༢༥. ཀོ་ཎཱ་ག་མ་ན་བུ་དྡྷ་ཝཾ་སོ
༡. ཀ་ཀུ་ས་ནྡྷ་སྶ ཨ་པ་རེ་ན, ས་མྦུ་དྡྷོ དྭི་པ་དུ་ཏྟ་མོ;
ཀོ་ཎཱ་ག་མ་ནོ ནཱ་མ ཛི་ནོ, ལོ་ཀ་ཛེ་ཊྛོ ན་རཱ་ས་བྷོ.
༢. ད་ས་དྷ་མྨེ པཱུ་ར་ཡི་ཏྭཱ་ན, ཀ་ནྟཱ་རཾ ས་མ་ཏི་ཀྐ་མི;
པ་ཝཱ་ཧི་ཡ མ་ལཾ ས་བྦཾ, པ་ཏྟོ ས་མྦོ་དྷི་མུ་ཏྟ་མཾ.
༣. དྷ་མྨ་ཙ་ཀྐཾ པ་ཝ་ཏྟེ་ནྟེ, ཀོ་ཎཱ་ག་མ་ན་ནཱ་ཡ་ཀེ;
ཏིཾ་ས་ཀོ་ཊི་ས་ཧ་སྶཱ་ནཾ, པ་ཋ་མཱ་བྷི་ས་མ་ཡོ ཨ་ཧུ.
༤. པཱ་ཊི་ཧཱི་རཾ ཀ་རོ་ནྟེ ཙ, པ་ར་ཝཱ་ད་པྤ་མ་དྡ་ནེ;
ཝཱི་ས་ཏི་ཀོ་ཊི་ས་ཧ་སྶཱ་ནཾ, དུ་ཏི་ཡཱ་བྷི་ས་མ་ཡོ ཨ་ཧུ.
༥. ཏ་ཏོ ཝི་ཀུ་བྦ་ནཾ ཀ་ཏྭཱ, ཛི་ནོ དེ་ཝ་པུ་རཾ ག་ཏོ;
ཝ་ས་ཏེ ཏ་ཏྠ ས་མྦུ་དྡྷོ, སི་ལཱ་ཡ པ་ཎྜུ་ཀ་མྦ་ལེ.
༦. པ་ཀ་ར་ཎེ ས་ཏྟ དེ་སེ་ནྟོ, ཝ་སྶཾ ཝ་ས་ཏི སོ མུ་ནི;
ད་ས་ཀོ་ཊི་ས་ཧ་སྶཱ་ནཾ, ཏ་ཏི་ཡཱ་བྷི་ས་མ་ཡོ ཨ་ཧུ.
༧. ཏ་སྶཱ་པི དེ་ཝ་དེ་ཝ་སྶ, ཨེ་ཀོ ཨཱ་སི ས་མཱ་ག་མོ;
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, ས་ནྟ་ཙི་ཏྟཱ་ན ཏཱ་དི་ནཾ.
༨. ཏིཾ་ས་བྷི་ཀྑུ་ས་ཧ་སྶཱ་ནཾ, ཏ་དཱ ཨཱ་སི ས་མཱ་ག་མོ;
ཨོ་གྷཱ་ན་མ་ཏི་ཀྐ་ནྟཱ་ནཾ, བྷི་ཛྫི་ཏཱ་ན་ཉྩ མ་ཙྩུ་ཡཱ.
༩. ཨ་ཧཾ ཏེ་ན ས་མ་ཡེ་ན, པ་བྦ་ཏོ ནཱ་མ ཁ་ཏྟི་ཡོ;
མི་ཏྟཱ་མ་ཙྩེ་ཧི ས་མྤ་ནྣོ, ཨ་ན་ནྟ་བ་ལ་ཝཱ་ཧ་ནོ.
༡༠. ས་མྦུ་དྡྷ་ད་སྶ་ནཾ ག་ནྟྭཱ, སུ་ཏྭཱ དྷ་མྨ་མ་ནུ་ཏྟ་རཾ;
ནི་མ་ནྟེ་ཏྭཱ ས་ཛི་ན་ས་ངྒྷཾ, དཱ་ནཾ ད་ཏྭཱ ཡ་དི་ཙྪ་ཀཾ.
