༢༩. དྷཱ་ཏུ་བྷཱ་ཛ་ནཱི་ཡ་ཀ་ཐཱ
༡. མ་ཧཱ་གོ་ཏ་མོ ཛི་ན་ཝ་རོ, ཀུ་སི་ནཱ་ར་མྷི ནི་བྦུ་ཏོ;
དྷཱ་ཏུ་ཝི་ཏྠཱ་རི་ཀཾ ཨཱ་སི, ཏེ་སུ ཏེ་སུ པ་དེ་ས་ཏོ.
༢. ཨེ་ཀོ ཨ་ཛཱ་ཏ་ས་ཏྟུ་སྶ, ཨེ་ཀོ ཝེ་སཱ་ལི་ཡཱ པུ་རེ;
ཨེ་ཀོ ཀ་པི་ལ་ཝ་ཏྠུ་སྨིཾ, ཨེ་ཀོ ཙ ཨ་ལླ་ཀ་པྤ་ཀེ.
༣. ཨེ་ཀོ ཙ རཱ་མ་གཱ་མ་མྷི, ཨེ་ཀོ ཙ ཝེ་ཋ་དཱི་པ་ཀེ;
ཨེ་ཀོ པཱ་ཝེ་ཡྻ་ཀེ མ་ལླེ, ཨེ་ཀོ ཙ ཀོ་སི་ནཱ་ར་ཀེ.
༤. ཀུ་མྦྷ་སྶ ཐཱུ་པཾ ཀཱ་རེ་སི, བྲཱ་ཧྨ་ཎོ དོ་ཎ་ས་ཝ྄ཧ་ཡོ;
ཨ་ངྒཱ་ར་ཐཱུ་པཾ ཀཱ་རེ་སུཾ, མོ་རི་ཡཱ ཏུ་ཊྛ་མཱ་ན་སཱ.
༥. ཨ་ཊྛ སཱ་རཱི་རི་ཀཱ ཐཱུ་པཱ, ན་ཝ་མོ ཀུ་མྦྷ་ཙེ་ཏི་ཡོ;
ཨ་ངྒཱ་ར་ཐཱུ་པོ ད་ས་མོ, ཏ་དཱ་ཡེ་ཝ པ་ཏི་ཊྛི་ཏོ.
༦. ཨུ་ཎྷཱི་སཾ ཙ་ཏ་སྶོ དཱ་ཋཱ, ཨ་ཀྑ་ཀཱ དྭེ ཙ དྷཱ་ཏུ་ཡོ;
ཨ་ས་མྦྷི་ནྣཱ ཨི་མཱ ས་ཏྟ, སེ་སཱ བྷི་ནྣཱ་ཝ དྷཱ་ཏུ་ཡོ.
༧. མ་ཧ་ནྟཱ མུ་གྒ་མ་ཏྟཱ ཙ [མུ་གྒ་མཱ་སཱ་ཝ (ཀ.)], མ་ཛ྄ཛྷི་མཱ བྷི་ནྣ་ཏ་ཎྜུ་ལཱ;
ཁུ་དྡ་ཀཱ སཱ་ས་པ་མ་ཏྟཱ ཙ, ནཱ་ནཱ་ཝ་ཎྞཱ ཙ དྷཱ་ཏུ་ཡོ.
༨. མ་ཧ་ནྟཱ སུ་ཝ་ཎྞ་ཝ་ཎྞཱ ཙ, མུ་ཏྟ་ཝ་ཎྞཱ ཙ མ་ཛ྄ཛྷི་མཱ;
ཁུ་དྡ་ཀཱ མ་ཀུ་ལ་ཝ་ཎྞཱ ཙ, སོ་ལ༹་ས་དོ་ཎ་མ་ཏྟི་ཀཱ.
༩. མ་ཧ་ནྟཱ པ་ཉྩ ནཱ་ལི༹་ཡོ, ནཱ་ལི༹་ཡོ པ་ཉྩ མ་ཛ྄ཛྷི་མཱ;
ཁུ་དྡ་ཀཱ ཚ ནཱ་ལཱི༹ ཙེ་ཝ, ཨེ་ཏཱ ས་བྦཱ་པི དྷཱ་ཏུ་ཡོ.
