༢༧. གོ་ཏ་མ་བུ་དྡྷ་ཝཾ་སོ
༡. ཨ་ཧ་མེ་ཏ་ར་ཧི ས་མྦུ་དྡྷོ [བུ་དྡྷོ (སཱི.)], གོ་ཏ་མོ ས་ཀྱ་ཝ་ཌྜྷ་ནོ;
པ་དྷཱ་ནཾ པ་ད་ཧི་ཏྭཱ་ན, པ་ཏྟོ ས་མྦོ་དྷི་མུ་ཏྟ་མཾ.
༢. བྲ་ཧྨུ་ནཱ ཡཱ་ཙི་ཏོ ས་ནྟོ, དྷ་མྨ་ཙ་ཀྐཾ པ་ཝ་ཏྟ་ཡིཾ;
ཨ་ཊྛཱ་ར་ས་ནྣཾ ཀོ་ཊཱི་ནཾ, པ་ཋ་མཱ་བྷི་ས་མ་ཡོ ཨ་ཧུ.
༣. ཏ་ཏོ པ་ར་ཉྩ དེ་སེ་ནྟེ, ན་ར་དེ་ཝ་ས་མཱ་ག་མེ;
ག་ཎ་ནཱ་ཡ ན ཝ་ཏྟ་བྦོ, དུ་ཏི་ཡཱ་བྷི་ས་མ་ཡོ ཨ་ཧུ.
༤. ཨི་དྷེ་ཝཱ་ཧཾ ཨེ་ཏ་ར་ཧི, ཨོ་ཝ་དིཾ མ་མ ཨ་ཏྲ་ཛཾ;
ག་ཎ་ནཱ་ཡ ན ཝ་ཏྟ་བྦོ, ཏ་ཏི་ཡཱ་བྷི་ས་མ་ཡོ ཨ་ཧུ.
༥. ཨེ་ཀོ་སི ས་ནྣི་པཱ་ཏོ མེ, སཱ་ཝ་ཀཱ་ནཾ མ་ཧེ་སི་ནཾ;
ཨ་ཌྜྷ་ཏེ་ལ༹་ས་ས་ཏཱ་ནཾ, བྷི་ཀྑཱུ་ནཱ་སི ས་མཱ་ག་མོ.
༦. ཝི་རོ་ཙ་མཱ་ནོ ཝི་མ་ལོ, བྷི་ཀྑུ་ས་ངྒྷ་སྶ མ་ཛ྄ཛྷ་གོ;
ད་དཱ་མི པ་ཏྠི་ཏཾ ས་བྦཾ, མ་ཎཱི་ཝ ས་བྦ་ཀཱ་མ་དོ.
༧. ཕ་ལ་མཱ་ཀ་ངྑ་མཱ་ནཱ་ནཾ, བྷ་ཝ་ཙྪ་ནྡ་ཛ་ཧེ་སི་ནཾ;
ཙ་ཏུ་ས་ཙྩཾ པ་ཀཱ་སེ་མི, ཨ་ནུ་ཀ་མྤཱ་ཡ པཱ་ཎི་ནཾ.
༨. ད་ས་ཝཱི་ས་ས་ཧ་སྶཱ་ནཾ, དྷ་མྨཱ་བྷི་ས་མ་ཡོ ཨ་ཧུ;
ཨེ་ཀ་དྭི་ནྣཾ ཨ་བྷི་ས་མ་ཡོ, ག་ཎ་ནཱ་ཏོ ཨ་ས་ངྑི་ཡོ.
༩. ཝི་ཏྠཱ་རི་ཀཾ བཱ་ཧུ་ཛ་ཉྙཾ, ཨི་དྡྷཾ ཕཱི་ཏཾ སུ་ཕུ་ལླི་ཏཾ;
ཨི་དྷ མ་ཡ྄ཧཾ ས་ཀྱ་མུ་ནི་ནོ, སཱ་ས་ནཾ སུ་ཝི་སོ་དྷི་ཏཾ.
༡༠. ཨ་ནཱ་ས་ཝཱ ཝཱི་ཏ་རཱ་གཱ, ས་ནྟ་ཙི་ཏྟཱ ས་མཱ་ཧི་ཏཱ;
བྷི་ཀྑཱུ་ནེ་ཀ་ས་ཏཱ ས་བྦེ, པ་རི་ཝཱ་རེ་ནྟི མཾ ས་དཱ.
༡༡. ཨི་དཱ་ནི ཡེ ཨེ་ཏ་ར་ཧི, ཛ་ཧ་ནྟི མཱ་ནུ་སཾ བྷ་ཝཾ;
ཨ་པྤ་ཏྟ་མཱ་ན་སཱ སེ་ཁཱ, ཏེ བྷི་ཀྑཱུ ཝི་ཉྙུ་ག་ར་ཧི་ཏཱ.
༡༢. ཨ་རི་ཡ་ཉྩ སཾ་ཐོ་མ་ཡ་ནྟཱ, ས་དཱ དྷ་མྨ་ར་ཏཱ ཛ་ནཱ;
བུ་ཛ྄ཛྷི་སྶ་ནྟི ས་ཏི་མ་ནྟོ, སཾ་སཱ་ར་ས་རི་ཏཾ ག་ཏཱ.
༡༣. ན་ག་རཾ ཀ་པི་ལ་ཝ་ཏྠུ མེ, རཱ་ཛཱ སུ་དྡྷོ་ད་ནོ པི་ཏཱ;
མ་ཡ྄ཧཾ ཛ་ནེ་ཏྟི་ཀཱ མཱ་ཏཱ, མཱ་ཡཱ་དེ་ཝཱི་ཏི ཝུ་ཙྩ་ཏི.
