༧. རེ་ཝ་ཏ་བུ་དྡྷ་ཝཾ་སོ
༡. སུ་མ་ན་སྶ ཨ་པ་རེ་ན, རེ་ཝ་ཏོ ནཱ་མ ནཱ་ཡ་ཀོ;
ཨ་ནཱུ་པ་མོ ཨ་ས་དི་སོ, ཨ་ཏུ་ལོ ཨུ་ཏྟ་མོ ཛི་ནོ.
༢. སོ་པི དྷ་མྨཾ པ་ཀཱ་སེ་སི, བྲ་ཧྨུ་ནཱ ཨ་བྷི་ཡཱ་ཙི་ཏོ;
ཁ་ནྡྷ་དྷཱ་ཏུ་ཝ་ཝ་ཏྠཱ་ནཾ, ཨ་པྤ་ཝ་ཏྟཾ བྷ་ཝཱ་བྷ་ཝེ.
༣. ཏ་སྶཱ་བྷི་ས་མ་ཡཱ ཏཱི་ཎི, ཨ་ཧེ་སུཾ དྷ་མྨ་དེ་ས་ནེ;
ག་ཎ་ནཱ་ཡ ན ཝ་ཏྟ་བྦོ, པ་ཋ་མཱ་བྷི་ས་མ་ཡོ ཨ་ཧུ.
༤. ཡ་དཱ ཨ་རི་ནྡ་མཾ རཱ་ཛཾ [རཱ་ཛཱ་ནཾ (ཀ.)], ཝི་ནེ་སི རེ་ཝ་ཏོ མུ་ནི;
ཏ་དཱ ཀོ་ཊི་ས་ཧ་སྶཱ་ནཾ, དུ་ཏི་ཡཱ་བྷི་ས་མ་ཡོ ཨ་ཧུ.
༥. ས་ཏྟཱ་ཧཾ པ་ཊི་ས་ལླཱ་ནཱ, ཝུ་ཊྛ་ཧི་ཏྭཱ ན་རཱ་ས་བྷོ;
ཀོ་ཊི་ས་ཏཾ ན་ར་མ་རཱུ་ནཾ, ཝི་ནེ་སི ཨུ་ཏྟ་མེ ཕ་ལེ.
༦. ས་ནྣི་པཱ་ཏཱ ཏ་ཡོ ཨཱ་སུཾ, རེ་ཝ་ཏ་སྶ མ་ཧེ་སི་ནོ;
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, སུ་ཝི་མུ་ཏྟཱ་ན ཏཱ་དི་ནཾ.
༧. ཨ་ཏི་ཀྐ་ནྟཱ ག་ཎ་ན་པ་ཐཾ, པ་ཋ་མཾ ཡེ ས་མཱ་ག་ཏཱ;
ཀོ་ཊི་ས་ཏ་ས་ཧ་སྶཱ་ནཾ, དུ་ཏི་ཡོ ཨཱ་སི ས་མཱ་ག་མོ.
༨. ཡོ་པི [ཡོ སོ (སྱཱ. ཀཾ. ཀ.)] པ་ཉྙཱ་ཡ ཨ་ས་མོ, ཏ་སྶ ཙ་ཀྐཱ་ནུ་ཝ་ཏྟ་ཀོ;
སོ ཏ་དཱ བྱཱ་དྷི་ཏོ ཨཱ་སི, པ་ཏྟོ ཛཱི་ཝི་ཏ་སཾ་ས་ཡཾ.
༩. ཏ་སྶ གི་ལཱ་ན་པུ་ཙྪཱ་ཡ, ཡེ ཏ་དཱ ཨུ་པ་ག་ཏཱ མུ་ནཱི;
ཀོ་ཊི་ས་ཧ་སྶཱ ཨ་ར་ཧ་ནྟོ, ཏ་ཏི་ཡོ ཨཱ་སི ས་མཱ་ག་མོ.
༡༠. ཨ་ཧཾ ཏེ་ན ས་མ་ཡེ་ན, ཨ་ཏི་དེ་ཝོ ནཱ་མ བྲཱ་ཧྨ་ཎོ;
ཨུ་པ་ག་ནྟྭཱ རེ་ཝ་ཏཾ བུ་དྡྷཾ, ས་ར་ཎཾ ཏ་སྶ ག་ཉྪ་ཧཾ.