༡༠. ཨུ་ཎྷཱི་སཾ སཱི་ཧ་ལེ༹ དཱི་པེ, བྲ་ཧྨ་ལོ་ཀེ ཙ ཝཱ་མ་ཀཾ;
སཱི་ཧ་ལེ༹ ད་ཀྑི་ཎ་ཀྑ་ཉྩ, ས་བྦཱ་པེ་ཏཱ པ་ཏི་ཊྛི་ཏཱ.
༡༡. ཨེ་ཀཱ དཱ་ཋཱ ཏི་ད་ས་པུ་རེ, ཨེ་ཀཱ ནཱ་ག་པུ་རེ ཨ་ཧུ;
ཨེ་ཀཱ ག་ནྡྷཱ་ར་ཝི་ས་ཡེ, ཨེ་ཀཱ ཀ་ལི་ངྒ་རཱ་ཛི་ནོ.
༡༢. ཙ་ཏྟཱ་ལཱི་ས་ས་མཱ ད་ནྟཱ, ཀེ་སཱ ལོ་མཱ ཙ ས་བྦ་སོ;
དེ་ཝཱ ཧ་རིཾ་སུ ཨེ་ཀེ་ཀཾ, ཙ་ཀྐ་ཝཱ་ལ༹་པ་ར་མྤ་རཱ.
༡༣. ཝ་ཛི་རཱ་ཡཾ བྷ་ག་ཝ་ཏོ, པ་ཏྟོ ད་ཎྜ་ཉྩ ཙཱི་ཝ་རཾ;
ནི་ཝཱ་ས་ནཾ ཀུ་ལ་གྷ་རེ, པ་ཙྩ་ཏྠ་ར་ཎཾ ཀ་པི་ལ་ཝ྄ཧ་ཡེ [སི་ལ་ཝ྄ཧ་ཡེ (སྱཱ.)].
༡༤. པཱ་ཊ་ལི་པུ་ཏྟ་པུ་ར་མྷི, ཀ་ར་ཎཾ ཀཱ་ཡ་བ་ནྡྷ་ནཾ;
ཙ་མྤཱ་ཡུ་ད་ཀ་སཱ་ཊི་ཡཾ, ཨུ་ཎྞ་ལོ་མ་ཉྩ ཀོ་ས་ལེ.
༡༥. ཀཱ་སཱ་ཝཾ བྲ་ཧྨ་ལོ་ཀེ ཙ, ཝེ་ཋ་ནཾ ཏི་ད་སེ པུ་རེ;
ནི་སཱི་ད་ནཾ ཨ་ཝ་ནྟཱི་སུ, ར་ཊྛེ [དེ་ཝ་ར་ཊྛེ (སྱཱ.)] ཨ་ཏྠ་ར་ཎཾ ཏ་དཱ.
༡༦. ཨ་ར་ཎཱི ཙ མི་ཐི་ལཱ་ཡཾ, ཝི་དེ་ཧེ པ་རི་སཱ་ཝ་ནཾ;
ཝཱ་སི སཱུ་ཙི་གྷ་ར་ཉྩཱ་པི, ཨི་ནྡ་པ་ཏྠ་པུ་རེ ཏ་དཱ.
༡༧. པ་རི་ཀྑཱ་རཱ ཨ་ཝ་སེ་སཱ, ཛ་ན་པ་དེ ཨ་པ་ར་ནྟ་ཀེ;
པ་རི་བྷུ་ཏྟཱ་ནི མུ་ནི་ནཱ, ཨ་ཀཾ་སུ མ་ནུ་ཛཱ ཏ་དཱ.
༡༨. དྷཱ་ཏུ་ཝི་ཏྠཱ་རི་ཀཾ ཨཱ་སི, གོ་ཏ་མ་སྶ མ་ཧེ་སི་ནོ;
པཱ་ཎཱི་ནཾ ཨ་ནུ་ཀ་མྤཱ་ཡ, ཨ་ཧུ པོ་རཱ་ཎི་ཀཾ ཏ་དཱ་ཏི.
དྷཱ་ཏུ་བྷཱ་ཛ་ནཱི་ཡ་ཀ་ཐཱ ནི་ཊྛི་ཏཱ.