༡༤. ཨེ་ཀཱུ་ན་ཏིཾ་ས་ཝ་སྶཱ་ནི, ཨ་གཱ་རཾ ཨ་ཛ྄ཛྷ་ཧཾ ཝ་སིཾ;
ར་མྨོ སུ་ར་མྨོ སུ་བྷ་ཀོ, ཏ་ཡོ པཱ་སཱ་ད་མུ་ཏྟ་མཱ.
༡༥. ཙ་ཏྟཱ་རཱི་ས་ས་ཧ་སྶཱ་ནི, ནཱ་རི་ཡོ ས་མ་ལ་ངྐ་ཏཱ;
བྷ་དྡ་ཀ་ཉྩ་ནཱ ནཱ་མ ནཱ་རཱི, རཱ་ཧུ་ལོ ནཱ་མ ཨ་ཏྲ་ཛོ.
༡༦. ནི་མི་ཏྟེ ཙ་ཏུ་རོ དི་སྭཱ, ཨ་སྶ་ཡཱ་ནེ་ན ནི་ཀྑ་མིཾ;
ཚ་བྦ་སྶཾ པ་དྷཱ་ན་ཙཱ་རཾ, ཨ་ཙ་རིཾ དུ་ཀྐ་རཾ ཨ་ཧཾ.
༡༧. བཱ་རཱ་ཎ་སི་ཡཾ ཨི་སི་པ་ཏ་ནེ, ཙ་ཀྐཾ པ་ཝ་ཏྟི་ཏཾ མ་ཡཱ;
ཨ་ཧཾ གོ་ཏ་མ་ས་མྦུ་དྡྷོ, ས་ར་ཎཾ ས་བྦ་པཱ་ཎི་ནཾ.
༡༨. ཀོ་ལི་ཏོ ཨུ་པ་ཏི་སྶོ ཙ, དྭེ བྷི་ཀྑཱུ ཨ་གྒ་སཱ་ཝ་ཀཱ;
ཨཱ་ན་ནྡོ ནཱ་མུ་པ་ཊྛཱ་ཀོ, ས་ནྟི་ཀཱ་ཝ་ཙ་རོ མ་མ;
ཁེ་མཱ ཨུ་པྤ་ལ་ཝ་ཎྞཱ ཙ, བྷི་ཀྑུ་ནཱི ཨ་གྒ་སཱ་ཝི་ཀཱ.
༡༩. ཙི་ཏྟོ ཧ་ཏྠཱ་ལ༹་ཝ་ཀོ ཙ, ཨ་གྒུ་པ་ཊྛཱ་ཀུ་པཱ་ས་ཀཱ;
ན་ནྡ་མཱ་ཏཱ ཙ ཨུ་ཏྟ་རཱ, ཨ་གྒུ་པ་ཊྛི་ཀུ་པཱ་སི་ཀཱ.
༢༠. ཨ་ཧཾ ཨ་སྶ་ཏྠ་མཱུ་ལ་མྷི, པ་ཏྟོ ས་མྦོ་དྷི་མུ་ཏྟ་མཾ;
བྱཱ་མ་པྤ་བྷཱ ས་དཱ མ་ཡ྄ཧཾ, སོ་ལ༹་ས་ཧ་ཏྠ་མུ་གྒ་ཏཱ.
༢༡. ཨ་པྤཾ ཝ་སྶ་ས་ཏཾ ཨཱ་ཡུ, ཨི་དཱ་ནེ་ཏ་ར་ཧི ཝི་ཛྫ་ཏི;
ཏཱ་ཝ་ཏཱ ཏི་ཊྛ་མཱ་ནོ་ཧཾ, ཏཱ་རེ་མི ཛ་ན་ཏཾ བ་ཧུཾ.
༢༢. ཋ་པ་ཡི་ཏྭཱ་ན དྷ་མྨུ་ཀྐཾ, པ་ཙྪི་མཾ ཛ་ན་བོ་དྷ་ནཾ;
ཨ་ཧ་མྤི ན་ཙི་ར་སྶེ་ཝ, ས་དྡྷིཾ སཱ་ཝ་ཀ་ས་ངྒྷ་ཏོ;
ཨི་དྷེ་ཝ པ་རི་ནི་བྦི་སྶཾ, ཨ་གྒཱི ཝཱ་ཧཱ་ར་ས་ངྑ་ཡཱ.
༢༣. ཏཱ་ནི ཙ ཨ་ཏུ་ལ་ཏེ་ཛཱ་ནི, ཨི་མཱ་ནི ཙ ད་ས་བ་ལཱ་ནི [ཡ་ས་བ་ལཱ་ནི (ཨ་ཊྛ.)];
ཨ་ཡ་ཉྩ གུ་ཎ་དྷཱ་ར་ཎོ དེ་ཧོ, དྭ་ཏྟིཾ་ས་ཝ་ར་ལ་ཀྑ་ཎ་ཝི་ཙི་ཏྟོ.
༢༤. ད་ས དི་སཱ པ་བྷཱ་སེ་ཏྭཱ, ས་ཏ་རཾ་སཱི་ཝ ཚ་པྤ་བྷཱ;
ས་བྦཾ ཏ་མ་ནྟ་ར་ཧི་སྶ་ནྟི, ན་ནུ རི་ཏྟཱ ས་བྦ་ས་ངྑཱ་རཱ་ཏི.
གོ་ཏ་མ་སྶ བྷ་ག་ཝ་ཏོ ཝཾ་སོ པ་ཉྩ་ཝཱི་ས་ཏི་མོ.