༡༡. པ་ཊྚུ་ཎྞཾ ཙཱི་ན་པ་ཊྚ་ཉྩ, ཀོ་སེ་ཡྻཾ ཀ་མྦ་ལ་མྤི ཙ;
སོ་ཝ་ཎྞ་པཱ་དུ་ཀ་ཉྩེ་ཝ, ཨ་དཱ་སིཾ ས་ཏྠུ་སཱ་ཝ་ཀེ.
༡༢. སོ་པི མཾ བུ་དྡྷོ བྱཱ་ཀཱ་སི, ས་ངྒྷ་མ་ཛ྄ཛྷེ ནི་སཱི་དི་ཡ;
‘‘ཨི་མ་མྷི བྷ་དྡ་ཀེ ཀ་པྤེ, ཨ་ཡཾ བུ་དྡྷོ བྷ་ཝི་སྶ་ཏི.
༡༣. ‘‘ཨ་ཧུ ཀ་པི་ལ་ཝ྄ཧ་ཡཱ ར་མྨཱ…པེ… ཧེ་སྶཱ་མ ས་མྨུ་ཁཱ ཨི་མཾ’’.
༡༤. ཏ་སྶཱ་པི ཝ་ཙ་ནཾ སུ་ཏྭཱ, བྷི་ཡྻོ ཙི་ཏྟཾ པ་སཱ་ད་ཡིཾ;
ཨུ་ཏྟ་རིཾ ཝ་ཏ་མ་དྷི་ཊྛཱ་སིཾ, ད་ས་པཱ་ར་མི་པཱུ་རི་ཡཱ.
༡༥. ས་བྦ་ཉྙུ་ཏཾ ག་ཝེ་ས་ནྟོ, དཱ་ནཾ ད་ཏྭཱ ན་རུ་ཏྟ་མེ;
ཨོ་ཧཱ་ཡཱ་ཧཾ མ་ཧཱ་ར་ཛྫཾ, པ་བྦ་ཛིཾ ཛི་ན་ས་ནྟི་ཀེ [ཏ་སྶ ས་ནྟི་ཀེ (སཱི.)].
༡༦. ན་ག་རཾ སོ་བྷ་ཝ་ཏཱི ནཱ་མ, སོ་བྷོ ནཱ་མཱ་སི ཁ་ཏྟི་ཡོ;
ཝ་ས་ཏེ ཏ་ཏྠ ན་ག་རེ, ས་མྦུ་དྡྷ་སྶ མ་ཧཱ་ཀུ་ལཾ.
༡༧. བྲཱ་ཧྨ་ཎོ ཡ་ཉྙ་ད་ཏྟོ ཙ, ཨཱ་སི བུ་དྡྷ་སྶ སོ པི་ཏཱ;
ཨུ་ཏྟ་རཱ ནཱ་མ ཛ་ནི་ཀཱ, ཀོ་ཎཱ་ག་མ་ན་སྶ ས་ཏྠུ་ནོ.
༡༨. ཏཱི་ཎི ཝ་སྶ་ས་ཧ་སྶཱ་ནི, ཨ་གཱ་རཾ ཨ་ཛ྄ཛྷ སོ ཝ་སི;
ཏུ་སི་ཏ་ས་ནྟུ་སི་ཏ་ས་ནྟུ་ཊྛཱ, ཏ་ཡོ པཱ་སཱ་ད་མུ་ཏྟ་མཱ.
༡༩. ཨ་ནཱུ་ན་སོ་ལ༹་ས་ས་ཧ་སྶཱ་ནི, ནཱ་རི་ཡོ ས་མ་ལ་ངྐ་ཏཱ;
རུ་ཙི་ག་ཏྟཱ ནཱ་མ ནཱ་རཱི, ས་ཏྠ་ཝཱ་ཧོ ནཱ་མ ཨ་ཏྲ་ཛོ.
