༡༡. ཛ་རཱ་ཝ་གྒོ
༡༤༦. ཀོ ནུ ཧཱ་སོ [ཀི་ནྣུ ཧཱ་སོ (ཀ.)] ཀི་མཱ་ན་ནྡོ, ནི་ཙྩཾ པ་ཛྫ་ལི་ཏེ ས་ཏི;
ཨ་ནྡྷ་ཀཱ་རེ་ན ཨོ་ན་དྡྷཱ, པ་དཱི་པཾ ན ག་ཝེ་ས་ཐ.
༡༤༧. པ་སྶ ཙི་ཏྟ་ཀ་ཏཾ བི་མྦཾ, ཨ་རུ་ཀཱ་ཡཾ ས་མུ་སྶི་ཏཾ;
ཨཱ་ཏུ་རཾ བ་ཧུ་ས་ངྐ་པྤཾ, ཡ་སྶ ན་ཏྠི དྷུ་ཝཾ ཋི་ཏི.
༡༤༨. པ་རི་ཛི་ཎྞ་མི་དཾ རཱུ་པཾ, རོ་ག་ནཱི་ལ༹ཾ [རོ་ག་ནི་ཌྜྷཾ (སཱི. པཱི.), རོ་ག་ནི་དྡྷཾ (སྱཱ.)] པ་བྷ་ངྒུ་རཾ;
བྷི་ཛྫ་ཏི པཱུ་ཏི་ས་ནྡེ་ཧོ, མ་ར་ཎ་ནྟ་ཉྷི ཛཱི་ཝི་ཏཾ.
༡༤༩. ཡཱ་ནི་མཱ་ནི ཨ་པ་ཏྠཱ་ནི [ཡཱ་ནི་མཱ་ནི ཨ་པ་ཏྠཱ་ནི (སཱི. སྱཱ. པཱི.), ཡཱ་ནི་མཱ་ནི’པ་ཝི་དྡྷཱ་ནི (?)], ཨ་ལཱ་བཱུ་ནེ་ཝ [ཨ་ལཱ་པཱུ་ནེ་ཝ (སཱི. སྱཱ. པཱི.)] སཱ་ར་དེ;
ཀཱ་པོ་ཏ་ཀཱ་ནི ཨ་ཊྛཱི་ནི, ཏཱ་ནི དི་སྭཱ་ན ཀཱ ར་ཏི.
༡༥༠. ཨ་ཊྛཱི་ནཾ ན་ག་རཾ ཀ་ཏཾ, མཾ་ས་ལོ་ཧི་ཏ་ལེ་པ་ནཾ;
ཡ་ཏྠ ཛ་རཱ ཙ མ་ཙྩུ ཙ, མཱ་ནོ མ་ཀྑོ ཙ ཨོ་ཧི་ཏོ.
༡༥༡. ཛཱི་ར་ནྟི ཝེ རཱ་ཛ་ར་ཐཱ སུ་ཙི་ཏྟཱ, ཨ་ཐོ ས་རཱི་ར་མྤི ཛ་རཾ ཨུ་པེ་ཏི;
ས་ཏ་ཉྩ དྷ་མྨོ ན ཛ་རཾ ཨུ་པེ་ཏི, ས་ནྟོ ཧ་ཝེ ས་བྦྷི པ་ཝེ་ད་ཡ་ནྟི.
༡༥༢. ཨ་པྤ་སྶུ་ཏཱ་ཡཾ པུ་རི་སོ, བ་ལི་བ་དྡྷོ་ཝ [བ་ལི་ཝ་དྡོ་ཝ (སཱི. སྱཱ. པཱི.)] ཛཱི་ར་ཏི;
མཾ་སཱ་ནི ཏ་སྶ ཝ་ཌྜྷ་ནྟི, པ་ཉྙཱ ཏ་སྶ ན ཝ་ཌྜྷ་ཏི.
༡༥༣. ཨ་ནེ་ཀ་ཛཱ་ཏི་སཾ་སཱ་རཾ, ས་ནྡྷཱ་ཝི་སྶཾ ཨ་ནི་བྦི་སཾ;
ག་ཧ་ཀཱ་རཾ [ག་ཧ་ཀཱ་ར་ཀཾ (སཱི. སྱཱ. པཱི.)] ག་ཝེ་ས་ནྟོ, དུ་ཀྑཱ ཛཱ་ཏི པུ་ན་པྤུ་ནཾ.
༡༥༤. ག་ཧ་ཀཱ་ར་ཀ དི་ཊྛོ་སི, པུ་ན གེ་ཧཾ ན ཀཱ་ཧ་སི;
ས་བྦཱ ཏེ ཕཱ་སུ་ཀཱ བྷ་གྒཱ, ག་ཧ་ཀཱུ་ཊཾ ཝི་ས་ངྑ་ཏཾ;
ཝི་ས་ངྑཱ་ར་ག་ཏཾ ཙི་ཏྟཾ, ཏ་ཎྷཱ་ནཾ ཁ་ཡ་མ་ཛ྄ཛྷ་གཱ.
༡༥༥. ཨ་ཙ་རི་ཏྭཱ བྲ་ཧྨ་ཙ་རི་ཡཾ, ཨ་ལ་དྡྷཱ ཡོ་བྦ་ནེ དྷ་ནཾ;
ཛི་ཎྞ་ཀོ་ཉྩཱ་ཝ ཛྷཱ་ཡ་ནྟི, ཁཱི་ཎ་མ་ཙྪེ་ཝ པ་ལླ་ལེ.
༡༥༦. ཨ་ཙ་རི་ཏྭཱ བྲ་ཧྨ་ཙ་རི་ཡཾ, ཨ་ལ་དྡྷཱ ཡོ་བྦ་ནེ དྷ་ནཾ;
སེ་ནྟི ཙཱ་པཱ་ཏི་ཁཱི་ཎཱ་ཝ, པུ་རཱ་ཎཱ་ནི ཨ་ནུ་ཏྠུ་ནཾ.
ཛ་རཱ་ཝ་གྒོ ཨེ་ཀཱ་ད་ས་མོ ནི་ཊྛི་ཏོ.