༢༦. ཀ་སྶ་པ་བུ་དྡྷ་ཝཾ་སོ
༡. ཀོ་ཎཱ་ག་མ་ན་སྶ ཨ་པ་རེ་ན, ས་མྦུ་དྡྷོ དྭི་པ་དུ་ཏྟ་མོ;
ཀ་སྶ་པོ ནཱ་མ གོ་ཏྟེ་ན, དྷ་མྨ་རཱ་ཛཱ པ་བྷ་ངྐ་རོ.
༢. ས་ཉྪ་ཌྜི་ཏཾ ཀུ་ལ་མཱུ་ལཾ, བ་ཧྭ་ནྣ་པཱ་ན་བྷོ་ཛ་ནཾ;
ད་ཏྭཱ་ན ཡཱ་ཙ་ཀེ དཱ་ནཾ, པཱུ་ར་ཡི་ཏྭཱ་ན མཱ་ན་སཾ;
ཨུ་ས་བྷོ་ཝ ཨཱ་ལ༹་ཀཾ བྷེ་ཏྭཱ, པ་ཏྟོ ས་མྦོ་དྷི་མུ་ཏྟ་མཾ.
༣. དྷ་མྨ་ཙ་ཀྐཾ པ་ཝ་ཏྟེ་ནྟེ, ཀ་སྶ་པེ ལོ་ཀ་ནཱ་ཡ་ཀེ;
ཝཱི་ས་ཀོ་ཊི་ས་ཧ་སྶཱ་ནཾ, པ་ཋ་མཱ་བྷི་ས་མ་ཡོ ཨ་ཧུ.
༤. ཙ་ཏུ་མཱ་སཾ ཡ་དཱ བུ་དྡྷོ, ལོ་ཀེ ཙ་ར་ཏི ཙཱ་རི་ཀཾ;
ད་ས་ཀོ་ཊི་ས་ཧ་སྶཱ་ནཾ, དུ་ཏི་ཡཱ་བྷི་ས་མ་ཡོ ཨ་ཧུ.
༥. ཡ་མ་ཀཾ ཝི་ཀུ་བྦ་ནཾ ཀ་ཏྭཱ, ཉཱ་ཎ་དྷཱ་ཏུཾ པ་ཀི་ཏྟ་ཡི;
པ་ཉྩ་ཀོ་ཊི་ས་ཧ་སྶཱ་ནཾ, ཏ་ཏི་ཡཱ་བྷི་ས་མ་ཡོ ཨ་ཧུ.
༦. སུ་དྷ་མྨཱ དེ་ཝ་པུ་རེ ར་མྨེ, ཏ་ཏྠ དྷ་མྨཾ པ་ཀི་ཏྟ་ཡི;
ཏཱི་ཎི་ཀོ་ཊི་ས་ཧ་སྶཱ་ནཾ, དེ་ཝཱ་ནཾ བོ་དྷ་ཡཱི ཛི་ནོ.
༧. ན་ར་དེ་ཝ་སྶ ཡ་ཀྑ་སྶ, ཨ་པ་རེ དྷ་མྨ་དེ་ས་ནེ;
ཨེ་ཏེ་སཱ་ནཾ ཨ་བྷི་ས་མ་ཡཱ, ག་ཎ་ནཱ་ཏོ ཨ་ས་ངྑི་ཡཱ.
༨. ཏ་སྶཱ་པི དེ་ཝ་དེ་ཝ་སྶ, ཨེ་ཀོ ཨཱ་སི ས་མཱ་ག་མོ;
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, ས་ནྟ་ཙི་ཏྟཱ་ན ཏཱ་དི་ནཾ.
༩. ཝཱི་ས་བྷི་ཀྑུ་ས་ཧ་སྶཱ་ནཾ, ཏ་དཱ ཨཱ་སི ས་མཱ་ག་མོ;
ཨ་ཏི་ཀྐ་ནྟ་བྷ་ཝ་ནྟཱ་ནཾ, ཧི་རི་སཱི་ལེ་ན ཏཱ་དི་ནཾ.