༡༡. ཏ་སྶ སཱི་ལཾ ས་མཱ་དྷི་ཉྩ, པ་ཉྙཱ་གུ་ཎ་མ་ནུ་ཏྟ་མཾ;
ཐོ་མ་ཡི་ཏྭཱ ཡ་ཐཱ་ཐཱ་མཾ, ཨུ་ཏྟ་རཱི་ཡ་མ་དཱ་ས་ཧཾ.
༡༢. སོ་པི མཾ བུ་དྡྷོ བྱཱ་ཀཱ་སི, རེ་ཝ་ཏོ ལོ་ཀ་ནཱ་ཡ་ཀོ;
‘‘ཨ་པ་རི་མེ་ཡྻི་ཏོ ཀ་པྤེ, ཨ་ཡཾ བུ་དྡྷོ བྷ་ཝི་སྶ་ཏི.
༡༣. ‘‘པ་དྷཱ་ནཾ པ་ད་ཧི་ཏྭཱ་ན…པེ… ཧེ་སྶཱ་མ ས་མྨུ་ཁཱ ཨི་མཾ’’.
༡༤. ཏ་སྶཱ་པི ཝ་ཙ་ནཾ སུ་ཏྭཱ, བྷི་ཡྻོ ཙི་ཏྟཾ པ་སཱ་ད་ཡིཾ;
ཨུ་ཏྟ་རིཾ ཝ་ཏ་མ་དྷི་ཊྛཱ་སིཾ, ད་ས་པཱ་ར་མི་པཱུ་རི་ཡཱ.
༡༥. ཏ་དཱ་པི ཏཾ བུ་དྡྷ་དྷ་མྨཾ, ས་རི་ཏྭཱ ཨ་ནུ་བྲཱུ་ཧ་ཡིཾ;
ཨཱ་ཧ་རི་སྶཱ་མི ཏཾ དྷ་མྨཾ, ཡཾ མ་ཡ྄ཧཾ ཨ་བྷི་པ་ཏྠི་ཏཾ.
༡༦. ན་ག་རཾ སུ་དྷ་ཉྙ་ཝ་ཏཱི ནཱ་མ [སུ་དྷ་མྨ་ཀཾ ནཱ་མ (སཱི.), སུ་དྷ་ཉྙ་ཀཾ ནཱ་མ (སྱཱ.)], ཝི་པུ་ལོ ནཱ་མ ཁ་ཏྟི་ཡོ;
ཝི་པུ་ལཱ ནཱ་མ ཛ་ནི་ཀཱ, རེ་ཝ་ཏ་སྶ མ་ཧེ་སི་ནོ.
༡༧. ཚ ཙ ཝ་སྶ་ས་ཧ་སྶཱ་ནི [ཚ་བྦ་སྶ་ས་ཧ་སྶཱ་ནི (སཱི. སྱཱ.)], ཨ་གཱ་རཾ ཨ་ཛ྄ཛྷ སོ ཝ་སི;
སུ་ད་སྶ་ནོ ར་ཏ་ན་གྒྷི, ཨཱ་ཝེ་ལོ༹ ཙ ཝི་བྷཱུ་སི་ཏོ;
པུ་ཉྙ་ཀ་མྨཱ་བྷི་ནི་བྦ་ཏྟཱ, ཏ་ཡོ པཱ་སཱ་ད་མུ་ཏྟ་མཱ.
༡༨. ཏེ་ཏྟིཾ་ས ཙ ས་ཧ་སྶཱ་ནི, ནཱ་རི་ཡོ ས་མ་ལ་ངྐ་ཏཱ;
སུ་ད་སྶ་ནཱ ནཱ་མ ནཱ་རཱི, ཝ་རུ་ཎོ ནཱ་མ ཨ་ཏྲ་ཛོ.
༡༩. ནི་མི་ཏྟེ ཙ་ཏུ་རོ དི་སྭཱ, ར་ཐ་ཡཱ་ནེ་ན ནི་ཀྑ་མི;
ཨ་ནཱུ་ན་ས་ཏྟ་མཱ་སཱ་ནི, པ་དྷཱ་ནཾ པ་ད་ཧཱི ཛི་ནོ.
