༦. སུ་མ་ན་བུ་དྡྷ་ཝཾ་སོ
༡. མ་ངྒ་ལ་སྶ ཨ་པ་རེ་ན, སུ་མ་ནོ ནཱ་མ ནཱ་ཡ་ཀོ;
ས་བྦ་དྷ་མྨེ་ཧི ཨ་ས་མོ, ས་བྦ་ས་ཏྟཱ་ན་མུ་ཏྟ་མོ.
༢. ཏ་དཱ ཨ་མ་ཏ་བྷེ་རིཾ སོ, ཨཱ་ཧ་ནཱི མེ་ཁ་ལེ པུ་རེ;
དྷ་མྨ་ས་ངྑ་ས་མཱ་ཡུ་ཏྟཾ, ན་ཝ་ངྒཾ ཛི་ན་སཱ་ས་ནཾ.
༣. ནི་ཛྫི་ནི་ཏྭཱ ཀི་ལེ་སེ སོ, པ་ཏྭཱ ས་མྦོ་དྷི་མུ་ཏྟ་མཾ;
མཱ་པེ་སི ན་ག་རཾ ས་ཏྠཱ, ས་དྡྷ་མྨ་པུ་ར་ཝ་རུ་ཏྟ་མཾ.
༤. ནི་ར་ནྟ་རཾ ཨ་ཀུ་ཊི་ལཾ, ཨུ་ཛུཾ ཝི་པུ་ལ་ཝི་ཏྠ་ཏཾ;
མཱ་པེ་སི སོ མ་ཧཱ་ཝཱི་ཐིཾ, ས་ཏི་པ་ཊྛཱ་ན་ཝ་རུ་ཏྟ་མཾ.
༥. ཕ་ལེ ཙ་ཏྟཱ་རི སཱ་མ་ཉྙེ, ཙ་ཏ་སྶོ པ་ཊི་ས་མྦྷི་དཱ;
ཚ་ལ༹་བྷི་ཉྙཱ་ཊྛ་ས་མཱ་པ་ཏྟཱི, པ་སཱ་རེ་སི ཏ་ཏྠ ཝཱི་ཐི་ཡཾ.
༦. ཡེ ཨ་པྤ་མ་ཏྟཱ ཨ་ཁི་ལཱ, ཧི་རི་ཝཱི་རི་ཡེ་ཧུ་པཱ་ག་ཏཱ;
ཏེ ཏེ ཨི་མེ གུ་ཎ་ཝ་རེ, ཨཱ་དི་ཡ་ནྟི ཡ་ཐཱ སུ་ཁཾ.
༧. ཨེ་ཝ་མེ་ཏེ་ན ཡོ་གེ་ན, ཨུ་དྡྷ་ར་ནྟོ མ་ཧཱ་ཛ་ནཾ;
བོ་དྷེ་སི པ་ཋ་མཾ ས་ཏྠཱ, ཀོ་ཊི་ས་ཏ་ས་ཧ་སྶི་ཡོ.
༨. ཡ་མྷི ཀཱ་ལེ མ་ཧཱ་ཝཱི་རོ, ཨོ་ཝ་དཱི ཏི་ཏྠི་ཡེ ག་ཎེ;
ཀོ་ཊི་ས་ཧ་སྶཱ་བྷི་ས་མིཾ་སུ [ཀོ་ཊི་ས་ཏ་ས་ཧ་སྶཱ་ནི (སྱཱ. ཀཾ.), ཀོ་ཊི་ས་ཏ་ས་ཧ་སྶཱ་ནཾ (ཀ.)], དུ་ཏི་ཡེ དྷ་མྨ་དེ་ས་ནེ.
༩. ཡ་དཱ དེ་ཝཱ མ་ནུ་སྶཱ ཙ, ས་མ་གྒཱ ཨེ་ཀ་མཱ་ན་སཱ;
ནི་རོ་དྷ་པ་ཉྷཾ པུ་ཙྪིཾ་སུ, སཾ་ས་ཡ་ཉྩཱ་པི མཱ་ན་སཾ.
༡༠. ཏ་དཱ་པི དྷ་མྨ་དེ་ས་ནེ, ནི་རོ་དྷ་པ་རི་དཱི་པ་ནེ;
ན་ཝུ་ཏི་ཀོ་ཊི་ས་ཧ་སྶཱ་ནཾ, ཏ་ཏི་ཡཱ་བྷི་ས་མ་ཡོ ཨ་ཧུ.
༡༡. ས་ནྣི་པཱ་ཏཱ ཏ་ཡོ ཨཱ་སུཾ, སུ་མ་ན་སྶ མ་ཧེ་སི་ནོ;
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, ས་ནྟ་ཙི་ཏྟཱ་ན ཏཱ་དི་ནཾ.
