༣. ཀུ་རུ་རཱ་ཛ་ཙ་རི་ཡཱ
༢༠. ‘‘པུ་ནཱ་པ་རཾ ཡ་དཱ ཧོ་མི, ཨི་ནྡ་པ་ཏྠེ [ཨི་ནྡ་པ་ཏྟེ (སཱི. ཀ.)] པུ་རུ་ཏྟ་མེ;
རཱ་ཛཱ དྷ་ན་ཉྩ་ཡོ ནཱ་མ, ཀུ་ས་ལེ ད་ས་ཧུ་པཱ་ག་ཏོ.
༢༡. ‘‘ཀ་ལི་ངྒ་ར་ཊྛ་ཝི་ས་ཡཱ, བྲཱ་ཧྨ་ཎཱ ཨུ་པ་ག་ཉྪུ མཾ;
ཨཱ་ཡཱ་ཙུཾ མཾ ཧ་ཏྠི་ནཱ་གཾ, དྷ་ཉྙཾ མ་ངྒ་ལ་ས་མྨ་ཏཾ.
༢༢. ‘‘‘ཨ་ཝུ་ཊྛི་ཀོ ཛ་ན་པ་དོ, དུ་བྦྷི་ཀྑོ ཚཱ་ཏ་ཀོ མ་ཧཱ;
ད་དཱ་ཧི པ་ཝ་རཾ ནཱ་གཾ, ནཱི་ལཾ ཨ་ཉྫ་ན་ས་ཝ྄ཧ་ཡཾ.
༢༣. ‘‘‘ན མེ ཡཱ་ཙ་ཀ་མ་ནུ་པྤ་ཏྟེ, པ་ཊི་ཀྑེ་པོ ཨ་ནུ་ཙྪ་ཝོ;
མཱ མེ བྷི་ཛྫི ས་མཱ་དཱ་ནཾ, ད་སྶཱ་མི ཝི་པུ་ལཾ ག་ཛཾ’.
༢༤. ‘‘ནཱ་གཾ ག་ཧེ་ཏྭཱ སོ་ཎྜཱ་ཡ, བྷི་ངྒཱ་རེ [བྷི་ངྐཱ་རེ (སཱི.)] ར་ཏ་ནཱ་མ་ཡེ;
ཛ་ལཾ ཧ་ཏྠེ ཨཱ་ཀི་རི་ཏྭཱ, བྲཱ་ཧྨ་ཎཱ་ནཾ ཨ་དཾ ག་ཛཾ.
༢༥. ‘‘ཏ་སྶ ནཱ་གེ པ་དི་ནྣ་མྷི, ཨ་མ་ཙྩཱ ཨེ་ཏ་ད་བྲ་ཝུཾ;
‘ཀིཾ ནུ ཏུ་ཡ྄ཧཾ ཝ་རཾ ནཱ་གཾ, ཡཱ་ཙ་ཀཱ་ནཾ པ་ད་སྶ་སི.
༢༦. ‘‘‘དྷ་ཉྙཾ མ་ངྒ་ལ་ས་མྤ་ནྣཾ, ས་ངྒཱ་མ་ཝི་ཛ་ཡུ་ཏྟ་མཾ;
ཏ་སྨིཾ ནཱ་གེ པ་དི་ནྣ་མྷི, ཀིཾ ཏེ ར་ཛྫཾ ཀ་རི་སྶ་ཏི.
༢༧. ‘‘‘ར་ཛྫ་མྤི མེ ད་དེ ས་བྦཾ, ས་རཱི་རཾ ད་ཛྫ་མ་ཏྟ་ནོ;
ས་བྦ་ཉྙུ་ཏཾ པི་ཡཾ མ་ཡ྄ཧཾ, ཏ་སྨཱ ནཱ་གཾ ཨ་དཱ་ས་ཧ’’’ནྟི.
ཀུ་རུ་རཱ་ཛ་ཙ་རི་ཡཾ ཏ་ཏི་ཡཾ.