༢༠. བྲ་ཧྨུ་ནཱ ཡཱ་ཙི་ཏོ ས་ནྟོ, རེ་ཝ་ཏོ ལོ་ཀ་ནཱ་ཡ་ཀོ;
ཝ་ཏྟི ཙ་ཀྐཾ མ་ཧཱ་ཝཱི་རོ, ཝ་རུ་ཎཱ་རཱ་མེ སི་རཱི་གྷ་རེ.
༢༡. ཝ་རུ་ཎོ བྲ་ཧྨ་དེ་ཝོ ཙ, ཨ་ཧེ་སུཾ ཨ་གྒ་སཱ་ཝ་ཀཱ;
ས་མྦྷ་ཝོ ནཱ་མུ་པ་ཊྛཱ་ཀོ, རེ་ཝ་ཏ་སྶ མ་ཧེ་སི་ནོ.
༢༢. བྷ་དྡཱ ཙེ་ཝ སུ་བྷ་དྡཱ ཙ, ཨ་ཧེ་སུཾ ཨ་གྒ་སཱ་ཝི་ཀཱ;
སོ་པི བུ་དྡྷོ ཨ་ས་མ་ས་མོ, ནཱ་ག་མཱུ་ལེ ཨ་བུ་ཛ྄ཛྷ་ཐ.
༢༣. པ་དུ་མོ ཀུ་ཉྫ་རོ ཙེ་ཝ, ཨ་ཧེ་སུཾ ཨ་གྒུ་པ་ཊྛི་ཀཱ;
སི་རཱི་མཱ ཙེ་ཝ ཡ་ས་ཝ་ཏཱི, ཨ་ཧེ་སུཾ ཨ་གྒུ་པ་ཊྛི་ཀཱ.
༢༤. ཨུ་ཙྩ་ཏྟ་ནེ་ན སོ བུ་དྡྷོ, ཨ་སཱི་ཏི་ཧ་ཏྠ་མུ་གྒ་ཏོ;
ཨོ་བྷཱ་སེ་ཏི དི་སཱ ས་བྦཱ, ཨི་ནྡ་ཀེ་ཏུ་ཝ ཨུ་གྒ་ཏོ.
༢༥. ཏ་སྶ ས་རཱི་རེ ནི་བྦ་ཏྟཱ, པ་བྷཱ་མཱ་ལཱ ཨ་ནུ་ཏྟ་རཱ;
དི་ཝཱ ཝཱ ཡ་དི ཝཱ ར་ཏྟིཾ, ས་མ་ནྟཱ ཕ་ར་ཏི ཡོ་ཛ་ནཾ.
༢༦. ས་ཊྛི་ཝ་སྶ་ས་ཧ་སྶཱ་ནི, ཨཱ་ཡུ ཝི་ཛྫ་ཏི ཏཱ་ཝ་དེ;
ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.
༢༧. ད་སྶ་ཡི་ཏྭཱ བུ་དྡྷ་བ་ལཾ, ཨ་མ་ཏཾ ལོ་ཀེ པ་ཀཱ་ས་ཡཾ;
ནི་བྦཱ་ཡི ཨ་ནུ་པཱ་དཱ་ནོ, ཡ་ཐ་གྒུ་པཱ་དཱ་ན་ས་ངྑ་ཡཱ.
༢༨. སོ ཙ ཀཱ་ཡོ ར་ཏ་ན་ནི་བྷོ, སོ ཙ དྷ་མྨོ ཨ་སཱ་དི་སོ;
ས་བྦཾ ཏ་མ་ནྟ་ར་ཧི་ཏཾ, ན་ནུ རི་ཏྟཱ ས་བྦ་ས་ངྑཱ་རཱ.
༢༩. རེ་ཝ་ཏོ ཡ་ས་དྷ་རོ བུ་དྡྷོ, ནི་བྦུ་ཏོ སོ མ་ཧཱ་པུ་རེ;
དྷཱ་ཏུ་ཝི་ཏྠཱ་རི་ཀཾ ཨཱ་སི, ཏེ་སུ ཏེ་སུ པ་དེ་ས་ཏོ་ཏི.
རེ་ཝ་ཏ་སྶ བྷ་ག་ཝ་ཏོ ཝཾ་སོ པ་ཉྩ་མོ.