༡༢. ཝ་སྶཾ་ཝུ་ཏྠ་སྶ བྷ་ག་ཝ་ཏོ, ཨ་བྷི་གྷུ་ཊྛེ པ་ཝཱ་ར་ཎེ;
ཀོ་ཊི་ས་ཏ་ས་ཧ་སྶེ་ཧི, པ་ཝཱ་རེ་སི ཏ་ཐཱ་ག་ཏོ.
༡༣. ཏ་ཏོ་པ་རཾ ས་ནྣི་པཱ་ཏེ, ཝི་མ་ལེ ཀ་ཉྩ་ན་པ་བྦ་ཏེ;
ན་ཝུ་ཏི་ཀོ་ཊི་ས་ཧ་སྶཱ་ནཾ, དུ་ཏི་ཡོ ཨཱ་སི ས་མཱ་ག་མོ.
༡༤. ཡ་དཱ ས་ཀྐོ དེ་ཝ་རཱ་ཛཱ, བུ་དྡྷ་ད་སྶ་ནུ་པཱ་ག་མི;
ཨ་སཱི་ཏི་ཀོ་ཊི་ས་ཧ་སྶཱ་ནཾ, ཏ་ཏི་ཡོ ཨཱ་སི ས་མཱ་ག་མོ.
༡༥. ཨ་ཧཾ ཏེ་ན ས་མ་ཡེ་ན, ནཱ་ག་རཱ་ཛཱ མ་ཧི་དྡྷི་ཀོ;
ཨ་ཏུ་ལོ ནཱ་མ ནཱ་མེ་ན, ཨུ་སྶ་ནྣ་ཀུ་ས་ལ་ས་ཉྩ་ཡོ.
༡༦. ཏ་དཱ་ཧཾ ནཱ་ག་བྷཱ་ཝ་ནཱ, ནི་ཀྑ་མི་ཏྭཱ ས་ཉཱ་ཏི་བྷི;
ནཱ་གཱ་ནཾ དི་བྦ་ཏུ་རི་ཡེ་ཧི, ས་ས་ངྒྷཾ ཛི་ན་མུ་པ་ཊྛ་ཧིཾ.
༡༧. ཀོ་ཊི་ས་ཏ་ས་ཧ་སྶཱ་ནཾ, ཨ་ནྣ་པཱ་ནེ་ན ཏ་པྤ་ཡིཾ;
པ་ཙྩེ་ཀ་དུ་སྶ་ཡུ་གཾ ད་ཏྭཱ, ས་ར་ཎཾ ཏ་མུ་པཱ་ག་མིཾ.
༡༨. སོ་པི མཾ བུ་དྡྷོ བྱཱ་ཀཱ་སི, སུ་མ་ནོ ལོ་ཀ་ནཱ་ཡ་ཀོ;
‘‘ཨ་པ་རི་མེ་ཡྻི་ཏོ ཀ་པྤེ, ཨ་ཡཾ བུ་དྡྷོ བྷ་ཝི་སྶ་ཏི.
༡༩. ‘‘པ་དྷཱ་ནཾ པ་ད་ཧི་ཏྭཱ་ན…པེ… ཧེ་སྶཱ་མ ས་མྨུ་ཁཱ ཨི་མཾ’’.
༢༠. ཏ་སྶཱ་པི ཝ་ཙ་ནཾ སུ་ཏྭཱ, བྷི་ཡྻོ ཙི་ཏྟཾ པ་སཱ་ད་ཡིཾ;
ཨུ་ཏྟ་རིཾ ཝ་ཏ་མ་དྷི་ཊྛཱ་སིཾ, ད་ས་པཱ་ར་མི་པཱུ་རི་ཡཱ.
༢༡. ན་ག་རཾ མེ་ཁ་ལཾ ནཱ་མ [མེ་ཁ་ལཾ ནཱ་མ ན་ག་རཾ (སཱི. སྱཱ.)], སུ་ད་ཏྟོ ནཱ་མ ཁ་ཏྟི་ཡོ;
སི་རི་མཱ ནཱ་མ ཛ་ནི་ཀཱ, སུ་མ་ན་སྶ མ་ཧེ་སི་ནོ.
༢༢. ན་ཝ་ཝ་སྶ་ས་ཧ་སྶཱ་ནི, ཨ་གཱ་རཾ ཨ་ཛ྄ཛྷ སོ ཝ་སི;
ཙ་ནྡོ སུ་ཙ་ནྡོ ཝ་ཊཾ་སོ ཙ, ཏ་ཡོ པཱ་སཱ་ད་མུ་ཏྟ་མཱ.
༢༣. ཏེ་ས་ཊྛི་ས་ཏ་ས་ཧ་སྶཱ་ནི, ནཱ་རི་ཡོ ས་མ་ལ་ངྐ་ཏཱ;
ཝ་ཊཾ་སི་ཀཱ ནཱ་མ ནཱ་རཱི, ཨ་ནཱུ་པ་མོ ནཱ་མ ཨ་ཏྲ་ཛོ.
