི. རཱུ་པ་སི་དྡྷི་ཡཱ ས་མེ་ཏི)] དུ་ཀྑཱ, ན་ཏྠི ས་ནྟི་པ་རཾ སུ་ཁཾ.
༢༠༣. ཛི་གྷ་ཙྪཱ་པ་ར་མཱ རོ་གཱ, ས་ངྑཱ་ར་པ་ར་མཱ [ས་ངྐཱ་རཱ པ་ར་མཱ (བ་ཧཱུ་སུ)] དུ་ཁཱ;
ཨེ་ཏཾ ཉ་ཏྭཱ ཡ་ཐཱ་བྷཱུ་ཏཾ, ནི་བྦཱ་ནཾ པ་ར་མཾ སུ་ཁཾ.
༢༠༤. ཨཱ་རོ་གྱ་པ་ར་མཱ ལཱ་བྷཱ, ས་ནྟུ་ཊྛི་པ་ར་མཾ དྷ་ནཾ;
ཝི་སྶཱ་ས་པ་ར་མཱ ཉཱ་ཏི [ཝི་སྶཱ་ས་པ་ར་མོ ཉཱ་ཏི (ཀ. སཱི.), ཝི་སྶཱ་ས་པ་ར་མཱ ཉཱ་ཏཱི (སཱི. ཨ་ཊྛ.), ཝི་སྶཱ་སཱ པ་ར་མཱ ཉཱ་ཏི (ཀ.)], ནི་བྦཱ་ནཾ པ་ར་མཾ [ནི་བྦཱ་ཎ་པ་ར་མཾ (ཀ. སཱི.)] སུ་ཁཾ.
༢༠༥. པ་ཝི་ཝེ་ཀ་ར་སཾ པི་ཏྭཱ [པཱི་ཏྭཱ (སཱི. སྱཱ. ཀཾ. པཱི.)], ར་སཾ ཨུ་པ་ས་མ་སྶ ཙ;
ནི་དྡ་རོ ཧོ་ཏི ནི་པྤཱ་པོ, དྷ་མྨ་པཱི་ཏི་ར་སཾ པི་ཝཾ.
༢༠༦. སཱ་ཧུ ད་སྶ་ན་མ་རི་ཡཱ་ནཾ, ས་ནྣི་ཝཱ་སོ ས་དཱ སུ་ཁོ;
ཨ་ད་སྶ་ནེ་ན བཱ་ལཱ་ནཾ, ནི་ཙྩ་མེ་ཝ སུ་ཁཱི སི་ཡཱ.
༢༠༧. བཱ་ལ་ས་ངྒ་ཏ་ཙཱ་རཱི [བཱ་ལ་ས་ངྒ་ཏི་ཙཱ་རཱི (ཀ.)] ཧི, དཱི་གྷ་མ་དྡྷཱ་ན སོ་ཙ་ཏི;
དུ་ཀྑོ བཱ་ལེ་ཧི སཾ་ཝཱ་སོ, ཨ་མི་ཏྟེ་ནེ་ཝ ས་བྦ་དཱ;
དྷཱི་རོ ཙ སུ་ཁ་སཾ་ཝཱ་སོ, ཉཱ་ཏཱི་ནཾ་ཝ ས་མཱ་ག་མོ.
༢༠༨. ཏ་སྨཱ ཧི –
དྷཱི་ར་ཉྩ པ་ཉྙ་ཉྩ བ་ཧུ་སྶུ་ཏ་ཉྩ, དྷོ་ར་ཡ྄ཧ་སཱི་ལཾ ཝ་ཏ་ཝ་ནྟ་མ་རི་ཡཾ;
ཏཾ ཏཱ་དི་སཾ ས་པྤུ་རི་སཾ སུ་མེ་དྷཾ, བྷ་ཛེ་ཐ ན་ཀྑ་ཏྟ་པ་ཐཾ་ཝ ཙ་ནྡི་མཱ [ཏ་སྨཱ ཧི དྷཱི་རཾ པ་ཉྙ་ཉྩ, བ་ཧུ་སྶུ་ཏ་ཉྩ དྷོ་ར་ཡ྄ཧཾ; སཱི་ལཾ དྷུ་ཏ་ཝ་ཏ་མ་རི་ཡཾ, ཏཾ ཏཱ་དི་སཾ ས་པྤུ་རི་སཾ; སུ་མེ་དྷཾ བྷ་ཛེ་ཐ ན་ཀྑ་ཏྟ་པ་ཐཾ་ཝ ཙ་ནྡི་མཱ; (ཀ.)].
སུ་ཁ་ཝ་གྒོ པ་ནྣ་ར་ས་མོ ནི་ཊྛི་ཏོ.