༢. ས་ངྑ་ཙ་རི་ཡཱ
༡༡. ‘‘པུ་ནཱ་པ་རཾ ཡ་དཱ ཧོ་མི, བྲཱ་ཧྨ་ཎོ ས་ངྑ་ས་ཝ྄ཧ་ཡོ;
མ་ཧཱ་ས་མུ་དྡཾ ཏ་རི་ཏུ་ཀཱ་མོ, ཨུ་པ་ག་ཙྪཱ་མི པ་ཊྚ་ནཾ.
༡༢. ‘‘ཏ་ཏྠ་དྡ་སཾ པ་ཊི་པ་ཐེ, ས་ཡ་མྦྷུཾ ཨ་པ་རཱ་ཛི་ཏཾ;
ཀ་ནྟཱ་ར་དྡྷཱ་ནཾ པ་ཊི་པ་ནྣཾ [ཀ་ནྟཱ་ར་དྡྷཱ་ན་པ་ཊི་པ་ནྣཾ (སཱི. སྱཱ.)], ཏ་ཏྟཱ་ཡ ཀ་ཋི་ན་བྷཱུ་མི་ཡཱ.
༡༣. ‘‘ཏ་མ་ཧཾ པ་ཊི་པ་ཐེ དི་སྭཱ, ཨི་མ་མ་ཏྠཾ ཝི་ཙི་ནྟ་ཡིཾ;
‘ཨི་དཾ ཁེ་ཏྟཾ ཨ་ནུ་པྤ་ཏྟཾ, པུ་ཉྙ་ཀཱ་མ་སྶ ཛ་ནྟུ་ནོ.
༡༤. ‘‘‘ཡ་ཐཱ ཀ་སྶ་ཀོ པུ་རི་སོ, ཁེ་ཏྟཾ དི་སྭཱ མ་ཧཱ་ག་མཾ;
ཏ་ཏྠ བཱི་ཛཾ ན རོ་པེ་ཏི, ན སོ དྷ་ཉྙེ་ན ཨ་ཏྠི་ཀོ.
༡༥. ‘‘‘ཨེ་ཝ་མེ་ཝཱ་ཧཾ པུ་ཉྙ་ཀཱ་མོ, དི་སྭཱ ཁེ་ཏྟ་ཝ་རུ་ཏྟ་མཾ;
ཡ་དི ཏ་ཏྠ ཀཱ་རཾ ན ཀ་རོ་མི, ནཱ་ཧཾ པུ་ཉྙེ་ན ཨ་ཏྠི་ཀོ.
༡༦. ‘‘‘ཡ་ཐཱ ཨ་མ་ཙྩོ མུ་དྡི་ཀཱ་མོ, ར་ཉྙོ ཨ་ནྟེ་པུ་རེ ཛ་ནེ;
ན དེ་ཏི ཏེ་སཾ དྷ་ན་དྷ་ཉྙཾ, མུ་དྡི་ཏོ པ་རི་ཧཱ་ཡ་ཏི.
༡༧. ‘‘‘ཨེ་ཝ་མེ་ཝཱ་ཧཾ པུ་ཉྙ་ཀཱ་མོ, ཝི་པུ་ལཾ དི་སྭཱ་ན ད་ཀྑི་ཎཾ;
ཡ་དི ཏ་སྶ དཱ་ནཾ ན ད་དཱ་མི, པ་རི་ཧཱ་ཡི་སྶཱ་མི པུ་ཉྙ་ཏོ’.
༡༨. ‘‘ཨེ་ཝཱ་ཧཾ ཙི་ནྟ་ཡི་ཏྭཱ་ན, ཨོ་རོ་ཧི་ཏྭཱ ཨུ་པཱ་ཧ་ནཱ;
ཏ་སྶ པཱ་དཱ་ནི ཝ་ནྡི་ཏྭཱ, ཨ་དཱ་སིཾ ཚ་ཏྟུ་པཱ་ཧ་ནཾ.
༡༩. ‘‘ཏེ་ནེ་ཝཱ་ཧཾ ས་ཏ་གུ་ཎ་ཏོ, སུ་ཁུ་མཱ་ལོ སུ་ཁེ་དྷི་ཏོ;
ཨ་པི ཙ དཱ་ནཾ པ་རི་པཱུ་རེ་ནྟོ, ཨེ་ཝཾ ཏ་སྶ ཨ་དཱ་ས་ཧ’’ནྟི.
ས་ངྑ་ཙ་རི་ཡཾ དུ་ཏི་ཡཾ.