༡༠. ཨ་ཧཾ ཏ་དཱ མཱ་ཎ་ཝ་ཀོ, ཛོ་ཏི་པཱ་ལོ་ཏི ཝི་སྶུ་ཏོ;
ཨ་ཛ྄ཛྷཱ་ཡ་ཀོ མ་ནྟ་དྷ་རོ, ཏི་ཎྞཾ ཝེ་དཱ་ན པཱ་ར་གཱུ.
༡༡. ལ་ཀྑ་ཎེ ཨི་ཏི་ཧཱ་སེ ཙ, ས་དྷ་མྨེ པཱ་ར་མིཾ ག་ཏོ;
བྷཱུ་མ་ནྟ་ལི་ཀྑ་ཀུ་ས་ལོ, ཀ་ཏ་ཝི་ཛྫོ ཨ་ནཱ་ཝ་ཡོ.
༡༢. ཀ་སྶ་པ་སྶ བྷ་ག་ཝ་ཏོ, གྷ་ཊི་ཀཱ་རོ ནཱ་མུ་པ་ཊྛཱ་ཀོ;
ས་གཱ་ར་ཝོ ས་པྤ་ཏི་སྶོ, ནི་བྦུ་ཏོ ཏ་ཏི་ཡེ ཕ་ལེ.
༡༣. ཨཱ་དཱ་ཡ མཾ གྷ་ཊཱི་ཀཱ་རོ, ཨུ་པ་ག་ཉྪི ཀ་སྶ་པཾ ཛི་ནཾ;
ཏ་སྶ དྷ་མྨཾ སུ་ཎི་ཏྭཱ་ན, པ་བྦ་ཛིཾ ཏ་སྶ ས་ནྟི་ཀེ.
༡༤. ཨཱ་ར་དྡྷ་ཝཱི་རི་ཡོ ཧུ་ཏྭཱ, ཝ་ཏྟཱ་ཝ་ཏྟེ་སུ ཀོ་ཝི་དོ;
ན ཀྭ་ཙི པ་རི་ཧཱ་ཡཱ་མི, པཱུ་རེ་སིཾ ཛི་ན་སཱ་ས་ནཾ.
༡༥. ཡཱ་ཝ་ཏཱ བུ་དྡྷ་བྷ་ཎི་ཏཾ, ན་ཝ་ངྒཾ ཛི་ན་སཱ་ས་ནཾ;
ས་བྦཾ པ་རི་ཡཱ་པུ་ཎི་ཏྭཱ་ན, སོ་བྷ་ཡིཾ ཛི་ན་སཱ་ས་ནཾ.
༡༦. མ་མ ཨ་ཙྪ་རི་ཡཾ དི་སྭཱ, སོ་པི བུ་དྡྷོ ཝི་ཡཱ་ཀ་རི;
‘‘ཨི་མ་མྷི བྷ་དྡ་ཀེ ཀ་པྤེ, ཨ་ཡཾ བུ་དྡྷོ བྷ་ཝི་སྶ་ཏི.
༡༧. ‘‘ཨ་ཧུ ཀ་པི་ལ་ཝ྄ཧ་ཡཱ ར་མྨཱ, ནི་ཀྑ་མི་ཏྭཱ ཏ་ཐཱ་ག་ཏོ;
པ་དྷཱ་ནཾ པ་ད་ཧི་ཏྭཱ་ན, ཀ་ཏྭཱ དུ་ཀྐ་ར་ཀཱ་རི་ཀཾ.
༡༨. ‘‘ཨ་ཛ་པཱ་ལ་རུ་ཀྑ་མཱུ་ལེ, ནི་སཱི་དི་ཏྭཱ ཏ་ཐཱ་ག་ཏོ;
ཏ་ཏྠ པཱ་ཡཱ་སཾ པ་གྒ་ཡ྄ཧ, ནེ་ར་ཉྫ་ར་མུ་པེ་ཧི་ཏི.
