༤. བྷི་ས་ཙ་རི་ཡཱ
༣༤. ‘‘པུ་ནཱ་པ་རཾ ཡ་དཱ ཧོ་མི, ཀཱ་སཱི་ནཾ པུ་ར་ཝ་རུ་ཏྟ་མེ;
བྷ་གི་ནཱི ཙ བྷཱ་ཏ་རོ ས་ཏྟ, ནི་བྦ་ཏྟཱ སོ་ཏྠི་ཡེ ཀུ་ལེ.
༣༥. ‘‘ཨེ་ཏེ་སཾ པུ་བྦ་ཛོ ཨཱ་སིཾ, ཧི་རཱི་སུ་ཀྐ་མུ་པཱ་ག་ཏོ;
བྷ་ཝཾ དི་སྭཱ་ན བྷ་ཡ་ཏོ, ནེ་ཀྑ་མྨཱ་བྷི་ར་ཏོ ཨ་ཧཾ.
༣༦. ‘‘མཱ་ཏཱ་པི་ཏཱུ་ཧི པ་ཧི་ཏཱ, ས་ཧཱ་ཡཱ ཨེ་ཀ་མཱ་ན་སཱ;
ཀཱ་མེ་ཧི མཾ ནི་མ་ནྟེ་ནྟི, ‘ཀུ་ལ་ཝཾ་སཾ དྷ་རེ་ཧི’ཏི.
༣༧. ‘‘ཡཾ ཏེ་སཾ ཝ་ཙ་ནཾ ཝུ་ཏྟཾ, གི་ཧཱི་དྷ་མྨེ སུ་ཁཱ་ཝ་ཧཾ;
ཏཾ མེ ཨ་ཧོ་སི ཀ་ཋི་ནཾ, ཏ་ཏྟ [ས་ནྟ་ཏྟ (ཀ.)] ཕཱ་ལ་ས་མཾ ཝི་ཡ.
༣༨. ‘‘ཏེ མཾ ཏ་དཱ ཨུ་ཀྑི་པ་ནྟཾ, པུ་ཙྪིཾ་སུ པ་ཏྠི་ཏཾ མ་མ;
‘ཀིཾ ཏྭཾ པ་ཏྠ་ཡ་སེ ས་མྨ, ཡ་དི ཀཱ་མེ ན བྷུ་ཉྫ་སི’.
༣༩. ‘‘ཏེ་སཱ་ཧཾ ཨེ་ཝ་མ་ཝ་ཙཾ, ཨ་ཏྠ་ཀཱ་མོ ཧི་ཏེ་སི་ནཾ;
‘ནཱ་ཧཾ པ་ཏྠེ་མི གི་ཧཱི་བྷཱ་ཝཾ, ནེ་ཀྑ་མྨཱ་བྷི་ར་ཏོ ཨ་ཧཾ’.
༤༠. ‘‘ཏེ མ་ཡ྄ཧཾ ཝ་ཙ་ནཾ སུ་ཏྭཱ, པི་ཏུ་མཱ་ཏུ ཙ སཱ་ཝ་ཡུཾ;
མཱ་ཏཱ་པི་ཏཱ ཨེ་ཝ་མཱ་ཧུ, ‘ས་བྦེ་ཝ པ་བྦ་ཛཱ་མ བྷོ’.
༤༡. ‘‘ཨུ་བྷོ མཱ་ཏཱ་པི་ཏཱ མ་ཡ྄ཧཾ, བྷ་གི་ནཱི ཙ ས་ཏྟ བྷཱ་ཏ་རོ;
ཨ་མི་ཏ་དྷ་ནཾ ཚ་ཌྜ་ཡི་ཏྭཱ, པཱ་ཝི་སི་མྷཱ མ་ཧཱ་ཝ་ན’’ནྟི.
བྷི་ས་ཙ་རི་ཡཾ ཙ་ཏུ་ཏྠཾ.