༢༠. ནི་མི་ཏྟེ ཙ་ཏུ་རོ དི་སྭཱ, ཧ་ཏྠི་ཡཱ་ནེ་ན ནི་ཀྑ་མི;
ཚ་མཱ་སཾ པ་དྷཱ་ན་ཙཱ་རཾ, ཨ་ཙ་རཱི པུ་རི་སུ་ཏྟ་མོ.
༢༡. བྲ་ཧྨུ་ནཱ ཡཱ་ཙི་ཏོ ས་ནྟོ, ཀོ་ཎཱ་ག་མ་ན་ནཱ་ཡ་ཀོ;
ཝ་ཏྟི ཙ་ཀྐཾ མ་ཧཱ་ཝཱི་རོ, མི་ག་དཱ་ཡེ ན་རུ་ཏྟ་མོ.
༢༢. བྷི་ཡྻ་སོ ཨུ་ཏྟ་རོ ནཱ་མ, ཨ་ཧེ་སུཾ ཨ་གྒ་སཱ་ཝ་ཀཱ;
སོ་ཏྠི་ཛོ ནཱ་མུ་པ་ཊྛཱ་ཀོ, ཀོ་ཎཱ་ག་མ་ན་སྶ ས་ཏྠུ་ནོ.
༢༣. ས་མུ་དྡཱ ཨུ་ཏྟ་རཱ ཙེ་ཝ, ཨ་ཧེ་སུཾ ཨ་གྒ་སཱ་ཝི་ཀཱ;
བོ་དྷི ཏ་སྶ བྷ་ག་ཝ་ཏོ, ཨུ་དུ་མྦ་རོ་ཏི པ་ཝུ་ཙྩ་ཏི.
༢༤. ཨུ་གྒོ ཙ སོ་མ་དེ་ཝོ ཙ, ཨ་ཧེ་སུཾ ཨ་གྒུ་པ་ཊྛ་ཀཱ;
སཱི་ཝ་ལཱ ཙེ་ཝ སཱ་མཱ ཙ, ཨ་ཧེ་སུཾ ཨ་གྒུ་པ་ཊྛི་ཀཱ.
༢༥. ཨུ་ཙྩ་ཏྟ་ནེ་ན སོ བུ་དྡྷོ, ཏིཾ་ས་ཧ་ཏྠ་ས་མུ་གྒ་ཏོ;
ཨུ་ཀྐཱ་མུ་ཁེ ཡ་ཐཱ ཀ་མྦུ, ཨེ་ཝཾ རཾ་སཱི་ཧི མ་ཎྜི་ཏོ.
༢༦. ཏིཾ་ས་ཝ་སྶ་ས་ཧ་སྶཱ་ནི, ཨཱ་ཡུ བུ་དྡྷ་སྶ ཏཱ་ཝ་དེ;
ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.
༢༧. དྷ་མྨ་ཙེ་ཏིཾ ས་མུ་སྶེ་ཏྭཱ, དྷ་མྨ་དུ་སྶ་ཝི་བྷཱུ་སི་ཏཾ;
དྷ་མྨ་པུ་པྥ་གུ་ལ༹ཾ ཀ་ཏྭཱ, ནི་བྦུ་ཏོ སོ ས་སཱ་ཝ་ཀོ.
༢༨. མ་ཧཱ་ཝི་ལཱ་སོ ཏ་སྶ ཛ་ནོ, སི་རི་དྷ་མྨ་པྤ་ཀཱ་ས་ནོ;
ས་བྦཾ ཏ་མ་ནྟ་ར་ཧི་ཏཾ, ན་ནུ རི་ཏྟཱ ས་བྦ་ས་ངྑཱ་རཱ.
༢༩. ཀོ་ཎཱ་ག་མ་ནོ ས་མྦུ་དྡྷོ, པ་བྦ་ཏཱ་རཱ་མ་མྷི ནི་བྦུ་ཏོ;
དྷཱ་ཏུ་ཝི་ཏྠཱ་རི་ཀཾ ཨཱ་སི, ཏེ་སུ ཏེ་སུ པ་དེ་ས་ཏོ་ཏི.
ཀོ་ཎཱ་ག་མ་ན་སྶ བྷ་ག་ཝ་ཏོ ཝཾ་སོ ཏེ་ཝཱི་ས་ཏི་མོ.