༡༩. ‘‘ནེ་ར་ཉྫ་རཱ་ཡ ཏཱི་ར་མྷི, པཱ་ཡཱ་སཾ པ་རི་བྷུ་ཉྫི་ཡ;
པ་ཊི་ཡ་ཏྟ་ཝ་ར་མ་གྒེ་ན, བོ་དྷི་མཱུ་ལ་མུ་པེ་ཧི་ཏི.
༢༠. ‘‘ཏ་ཏོ པ་ད་ཀྑི་ཎཾ ཀ་ཏྭཱ, བོ་དྷི་མ་ཎྜཾ ཨ་ནུ་ཏྟ་རོ;
ཨ་པ་རཱ་ཛི་ཏ་ཊྛཱ་ན་མྷི [ཨ་པ་རཱ་ཛི་ཏ་ནི་ས་བྷ་ཊྛཱ་ནེ (ཀ.)], བོ་དྷི་པ་ལླ་ངྐ་མུ་ཏྟ་མེ;
པ་ལླ་ངྐེ་ན ནི་སཱི་དི་ཏྭཱ, བུ་ཛ྄ཛྷི་སྶ་ཏི མ་ཧཱ་ཡ་སོ.
༢༡. ‘‘ཨི་མ་སྶ ཛ་ནི་ཀཱ མཱ་ཏཱ, མཱ་ཡཱ ནཱ་མ བྷ་ཝི་སྶ་ཏི;
པི་ཏཱ སུ་དྡྷོ་ད་ནོ ནཱ་མ, ཨ་ཡཾ ཧེ་སྶ་ཏི གོ་ཏ་མོ.
༢༢. ‘‘ཨ་ནཱ་ས་ཝཱ ཝཱི་ཏ་རཱ་གཱ, ས་ནྟ་ཙི་ཏྟཱ ས་མཱ་ཧི་ཏཱ;
ཀོ་ལི་ཏོ ཨུ་པ་ཏི་སྶོ ཙ, ཨ་གྒཱ ཧེ་སྶ་ནྟི སཱ་ཝ་ཀཱ;
ཨཱ་ན་ནྡོ ནཱ་མུ་པ་ཊྛཱ་ཀོ, ཨུ་པ་ཊྛི་སྶ་ཏི་མཾ ཛི་ནཾ.
༢༣. ‘‘ཁེ་མཱ ཨུ་པྤ་ལ་ཝ་ཎྞཱ ཙ, ཨ་གྒཱ ཧེ་སྶ་ནྟི སཱ་ཝི་ཀཱ;
ཨ་ནཱ་ས་ཝཱ ས་ནྟ་ཙི་ཏྟཱ, ཝཱི་ཏ་རཱ་གཱ ས་མཱ་ཧི་ཏཱ;
བོ་དྷི ཏ་སྶ བྷ་ག་ཝ་ཏོ, ཨ་སྶ་ཏྠོ་ཏི པ་ཝུ་ཙྩ་ཏི.
༢༤. ‘‘ཙི་ཏྟོ ཧ་ཏྠཱ་ལ༹་ཝ་ཀོ ཙ, ཨ་གྒཱ ཧེ་སྶ་ནྟུ་པ་ཊྛ་ཀཱ;
ན་ནྡ་མཱ་ཏཱ ཙ ཨུ་ཏྟ་རཱ, ཨ་གྒཱ ཧེ་སྶ་ནྟུ་པ་ཊྛི་ཀཱ’’.
༢༥. ཨི་དཾ སུ་ཏྭཱ་ན ཝ་ཙ་ནཾ, ཨ་སྶ་མ་སྶ མ་ཧེ་སི་ནོ;
ཨཱ་མོ་དི་ཏཱ ན་ར་མ་རཱུ, བུ་དྡྷ་བཱི་ཛཾ ཀི་ར ཨ་ཡཾ.