༢༤. ནི་མི་ཏྟེ ཙ་ཏུ་རོ དི་སྭཱ, ཧ་ཏྠི་ཡཱ་ནེ་ན ནི་ཀྑ་མི;
ཨ་ནཱུ་ན་ད་ས་མཱ་སཱ་ནི, པ་དྷཱ་ནཾ པ་ད་ཧཱི ཛི་ནོ.
༢༥. བྲ་ཧྨུ་ནཱ ཡཱ་ཙི་ཏོ ས་ནྟོ, སུ་མ་ནོ ལོ་ཀ་ནཱ་ཡ་ཀོ;
ཝ་ཏྟི ཙ་ཀྐཾ མ་ཧཱ་ཝཱི་རོ, མེ་ཁ་ལེ པུ་ར་མུ་ཏྟ་མེ.
༢༦. ས་ར་ཎོ བྷཱ་ཝི་ཏ་ཏྟོ ཙ, ཨ་ཧེ་སུཾ ཨ་གྒ་སཱ་ཝ་ཀཱ;
ཨུ་དེ་ནོ ནཱ་མུ་པ་ཊྛཱ་ཀོ, སུ་མ་ན་སྶ མ་ཧེ་སི་ནོ.
༢༧. སོ་ཎཱ ཙ ཨུ་པ་སོ་ཎཱ ཙ, ཨ་ཧེ་སུཾ ཨ་གྒ་སཱ་ཝི་ཀཱ;
སོ་པི བུ་དྡྷོ ཨ་མི་ཏ་ཡ་སོ, ནཱ་ག་མཱུ་ལེ ཨ་བུ་ཛ྄ཛྷ་ཐ.
༢༨. ཝ་རུ་ཎོ ཙེ་ཝ ས་ར་ཎོ ཙ, ཨ་ཧེ་སུཾ ཨ་གྒུ་པ་ཊྛ་ཀཱ;
ཙཱ་ལཱ ཙ ཨུ་པ་ཙཱ་ལཱ ཙ, ཨ་ཧེ་སུཾ ཨ་གྒུ་པ་ཊྛི་ཀཱ.
༢༩. ཨུ་ཙྩ་ཏྟ་ནེ་ན [ཨུ་ཙྩ་ཏ་རེ་ན (ཀ.)] སོ བུ་དྡྷོ, ན་ཝུ་ཏི་ཧ་ཏྠ་མུ་གྒ་ཏོ;
ཀ་ཉྩ་ན་གྒྷི་ཡ་ས་ངྐཱ་སོ, ད་ས་ས་ཧ་སྶཱི ཝི་རོ་ཙ་ཏི.
༣༠. ན་ཝུ་ཏི་ཝ་སྶ་ས་ཧ་སྶཱ་ནི, ཨཱ་ཡུ ཝི་ཛྫ་ཏི ཏཱ་ཝ་དེ;
ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.
༣༡. ཏཱ་ར་ཎཱི་ཡེ ཏཱ་ར་ཡི་ཏྭཱ, བོ་དྷ་ནཱི་ཡེ ཙ བོ་དྷ་ཡི;
པ་རི་ནི་བྦཱ་ཡི ས་མྦུ་དྡྷོ, ཨུ་ལུ༹་རཱ་ཛཱ་ཝ ཨ་ཏྠ་མི.
༣༢. ཏེ ཙ ཁཱི་ཎཱ་ས་ཝཱ བྷི་ཀྑཱུ, སོ ཙ བུ་དྡྷོ ཨ་སཱ་དི་སོ;
ཨ་ཏུ་ལ་པྤ་བྷཾ ད་སྶ་ཡི་ཏྭཱ, ནི་བྦུ་ཏཱ ཡེ མ་ཧཱ་ཡ་སཱ.
༣༣. ཏ་ཉྩ ཉཱ་ཎཾ ཨ་ཏུ་ལི་ཡཾ, ཏཱ་ནི ཙ ཨ་ཏུ་ལཱ་ནི ར་ཏ་ནཱ་ནི;
ས་བྦཾ ཏ་མ་ནྟ་ར་ཧི་ཏཾ, ན་ནུ རི་ཏྟཱ ས་བྦ་ས་ངྑཱ་རཱ.
༣༤. སུ་མ་ནོ ཡ་ས་དྷ་རོ བུ་དྡྷོ, ཨ་ངྒཱ་རཱ་མ་མྷི ནི་བྦུ་ཏོ;
ཏ་ཏྠེ་ཝ ཏ་སྶ ཛི་ན་ཐཱུ་པོ, ཙ་ཏུ་ཡོ་ཛ་ན་མུ་གྒ་ཏོ་ཏི.
སུ་མ་ན་སྶ བྷ་ག་ཝ་ཏོ ཝཾ་སོ ཙ་ཏུ་ཏྠོ.