༣. ཙ་མྤེ་ཡྻ་ནཱ་ག་ཙ་རི་ཡཱ

༢༠. ‘‘པུ་ནཱ་པ་རཾ ཡ་དཱ ཧོ་མི, ཙ་མྤེ་ཡྻ་ཀོ མ་ཧི་དྡྷི་ཀོ;

ཏ་དཱ་པི དྷ་མྨི་ཀོ ཨཱ་སིཾ, སཱི་ལ་བྦ་ཏ་ས་མ་པྤི་ཏོ.

༢༡. ‘‘ཏ་དཱ་པི མཾ དྷ་མྨ་ཙཱ་རིཾ, ཨུ་པ་ཝུ་ཏྠཾ ཨུ་པོ་ས་ཐཾ;

ཨ་ཧི་ཏུ་ཎྜི་ཀོ ག་ཧེ་ཏྭཱ་ན, རཱ་ཛ་དྭཱ་ར་མྷི ཀཱི་ལ༹་ཏི.

༢༢. ‘‘ཡཾ ཡཾ སོ ཝ་ཎྞཾ ཙི་ནྟ་ཡི, ནཱི་ལཾ་ཝ པཱི་ཏ་ལོ་ཧི་ཏཾ;

ཏ་སྶ ཙི་ཏྟཱ་ནུ་ཝ་ཏྟ་ནྟོ, ཧོ་མི ཙི་ནྟི་ཏ་ས་ནྣི་བྷོ.

༢༣. ‘‘ཐ་ལཾ ཀ་རེ་ཡྻ་མུ་ད་ཀཾ, ཨུ་ད་ཀ་མྤི ཐ་ལཾ ཀ་རེ;

ཡ་དི་ཧཾ ཏ་སྶ པ་ཀུ་པྤེ་ཡྻཾ, ཁ་ཎེ་ན ཚཱ་རི་ཀཾ ཀ་རེ.

༢༤. ‘‘ཡ་དི ཙི་ཏྟ་ཝ་སཱི ཧེ་སྶཾ, པ་རི་ཧཱ་ཡི་སྶཱ་མི སཱི་ལ་ཏོ;

སཱི་ལེ་ན པ་རི་ཧཱི་ན་སྶ, ཨུ་ཏྟ་མ་ཏྠོ ན སི་ཛ྄ཛྷ་ཏི.

༢༥. ‘‘ཀཱ་མཾ བྷི་ཛྫ་ཏུ་ཡཾ ཀཱ་ཡོ, ཨི་དྷེ་ཝ ཝི་ཀི་རཱི་ཡ་ཏུ;

ནེ་ཝ སཱི་ལཾ པ་བྷི་ནྡེ་ཡྻཾ, ཝི་ཀི་ར་ནྟེ བྷུ་སཾ ཝི་ཡཱ’’ཏི.

ཙ་མྤེ་ཡྻ་ནཱ་ག་ཙ་རི་ཡཾ ཏ་ཏི་ཡཾ.