༢༦. ཨུ་ཀྐུ་ཊྛི་ས་དྡཱ པ་ཝ་ཏྟ་ནྟི, ཨ་པྥོ་ཊེ་ནྟི ཧ་ས་ནྟི ཙ;
ཀ་ཏ་ཉྫ་ལཱི ན་མ་སྶ་ནྟི, ད་ས་ས་ཧ་སྶཱི ས་དེ་ཝ་ཀཱ.
༢༧. ‘‘ཡ་དི་མ་སྶ ལོ་ཀ་ནཱ་ཐ་སྶ, ཝི་ར་ཛ྄ཛྷི་སྶཱ་མ སཱ་ས་ནཾ;
ཨ་ནཱ་ག་ཏ་མྷི ཨ་དྡྷཱ་ནེ, ཧེ་སྶཱ་མ ས་མྨུ་ཁཱ ཨི་མཾ.
༢༨. ‘‘ཡ་ཐཱ མ་ནུ་སྶཱ ན་དིཾ ཏ་ར་ནྟཱ, པ་ཊི་ཏི་ཏྠཾ ཝི་ར་ཛ྄ཛྷི་ཡ;
ཧེ་ཊྛཱ ཏི་ཏྠེ ག་ཧེ་ཏྭཱ་ན, ཨུ་ཏྟ་ར་ནྟི མ་ཧཱ་ན་དིཾ.
༢༩. ‘‘ཨེ་ཝ་མེ་ཝ མ་ཡཾ ས་བྦེ, ཡ་དི མུ་ཉྩཱ་མི་མཾ ཛི་ནཾ;
ཨ་ནཱ་ག་ཏ་མྷི ཨ་དྡྷཱ་ནེ, ཧེ་སྶཱ་མ ས་མྨུ་ཁཱ ཨི་མཾ’’.
༣༠. ཏ་སྶཱ་པི ཝ་ཙ་ནཾ སུ་ཏྭཱ, བྷི་ཡྻོ ཙི་ཏྟཾ པ་སཱ་ད་ཡིཾ;
ཨུ་ཏྟ་རིཾ ཝ་ཏ་མ་དྷི་ཊྛཱ་སིཾ, ད་ས་པཱ་ར་མི་པཱུ་རི་ཡཱ.
༣༡. ཨེ་ཝ་མ་ཧཾ སཾ་ས་རི་ཏྭཱ, པ་རི་ཝ་ཛྫེ་ནྟོ ཨ་ནཱ་ཙ་རཾ;
དུ་ཀྐ་ར་ཉྩ ཀ་ཏཾ མ་ཡ྄ཧཾ, བོ་དྷི་ཡཱ་ཡེ་ཝ ཀཱ་ར་ཎཱ.
༣༢. ན་ག་རཾ བཱ་རཱ་ཎ་སཱི ནཱ་མ, ཀི་ཀཱི ནཱ་མཱ་སི ཁ་ཏྟི་ཡོ;
ཝ་ས་ཏེ ཏ་ཏྠ ན་ག་རེ, ས་མྦུ་དྡྷ་སྶ མ་ཧཱ་ཀུ་ལཾ.
༣༣. བྲཱ་ཧྨ་ཎོ བྲ་ཧྨ་ད་ཏྟོ་ཝ, ཨཱ་སི བུ་དྡྷ་སྶ སོ པི་ཏཱ;
དྷ་ན་ཝ་ཏཱི ནཱ་མ ཛ་ནི་ཀཱ, ཀ་སྶ་པ་སྶ མ་ཧེ་སི་ནོ.
༣༤. དུ་ཝེ ཝ་སྶ་ས་ཧ་སྶཱ་ནི, ཨ་གཱ་རཾ ཨ་ཛ྄ཛྷ སོ ཝ་སི;
ཧཾ་སོ ཡ་སོ སི་རི་ན་ནྡོ, ཏ་ཡོ པཱ་སཱ་ད་མུ་ཏྟ་མཱ.
༣༥. ཏི་སོ་ལ༹་ས་ས་ཧ་སྶཱ་ནི, ནཱ་རི་ཡོ ས་མ་ལ་ངྐ་ཏཱ;
སུ་ན་ནྡཱ ནཱ་མ སཱ ནཱ་རཱི, ཝི་ཛི་ཏ་སེ་ནོ ནཱ་མ ཨ་ཏྲ་ཛོ.
༣༦. ནི་མི་ཏྟེ ཙ་ཏུ་རོ དི་སྭཱ, པཱ་སཱ་དེ་ནཱ་བྷི་ནི་ཀྑ་མི;
ས་ཏྟཱ་ཧཾ པ་དྷཱ་ན་ཙཱ་རཾ, ཨ་ཙ་རཱི པུ་རི་སུ་ཏྟ་མོ.
༣༧. བྲ་ཧྨུ་ནཱ ཡཱ་ཙི་ཏོ ས་ནྟོ, ཀ་སྶ་པོ ལོ་ཀ་ནཱ་ཡ་ཀོ;
ཝ་ཏྟི ཙ་ཀྐཾ མ་ཧཱ་ཝཱི་རོ, མི་ག་དཱ་ཡེ ན་རུ་ཏྟ་མོ.
༣༨. ཏི་སྶོ ཙ བྷཱ་ར་དྭཱ་ཛོ ཙ, ཨ་ཧེ་སུཾ ཨ་གྒ་སཱ་ཝ་ཀཱ;
ས་བྦ་མི་ཏྟོ ནཱ་མུ་པ་ཊྛཱ་ཀོ, ཀ་སྶ་པ་སྶ མ་ཧེ་སི་ནོ.
༣༩. ཨ་ནུ་ལཱ༹ ཨུ་རུ་ཝེ་ལཱ༹ ཙ, ཨ་ཧེ་སུཾ ཨ་གྒ་སཱ་ཝི་ཀཱ;
བོ་དྷི ཏ་སྶ བྷ་ག་ཝ་ཏོ, ནི་གྲོ་དྷོ་ཏི པ་ཝུ་ཙྩ་ཏི.
༤༠. སུ་མ་ངྒ་ལོ གྷ་ཊི་ཀཱ་རོ ཙ, ཨ་ཧེ་སུཾ ཨ་གྒུ་པ་ཊྛ་ཀཱ;
ཝི་ཙི་ཏ་སེ་ནཱ བྷ་དྡཱ [བྷ་དྲཱ (ཀ.)] ཙ, ཨ་ཧེ་སུཾ ཨ་གྒུ་པ་ཊྛི་ཀཱ.
༤༡. ཨུ་ཙྩ་ཏྟ་ནེ་ན སོ བུ་དྡྷོ, ཝཱི་ས་ཏི་ར་ཏ་ནུ་གྒ་ཏོ;
ཝི་ཛྫུ་ལ་ཊྛཱི་ཝ ཨཱ་ཀཱ་སེ, ཙ་ནྡོ་ཝ ག་ཧ་པཱུ་རི་ཏོ.
༤༢. ཝཱི་ས་ཏི་ཝ་སྶ་ས་ཧ་སྶཱ་ནི, ཨཱ་ཡུ ཏ་སྶ མ་ཧེ་སི་ནོ;
ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.
༤༣. དྷ་མྨ་ཏ་ལཱ༹་ཀཾ མཱ་པ་ཡི་ཏྭཱ, སཱི་ལཾ ད་ཏྭཱ ཝི་ལེ་པ་ནཾ;
དྷ་མྨ་དུ་སྶཾ ནི་ཝཱ་སེ་ཏྭཱ, དྷ་མྨ་མཱ་ལཾ ཝི་བྷ་ཛྫི་ཡ.
༤༤. དྷ་མྨ་ཝི་མ་ལ་མཱ་དཱ་སཾ, ཋ་པ་ཡི་ཏྭཱ མ་ཧཱ་ཛ་ནེ;
ཀེ་ཙི ནི་བྦཱ་ནཾ པ་ཏྠེ་ནྟཱ, པ་སྶ་ནྟུ མེ ཨ་ལ་ངྐ་རཾ.
༤༥. སཱི་ལ་ཀ་ཉྩུ་ཀཾ ད་ཏྭཱ་ན, ཛྷཱ་ན་ཀ་ཝ་ཙ་ཝ་མྨི་ཏཾ;
དྷ་མྨ་ཙ་མྨཾ པཱ་རུ་པི་ཏྭཱ, ད་ཏྭཱ ས་ནྣཱ་ཧ་མུ་ཏྟ་མཾ.
༤༦. ས་ཏི་ཕ་ལ་ཀཾ ད་ཏྭཱ་ན, ཏི་ཁི་ཎ་ཉཱ་ཎ་ཀུ་ནྟི་མཾ;
དྷ་མྨ་ཁ་གྒ་ཝ་རཾ ད་ཏྭཱ, སཱི་ལ་སཾ་ས་གྒ་མ་དྡ་ནཾ.
༤༧. ཏེ་ཝི་ཛྫཱ་བྷཱུ་ས་ནཾ ད་ཏྭཱ་ན, ཨཱ་ཝེ་ལ༹ཾ ཙ་ཏུ་རོ ཕ་ལེ;
ཚ་ལ༹་བྷི་ཉྙཱ་བྷ་ར་ཎཾ ད་ཏྭཱ, དྷ་མྨ་པུ་པྥ་པི་ལ༹་ནྡྷ་ནཾ.
༤༨. ས་དྡྷ་མྨ་པ་ཎྜ་ར་ཙྪ་ཏྟཾ, ད་ཏྭཱ པཱ་པ་ནི་ཝཱ་ར་ཎཾ;
མཱ་པ་ཡི་ཏྭཱ་བྷ་ཡཾ པུ་པྥཾ, ནི་བྦུ་ཏོ སོ ས་སཱ་ཝ་ཀོ.
༤༩. ཨེ་སོ ཧི ས་མྨཱ་ས་མྦུ་དྡྷོ, ཨ་པྤ་མེ་ཡྻོ དུ་རཱ་ས་དོ;
ཨེ་སོ ཧི དྷ་མྨ་ར་ཏ་ནོ, སྭཱ་ཀྑཱ་ཏོ ཨེ་ཧི་པ་སྶི་ཀོ.
༥༠. ཨེ་སོ ཧི ས་ངྒྷ་ར་ཏ་ནོ, སུ་པྤ་ཊི་པ་ནྣོ ཨ་ནུ་ཏྟ་རོ;
ས་བྦཾ ཏ་མ་ནྟ་ར་ཧི་ཏཾ, ན་ནུ རི་ཏྟཱ ས་བྦ་ས་ངྑཱ་རཱ.
༥༡. མ་ཧཱ་ཀ་སྶ་པོ ཛི་ནོ ས་ཏྠཱ, སེ་ཏ་བྱཱ་རཱ་མ་མྷི ནི་བྦུ་ཏོ;
ཏ་ཏྠེ་ཝ་སྶ ཛི་ན་ཐཱུ་པོ, ཡོ་ཛ་ནུ་བྦེ་དྷ་མུ་གྒ་ཏོ་ཏི.
ཀ་སྶ་པ་སྶ བྷ་ག་ཝ་ཏོ ཝཾ་སོ ཙ་ཏུ་ཝཱི་ས་ཏི་མོ.